ئه‌ڤرۆ نيوز:
رێڤه‌به‌ريا گشتيا كه‌شناسيێ ل هه‌رێما كوردستانێ راگه‌هاند كو ژ ئه‌نجامێ به‌رده‌واميا فشارێن ده‌ريا ناڤه‌راست ل وه‌لاتێ توركيا و هاتنا وى پارسته هه‌وايێ گه‌له‌ك سار ژ ده‌ريا ناڤه‌راست ل چه‌ند ده‌ڤه‌رێن هه‌رێما كوردستانێ به‌فر بارى.
ب گۆه‌ره‌يى نڤيسارا رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ هه‌تا شڤێدى ده‌مژمێر 9 ى شه‌ڤ، 1.5 سم به‌فر ل ناڤ سه‌نته‌رێ باژێرێ دهۆكێ باريه.
ئه‌ڤرۆ نيوز:
رێڤه‌به‌ريا گشتيا كه‌شناسيێ ل هه‌رێما كوردستانێ راگه‌هاند كو سوبه‌هى ئه‌سمانێ دهۆكێ دێ ب ته‌مامى ئه‌ور بيت ل گه‌ل بارينا به‌فر و بارانان ل ده‌ڤه‌رێن جودا يێن پارێزگه‌هێ.
پشكا پێشبينيان ل رێڤه‌به‌ريا گشتيا كه‌شنايا هه‌رێمێ راگه‌هاند كو ژ ئه‌نجامێ كارتێكرنا فشارێن نزمێن ده‌ريا ناڤه‌راست ل وه‌لاتێ توركيا بۆ سه‌ر هه‌رێما كوردستانێ ئه‌و پێشبينى دكه‌ن كو سوبه‌هى رۆژا شه‌مبى رێكه‌فتى 10\1\2015 ئه‌سمانێ دهۆكێ ب ته‌مامى ئه‌ور بيت ل گه‌ل بارينا بارانا هوير و به‌فر ژى دێ ل ده‌ڤه‌رێن چيايى باريت.
رێڤه‌به‌ريا گشتيا كه‌شناسيێ ل هه‌رێما كوردستانێ ئاشكه‌را ژى كريه كو پلا گه‌رماتيێ ژى دێ ئێك هه‌تا دو پلان نزمتر بيت ژ رۆژێن به‌رى نوكه بيت ب ره‌نگه‌كى د ناڤبه‌را 5 بۆ -2 پلان دا.
ل دۆر پێشبينيا رێژا هه‌وايى و مه‌ودايێ ديتنێ ژى دايه زانين كو دێ ئاراسته‌يێ وى دێ باكورێ رۆژهه‌لات و باكورى رۆژئاڤا بيت ب ره‌نگه‌كى دێ يێ ناڤه‌ندى بيت د ناڤبه‌را 20 بۆ 30 كلم د ده‌مژمێره‌كێ ماوێ ديتنێ ژى دێ 7 كلم بيت.
ئاکرێ، نەوزاد زادە ھلۆری:
شڤێدی ل دەمژمێر ٧:٣٠ د روودانەکا ترافیکێ دا ل قەزا ئاکرێ سێ کەس بریندار بوون.
رێکەفت زاھێر بەرپرسێ راگەیاندنا ھاتنوچوونا ئاکرێ بۆ ئەڤرۆ نیوز گۆت: “شڤێدی ل سەنتەرێ قەزا ئاکرێ نێزیکێ گومرکا ئاکرێ دو ترومبێلێن ژ جورێ تویوتا پیکاب رەنگێ سپی تایبەت و ئوپل ڤیکترا رەنگێ رەش تایبەت روودا و د ئەنجام دا سێ کەس برینداربوون”.
زێدەتر گۆت: “بریندارێن روودانێ ژ بۆ نەخوشخانەیا تەنگاڤیا ل ئاکرێ ھاتنه رەوانەکرن و رەوشا وان نھا باشە”.
