9ێ كانوونا ئێكێ رۆژا جیهانیا رووب رووبوونا گه‌نده‌لیێ بوو، ل سه‌رانسه‌ری هه‌رێمێ چه‌ندین چالاكی هاتنه‌گێران، د هه‌ر چالاكیه‌كێدا ب ره‌نگه‌كی ئاماژه ب گه‌نده‌لیێ هاته‌كرن، د هه‌مان ده‌مدا ژ ئه‌نجامێ روودانێن ڤێ داویێ ل وه‌لاتێ مه و گورانكاریێن د ده‌سته‌لاتێ رێڤه‌برنێدا ل هه‌رێمێ رووداین ده‌نگێن دژی گه‌نده‌لیێ وێ بلند دبن و پێنگاڤێن بۆ كێمكرنا وێ دهێنه هاڤێتن. یا من دڤێت ل ڤێرێ ل به‌ر رۆناهیا وان چالاكیان و سه‌روبه‌رێ نوو هه‌لسه‌نگاندنه‌كی بۆ گه‌نده‌لیێ بكه‌م، و سه‌روگوهه‌كان لێ بشكێنم و پێشنیازه‌كی بۆ كێمكرنا وێ نابێژم بنبڕكرنا وێ به‌رچاڤبكه‌م.
چ پێنه‌ڤێت ئێشا گه‌نده‌لیێ ب به‌رفره‌هی ئه‌ڤ وه‌لاته‌یێ ڤه‌گرتی، په‌ژیكه‌كا بهێزه و بله‌ز به‌لاڤدبیت، كێم كه‌س خوه ل به‌ردگرن، په‌ژیكێ به‌ری هه‌ر كه‌سه‌كی مه‌زنه به‌رپرس و ده‌سته‌لاتدارێن ڤه‌گرتین و ژ وان ژی پێدا هاتیه هه‌موو ته‌خێن جڤاكی، لێ ئه‌ز نه دگه‌ل ئه‌نجامێن راپرسیا رێكخراوا سكالا و چاڤدێری مه كو دبێژن: 80%ی پشكداربوویێن راپرسیێ دبینن حكومه‌ت و په‌رله‌مان نكارن دیارده‌یا گه‌نده‌لیێ چاره‌سه‌ربكه‌ن (وار، هژمار 1231 بپ7).. !!!، به‌روڤاژی ئه‌ز دبینم ئه‌گه‌ر باوه‌ری ب خوه هه‌بیت، وان ب خوه بڤێت و ده‌ست ژ به‌رژه‌وه‌ندیێن خوه به‌رده‌ن، نه‌تنێ ئه‌و دكارن دیارده‌یا گه‌نده‌لیێ چاره‌سه‌ركه‌ن به‌لكی دكارن بنبڕ بكه‌ن، زۆر ب ساناهیه، چه‌ند بریاره‌ك پێ دڤێن، وێره‌كانه بن و ژ هه‌موویان بگرن، بریار بیت هه‌ر ئێكی حه‌قێ وی ل دووڤ باوه‌رنامێ، تایبه‌تمه‌ندیێ، شاره‌زاییێ، ده‌مێن كاری، به‌رهه‌مێ وی و سالێن خزمه‌تێ بگه‌هیتێ، ئه‌ڤا دیتر پرسیار ژێ بێته‌كرن ته ئه‌ڤه ژ كیڤه ئینا.. ؟ ده‌مێ مه‌زنه به‌رپرس و رێڤه‌به‌ر د هێنه‌لادان، ئه‌گه‌ر لادانه‌كا كارگێری بیت ل دووڤ ئه‌و خزمه‌تا كری رێز لێ بێته‌گرتن، ئه‌گه‌ر ژ ئه‌نجامێ لاوازی و نه‌شیانا وی یان ژبه‌ر گه‌نده‌لیا وی بیت نه‌بێژنێ تو بخێربچی، به‌لكی بێژنێ وه‌ره به‌ری بێیه ڤێرێ ته چ هه‌بوو و نها ته چ هه‌یه، ئه‌ڤه ته ژ كیڤه ئینایه.. ؟ نه هند به‌لكی ئه‌گه‌ر به‌رسڤا وی نه‌یا باوه‌ریێ بوو و گه‌نده‌لی ل سه‌ر هاته‌سه‌لماندن، نه تنێ ئه‌وا بری ژێ بستیننه‌ڤه به‌لكی ل دووڤ یاسای بێته‌سزادان.. . وی ده‌می نه ئه‌وێ پشتی وی دهێت دێ وه‌كی وی كه‌ت، به‌لكی ئه‌وێن ژ وی فێربووین، هه‌ڤكاری دگه‌ل وی كری، ئاسانكاری بۆ وی كرین، ب رێكا وی گه‌هشتینه ئارمانجێن خوه‌یێن گه‌نده‌ل.. . هتد دێ پێڤه‌چن و دێ ده‌ست ژ وێ كریارێ به‌رده‌ن ئه‌وا هه‌تا نها دكر، هوسان دێ دیارده‌یا گه‌نده‌لیێ به‌ره‌ف چاره‌سه‌ریێ به‌ین، لێ هندی ب ڤی ره‌نگی بیت كو چه‌ندین ساله ئه‌م دبینین: گه‌نده‌لۆ هه‌ره مالا خوه، ئه‌وا ته بری بۆ ته، ب هه‌مان پله و مووچه و ده‌رماله تو ل دیوانا. .. . ی و سه‌رێ هه‌یڤێ وه‌ره مووچه و ده‌رماله‌یێن خوه ب ده‌مژمێرێن زێده‌ڤه وه‌رگره، نه ته چ ژ مه و نه مه چ ژ ته، تو ب خێر و ئه‌م سلامه‌ت، هوسان نه گه‌نده‌لیێ چاره‌سه‌ردكه‌ین و نه ژی بنبڕ دكه‌ین، ژ ئێشه‌كێ دێ بیته په‌نجه‌شێره‌كا كوژه‌ك.. . دوباره ئه‌رێ ده‌م نه‌هاتیه بێژینه گه‌نه‌ده‌لی ته ئه‌ڤه ژ كیڤه ئینایه.. ؟؟
نووترين نووچه
- وەزارەتا دارایی بەرسڤا سەردابرنێن پەرلەمانتارەكێ ئێكەتیێ ل دۆر لیستا مووچەی ددەت
- رێباز حەملان: مە پەیاما سەرۆكێ حوكمەتا هەرێمێ ل دۆر مووچەیێ فەرمانبەرێن هەرێمێ گەهاندە سۆدانی
- پێشبینییا چەندین سیناریۆیان ل رۆژهەلاتا ناڤین دهێتە كرن كو ئیراقێ ژی دێ ڤەگرن
- نێچیرڤان بارزانی خواستا هەرێما كوردستانێ بۆ پێشڤەبرنا پەیوەندیان ل گەل هندستانێ دوپاتكر
- ل ئەینییا بهێت شاندێ هەڤپشكێ وەزارەتا داراییا ئیراقێ و هەرێمێ دێ كۆمبن
- ل ئیراقێ فیدرالی نەهاتییە بجهئینان
- فەوزی هەریری: تێكگەهشتنەكا باش بۆ پێكئینانا كابینەیا دەهێ هەیە
- ئەڤرۆ شاندێ تەكنیكیێ پارتی و ئێكەتی ل دۆر پێكئینانا كابینەیا نوو یا حوكمەتێ دێ كۆمبن
- دێ ل گەل ئەنەکەسێ دەست ب دانوستاندنان کەین
- پشكداریا مەسرور بارزانی ل كۆڕبەندێ ئابووریێ جیهانی دێ رەنگڤەدانا ئابووری و دیپلۆماسی ل سەر هەرێمێ هەبیت
سهرهكى Facebook
رێژه‌یا زانكۆیان و لاوازیا ئاستێ زانستی!!
