نووترين نووچه
- وەزارەتا دارایی بەرسڤا سەردابرنێن پەرلەمانتارەكێ ئێكەتیێ ل دۆر لیستا مووچەی ددەت
- رێباز حەملان: مە پەیاما سەرۆكێ حوكمەتا هەرێمێ ل دۆر مووچەیێ فەرمانبەرێن هەرێمێ گەهاندە سۆدانی
- پێشبینییا چەندین سیناریۆیان ل رۆژهەلاتا ناڤین دهێتە كرن كو ئیراقێ ژی دێ ڤەگرن
- نێچیرڤان بارزانی خواستا هەرێما كوردستانێ بۆ پێشڤەبرنا پەیوەندیان ل گەل هندستانێ دوپاتكر
- ل ئەینییا بهێت شاندێ هەڤپشكێ وەزارەتا داراییا ئیراقێ و هەرێمێ دێ كۆمبن
- ل ئیراقێ فیدرالی نەهاتییە بجهئینان
- فەوزی هەریری: تێكگەهشتنەكا باش بۆ پێكئینانا كابینەیا دەهێ هەیە
- ئەڤرۆ شاندێ تەكنیكیێ پارتی و ئێكەتی ل دۆر پێكئینانا كابینەیا نوو یا حوكمەتێ دێ كۆمبن
- دێ ل گەل ئەنەکەسێ دەست ب دانوستاندنان کەین
- پشكداریا مەسرور بارزانی ل كۆڕبەندێ ئابووریێ جیهانی دێ رەنگڤەدانا ئابووری و دیپلۆماسی ل سەر هەرێمێ هەبیت
سهرهكى Facebook
وه‌زیرێ به‌ره‌ڤانیێ، به‌حسێ ژڤانێ ژ ناڤچوونا داعش ل عیراقێ دكه‌ت
ئه‌ڤرۆ نیوز:
خالد عوبێدى وه‌زیرێ به‌ره‌ڤانیا عیراقێ دیاركر كو سوپایێ عیراقێ مژوولى خوه‌بهێزكرن و رێكخستێ یه و گۆت” ل گه‌ل رزگاركرنا مووسل، داعش دێ ل عیراقێ ژ ناڤ چیت، موسل ژ هه‌ژى وێ هه‌موو كاڤلكرنێ نه‌بوو، داعش هه‌موو مێژوو و شارستانیه‌تا وى باژێرى تێكدا”.
عوبێدى هه‌روه‌سا راگه‌هاند: حكومه‌ت و وه‌زاره‌تا به‌ره‌ڤانیا عیراقێ د پرچه‌ككرنا هێزێن خوه ب چه‌ك و كه‌ره‌ستێن پێشكه‌فتى یا به‌رده‌وامه و سوپایه‌كێ بهێز كو شیانێن پاراستنا عیراقێ هه‌بن، دێ ئاڤه‌كه‌ینه‌ڤه.
پلا گه‌رماتيێ دێ بيته -3 و به‌فر دێ باريت
ئه‌ڤرۆ نيوز، نيوار محه‌مه‌د سه‌ليم:
رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ راگه‌هاند كو دێ هه‌رێم كه‌ڤيته به‌ر پێله‌كا دى يا مه‌زنتر يا به‌فر و بارانا و پلا گه‌رماتيێ ژى دێ گه‌له‌ك هێته خوار.
د نڤيساره‌كێ دا كو دانه‌ك بۆ ئه‌ڤرۆ نيوز هنارتيه، پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ راگه‌هاند كو ل رۆژا 7\1\2015 هه‌رێما كوردستانێ دێ كه‌ڤيته به‌ر شه‌پۆله‌كا به‌فر و بارانان ژ ئه‌نجامێ و دروست بوونا ڤان كاودانان دێ هه‌رێمێ ئێخيته بن فشارێن نزم و كوور يێن توركيا كو هه‌وايه‌كێ گه‌له‌ك سار يێ ناڤه‌راستا ئه‌ورۆپا ل گه‌له دێ گه‌هنه هه‌رێما كوردستانێ.
دايه زانين ژى كو ژ ئه‌گه‌رێ ڤێ چه‌ندێ دهێته پێشبينيكرن ل هه‌موو ده‌ڤه‌رێن چيايى ل گه‌ل سه‌نته‌رێ پارێزگه‌هێن دهۆك و سلێمانيێ به‌فر بباريت.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ ئاشكه‌را ژى كر كو كارتێكرنا ڤان فشاران ل سه‌ر هه‌رێمێ دێ چه‌ند رۆژه‌كان ڤه‌كێشيت و ل پتريا ده‌ڤه‌ران دێ پلا گه‌رماتيێ بۆ بن سفرێ هێته خوار.
