ئه‌ڤرۆ نیوز:
پۆلیسێن هه‌ولێر، وێنێ 24 شه‌هیدێن ئاسایشێ به‌لاڤ دكه‌ت كو شڤێدى ژ ئه‌نجامێ هێرشه‌كا چه‌كدارێن داعش بۆ سه‌ر گوێر شه‌هید بووین.
داعش شڤێدى ژ 9ل ئالیان ڤه هێرش كریه سه‌ر گوێر و ده‌وروبه‌رێن وێ، د ئه‌نجامدا 24 ئاسایش شه‌هید بوون.
سه‌عید مه‌موزینى به‌رپرسێ راگه‌هاندنا لقێ مووسل یێ پارتى راگه‌هاند كو داعش 99 ته‌رمێن چه‌كدارێن خوه ڤه‌گه‌راندینه ناڤ مووسل و ته‌رمێ 8 چه‌كدارێن وان ل گوندێ سولتان عه‌بدولا بجه ماینه.
ئه‌ڤرۆ نیوز، بارزان سلێمان مزوورى
به‌رپرسێ لقا 9 یا ئاكرێ ل میحوه‌رێ ناوه‌ران ، سه‌ربه‌ست تروانشى ، بۆ ئه‌ڤرۆ نیوز دیار كر كۆ ل شه‌ڤا بورى چه‌كدارێن تیرورستێن داعش هه‌ر چ هێزێن خو هه‌نه ل ناڤ باژێرێ مووسل كوم ڤه‌كربوون و ره‌وانه‌ى ده‌رڤه‌ى باژێرى كربون ل سه‌ر هه‌مى میحوه‌را دابه‌شكربوون د به‌رنامه‌دابوو ل هه‌مى میحوه‌را هێرشێ بكه‌نه سه‌ر هێزێن پێشمه‌رگه‌ى و گۆت: هێزێن پێشمه‌رگه‌ى به‌روه‌خت هه‌ست ب پیلانا وان كربوو و حازریێن باش هات بونه‌كرن به‌رى پلانا خوه جێ به جێ بكه‌ن پلانا وان هاته تێك دان.
سه‌ربه‌ست تروانشى گۆت: ئه‌ڤرۆ سپێدێ هێزه‌كا وان ڤه‌لڤین كر بۆ باشوورێ خورسه‌بات و ل دوو باره‌گایێن خوه‌دا كوم بوون د ناڤبه‌را سه‌نگه‌رێ ناوه‌ران و باره‌گایێن وان گه‌له‌ك نێزیك بوون، پێشمه‌رگه‌ى ب چه‌كێن گران هه‌ردوو باره‌گایێن وان گوله‌باران كرن ئه‌وێن د هه‌ردوو باره‌گایان دا د كومبونێدا بون هه‌مى هاتن كوشتن ژماره‌كا زور بۆ د چه‌ند خوله‌كێن كێم دا سێ ترومبێل بله‌ز هاتن ته‌رمێن وان بۆ مووسل ڤه‌گوهاستن.
ناڤبرى ئاشكرا كر كۆ ره‌وشا وان گه‌له‌ك یا خراب بووى و ره‌وشا خه‌لكێ لبن ده‌ستهه‌لاتا وان ل ناڤ باژێرێ مووسل ژى گه‌له‌ك و گۆت: ب شێوه‌یه‌كێ باش پێشمه‌رگه‌ى چه‌كێ خوه به‌رهه‌ڤ كریه بۆ هه‌ر هێرشه‌كا داعش بكه‌ت به‌رى بهێن هێرشا وان تێك بده‌ت.
ناڤبرى زێده‌تر گوت : نوكه ترومبێلێن وان ب چه‌كێ گران دهێنه گوله باران كرن ل ناڤ گوندێ خورسه‌بات .
ئه‌ڤرۆ ، هه‌ژار مه‌عروف:
د یاریێن رۆژا دوێ دا ژ قاره‌مانیا ئاسیا یا ته‌پا پێ ئه‌وا نوكه هه‌ڤركیێن وێ ل وه‌لاتێ ئوسترالیا دهێنه‌كرن هه‌لبژارتیێن عه‌ره‌بان نه‌شیان سه‌ركه‌فتنێ توماربكه‌ن كو د یاریێن ئه‌ڤرۆ دا ژى دوو هه‌لبژارتیێن دى خوساره‌ت بوون.
