پێشمه‌رگه ئه‌و كه‌سێ زێره‌ڤانێ كوردستانی خودانێ جوانترین دیرۆك و سه‌رهاتی جهێ شانازیا گه‌لێ خوه، ئه‌ڤرۆ یێ بوویه گۆتنا سه‌ر ده‌ڤێ هه‌ر كه‌سه‌كی نه ب تنێ ل كوردستانێ به‌لكو ئه‌ڤ په‌یڤه جهێ رێز و حێبه‌تیا هه‌می جیهانێ یه، ئه‌ڤه ژ بۆ وێ چه‌ندێ دزڤریت كو ئه‌ڤ پێشمه‌رگه خودان هنده‌ك سالوخه‌تێن تایبه‌ته و یێ جیوازه ژ هه‌می له‌شكرێن جیهانێ، ئه‌ڤ سالوخه‌ته ئه‌ڤه: ـ
1- وێره‌كی:ـ پێشمه‌رگێ كوردستانێ یێ به‌رنیاسه ل سه‌رانسه‌ری جیهانێ كو هێزه‌كا چاڤ نه‌ترسه و خودان جه‌رگێن پیلاینه و چو جاره‌كێ هزرا ترس وسه‌همێ ژ دوژمنێن خوه نه‌كریه، هه‌تا كو ئه‌ڤ دوژمنه خودان چ هێز بیت و ژمارا وان چه‌ند بیت، هه‌ر ژ رۆژا دامه‌زراندنا پێشمه‌رگێ كوردستانێ و هه‌تا نها ترس و سه‌هما پێشمه‌رگه‌ی كه‌فتیه دل و جه‌رگێن دوژمنان، به‌لگه ژی ل سه‌ر مێرخاسیا پێشمه‌رگێ كوردستانێ دزۆرن، چ ژ لایێ دیرۆكێ ڤه بیت كو چه‌ندین داستان توماركرینه د شیانێن چ هێزێن جیهانێ دا نه‌بوویه وان داستانا تۆمار بكه‌ن وه‌كی چوونا بارزانی و هه‌ڤالێن وی بۆ ئێكه‌تیا سۆڤێتی و داستانا خواكركی و داستانا كۆڕێ و گه‌له‌كێن دی، چو ژی شه‌ڕێ نها بیت كو پێشمه‌رگه ب تنێ بوویه هێزا خۆراگریێ ل به‌رانبه‌ر تیرۆرێ كو جیهان هه‌می ب مێرخاسیا پێشمه‌رگێن مه‌ڤه سه‌رسورمان بوویه ژبه‌ر كو چه‌ندین وانه نیشا تیرۆرێ داینه و چه‌ندین مێرخاسی ئه‌نجام داینه ژ وانا چوونا پێشمه‌رگه‌ی بۆ باژێرێ كۆبانێ ئه‌و باژێرێ جیهان ب مێرخاسیا گه‌نج و وێره‌كیا كچێن خوه سه‌رسورمان كری، كو پێدڤیه ب پێنڤیسێن زێری ناڤێن پێشمه‌رگه‌ی و شه‌ركه‌رێن كۆبانێ ل سه‌ر لاپه‌رێن دیرۆكێ بهێنه توماركرن.
2- ره‌وشت پاكی: ـ سه‌خله‌ته‌كێ زۆرێ جوان ل ده‌ف پێشمه‌رگه‌هێ كوردستانێ ئه‌وه كو خودان ره‌وشته‌كێ به‌رزه هه‌ر چه‌ند دوژمن كریارێن نه‌یێن جوان و دوور ژ ره‌وشت و رێنمایێن مرۆڤاتیێ ل به‌رانبه‌ر پێشمه‌رگه‌ی ئه‌نجام بده‌ت، چو جاره‌كێ پێشمه‌گێ كوردستانێ راده‌ستی ئیرادا دوژمنان نه‌بوویه و ره‌وشتێ خوه پاراستیه و هه‌می بنه‌مایێن مرۆڤاتیێ و مافێ مرۆڤی ل به‌ر چاڤ وه‌رگرتینه و پابه‌ندی رێنمایێن جه‌نگێ بوویه و ره‌فتاره‌كا مرۆڤانه د هه‌می ساتان دا دگه‌ل دیلێن جه‌نگێ كریه و ژیانا كه‌سێن سڤیل پاراستیه و جهێن گشتی و ئاینی پاراستینه و خوه دوور دیتیه ژ هه‌ر كریاره‌كا دوور ژ ره‌وشتی، دیرۆك ل سه‌ر ئه‌ڤێ چه‌ندێ دیده‌ڤانه كو پێشمه‌رگه هه‌می ده‌ما خودان ره‌وشته و ره‌شت فه‌رهه‌نگا وی یه.