سه‌ره‌رایی كو كوردستان ژ كه‌ڤندا هه‌تا نوكه پتری هه‌ر تشته‌كی پێدڤی ب زانستی هه‌بوو كو بشێت به‌ر سینگێ دوژمنا براوستێت ب هه‌می ره‌نگان نه به‌س ب چه‌كی! به‌لێ مخابن رۆژ بۆ رۆژێ ئاستێ زانستی به‌ر ب لاوازیێ ڤه دچیت و حوكمه‌تێ ژی ئه‌ڤ چه‌نده پشتگوه هاڤێتیه به‌لكو دبینیت وه‌ك وه‌به‌رهێنانه‌ك نه‌ك خزمه‌ته‌ك بۆ زانستی! و به‌رده‌وام زانكۆ و په‌یمانگه‌هێن دئێنه‌ڤه‌كرن هه‌تا گه‌هشتیه وی راده‌یی كو پارێزگه‌هه‌كا بچووك وه‌ك دهۆكێ شه‌ش زانكۆ تێدا بن ژبلی په‌یمانگه‌هان و تشتێ سرنجراكێش ئه‌وه كو زۆربه‌یی ڤان زانكۆیا هه‌مان ده‌رچووییان ده‌ردئێخیت ئانكو چ زانكۆیان خواندنێن زانستی یێن تایبه‌ت نین!! به‌لكو هه‌می وه‌كهه‌ڤن!! و جڤاكهه‌می بوو خودان باوه‌رنامه و بارگرانیه‌كا ئێك جار مه‌زن بۆ حوكمه‌تێ په‌یداكریه ژ لایێ ده‌لیڤێن كاری و هێزا كاری و قه‌یرانه‌ك په‌یداكریه كو بیته هه‌كه تاوانا رێخستی په‌یدا ببیت و مه‌ترسی سه‌ر جڤاكی دروست ببن!! له‌ورا د بێژین ئه‌ڤرۆ به‌ری سوباهی هند یا گرنگه حوكمه‌ت ب پلان و بارنامه چاڤخشینه‌ك ل سیسته‌مێ زانكۆیان و زانستی بكه‌ت و ل شوونا زۆریا زانكۆیا زانكۆیێن تایبه‌تمه‌ند ب هنده‌ك زانستاڤه یێن كو هه‌رێمێ پێدڤی پێهه‌یی ڤه‌بن و هنده‌ك ناڤه‌ندێن ڤه‌كولینن زانستی ین جوراو جور ڤه‌كه‌ت د پتر زانست پێشكه‌ڤیت د هه‌می بواراندا !! و د زور باشتر بیت كه‌رتێ تایبه‌ت زانكویا بریڤه ببه‌ت و بچاڤدێریا وزاره‌تا خواندنا بلند و بڤی ره‌نگی د بارێ حكومه‌تێ زور سڤك بیت ژلایێ خه‌رجیان ڤه و د كادرێ كاری و زانستی لسه‌ر هه‌می ئاستا ئێنه دروستكرن و بدروستی د ململانیا زانستی د په‌یدا بیت كو سود مه‌ندێن ئێكێ د ڤێ چه‌ندێ دا د حكومه‌ت بخو بیت !! ئه‌ڤه ئه‌گه‌ر ئه‌م بێژین یاسایه‌كا تایبه‌ت ژ په‌رله‌مانی بێته ده‌ركرن كو خزمه‌تا له‌شكه‌ری یابزوری بیته چه‌سپاندن لسه‌ر هه‌می گه‌نجا و ماوه‌ك بێته دیاركرن بو ڤێ خزمه‌تێ ژ 6 هه‌یڤا كێمتر نه‌بیت و به‌ری بچیته زانكویێ فه‌ره به‌لگانه‌ما خزمه‌تا له‌شكه‌ری هه‌بیت ! و بڤی ره‌نگی لزانكویا چ پارت و لایه‌ن نه‌شێن كارتێكرنێ لڤی گه‌نجی بكه‌ن به‌لكو د كه‌سه‌كی نیشتمان په‌روه‌ر و نه‌ته‌وه‌یی بیت و د لسه‌ر بنیاته‌كی دروست یێ له‌شی و هزری و زانستی ئێته ئاڤاكرن كو لپاشه‌ره‌وژێ كوردستان د خودان هه‌می شیان بیت به‌رامبه‌ر هه‌می مه‌ترسیا !! و زورا فه‌را دڤان قه‌یرانن سه‌ر كوردستانێدا بورین و چه‌ندین كێماسی و خه‌له‌تێیت مه دیاربوین ئه‌م بكه‌ینه ده‌لیڤه كو مفایی ژ وه‌رگرین و تاك كورد و ده‌زگایێن زانستی و حكومی و له‌شكه‌ری لسه‌ر بنیاته‌ك دروست بێنه ئاڤاكرن و ئه‌ڤه ئومێدا هه‌میانه كو دووباره كوردستانێ د چ قه‌یراناندا نه‌بینن!!!