ئه‌ڤرۆ نيوز:
رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ راگه‌هاند كو ژ ئه‌نجامێ هاتنا فشارێن نزمێن ده‌ريا ناڤه‌راست ژ وه‌لاتێ توركيا بۆ سه‌ر هه‌رێما كوردستانێ ل چه‌ندين ده‌ڤه‌رێن جودا رێژێن باران بارينێ هاتينه تۆماركرن و ب ڤى ره‌نگێ ل خوارێ:
رێڤەبەرێ شوونوارێن پارێزگەھا دھۆکێ بۆ ئەڤرۆ نیوز دیارکر کو سالا 2014 ل سەرانسەرێ پارێزگەھا دھۆکێ 300 پارچێن نوو يێن شوونواری ھاتینە دیتن، ھەموو ئەڤ پارچێن شوونوارى ژى ل سەر موزەخانەیا دھۆک یا نشتیمانیی ھاتینە زێدەکرن.
د. حەسەن ئەحمەد قاسم رێڤەبەرێ شوونوارێن پارێزگەھا دھۆکێ گۆتژی: “پرۆژی چێکرنا موزەخانا دھۆک ژ بەر قەیرانا دارایی ھاتە راوەستاندن، ئەم داخوازێ دکەين ئەڤ سالە دەست ب چێکرنا موزەخانا دھۆک بھێتە کرن، چونکو ل دووڤ ستاندەرتێن جیھانی موزەخانەکا مۆدرێنە، دێ ھەموو شوونوارێن دھۆک تێدا ھێنە پاراستن”.
ناڤبری ئەو ژی خۆیا کر کو ھەموو شوونوار پێدڤی ب سەخبێریەکا بەردەوامن و گۆت: “ئەم داخوازێ دکەين سالانە کوژمەکێ باش يێ پارەیی بۆ سەخبێریا شوونواران بھێتە تەرخانکرن کو ھەتا نوکە زێدەتر ژ 1500 پارچێن شوونوارى د موزەخانا دھۆک یا نشتیمانیی دا د پاراستینە، لێ ھندەک شوونوار وەکو پرا دەلال و قشلا ئاکرێ و خواندنگەھا قۆباد ل ئامێديێ و گەلەک جھێن دى يێن شوونواری پیدڤی ب سەخبیریا بەردەوامن”.
لدووڤ دەنگ و باسێن رێڤەبەریا حەج و عومرێ ل پارێزگەھا دھۆکێ کو ب دەست مالپەرێ ئەڤرۆ نیۆز کەفتینە چوونا عومرێ سال بۆ سالێ بەر ب کێمبوونێ دچیت و بەر ورد ل گەل سالێن بوری و رێڤەبەریا ناڤبری ڤێ چەندێ بۆ کاودانێن ژیانێ کوردستانێ و تایبەت دھۆکێ دزڤریت.
شێخ شەمسەدین تاھر رێڤەبەرێ حەج و عومرێ ل پارێزگەھا دھۆکێ بۆ مالپەرێ ئەڤرۆ نیۆز گۆت: ژبەر کاودان ل سالا 2014 ل پارێزگەھا دھۆکێ ھەتا شه‌ش ھزار کەسان چووینە عومرێ و سالا 2013 ھەتا ھەتا هه‌شت ھزار کەسان چووبووینە، دیسان ل سالا 2012 ھەتا 9 ھزار کەسان چوو بووینە و ئەڤە سال بۆ سالێ کێمتر بوویە، ئاشکراکر کو پێشبینی دکەت ئەڤ سالە ھێشتا کێمتر ژی بیت
شەمسەدین تاھر ھێشتا ژی گۆت:ل سالا 2014 چوونا عومرێ ژبەر کاودانان کێمبوویە و ھەتا شه‌ش ھزار کەسان ب رێکا هه‌شت نڤسینگەھان سەرانسەری پارێَزگەھێ و ھەموو ب رێکا فروکخانا ھەولێرێ چووینە وەلاتێ سعودیێ.
ناڤبری گۆت: پتریا وەلاتیان دڤێت د بھێنڤەدانان دا بچنە عومرێ چونکە مامۆستانە و ھندەک قوتابی نە و ھەنە ترانسێت دچنە ھەولێر قاھیرە و ھەولێر عومان، خوەیارکر ژی کو ھەیڤا رەمەزانێ چوونا عومرێ کێمتر لێ دھێت چونکە گرانترە و دیسا گەلەک خەلک دچیت و گەلەک قەرەبالغە و کەسانێن دانعەمر کێم دچن.