ل دۆر پلێن نزمێن پێشبينيكرى يێن گه‌رماتيێ ژى ئاشكه‌را كريه كو ل دهۆك و سلێمانيێ دێ دو هه‌تا سێ پلان هێته دبن سفرێ دا و ل هه‌ولێر و كه‌ركووك ژى دێ سفر بيت و هنده‌ك جاران ژى گه‌هيته -1ێ.
چه‌ند بەفر ل سەنتەرێ ناحیا کانی ماسێ بارینە؟
عەبدولعەزیز محەمەد تاھر رێڤەبەرێ ھوبا چاندنێ ل کانی ماسێ بۆ ئەڤرۆ نیوز راگەھاند: د 24 دەمژمێرێن بوریدا پێلەکا بەفرێ دەڤەرا کانی ماسێ ڤەگرت و د ئەنجامدا پێنج سەنتیمێن بەفرێ ل سەنتەرێ ناحیا کانی ماسێ بارین و سەقایێ دەڤەرێ گەلەک ساربوو یە.
ھەروەسا گوتژی:ل دەڤەرێن چیایی و خالا گومرکا سەر زێری پتر ژڤێ رێژێ باریە و هه‌شت ملیمێن بارانێ ژی بارینە،سەرجەمێ گشتی یێ بارانێ د ئەڤ سالەدا گەھشتیە 558 ملیمان لڤێ دەڤەرێ.
ئه‌ڤرۆ نيوز ناڤێن مامۆستايێن هاتينه وه‌رگرتن و وه‌رنه‌گرتن ب ره‌نگێ گرێبه‌ست به‌لاڤ دكه‌ت
ئه‌ڤرۆ نيوز:
وه‌زاره‌تا په‌روه‌ردێ ل حوكمه‌تا هه‌رێما كوردستانێ ئه‌ڤرۆ رۆژا ئێكشه‌مبى رێكه‌فتى 4\1\2015 ناڤێ چار هزار مامۆستايێن دامه‌زراندى ب ره‌نگێ گرێبست راگه‌هاندن.
مالپه‌رێ وه‌زاره‌تا په‌روه‌ردێ ل حوكمه‌تا هه‌رێما كوردستانێ ناڤێن هه‌ر چار هزار مامۆستايێن ب ره‌نگێ گرێبه‌ست هاتينه وه‌رگرتن ل پارێزگه‌هێن دهۆك و هه‌ولێر و سلێمانى و كه‌ركووك به‌لاڤكرن.
په‌روه‌ردا دهۆك:
راسته داعش هێزێن مه‌زن به‌ر ب شنگال برينه؟
ئه‌ڤرۆ نيوز:
پشتى راگه‌هاندنا نووچه‌كى كو دگۆت، چه‌كدارێن داعش هێزه‌كا مه‌زن ره‌وانه‌يى شنگال كريه، ئێك ژ وان كه‌سانێن به‌رچاڤێن ل ناڤ پێشمه‌رگێ كوردستانێ ل شنگال راگه‌هاند چو راستى بۆ وان نووچه‌يان نينن.
مه‌حما خه‌ليل ئێك ژ كه‌سانێن به‌رچاڤێن ناڤا پێشمه‌رگه‌يێ كوردستانێ ل ناڤا شنگال بۆ PDK.info گۆت: “ده‌نگۆيه‌ك هه‌بوو كو دگۆت داعش هێزه‌كا مه‌زن يا ئينايه شنگال و دێ ژ سێ لايان ڤه هێرشێ كه‌ته سه‌ر پێشمه‌رگه‌يى، پشتى مه دووڤچوونا بابه‌تى كرى، ده‌ركه‌فت دره‌و”.
مه‌حما خه‌ليل گۆتژى: “داعش ل شنگال يا شكه‌ستى و شيان نه‌ماينه و خوه ل به‌ر ناگريت”، ئاماژه ب وێ چه‌ندێ ژى كر كو نوكه پتريا شنگال كه‌فتيه ده‌ست پێشمه‌رگه‌يى و شه‌ر نه‌مايه ب تنێ تۆپبارانكرن يا به‌رده‌وامه.
هنده‌ك قوتابخانێن دهۆكێ ئه‌ڤرۆ ده‌ست ب تاقيكرنان كر
به‌رپرسێ راگه‌هاندنا رێڤه‌به‌ريا گشتيا په‌روه‌ردا پارێزگه‌ها دهۆكێ راگه‌هاند كو ئه‌ڤرۆ ل هنده‌ك قوتابخانێن پارێزگه‌ها دهۆكێ ده‌ست ب تاقيكرنێن وه‌رزێ ئێكێ هاته كرن و بڕياره قوتابخانێن ماين ژى ل 17ى ڤێ هه‌يڤێ ده‌ست ب تاقيكرنان بكه‌ن.
