ئه‌ڤرۆ نيوز:
رۆژناما (فۆكس نیوز) یا ئه‌مریكی، د راپۆرته‌كا خوه‌دا ئاماژێ ب به‌رخوه‌دان و ئازایه‌تیا هێزێن پێشمه‌رگێ كوردستانێ دكه‌ت كو ل به‌ره‌یێن شه‌ڕى دژى تیرۆرستێن داعشێ سه‌ركه‌فتن بده‌ستڤه‌ئینایه و دبێژیت ژى، د به‌رژه‌وه‌ندیا ئاسایشا ئه‌مریكا دایه چه‌كێ پێشكه‌فتى بده‌ته پێشمه‌رگه‌ى و پێشمه‌رگه ژى ب هه‌ژى دیتیه بۆ پرچه‌ككرنێ.
ئه‌ڤرۆنیۆز، ڤه‌گێر:
عه‌مید به‌هرام یاسین بۆ ئه‌ڤرۆنیۆز دیار كر كو ئه‌ڤ شه‌ڤه ل ده‌مژمێر 7:50 ده‌قیقه داعش ژلایێ رۆژئاڤایێ شنگالێ ڤه هێرش كره سه‌ر هێزا پێشمه‌رگا، به‌لێ پێشمه‌رگا به‌رسڤا وان و هێرشا وان شكاند.
عه‌مید به‌هرام ئاماژه ب وێ یه‌كێ دا كو ژ ئه‌نجامێ وێ هێرشێ چو زیان نه‌گه‌هشتینه پێشمه‌رگه‌ى.
هه‌ر ل دور ڤى بابه‌تى په‌رله‌مانتارێ خولا به‌رێ یێ په‌رله‌مانێ عیراقێ مه‌حما خه‌لیل گۆت: (داعش شیانێن هێرشا نه‌ماینه و نوكه پێشمه‌رگه د بزاڤا وێ چه‌ندێ دایه كو رێیا سوریێ ژ داعش بگریت، كو رێیه‌كا ستراتیجی یه بۆ بازرگانیا داعش).
ئه‌ڤرۆ نیوز، بارزان سلێمان مزوورى
به‌رپرسێ لقا 14 یا مووسل ، عصمت ره‌جه‌ب، بۆ ئه‌ڤرۆ نیوز دیار كر كۆ چه‌كدارێن تیرورستێن داعش چار وه‌لاتیێن ناڤ سه‌نته‌رێ مووسل ل پێش چاڤێن خه‌لكى دناڤ بازاریدا سێداره‌دان.
سه‌باره‌ت به‌لاڤبوونا نه‌خوشیا ئیبولا، ناڤبرى دیاركر كۆ چه‌كدارێن تیرورستێن داعش ئه‌وێ نه‌خوشیا ئیبولا ئینایه مووسل یێ سوتى ژبه‌ر نه‌بونا چاره‌سه‌ریا وى داكو نه‌خوشى به‌لاڤ نه‌بیت .
ئه‌ڤرۆ نیوز، زه‌رى نه‌وزاد
پشتى 40 سالان ژ مرنا وێ خارزایێ ام كلثوم نهێنیه‌كێ ئاشكرا دكه‌ت و بو روژناما بوابه نیوز ئاشكرا كریه كو خاله‌تا وى هاتیه كوشتن نه‌كو ژ ئه‌گه‌رێ هه‌وكرنا كولچیسكان گیانێ خوه ژ ده‌ست دایه وه‌ك یا هاتیه به‌لاڤكرن و به‌لگه ژى بو هندێ ڤه‌گه‌راندیه كو به‌رى مرنا وێ ب سێ روژان خه‌به‌رێ مرنا وێ به‌لاڤبویه .
عه‌دلى سه‌میر خارزایێ هونه‌رمه‌ندا بناڤوده‌نگا مسرى ام كلثوم دیار دكه‌ت كو ل وه‌لاتێ وى چ گرنگى ب خاله‌تا وى نه‌هاتیه دان ل ده‌مه‌كى كو ل ئسرائیلێ گه‌ره‌كه‌ك ب ناڤێ وێ ناڤكریه، دیسان گرنگى ب مالا وێ نه‌هاتیه دان و نه‌كریه موزه‌خانه‌كا كلتورى ل ده‌مه‌كى كو روژانه گه‌شتیار و به‌رپرسێن وه‌لاتێن بیانى قه‌ستا مالا وێ دكه‌ن .
ئه‌ڤرۆ نیوز، ناجی به‌ده‌ل:
كومپانیا سامسونگ راگه‌هاند كو ل ده‌مه‌كێ نێزیك به‌رهه‌مه‌كێ نوو ژ به‌رهه‌مێ كومپانیێ ئه‌و ژی لاپتوپه كه و تا نها وه‌ك وێ نه‌هاتینه درۆستكرن .