3- گیانێ لێبۆرینێ:- ئیك ژ ساخله‌تێن دی یێن جوان ل ده‌ف پێشمه‌رگه‌ی ئه‌وه كو گیانێ لێبۆرینێ هه‌رده‌م ل ده‌ف هه‌یه كو چو جاره‌كێ ژ چارچووڤێ مرۆڤاتیێ ده‌رنه‌كه‌فتیه و ب شێوه‌یه‌كێ پڕی مرۆڤاتی ره‌فتار دگه‌ل بارودۆخی كریه، كو هه‌می جیهان ب ڤێ چه‌ندێ سه‌رسورمان كریه، سه‌رهلدانا سالا 1991 باشترین به‌لگه‌یه ل سه‌ر ئه‌ڤێ چه‌ندێ كو ب هزاران ژ سه‌رباز و ئه‌فسه‌رێن له‌شكرێ عیراقێ كه‌فتنه د ده‌ستێن پێشمه‌رگه‌هێن قه‌هره‌مان دا، لێ مێرخاسی و بلندیا ره‌وه‌شتێ وان ژ ئه‌ڤێ چه‌ندێ زێده‌تر بوو، ئه‌و بوو ئه‌گه‌رێ وێ چه‌ندێ كو ل ڤان دیلان ببوورین.
4- باوه‌ری:- سالوخه‌ته‌كێ دی یێ جیواز ل ده‌ف پێشمه‌رگێ كوردستانێ ئه‌وه كو جهێ باوه‌ریێ ل ده‌ف گه‌لێ خوه و ل ده‌ف هه‌می لایه‌نه‌كی، هه‌ر ده‌ما هێزێن پێشمه‌رگه‌ی به‌ر ب ده‌ڤه‌ره‌كێ چوون ئێكسه‌ر خه‌لكێ ڤێ ده‌ڤه‌رێ باوه‌ریه‌كا مه‌زن ل ده‌ف په‌یدا دبیت و پشتراست دبن كو ئه‌ڤ هێزه خودان ره‌وشت و باوه‌ریه و جهێ متمانێ یه كو مرۆڤ خوه ل پشت بپارێزیت و هه‌ست ب ترس و سه‌هما دوژمنان نه‌كه‌ت، له‌را هه‌ر ده‌ما پێشمه‌رگه هات باوه‌ری ومتمانه وره‌وشت وهێز هاتن.