چه‌مچه‌مال خسته سه‌ر سلێمانيێ
ئه‌ڤرۆ نيوز:
وه‌زيرێ ناڤخۆ يێ هه‌رێما كوردستانێ ب ره‌نگه‌كێ فه‌رمى، قه‌زا چه‌مچه‌مال ژ روويێ ئيدارى ڤه خسته سه‌ر پارێزگه‌ها سلێمانيێ.
وه‌زيرێ ناڤخۆ، كه‌ريم شنگالى، د نڤيساره‌كا تايبه‌ت دا كو وێنه‌ك ب ده‌ست ئه‌ڤرۆ نيوز كه‌فتيه، قه‌زا چه‌مچه‌مال ژ روويێ ئيدارى ڤه خسته سه‌ر پارێزگه‌ها سلێمانيێ.
د ڤێ نڤيسارێ دا هاتيه كو مه‌ره‌م ژ كارێ وان كرى ئه‌وه كو مامله و كارێن وه‌لاتيێن وێ قه‌زايێ ب ره‌نگه‌كێ باشتر برێڤه بچن.
پێشتر قه‌زا چه‌مچه‌مال ژ لايێ ئيدارى ڤه ل سه‌ر هه‌ر ئێك ژ ئيدارا گه‌رمان و پارێزگه‌ها سلێمانيێ پارڤه‌كربوو ژ به‌ر كو ل كه‌ركووك هێشتا ژ لايێ ئيدارى ڤه سه‌ر ب هه‌رێما كوردستانێ نه‌بوو.
ب گۆره‌يى ئه‌و زانياريێن ل به‌رده‌ست ئه‌ڤرۆ نيوز، بۆ ڤێ مه‌رمێ، كه‌ساتيێن ڤێ قه‌زايێ راببوون ب كۆمكرنا 10 هزار ئيمزايان و ژ به‌ر ڤێ چندێ ژى وه‌زيرێ ناڤخۆ ره‌زامه‌ندى ل سه‌ر ده‌بڕى.
بۆچى سه‌رۆكێ په‌رله‌مانێ ئيرانێ چوو سلێمانيێ پاشان هه‌ولێر؟
ئه‌ڤرۆ نيوز، ناجی به‌ده‌ل:
زه‌كی ره‌مه‌زان به‌رپرسێ رێكخراوێن دیموكراتی یا ئێكه‌تیا نیشتمانیا كوردستانێ ل دهۆكێ بو ئه‌ڤرۆ نیوز راگه‌هاند: كوردان ل باشورێ كوردستانێ ژ كه‌ڤن دا په‌یوه‌ندی د گه‌ل كومارا ئیسلامی یا ئیرانێ هه‌نه ب هه‌می ئالیێن خوڤه هه‌ر ژ پارتی دیموكراتی كوردستان و هه‌تا نوكه، ئه‌ڤه ژی تشته‌كێ گه‌له‌ك سروشتی یه چونكه هه‌رێما كوردستانێ پتر ژ (650) كم سنورێ هه‌ڤپشك هه‌یه د گه‌ل ئیرانێ و هه‌روه‌سا هه‌ردوو لایان به‌رژه‌وه‌ندیێن هه‌فپشك دگه‌ل ئێك و دو هه‌نه.
ناڤبری ئه‌و چه‌نده ژی دیاركر كو پشتی پروسا ئازادكرنا ئیراقێ ل 2003 ئه‌ف په‌یوه‌ندیێن هه‌نێ ئالوگوره‌كا مه‌زن ب سه‌ردا هات و به‌رژه‌وه‌ندیێت وه‌لاتێن زلهێز و ئه‌قلیمی ل عیراقێ تێكه‌لی هه‌ڤدوو بوون و هه‌فكێشێن سیاسی هاتنه گوهورین.