لاپتوپێ نوویێ سامسونگێ ناڤێ وێ ( ATIV BOOK 9 Ultrabook) یه ستوراتیا وێ 1.14 سانتیمه‌تره و گرانیا وێ 948 گرامه.
پرۆسیسه‌رێ ئه‌وی لاپتوپی ژ جورێ (core m) كو تایبه‌ت بو ئه‌وی جورێ لاپتوپی هاتیه درۆستكرن و شاشه‌یا وێ ب (uhd) ئانكو 1440*2560 پیكسله و قه‌باره‌یا وێ 12.2 ئینجه و هاردێ وێژی 256 گێگایه و رام ژی 8 گێگایه .
هه‌روه‌سا كومپانیا ناڤبری ئه‌و چه‌نده ژی دیاركر كو پاتریا ئه‌وی لاپتوپی 10 ده‌مژمێران به‌رده‌وام دبیت بو كاركرنێ و ل دووماهیكا ئه‌ڤێ سالێ كه‌ڤیته بازاری و ب نرخێ 1200 دولاران.
ئه‌ڤرۆ نیوز، مه‌سعود خه‌له‌ف
ھەڤسەرۆکێ گشتی یێ HDP سه‌لاحه‌دین دەمیرتاش د کۆنگرەیا پارتیا خوەیا باژارێ وانێ دە گۆت “ئەمێ ب ھێسانی مه‌رجێ 10% دەرباز بکه‌ین. گوھ نەدن وان کەسێن کو دخوازن مە د بن بەندا ھلبژارتنێ دا بھێلن. ئارمانجا مە؛ نە دەرباسکرنا بەندا ژ سەدی 10%، ئارمانجا مە دەرباسکرنا ژ 15% یه”
دەمیرتاش د کۆنگرەیا پارتیا خوەیا باژارێ وانێ دە گۆت، مەبەستا مە برێڤەبرنا ترکیێه.
ھەڤسەرۆکێ گشتی یێ HDP سه‌لاحه‌دین دەمیرتاش دا زانین ژی و گۆت “ده‌ما ئەم ببه‌نه دەستھلاتدار دڤێ کەس نەترسە، ژ بەر کو ئەمێ وان ژی بکن ده‌سهه‌لاتدار. ژ بەر کو دەما ئەم ببه‌ن دەستھلاتدار ب تەنێ کورد نابن دەستھلاتدار؛ ترک، ئه‌رمه‌ن ، ئازەری ، ئەرەب، و هه‌ر كه‌ش ژی دێ بێژە، ئەز ژی دڤێ دەستھلاتداریێ دا ھەمە.”
ئه‌ڤرۆ نیوز:
ئه‌ڤرۆ نێچیرڤان بارزانى سه‌رۆكێ حكومه‌تا هه‌رێما كوردستانێ، سه‌را میحوه‌رێ رۆژئاڤا دیجله ل ده‌ڤه‌را سحێلا و سنوورێ زوومار دا و ل گه‌ل فه‌رمانده و به ر‌پرسێن سه‌ربازى یێن میحوه‌رى به‌حسێ پێدڤیێن پێشمه‌رگه‌ى ل به‌ره‌یێن شه‌رى كر و بڕیار دا كێشا نه‌بوونا كاره‌بێ ل زوومار بهێته چاره‌كرن و جاره‌كادى خزمه‌تگوزاریێن گشتى بۆ زوومار بهێنه پێشكێشكرن.
پاشان د سه‌ره‌دانا خوه‌دا بۆ ناڤه‌ندا سه‌نته‌رێ زوومار، نێچیرڤان بارزانى سه‌را باره‌گایێ زوومار یێ پارتى و كومیتا زوومار یا ئێكه‌تیێ كر كو ب تنێ ئه‌ڤ دو باره‌گایه پشتى رزگاركرنا زوومار ڤه‌گه‌ریاینه، بارزانى گۆت” دڤێت كێشا نه‌بوونا كاره‌بێ بهێته چاره‌كرن و جاره‌كادى خزمه‌تگوزاریێن گشتى بۆ زوومار بهێنه پێشكێشكرن”
ئه‌ڤرۆ نیوز، مه‌سعود خه‌له‌ف
ل وەلاتێن ئورۆپا د ڤان رۆژێن داوی دا نژادپەرستی زێدە بوویە. ئێك ژ وان وەلاتان ژی ئەلمانیایە کو ٣ ملیۆن وەلاتیێن تورک لێ دژین ل گه‌ل گه‌له‌ك وه‌لاتیێن ژ نه‌ته‌وه‌یێن جودا جودا یێن موسلمان.