5- گیان به‌خشی:- ژ رامانا ناڤێ پێشمه‌رگه‌ی ئه‌ڤ سه‌خله‌ته ل ده‌ف په‌یدا بوویه كو جێواز ژ هه‌می هێزێن له‌شكرێن جیهانێ پێشمه‌رگه ب گیانه‌كێ خوه به‌خشی به‌رگری ژ ئاخا كوردستانێ كریه و به‌رگری ژ مرۆڤاتیێ كریه بێ كو داخوازا مافه‌كی به‌رانبه‌ر ئه‌ڤێ خزمه‌تێ بكه‌ت، راستی ئه‌ڤه جهێ سه‌رسورمانێ یه كو ب ده‌هان سالان پێشمه‌رگه‌ی ب گیانێ خوه و نان و ئاڤێن خوه به‌رگری ژ ئاخا وه‌لاتێ خوه كریه و دژی دوژمنێن كوردستانێ و مرۆڤاتیێ راوه‌ستایه، كو دیرۆك ژ ده‌سپێكا هه‌بوونا شۆره‌شێن كوردستانێ و هه‌تا نها دیده‌ڤانه ل سه‌ر ئه‌ڤێ خوه‌به‌خشیا پێشمه‌رگان، هه‌روه‌سا ئه‌ڤ ساخله‌ته ب خوینا پێشمه‌رگه‌ی ڤه گریدایه له‌ورا د به‌رهنگاربوونا تیرۆرێ و پاراستنا كوردستانێ دا د جه‌نگا نها دا ئه‌وا دهێته كرن دگه‌ل درنده‌ترین هێزا تیرۆری، مه دیت ب هزاران ژ پێشمه‌رگه‌هێن خانه‌نشین و پێشمه‌رگه‌هێن ژ رێزێن پێشمه‌رگاتیێ ڤه‌قه‌تیان، هه‌روه‌سا پێشمه‌رگه‌هێن ژ ده‌رڤه‌ی وه‌لاتی دژین ئێكسه‌ر په‌یوه‌ندی ب سه‌نگه‌رێن جه‌نگێ كرن مل ب ملێن برایێن خوه كه‌فتنه د جه‌نگی دا و چه‌ندین شه‌هیدێن قه‌هره‌مان ژی ژڤێ ته‌خێ بوون كو باشترین به‌لگه‌یه ل سه‌ر ره‌وشتێ پێشمه‌رگاتیێ.
نووترين نووچه
- وەزارەتا دارایی بەرسڤا سەردابرنێن پەرلەمانتارەكێ ئێكەتیێ ل دۆر لیستا مووچەی ددەت
- رێباز حەملان: مە پەیاما سەرۆكێ حوكمەتا هەرێمێ ل دۆر مووچەیێ فەرمانبەرێن هەرێمێ گەهاندە سۆدانی
- پێشبینییا چەندین سیناریۆیان ل رۆژهەلاتا ناڤین دهێتە كرن كو ئیراقێ ژی دێ ڤەگرن
- نێچیرڤان بارزانی خواستا هەرێما كوردستانێ بۆ پێشڤەبرنا پەیوەندیان ل گەل هندستانێ دوپاتكر
- ل ئەینییا بهێت شاندێ هەڤپشكێ وەزارەتا داراییا ئیراقێ و هەرێمێ دێ كۆمبن
- ل ئیراقێ فیدرالی نەهاتییە بجهئینان
- فەوزی هەریری: تێكگەهشتنەكا باش بۆ پێكئینانا كابینەیا دەهێ هەیە
- ئەڤرۆ شاندێ تەكنیكیێ پارتی و ئێكەتی ل دۆر پێكئینانا كابینەیا نوو یا حوكمەتێ دێ كۆمبن
- دێ ل گەل ئەنەکەسێ دەست ب دانوستاندنان کەین
- پشكداریا مەسرور بارزانی ل كۆڕبەندێ ئابووریێ جیهانی دێ رەنگڤەدانا ئابووری و دیپلۆماسی ل سەر هەرێمێ هەبیت
سه‌ره‌كى Facebook
حه‌لاوه ل به‌رامبه‌ر نعال!!