د یاریێن كوما ئێكێ دا هه‌لبژارتیێ عومان توشى خوساره‌تیێ بوو لسه‌ر ده‌ستێ هه‌لبژارتیێ كوریا ژورى ب گوله‌كێ بێ به‌رامبه‌ر ب هه‌مان ئه‌نجام سعودى یه خوساره‌ت بوو ل گه‌ل چین د یاریێن كوما دوێ دا، د هه‌مان كوم دا هه‌لبژارتیێ ئوزباكستان ب سه‌ركه‌فت لسه‌ر هه‌لبژارتیێ كوریا ژێرى ب گوله‌كێ بێ به‌رامبه‌ر.
بریاره سوباهى به‌رده‌وامى ب یاریێن قاره‌مانیێ بهێنه‌كرن ده‌مژمێر 10:00 سپێدى ب ده‌مێ كوردستانێ ئیمارات ل گه‌ل قه‌ته‌ر بكه‌ت و ده‌مژمێر 12:00 ئیران به‌رامبه‌ر به‌حرێن كه‌ت.
سترانبێژا شوخ وشەنگ نازێ عەزیزی دیدارەکێ دا بۆ ئەڤرۆ نیۆز دیارکر کو نھو مژوولی کلیپەکێ یە بناڤێ (کوردستانا ھەژار) کوژپەیڤێن ھوزانڤان (رەش ئەحمەدی ) نە ل ڤان نێزیکان دێ ھێتە کلیپ کرن.
ھەروەسا گۆت: ئەڤ کلیپە دێ ل کەمپێن کوردستانێ ھێتە کلیپ کرن چونکو چەند جاران من سەرەدانا کەمپان کردلێ من گەلەک ب وان سوت کو ھەموو ب ھەژاری دژین. گۆتژی: حەزژچاڤ لێ کرنێ ناکەم دچێکرنا کلیپان دا وەک ھندەک سترانبێژان کوچاڤلێکرنێ دکەن من حەزژڤێ چەندێ نەکر.
ئه‌ڤرۆ نيوز:
ئه‌كته‌را ئيرانى ئه‌وا پشكدارى د فلمێ ده‌ركه‌فتنا خودێ و مه‌لايكه‌تان دا كرى، راگه‌هاند كو ئه‌و وێنێن وى د كۆڤارا فره‌نسى دا به‌لاڤ كرين يێن ئێكێ بوون ژ وى جۆرى.
گولشوفته فراهاتى به‌رى نوكه وێنه‌كێ خوه يێ رووت ل سه‌ر تۆرا جڤاكيا فه‌يسبۆكى به‌لاڤ كربوو ل سالا 2012 و ديسا هنده‌ك ديمه‌نێن ڤيديۆيى يێن گه‌رم ژ فلمێ فره‌نسى ژ ئه‌گه‌رێن سياسى.
گولشوفته ئه‌وا 28 سالى و خودان جه‌ماوه‌ره‌كێ ئێكجار زۆر ل ئيرانێ پشكداريێ د هنده‌ك فلمێن ئيرانى ژى دا دكه‌ت.
گولشوفته فراهانى ب فلمێ خوه يێ دارا هرميكێ ژى دهێته نياسين ئه‌وێ ل سالا 1997 ژ لايێ داريۆش مهه‌رجويى ڤه هاتيه ده‌رهێنان و ل ده‌ما 14 ساليێ ژى ناسناڤێ باشترين ئه‌كته‌ر ل سه‌ر ئاستێ سێ كيشوه‌ران ب ده‌ستخوه‌ڤه ئينابوو ل فيستڤالا نانت ل فره‌نسا.
ئه‌ڤرۆ نيوز:
فرۆكخانا نێڤده‌وله‌تى يا سلێمانيێ ژ به‌ر خرابيا ره‌وشا سه‌قايى، كو مه‌ودايێ ديتنێ يێن كێمه، هاتنوچوونا كه‌شتنێ فرۆكخانێ راوه‌ستاند.