ئه‌ڤرۆ ل هه‌رێما كوردستانێ تاقيكرنێن وه‌زرێ ئێكێ يێن سالا سالا خواندنێ 2014-2014 هاتنه كرن كو ژ قووناغا چارێ بنه‌ره‌ت هه‌تا 12 بنه‌ره‌ت ب خوه ڤه دگريت و بڕياره هه‌تا 15 ڤێ هه‌يڤێ ب ڤه‌كێشن و پاشان هه‌تا 20 هه‌يڤێ ببيته بهێن ڤه‌دان.
ئه‌ڤ ره‌وشه ژ هه‌موو قوتابخانێن پارێزگه‌ها دهۆكێ ناگريت كو ب تنێ هه‌ژماره‌كا كێما قوتابخانان دێ ڤى سيسته‌مى په‌يره‌ۆ كه‌ن، ئه‌ڤێن ژى ژ به‌ر درنگ ده‌سپێكرنا ده‌واما فه‌رمى دێ ل 17ى ڤێ هه‌يڤێ ده‌ست پێ كه‌ن.
ژ ئه‌گه‌رێ هاتنا هژماره‌كا زێده‌يا ئاواران بۆ پارێزگه‌ها دهۆكێ و بنه‌جهكرنا وان ل ناڤا قوتابخانان، رێڤه‌به‌ريا گشتيا په‌روه‌ردا پارێزگه‌ها دهۆكێ نه‌شيا د ماوێ ده‌ستنيشانكرى يێ ده‌سپێكا خواندنێ دا، ده‌ست ب دوامێ ل پارێزگه‌ها دهۆكێ بكه‌ن و هنده‌ك قوتابخانه هه‌تا ده‌سپێكا هه‌يڤا 12 ژى نه‌هاتبوونه ڤالاكرن، ژ به‌ر هندێ ژى پرۆسا خواندنێ ل دهۆك هاتيه پاشخستن و ئه‌ڤێ چه‌ندێ كارتێكرن ل تاقيكرنان ژى كريه.
سه‌ديق شه‌رۆ، به‌رپرسێ راگه‌هاندنێ ل رێڤه‌به‌ريا گشتيا په‌روه‌ردا پارێزگه‌ها دهۆكێ بۆ ئه‌ڤرۆ نيوز گۆت: “ل سنورێ پارێزگه‌ها دهۆك ئه‌ڤرۆ هنده‌ك قوتابخانه دێ ده‌ست ب تاقيكرنان كه‌ن و يێن ماين ژى دێ ل 17ى ڤێ هه‌يڤێ ده‌ست ب تاقيكرنان كه‌ن”.
ره‌وشا كه‌شوهه‌وايێ سوبه‌هى
ئه‌ڤرۆ نيوز:
رێڤه‌به‌ريا گشتيا كه‌شناسيێ ل هه‌رێما كوردستانێ راگه‌هاند كو سوبه‌هى ئه‌سمانێ دهۆكێ دێ بيته ساهى ل گه‌ل په‌يدا بوونا هنده‌ك ئه‌ورێن كێم.
پشكا پێشبينيان ل رێڤه‌به‌ريا گشتيا كه‌شنايا هه‌رێمێ راگه‌هاند كو ژ ئه‌نجامێ كارتێكرنا فشارێن نزمێن ده‌ريا ناڤه‌راست ل وه‌لاتێ توركيا بۆ سه‌ر هه‌رێما كوردستانێ ئه‌و پێشبينى دكه‌ن كو سوبه‌هى رۆژا دوشه‌مبى رێكه‌فتى 5\1\2015 ئه‌سمانێ دهۆكێ دێ بيته ساهى ل گه‌ل په‌يدا بوونا هنده‌ك ئه‌ورێن كێم.
رێڤه‌به‌ريا گشتيا كه‌شناسيێ ل هه‌رێما كوردستانێ ئاشكه‌را ژى كريه كو پلا گه‌رماتيێ ژى دێ يا بلند پيچه‌ك بلند بيت و يا نزم ژى پيچه‌ك هێته خوار ب ره‌نگه‌كى د ناڤبه‌را 7 بۆ 17 پلان دا.
ل دۆر پێشبينيا رێژا هه‌وايى و مه‌ودايێ ديتنێ ژى دايه زانين كو دێ ئاراسته‌يێ وى دێ باشوورێ رۆژئاڤا بيت ب ره‌نگه‌كى دێ يێ ناڤه‌ندى بيت د ناڤبه‌را پێنج بۆ 10 كليۆمه‌تر د ده‌مژمێره‌كێ و ماوێ ديتنێ ژى دێ 8 بۆ10 كيلۆمه‌تران بيت.