دبیت ئه‌ڤرۆ حه‌لاوه بۆ مه ناڤه‌كێ گران بیت و ده‌مێ مه گوه لێدبیت، ئێكسه‌ر عێلنجی خوه ل دلێ مه دده‌ن، ژ به‌ر گرانیا وێ و سعراتێن گه‌رمێ و رێژه‌یێن كورسترۆلێ د ناڤدا و خرابیا وێ بۆ ساخله‌میا مرۆڤی، له‌ورا ئه‌م هه‌می ژێ دره‌ڤین دا قه‌له‌و نه‌بین و زیانێ نه‌گه‌هینته مه و شه‌كرا مه بلند نه‌كه‌ت، نه‌مازه ل ده‌مێ ئه‌م زارۆ، دا بینی پیكه‌م دگه‌ریان ل كۆلانێن مه و گازی دكرن حه‌لاوه ل به‌رامبه‌ر نعال، مه ژی كه‌ڤنه نعال خردكرن و دگوهارتن ل گه‌ل پله‌كا حه‌لاوا ره‌ش قه‌ره‌چان دفرۆت و دگێراند، هه‌ما چه‌ند داڤه‌ك بوون، ب تنێ ده‌ڤێ مه شرین دكر، لێ گه‌له‌كا ب تام بوو وی ده‌می تشته‌كێ شرین بوو، یا ژ مه‌ڤه ئه‌و ده‌سكه‌فتكه‌كێ مه‌زن بوو مه ب ده‌ستڤه‌ئینایی و مه نه‌دزانی كا مفایێ وێ نعالێ چه‌ند گه‌له‌ك بوو، بۆ ئه‌وان چونكو ب سه‌دان كلیۆیان خردكرن و دبرن وان ژی فرۆتنه كارگه‌هێ و مفایه‌كێ باش ژێ وه‌ردگرت، لێ نها و پشتی ئه‌م مه‌زن بووین و تێگه‌هشتین ژ نوو مه راستیا بابه‌تی زانی كو ئه‌م ل دووری باژێران بووین و كارگه‌هێن حه‌لاندنا نعالان هه‌نه و ئه‌وان مینا عه‌ره‌ب دبێژن: “حه‌لاوه ب سه‌رێ مه دا دشكاند!! ” یا گرنگ ئه‌وه ئه‌ڤ میناكه وه‌كو ئه‌وێ یه یا هێزێن مه‌زن ده‌مێ هێزێن بچووك نه‌چار دكه‌ن كو هه‌وجه‌ی خوه دكه‌ن، ب بیردۆزا پیلانگێریێ (نڤریه المۆامره) وه‌كو دروستكرنا شه‌ڕان و به‌رهه‌ڤكرنا زه‌مینه‌یا فرۆتنا كه‌لوپه‌لێن له‌شكری و چه‌كی و تانك و مۆشه‌كان!! هیڤیكرن ژ وان كو ئه‌و بخوه دوهنێ مرۆڤی د سه‌رێ مرۆڤی بده‌ن و ئه‌م خوه بۆ وان بهه‌لاڤێژێن كو شه‌ڕێ چه‌تیێن وان بكه‌ین، واته هه‌ر دو لایه‌ن یێن ده‌ستكردن و خویندتاریا وان ژی یا ده‌رستكرده و چو بنیاتێن دژوار نه‌بووینه، له‌ورا بووینه سۆته‌مه‌نیێ هێزێن مه‌زن و هه‌ڤسویی مینا پله‌یی ستێشنێ (PLAY STATION) كونترۆل د ده‌ستان دایه و ئه‌و هێزێن بچووك و خۆفرۆشان بۆ مه‌ره‌م و ئه‌گینده‌یێن خوه برێڤه‌دبه‌ن و ل شوونا حه‌لاوێ بومبان دهاڤێژن و ل شوونا نعالێ بلا پترۆل بیت بۆ نموونه!!. هه‌ر چه‌نده نعالێن مه كوردان پربها بووینه، نها بوویه حه‌حه‌ف ل سه‌ر، لێ ئه‌م ژی دێ ب خێرا وێ نعالێ وه‌رار بین و گه‌هینه هێزێن مه‌زنێن جیهانی، چونكو نها مه نعالێن خوه گوهارتینه ب پستالێ دا شه‌رێ وان چه‌تان بكه‌ین و ل شوونا هندێ كو ئه‌م نعالا خوه د دوژمنی وه‌ركه‌ین، دربێن ئه‌سمانی ژی بۆ مه بووینه حه‌لاوه و سیناریۆیا سالێن حه‌فتێ و هه‌شتێیان دزڤرینین، هه‌تا ئه‌م ژی تێبگه‌هین و مه‌زن دبین و حوكومه‌ێر دبین ئه‌م ژی حه‌لاوا خوه بده‌ینه ب نعال و دبینه خودان مال و حال!!..