زه‌كی ره‌مه‌زان به‌رپرسێ رێكخراوێن دیموكراتی ل دهۆكێ دا زانین ئه‌ڤه نه جارا ئێكێ یه شاندێن ئیرانێ سه‌ره‌دانا هه‌ریما كوردستانێ دكه‌ن، به‌لكو د ماوێ ڤان سالان دا ئه‌ف جوره سه‌ره‌دانه د به‌رده‌وام بوون و یا ڤه‌شارتی نینه كو ئیرانێ ده‌سته‌كێ بالا یێ هه‌يی د ناڤ عیراقێ دا و كورد ژی ناچارن و به‌لكو پێتڤی یه ژی په‌یوه‌ندی د گه‌ل ڤان وه‌لاتان دا هه‌بیت چونكه پێگه‌هێ هه‌رێما كوردستانێ گه‌له‌ك ب هێز كه‌فتی یه ل ده‌ڤه‌رێ و ژبلی كو هه‌رێما كوردستانێ پێدڤی ب ڤان وه‌لاتا هه‌یه ب هه‌مان شێوه ئه‌وان وه‌لاتان ژی پێتڤی ب هه‌رێمێ هه‌یه، لێ نابیت ئه‌ف په‌یوه‌ندی یه ب گه‌هته ئاستێ ده‌ست تێوه‌ردانێ د كارو بارێن هه‌رێمێ دا و ئه‌ز باوه‌رناكه‌م ئه‌ف په‌یوه‌ندی یه دڤی ئاستی دابن به‌لكو ل سه‌ر بنه‌مایێ به‌رژه‌وه‌ندیێن هه‌فپشكه.
ده‌ربارێ شاندێ ئه‌ڤێ دووماهیێ ناڤبری گۆت: “هاتنا شاندێ په‌رله‌مانێ ئیرانێ ب سه‌روكاتیا عه‌لی لاریجانی بو هه‌رێما كوردستانێ پێنگاڤه‌كا د جهێ خو دایه د چیته د چارچوڤێ په‌یوه‌ندیێن دوو قولی دا، لێ ل ده‌ستپێكێ چونا وی بو سلیمانیێ باشی بو هه‌ولێرێ ئه‌ژی تشته‌ك سروشتی یه ژبه‌ر كو مه‌ره‌م ژ ڤێ سه‌ره‌دانێ سه‌ره‌دانا جه‌نابێ مام جه‌لالی بوو و هیچ كومبونه‌كا دی ئه‌نجامنه‌دایه، یا ڤه‌شارتی نینه كو نوكه په‌یوه‌ندیێن (ی ن ك ) و ئیرانێ دئاسته‌كێ باشدایه”.
داعش ئه‌ڤ پارێزگه‌ها عيراقێ ژى كونترۆل كر
ئه‌ڤرۆ نيوز:
دو په‌رله‌مانتارێن پارێزگه‌ها ئه‌نبار ل رۆژئاڤايێ عيراقێ رادگه‌هينن كو 90% رووبه‌رێ پارێزگه‌ها ئه‌نبار ل ژێر ده‌ستێ داعش دايه و چه‌كدارێن وێ رێكخراوێ بزاڤێ دكه‌ن پێشه‌ڤه‌چوونێن زێده‌تر بكه‌ن.
نه‌هلا فه‌هداوى و فارس تاها، دو په‌رله‌مانتارێن پارێزگه‌ها ئه‌نبارن راگه‌هان كو د هه‌يڤا بۆرى دا سوپايێ عيراقێ خوه ژ 10% ژ ئه‌ردێ ئه‌نبار ڤه‌كێشايه و داعش ئه‌و ده‌ڤه‌ر كونترۆل كرينه و نوكه 90% ئه‌ردێ ئه‌نبار ل ژێر ده‌ستێ داعش دايه.
د هه‌مان ده‌م دا، عه‌بدولحه‌كيم جغێغى قايمقامێ حه‌ديسه ل رۆژئاڤايێ پارێزگه‌ها ئه‌نبار راگه‌هاند: “هێزێن ئه‌منى يێن عيراقێ ب هه‌ڤكاريا فرۆكێن شه‌رى يێن هه‌ڤپه‌يمانان شيان ئه‌ڤرۆ شكه‌ستنێ بگه‌هيننه هێزێن چه‌كدارێن داعش ل حه‌ديسه و ب ده‌هان چه‌كدار ژێ كوشتينه”.
جهێ ب تنێ يێ ل بن ده‌سته‌لاتا سۆپايێ عيراقێ ل وێ ده‌ڤه‌رێ كو داعش هێشتا نه‌چووبيته تێدا، باژێرێ روومادى و باژێركێ عامريه‌يه ئه‌وا دكه‌ڤيته فه‌لۆجه، د وى ده‌مێ داعش ده‌ست ب سه‌ر پتريا ده‌ڤه‌رێن ئه‌نبار دا گرتى و باژێرێن حه‌يسه و به‌غدا و گه‌رمه و سه‌بازگه‌ها عه‌ين ئه‌سه‌د ئابلۆقه داينه.