ل ڤان ده‌ڤه‌ران به‌فر بارى
ئه‌ڤرۆ نيوز:
رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ راگه‌هاند كو ل دۆر ئه‌و پێشبينيێن وان كرى بۆ 4و5\1\2015 بۆ بارينا به‌فرێ ل ده‌ڤه‌رێن چيايى و ب تايبه‌ت پارێزگه‌ها دهۆك و هه‌ولێرێ، به‌فر ل ڤان ده‌ڤه‌ران باريه:
چیايێ سه‌فین
حاجى ئۆمه‌ران 10 سم
سۆران چیايێن زۆزك حه‌سه‌ن به‌گ و كۆره‌ك
ناحیا شیروان مه‌زن
ل ره‌واندوز نه‌گه‌هشتيه سه‌نته‌رێ ناحیێ
چۆمان ل چيا و ده‌وروبه‌رێن ناحيێ
ئامێديێ سه‌نته‌رێ ناحیێ
كانى ماسێ
بارزان، چیايێ شیرینێ
كوردستان پشكدارى قاره‌مانيا هه‌رێمان نابيت
ئه‌ڤرۆ نيوز:
سه‌رۆكێ ئێكه‌تيا ته‌پا پێ ل كوردستانێ راگه‌هاند، هه‌لبژارتيێ كوردستانێ پشكداريێ د قاره‌مانيا ئه‌ڤ ساله يا كاسا كۆنيفا دا ناكه‌ت و ب تنێ دێ چه‌ند ياريێن هه‌ڤالينى ل ئيتاليا و ئيرله‌ندا ئه‌نجام ده‌ت.
سه‌فين كانه‌بى ل مه‌قدونيا پشكدارى د كۆمبوونا رێكخراوا كۆنيفا دا كر و د په‌يوه‌نديه‌كا تله‌فۆنى دا راگه‌هاند كو د كۆمبوونا وێ رێكخراوێ دا يا كو زێده‌ترى شه‌ش ده‌مژمێران ڤه‌كێشايى بڕيار هاته دا، قاره‌مانيا كۆنيفا ل 2015 نه‌هێته ئه‌نجام دان و ل سالا 2016 بهێته ئه‌نجام دان”.
زێده‌تر گۆت: “بڕيار ژى هاته دان، قاره‌مانيا ڤێ جارێ ب تنێ ل سه‌ر ئاستێ كيشوه‌رێ ئورۆپا بهێته ئه‌نجام دان و ل سه‌ر ئاستێ جيهانێ نابيت، ژ به‌ر هندێ ژى هه‌رێما كوردستانێ نه‌شێت پشكداريێ د قاره‌مانيێ دا بكه‌ت ئه‌وا ئه‌ڤ ساله بڕياره ل ئيرله‌ندا بهێته ئه‌نجام دان”.
راگه‌هاند ژى كو هه‌ر ل حوزيرانا ئه‌ڤ ساله ل ده‌مێ ئه‌نجامدانا قارمانيێ دێ روونشتنه‌كا دى ل ئيرله‌ندا هێته رێكخستن و دێ مێڤاندارا سالا 2016 هێته ده‌ستنيشانكرن، چونكو گه‌له‌ك وه‌لاتان حه‌زا مێڤانداريكرنێ يا هه‌يى وه‌كو ئه‌لمانيا، جورجيا، كازاخستان و سويسرا.
ب گۆره‌يى بڕيارێن نوو يێن فيدراسيۆنێ پێدڤيه هه‌ر هه‌رێمه‌ك دو ياريێن هه‌ڤالينى ژى ئه‌نجام بده‌ت و هه‌رێما كوردستانێ ژى دێ بيته مێڤانا پادانيا ل ئيتاليا و گۆت: “ده‌ما هاتينه ڤه ژى دێ بڕيارێ ده‌ين كا دێ ل گه‌ل چ تيمه‌كێ ياريێ كه‌ين”.
سه‌رۆكێ ئێكه‌تيا ته‌پا پێ ل كوردستانێ ئاماژه ب وێ چه‌ندێ ژى كر كو ئيلان ڤالين يا ئيرله‌ندى ژى داخوازا كرى ل ئادارا ئه‌ڤ ساله ياريه‌كا هه‌ڤالينى ل گه‌ل ئه‌نجام بدن، به‌لێ هێشتا بڕيار نه‌دايه دێ ب چ تيم پشكدارى وێ قاره‌مانيێ بن.
نيشاندان
WP Facebook Auto Publish Powered By : XYZScripts.com