شێخان نه‌رازیبوونا خوه دیاركر
ئه‌ڤرۆ نیوز، بارزان سلێمان مزوورى
سه‌نته‌ر و بنگه‌هێن ره‌وشه‌نبیرى ل شێخان د به‌یاننامه‌كێ دا گوتنێن جه‌میل بایك و صلاح الدین ده‌میرتاش شه‌رمزاركرن.
د خرڤه‌بونه‌كێ دا ئه‌ڤرۆ ده‌مژمێر 11 سپێدێ 31/12 ل قه‌زا شێخان ب به‌رهه‌ڤ بوونا به‌رپرسێ لقا 20 شێخان عه‌لى عه‌ونى كارگێر و ئه‌ندامێن لقێ و به‌رپرسێن سه‌نته‌رێن ره‌وشه‌نبیرى و بنگه‌هێن لالش، به‌یاننامه‌ك ل دژى جه‌میل بایك و صلاح الدین ده‌میرتاش ده‌رێخستن.
نوێنه‌رێ به‌یاننامێ ، مه‌هدى حه‌سه‌ن ، بۆ ئه‌ڤرۆ نیوز دیار كر : ئه‌م بناڤێ ته‌ڤایا ئه‌ندام و هه‌ڤالێن سه‌نته‌رێن ره‌وشه‌نبیرى و بنگه‌ه و نڤیسنگه‌هێن لالش ل سنورێ لقا 20 شێخان یا پارتى دیموكراتى كوردستان ئه‌و گوتنێن جه‌میل بایك و صلاح الدین ده‌میرتاش ریسوا و شه‌رمزار دكه‌ین كۆ شه‌نگال پارچه‌كه ژ كوردستانێ و كه‌سه‌ك نه‌شێت ڤێ پارچا پیروز ژ ئاخا كوردستانێ دویر و ژێك جودا بكه‌ت ئه‌م وه‌ك رێكخراواێن جڤاكى سڤیل ب هیچ شێوه‌یه‌كى رێكێ ناده‌ین كۆ كه‌سه‌ك مایێ خوه ل ڤان ده‌ڤه‌رێن كوردستانێ یێن ڤه‌قه‌تیایى ژ كوردستانێ بكه‌ت و یا خویایه رۆلێ پێشمه‌رگه‌یێ كوردستانێ كو خوه دكه‌نه قوربان بۆ پاراستنا شنگالێ و هه‌موو پارچێن كوردستانێ و ئه‌ڤ كه‌سێن نه شاره‌زا یێ جوغرافیا كوردستانێ كۆ لالشا نورانى و شه‌نگال وه‌كو جه‌سته‌یه‌كى نه نابیت ب هیچ ره‌نگه‌كى بهێنه ژێك جودا كرن ، ل دووماهیكێ دبێژین وه‌كو بارزانى نه‌مر كه‌رم كرى و گوتى كه‌ركوك دلێ كوردستانێ یه، به‌س شه‌نگال شه‌ره‌فا كوردستانێ یه .
ئاگه‌هداريه‌ك ژ باجا كۆمپانيان
ئه‌ڤرۆ نيوز:
رێڤه‌به‌ريا باجا كۆمپانيان ل دهۆكێ راگه‌هاند كو ب گۆره‌يى نڤيساره‌كێ كو ژ وه‌زاره‌تا دارايى و ئابوورى يا حوكمه‌تا هه‌رێما كوردستانێ بۆ وان هاتيه ره‌وانه‌كرن ئه‌و پێنج رۆژان مامه‌لێن وه‌لاتيان ب رێڤه نابه‌ن.
جه‌لال كه‌مال، رێڤه‌به‌رێ باجا كۆمپانيان ل دهۆكێ بۆ ئه‌ڤرۆ نيوز گۆت: “ل دووڤ گه‌شتاندنا وه‌زاره‌تا دارايى و ئابوورى، رێڤه‌به‌ريا گشتى يا باج و ئاڤاهيێن ميرى، رێڤه‌به‌ريا كارگێرى و خۆيه‌تى يا هژماره 4710 ل 15\12\2014 دێ ده‌واما مه هێته راگرتن”.