ئه‌ڤرۆ نیوز:
سه‌رۆك كومارێ فره‌نسا فرانسوا هولاند رۆژا پێنجشه‌مبى راگه‌هاند وه‌لاتى وى بۆ ماوێ سێ روژان پرسا سه‌رانسه‌رى راگه‌هاند و گۆت: بۆ ماوێ سێ روژان ئالایێ فره‌نسا ب مه‌ره‌ما پرسا سه‌رانسه‌رى دێ ئینینه خوار.
هولاند دیاركر كو كریارێن تیرورستان چ جاران كارتێكرنێ ناكه‌ته سه‌ر ئێكرێزیا گه‌لێ فره‌نسا.
رۆا چوارشه‌مبیا چوویى، سێ كه‌سان كو سه‌روچاڤێن وان د پێچیابووین، هێرش كرنه سه‌ر باره‌گایێ كوڤاره‌كا فه‌ره‌نسى و د ئه‌نجامدا 12 كه‌س كوشتن.
ئه‌ڤرۆ نیوز، بارزان مزوورى
به‌رپرسێ لقێ 14 ل مووسل عسمه‌ت ره‌جه‌ب بۆ ئه‌ڤرۆ نیوز راگه‌هاند كو ئێڤاریا ئه‌ڤرۆ به‌رپرسێ مه‌لایێن ناڤ رێكخراوا داعش ب ناڤێ ئه‌بو سه‌عد ئه‌نسارى ل گه‌ل هه‌موو گوتاربێژێن مزگه‌فتێن ناڤ باژێرێ مووسل كومبوویه و ئاگه‌هداركرینه كو ل رۆژا ئه‌ینى، ل ده‌مێ خواندنا گوتارێ دا، ل سه‌ر هندێ بیت كو خه‌لكێ مووسل رابیته سه‌ر خو و دژى پێشمه‌رگه‌ى شه‌رى بكه‌ت وجیهاده یێ شه‌رى ل گه‌ل پێشمه‌رگه‌ى بكه‌ت.
ئه‌ڤرۆ نیۆز، هه‌رهین محه‌مه‌د:
سترانبێژ سالح عه‌بدولواحد ، د یداره‌كێ دا بۆ ئه‌ڤرۆ نیوز دیاركر كو نهو ئه‌و مژوولى كلیپه‌كێ یه بناڤێ (كوبانێ)كو ژپه‌یڤ وئاوازێن كاوه زێوه‌ى نه و ئه‌ڤ كلیپه هاتیه توماركرن ب سیسته‌مه‌كێ نوو و ب شێوه‌كێ خه‌مگین.
هه‌روه‌سا گۆت: ئه‌ڤ كلیپه یا جودایه دگه‌ل كلیپێن هونه‌رمه‌ندێن دى ژلایێ په‌یڤ و ئاوازاڤه و ل ڤان نێزیكان دێ هێته كلیپ كرن.
ئه‌ڤرۆ نیوز:
ژ ئه‌گه‌رێ تانه‌دانا یانا ریال مه‌درید ب پشكداریا فیرناندو توریس یاریكه‌رێ یانا ئه‌تله‌تیكو مه‌درید د دێربیا شه‌فا چویى دا، ره‌نگه ئه‌نجامێ یاریێ ژ سه‌ركه‌فتنێ بهێته گوهۆرین ب شكه‌ستنێ بۆ ئه‌تله‌تیكو.
رۆژناما ئاس یا ئیسپانى به‌لاڤكریه كو تورێس ب تنێ موله‌تا ده‌سته‌یا یانێن ئسپانیا هه‌بوویه، له‌وما پشتى یاریێ د راپۆرتا دادوه‌ریێ دا ئاماژه ب نه‌بوونا چو به‌لگه‌نامه‌كا فه‌رمى یا تورێس كریه ژ ئالیێ ئێكه‌تیا ته‌پا پێ یا ئسپانى.
ل گۆر رۆژناما ئاس ئه‌گه‌ر به‌لگه بهێنه سه‌لماندن، دێ ئه‌نجامێ یاریێ ب شكه‌ستنا ئه‌تله‌تیكو 3-0 هێته هژمارتن و ریال بیته سه‌ركه‌فتیا یاریێ.
نيشاندان