د ڤێ ده‌ربارێ دا، تاهر عه‌بدولا، رێڤه‌به‌رێ فرۆكخانا نێڤده‌وله‌تى يا سلێمانيێ بۆ خه‌لك راگه‌هاند، ژ ده‌مژمێر 6ى سپێده‌هيا ئه‌ڤرۆ گه‌شتێن فرۆكخانێ ژ به‌ر خرابيا سه‌قايى هاتينه راوه‌ستاندن و مه‌ره‌م ژى پێ سلامه‌تيا وه‌لاتيانه”.
گۆتژى: “نوكه تيمێن مه مژوولى پاقژكرنا جهێ راوه‌ستيانا فرۆكانه كو به‌فره‌كا زۆر كه‌فتيه سه‌ر”.
ئاماژه ب وێ چه‌ندێ ژى كر كو نوكه كێشه ل سه‌ر ئه‌ردى نه‌مايه، به‌لكو مه‌ودايێ ديتنێ گه‌له‌ك يێ كێم بوويى و گۆت: “هه‌رده‌ما سه‌قا خوه‌ش بوو، دێ ده‌ست ب كه‌شتێن خوه كه‌ينه‌ڤه”.
فەرماندێ میحوەرێ شنگالێ یێ ھێزێن پێشمەرگەی دیارکر، ھژمارەک چەکدارێن داعش خوە رادەستی ھێزێن پێشمەرگەی کریە بێی ھژمارا وان چەکداران ئەشکرە بکەت.
عەمید بەھرام عەریف یاسین، فەرماندێ میحوەرێ شنگالێ ب ئەڤرۆ نیۆز راگەھاند، کو ھژمارەک چەکدارێن داعش ل کۆمەلگەھا خانەسۆر یا سەرب قەزا شنگالێ خوە رادەستی ھێزێن پێشمەرگەی کریە و بەری نوکە ھندەک ژوان داخوازکریبوون ژلایێ ھێزێن پێشمەرگەی.
عەمید بەھرام گۆتژی” پێشمەرگەی بەرھەڤیێن تەمامکرینە بۆ ئەگەرێ ھەر ئێرشەکا تیرۆرستێن داعش و شەڤا بۆری ھەتا نوکە چو ئێرش نەھاتینە ئەنجامدان، بەلێ بەردەوام داعش بزاڤێن ئێرشان دکەت بۆسەر چەپەرێن پێشمەرگەی.
ده‌مێ دانانا پاسوردی و ژبێكرنا وێ پێدڤی ناكه‌ت كومپیوته‌رێ خو فورمات بكه‌ی به‌لكو چه‌ند رێكه‌ك هه‌نه بو چاره‌كرنا ژبیركرنا پاسوردی بو سیسته‌مێ ویندوز هه‌شت.
ڤبی ئاوایی پشت گرێدان ب فه‌رمانێ dos ب رێكا command prompt دبیت و دڤێ رێكێ مه بتنێ پێدڤی ب سیدیێ ویندوزێ هه‌شت هه‌بیت .
ده‌ستپێكێ سیدیێ ویندوزی كه‌ینه ناڤ كومپیوته‌ری و رێستاركه‌ین و پاشی داخاز دێ ژ ته هیته‌كرن بچیه ناڤ سیدی ده‌ست ل ئێك ژ دكمه‌یێن كیبوردی دانه .
چونا ناڤ سیدی كلیك ل سه‌ر next بكه و پاشی repair your windows هه‌لبژێره شاشه‌یه‌كا شین دێ ڤه‌بیت و دناڤ وێ دا troubleshoot هه‌لبژێره و پاشی advances هه‌لبژێره و كلیكێ ل سه‌ر command prompt بكه و دوێرێ دا بوكسه‌كا فه‌رمانان بو مه ڤه‌بیت .
ل بوكسا دوسێ دا نڤیسین C یان D ل كومپیوته‌ره‌كی بو ئێكێ دی دئێته گوهارتن پاشی چونه ناڤ فولده‌رێ system 32 نڤیسین: cd windows/system32 پشتی درێكا فه‌رمانا ren دێ ژ دوسه‌یێ ده‌ركه‌ڤین و كلیكێ ل سه‌ر continuo تا بچنه ناڤ ویندوزی دڤێرێ دا ئه‌گه‌ر داخاز هاته‌كرن كلیكه‌كێ بكه‌ین بو ناڤ سیدی لێ ناده‌ین.