زێده‌تر گۆت: “ئه‌ڤ راگرتنه دێ ژ 4\1\2015 هه‌تا 8\1\2015 بيت و ب مه‌ره‌ما جه‌ردكرن و رێكخستنا كارى بۆ سالا نوو 2015 بيت”.
جه‌لال كه‌مال داخواز ژ خودانێن كۆمپانيان ژى دكه‌ت ل ده‌مێ سه‌ره‌دانا وان بۆ ئه‌داكرنا باجا خوه گه‌رده‌ن ئازاكرنێ ژ لايێ رێڤه‌به‌ريا باجا ده‌رامه‌تى ڤه بۆ رێڤه‌به‌رێ كۆمپانيێ و پارێزه‌رێ كۆمپانيێ و گۆت: ” بودجا خوه يا بۆ سالا 2015ێ ئاماده بكه‌ن”.
زێده‌تر گۆت: “هيڤيه سه‌ره‌دان بۆ رێڤه‌به‌ريێ ژى دێ ب تنێ ژ لايێ رێڤه‌به‌رێ كۆمپانيێ يان پارێزه‌رێ كۆمپانيێ يان ژى ئه‌و كه‌سێ هاتيه ته‌خويلكرن بيت”.
ل دووماهيێ ژى دا زانين كو ل ده‌مێ پێشكێشكرنا هه‌ر داخوازيه‌كێ بۆ رێڤه‌به‌ريا باجا كۆمپانيان و داخوازا ڤه‌ديتنێ بۆ كۆمپانيێ دڤێت نڤيسار ب كه‌ليشا كۆمپانيێ بيت و ئيمزا رێڤه‌به‌رێ كۆمپانيێ ل سه‌ر بيت.
ب هيڤيا مێشكێ مه‌لا به‌ختيار ڤه هه‌ڤهاتن ل ڤى وه‌لاتى ژ دايك نابن
ئه‌ڤرۆ نيوز:
ئاخفتنكه‌رێ ب ناڤێ فراكسيۆنا زه‌ر ل په‌رله‌مانێ كوردستانێ راگه‌هاند كو ب هيڤيا مێشكێ مه‌لا به‌ختيار ڤه هه‌ڤهاتن ل ڤى وه‌لاتى ژ دايك نابن.
محه‌مه‌د عه‌لى ياسين، ئاخفتنكه‌رێ ب ناڤێ فراكسيۆنا زه‌ر ل په‌رله‌مانێ كوردستانێ، ل سه‌ر په‌يجێ خوه يێ تايبه‌تێ فه‌يسبۆكى نڤيسينه‌ك به‌لاڤكريه و تێدا ره‌خنه ل هه‌وليستێ مه‌لا به‌ختيار به‌ربرسێ مه‌كته‌با كارگێرى يا ئێكه‌تى نشتيمانى كوردستان گرتينه.
محه‌مه‌د عه‌لى ياسين دبێژيت: “ب هيڤيا عه‌قلێ مه‌لا به‌ختيار ڤه، هه‌ڤهاتن و دامه‌زراوه ل ڤى وه‌لاتى ژ دايك نابن”، ئاماژێ ب وێ چه‌ندێ ژى دكه‌ت كو گۆتارا مه‌لا به‌ختيار هه‌ناسه‌يا زڤرينێ بۆ خالا سفرێ دووپاتكره ڤه.