ل ئەلمانیا کو خانی و مزگەفت دھاتن شەوتاندن، ڤێ جارێ ژی نژادپەرستان ئێریش برنه سەر قوتابخانان.
ل نێزیكى باژارێ Dormagen ل ھاجکەنبرۆچێ ل سەر دیوارێن قوتابخانا سەرەتایی یا بناڤێ Burg و قوتابخانا دواناڤنجی یا بناڤێ AM Laybnîz نڤیسێن نژادپەرەستی ھاتن نڤیسین.
د نڤیسان دا ده‌ڤ هاڤێتن ترکان و ژ بۆ وان گۆتنێن نه‌خوه‌ش هاتنه نڤیسین ل دور ڤان بوویه‌ران پۆلیسان ده‌ست ب لێكولینانكریه.
ھەروھا ل سەر دیوارێن مزگەفتا کو هێشتا د قوناخا ئاڤاكرنێ دا بوو ل Dormagenê نڤیسێن نژادپەرەستی ھاتبوون نڤیسین.
هه‌ژی گۆتنێ یه كو بوویه‌رێن ب ڤی ره‌نگی ژ ده‌ما ده‌ركه‌تنا داعش ل رۆژهه‌لاتا ناڤین د زێده‌بووینه و به‌ری نها لایه‌نگرێن داعش ژی خوه‌نیشاندانك د پایته‌ختا ئه‌لمانیا دا دروستكربوون.
ئه‌ڤرۆ، هه‌ژار مه‌عروف:
به‌رى ده‌مه‌كێ كورت تیما ته‌پا پێ یا ئامه‌د سپور شیا پاشكه‌فتنا خوه بكه‌ته پێشكه‌فتن و شیا سه‌ركه‌فتنه‌كا گرنگ و ب زه‌حمه‌ت لسه‌ر یانا ئه‌نقه‌ره خوجو توماربكه‌ت ب سێ گولان به‌رامبه‌ر دو گولان د چارچوڤێ یاریه‌كا پاشخستى دا ژ خولا پلا دو یا توركیا.
دڤێ یاریێ تیما ئامه‌د ل دقیقا 50 گولا ئێكێ توماركر بوو لێ تیما مێڤان یانا ئه‌نقه‌ره خوجو ب دو گولان ل دهقیقهیێن 56-87 پێشكه‌ڤت بوو، لێ ئه‌وان گه‌له‌ك كه‌یف ب هه‌ردو گولێن خوه نه‌برن و تیما ئامه‌د شیا هه‌ر زیكا به‌رسڤا وان ب ده‌ت ب دوو گولان ئه‌وژى ل دهقیقهیێن 88- 90 و تیما ئامه‌د ب ڤێ سه‌ركه‌فتێ ره‌وشا خوه باشتر لێ كر و هیڤیێن خوه ڤه‌گه‌راندنه ڤه بۆ هه‌ڤركى لسه‌ر ئێك ژ پلێتێن ده‌ربازبوونێ بۆ قوناغا پله ئوڤ.
ئه‌ڤرۆ، هه‌ژار مه‌عروف:
تیما ته‌پا پێ یا جزیره سپور یا به‌رده‌وامه لسه‌ر ئه‌نجامێن خوه یێن باش سه‌ره‌راى وێ بریارا ئێكه‌تیا ته‌پا پێ یا توركى دژى وێ ده‌رێخستى كو سێ یاریان بێ جه‌ماوه‌ر یاریێن خوه ل یاریگه‌ها خوه د كوپا توركیا دا بكه‌ت، لێ ئه‌ڤ چه‌نده نه‌بوو رێگر د رێكا سه‌ركه‌فتنێن یانه‌یا باژێرێ جزیرا بوتان دا.
ل دووماهى یاریا خوه دا ژ چارچوڤێ یاریێن گه‌را چارێ ژ كوپا توركیا دا شیا حنێره‌كا مه‌زن ل جاده‌یا وه‌رزشى ل توركیا په‌یدابكه‌ت پشتى ب سه‌ركه‌فتى لسه‌ر یانا كونیا سپور ئه‌وا دخولا سوپر لیگ دا یاریێ كه‌ت ب دو گولان بێ به‌رامبه‌ر و پێشڤه هاته رێزا دوێ د كوما هه‌شتێ دا ب شه‌ش خالان.
جزیره ئه‌وا دخولا بالیگى لیگ دا یاریێ كه‌ت ئانكو دبیته خولا پلا پێنجێ لسه‌ر ئاستێ توركیا تیما ئێكانه‌یه د مێژویا توركیا دا تیمه‌ك ژ لیگا بالگى د گه‌هیته ڤێ قوناغێ و سه‌ركه‌فتنێ لسه‌ر یانێن خولا پلا نایاب و پلا ئێك توماربكه‌ت.
نيشاندان