ویندوز ڤه دبیت دێ كلیكێ ل سه‌ر ئه‌وێ ئایكونا ل خوارێ ل لایێ چه‌پێ یێ شاشێ جاره‌كا دوس دێ ئیته‌ڤه‌كرن.
دڤێرێ دا فه‌رمانا *net user username نڤیسین (په‌یڤا یوزه‌رنێم ب وی ناڤێ ته دانای) پاشی دێ داخاز ژ ته هێته‌كرن پاسوه‌ردی بنڤیسی، ئه‌ڤه ژی ب وی پاسوه‌ردی دێ چیه ناڤ ویندوزی و پاسوه‌ردی بنڤیسه ئه‌نته‌رێ لێبده پاشی جاره‌كا دی ژی دوباره‌كه‌ی هه‌ر ل وێ رێ دا دبێژته ته كاری ته ب سه‌ركه‌فتی دوماهیك هات، بڤی شێوه‌یی دشیێ پاسوه‌ردێ نو یوزه‌رنێمێ خو دا بنی.
ل گور داخویانیه‌كی YPG د 24 ده‌مژمێرێن بووری دا وان كاریه 7 چه‌كدارێن داعش بكوژن و ترۆمبێله‌كا له‌شكری ژی ژ كار بێخه‌ن ل كوبانێ و جزیرێ.
شه‌رێ ل كوبانێ كو ئه‌ڤرۆ دكه‌ڤیته رۆژا خوه یا 117 د ناڤبه‌را هێزێن كوردا و هه‌ڤكارییا پێشمه‌رگه ل دژی چه‌كدارێن داعش، كو هه‌تا نها هێزێن كوردی شیانه پرانیا ده‌ڤه‌رێن كوبانێ كونترول بكه‌ن.
هه‌ر وه‌سا دوهی هێزێن كوردی كارینه د هێرشه‌كه سه‌ركه‌فتی دا ده‌ڤه‌را(مه‌كته‌با ره‌ش) یا كو دكه‌ڤیته به‌ره‌یا رۆژهه‌لاتی كوبانێ دا كونترول بكه‌ن و د ئه‌نجام دا دو چه‌كدارێن داعش هاتنه كوشتن.
ئه‌ڤرۆ نيوز:
رێڤه‌به‌ريا گشتيا كه‌شناسيێ ل هه‌رێما كوردستانێ راگه‌هاند كو سوبه‌هى ئه‌سمانێ دهۆكێ دێ بيته ساهى ل گه‌ل هنده‌ك ئه‌ورێن كێم.
پشكا پێشبينيان ل رێڤه‌به‌ريا گشتيا كه‌شنايا هه‌رێمێ راگه‌هاند كو ژ ئه‌نجامێ كارتێكرنا فشارێن نزمێن ده‌ريا ناڤه‌راست ل وه‌لاتێ توركيا بۆ سه‌ر هه‌رێما كوردستانێ ئه‌و پێشبينى دكه‌ن كو سوبه‌هى رۆژا ئێكشه‌مبى رێكه‌فتى 11\1\2015 ئه‌سمانێ دهۆكێ ب ته‌مامى بيته ساهى و هنده‌ك جاران دێ ئه‌ورێن كێم په‌يدا بن.
رێڤه‌به‌ريا گشتيا كه‌شناسيێ ل هه‌رێما كوردستانێ ئاشكه‌را ژى كريه كو پلا گه‌رماتيێ ژى يا بلند دێ پيچه‌ك بلند بيت هه‌ڤبه‌ركى ل گه‌ل رۆژێن به‌رى نوكه بيت ب ره‌نگه‌كى د ناڤبه‌را 7 بۆ -1 پلان دا.
ل دۆر پێشبينيا رێژا هه‌وايى و مه‌ودايێ ديتنێ ژى دايه زانين كو دێ ئاراسته‌يێ وى دێ باكورێ رۆژهه‌لات و باكورى رۆژئاڤا بيت ب ره‌نگه‌كى دێ يێ ل سه‌ر خوه بيت د ناڤبه‌را 5 بۆ 10 كلم د ده‌مژمێره‌كێ ماوێ ديتنێ ژى دێ 10 كلم بيت.
نيشاندان