ئه‌ڤ په‌رله‌مانتاره مه‌لا به‌ختيار ب نه‌خۆشه‌كێ”ئولیگارک” وه‌سف دكه‌ت كو تەڤ سازیێن وەلاتی و هەولێن چاکسازیان پشت گوه، دهاڤێت ده‌ما دبێژیت: “هەر شتێك لەگەڵ یەكێتیی نیشتیمانیی كوردستان پێشتر گفتوگۆی لەسەر نەكرابێت، لە هیچ وەزارەتێك، لە هیچ حكوومەتێك، لە هەر كەسێكەوە دەرچێت، قبوڵی ناكەین هەموو شتێك ئەبێت پێشتر گفتوگۆی لەسەر بێت و پرۆژەی هاوبەشمان هەبێت و رازی بین ئینجا ئەوە جێبەجێ‌دەكەین چونكە ئێمە یەكێتین”.
دده‌ته زانين ژى كو هندى ئەو خۆدانێن خوە و ڤان عەقلێن سیاسی بن نەشێن چاڤەرێ چاکسازیان بن و نەشێن پێنگاڤێن بەردەوام د پرۆسێسا دامەزراوەیی کرنا وەلاتی دا بهاڤێژن و دبێژيت: “دڤێت ئەڤ کەسە و عەقلیەتێن ب ڤی میناکی بهێنە نەچارکرن کو ژ مەیدانا سیاسی دەربچن”.
ئاخفتنكه‌رێ ب ناڤێ فراكسيۆنا زه‌ر ل په‌رله‌مانێ كوردستانێ زێدتر دبێژيت: “زمانێ هەرەشە و “قبوول ناکەین” سەردەمێ خوە دەرباز کریە. هەرچەندە یا دیارە کو ئەڤ بەرێزە گەلەک تشتێن دی ژی قبوول ناکەت، لێ راستینە. ل ڤی وەلاتی دامەزراوە و سازی د قووناغا خۆیا ئاڤابوونێ دانە و چو ئالیەک نکاریت ببیتە رێگر بەردەم ڤێ پرۆسێسێ ژ بەر کو هیممەتەکا نیشتمانی د گەلدایە”.
هاتيه نووكرن: حوكمه‌تا هه‌رێمێ بهێنڤه‌دانه‌كا نوو راگه‌هاند
ئه‌ڤرۆ نيوز:
ئاخفتنكه‌رێ ب ناڤێ حوكمه‌تا هه‌رێما كوردستانێ ژبلى سوبه‌هى 1\1\2015 رۆژا سه‌رسالا زاينى و رۆژا 3\1\2015 رۆژا ژ دايكبوونا پێغه‌مبه‌رێ خودێ محه‌مه‌د سلاڤێن خودێ ل سه‌ر بن رۆژه‌كا دژى كره بهێن ڤه‌دانا فه‌رمى.
سه‌فين دزه‌يى ئاخفتنكه‌رێ ب ناڤێ حوكمه‌تا هه‌رێما كوردستانێ ب مالپه‌رێ فه‌رمى يێ حوكمه‌تێ راگه‌هاند ژ به‌ر رۆژا ژ دايكبوونا پێغه‌مبه‌رێ خودێ محه‌مه‌د سلاڤێن خودێ ل سه‌ر بن كو دكه‌ڤيته رۆژا شه‌مبى 3\1\2015 و ب خوه بهێنڤه‌دانه، بڕيار دا رۆژا ئێكشه‌مبى 4\1\2015 ببيته بهێنڤه‌دانا فه‌رمى ل هه‌رێما كوردستانێ، ژبلى وه‌زاره‌تا په‌روه‌ردێ و خواندنا بلند و ڤه‌كۆلينێن زانستى كو ئه‌و دێ ب گۆره‌يى به‌رنامه و خشتێ خوه بهێنڤه‌دانان ديار كه‌ن.
راگه‌هاند ژى: ب ڤێ هه‌لكه‌فتێ پيرۆزباهيێن گه‌رم ئاراسته‌يى موسلمانێن كوردستان و جيهانێ دكه‌ين و هيڤى دكه‌ين ئه‌ڤ هه‌لكه‌فته ببيته جهێ ئاشتى و ئارامى و موكمكرنا په‌يوه‌نديێن براتى و دوستاتيێ د ناڤبه‌را پێكهاتێن كوردستان و عيراق و هه‌موو گه‌لێن جيهانێ دا.
چاره‌يه‌كا نوو بۆ نه‌زۆكيێ هاته ديتن
ئه‌ڤرۆ نيوز:
ب گۆره‌يى ئه‌نجامێن ڤه‌كۆلينه‌كێ ده‌ركه‌فتيه، د رێيا دروستكرنا سپێرم و هێكان د خانێن پيستى دا دشيان دايه چاره‌سه‌ريا نه‌زۆكيێ بهێته كرن.
ڤه‌كۆلين ل يابان هاتيه ئه‌نجان دان و ديار بوويه كو دشيان دايه د رێيا پيستێ زه‌لامى دا سپێرم بهێته دروستكرن و يێ ژنێ ژى هێك بهێنه دروستكرن و ئه‌ڤه ژى دێ هاريكاريا وان كه‌سان كه‌ت يێن كێشن نه‌زۆكيێ هه‌ين و نه‌شێن ببنه خودان زارۆ.
ئه‌ڤێ ڤه‌كۆلينى ئه‌زمون ل سه‌ر چه‌ند مێشكێن تاقيگه‌هێ كريه وبۆ ديار بوويه كو چه‌ند خانه‌كێن پيستى پشتى دهێنه گوهۆڕين بۆ خانێن ئه‌ندامێن جينى، پاش ژى بۆ جينێن سه‌ره‌كى كو ب SOCX17 ناسياره، دشيان دايه هێكان د مێينان دا بچينن و بهێنه گوهۆڕين بۆ زارۆيان.
بسپۆر ئاشكه‌را دكه‌ن كو د قووناغا داهاتى دا، دێ بزاڤا دروستكرنا ستپێرم و هێكێن ده‌ستكرد كه‌ن و دڤێت ب ڤێ رێ كێشا نه‌زۆكيێ چاره بكه‌ن.
ئه‌ڤرۆ پێشمه‌رگه‌يى ل شنگال ئه‌ڤ جهێ گرنگ ژى ستاند
ئه‌ڤرۆ نيوز:
ئه‌ڤرۆ رۆژا چارشه‌مبى رێكه‌فتى 31\12\2014 هێزێن پێشمه‌رگه‌يى ل شنگال پێشڤه‌چوونێن زێده‌تر كرن و شيان نه‌خۆشخانا گشتى يا شنگال رزگار بكه‌ن و فه‌رمانده‌يه‌كێ پێشمه‌رگه‌يى ژى ديار دكه‌ت كو هه‌تا نوكه زێده‌ترى 400 چه‌كدارێن داعش ل شنگال هاتينه كوشتن.
عه‌ميد ئاشتى كوچه‌ر فه‌رماندێ هێزێن پێشمه‌رگه‌يى بۆ باسنيوز راگه‌هاند كو د پێشڤه‌چوونێن ئه‌ڤرۆ يێن هێزێن پێشمه‌رگه‌يى دا، نه‌خۆشخانا گشتى يا شنگال هاته رزگاركرن و هژماره‌كا لاشێن چه‌كدارێن داعش كه‌فتينه ده‌ستێن پێشمه‌رگه‌يى.
ئاشتى كۆچه‌ر راگه‌هاند ژى كو به‌رده‌وام هێزێن هه‌ڤپه‌يمانان ب هه‌ماهه‌نگيا ئێكسه‌ر يا پێشمه‌رگێن كوردستانێ بنگه‌هێن داعش ل ناڤ شنگال و به‌عاج و تله‌عفه‌ر يێن دهێنه تۆپبارانكرن.
فه‌رماندێ پێشمه‌رگه‌يى ئه‌و چه‌ند ژى ئاشكه‌را كر كو ب گۆره‌يى زانياريێن هه‌والگه‌ريێ نوكه ل شه‌رێ شنگال زێده‌ترى 400 چه‌كدارێن داعش هاتينه كوشتن.
بهايێ زێر و زيڤى ل بازارێن دهۆكێ
بهايێ دراڤى هاته خوار
نيشاندان
WP Facebook Auto Publish Powered By : XYZScripts.com