ژێده‌ر: رووداو
جادێن ده‌ڤه‌رێن شنگال و ره‌بيعه و زۆمار دهێنه چێكرن
ئه‌ڤرۆ نيوز، ناجی به‌ده‌ل:
دێوالی حه‌مێ بریندار رێڤه‌به‌رێ گشتیێ سه‌خبێریكرنا رێك و پران ل پارێزگه‌ها دهۆكێ بو ئه‌ڤرۆ نیوز راگه‌هاند: ژ رۆژا رزگاركرنا ده‌ڤه‌رێن بن ده‌ستێ داعش، رێڤه‌به‌ریا مه ده‌ست هاڤێتیه سه‌خبێریكرنا جاده‌ییێن ناڤبه‌را پارێزگه‌ها دهۆكێ و ره‌بیعه و زومار و نه‌هێلانا ئه‌و پاشماییێن كه‌تینه سه‌ر جاده‌یان ب ئه‌گه‌رێ شه‌ری.
ناڤبری دیاركر جاده‌یا ژ سحێلا بو زومار درێژاهیا 50 كیلومه‌تران هاتیه سه‌خبێریكرن و درۆستكرن و درۆستكرنا پره‌كێ كو هاتبو په‌قاندن و گۆت: “مه ده‌ست ب چیكرنا وێ پرێ كریه ڤه ب درێژاهیا 25 مه‌تران و ل ماوه‌ییێ 11 رۆژان دا داوی پێ هاتیه و هه‌ر جهه‌كێ بهێته رزگاركرن و پیدڤی ب سه‌خبێریكرنا رێ و رێ و باران بیت ده‌ست ب كاری دكه‌ین”.
بهايێ زێر و زيڤى ل بازارێن دهۆكێ
گوهۆڕين كه‌فتنه ره‌وشا دراڤى
سەلام حسێن: یانە ئەگەرن خولێن لاوان و تازە پێگەھشتیان نە ھاتینە ئەنجامدان
ئەڤرۆ:
ژ ئەگەرێ گیرۆبوونا ئەنجامدانا ھەر ئێک ژ خۆلێن لاوان و تازە پێگەھشتی و فوتسالا کچان ل ھەرێما کوردستانێ چەندین گلە و گازندە لدووڤ خوە ھێلان کو راھێنەرێن ڤان تیما چارەنڤیسێ خوە و یێن یاریکەرێن خوە نوزانن کو دبیت گەلەک یاریکەر بھێنە بەرزەرکرن ژبەر ئەنجام نەدانا ڤان خولان.
لدور ڤی بابەتی سکرتێرێ ئێکەتیا تەپا پێی یا ھەرێما کوردستانێ سەلام حسێن بۆ رۆژناما ئەڤرۆ گوت: مە چو ئاریشە نینن بو ب رێڤەبرنا ڤان خۆلان، لێ تیمێن پشکدار بارێ وان یێ دارایی گەلەکێ لاوازە و ناھێتە گونجاندن بو ب رێڤەبرنا ڤان خۆلان و دبێژم کو ھەتا نوکە چارەنڤیسێ وان یێ دیارنینە.
زێدەتر ناڤبری ئەو چەندە ژی دیارکر کو یانێن ھەرێمێ دشێن ب رێکا نڤیسارێن فەرمی داخوزاێ ژ ئێکەتیا تەپا پێی یا ھەرێمێ بکەن بو ئەنجامدانا ڤان خۆلان لێ ھەتا نوکە چو یانا داخوازا نەکریە، لەورا ژی ئەم نوزانین کا دێ چارەنڤیس ب چو شێوە بیت.
ل دووماھیێ سەلامی دیارکر ھەر دەمێ یانا داخواز ژ مە کر ئەڤ خۆلە بھێنە کرن وی دەمی دێ خاندنەکا درێژ ل سەر داخوازیا وان ھێتەکرن و یاباش بو یاریکەر و ڤان تیما ھێتەکرن بو بەرزەنەکرنا شیانێن یاریکەرێن لاوان و تازە پێگەھشتیان و دیارکر کو ئەو خۆلە ژ یێن پێشکەفتیان گرنگترن چونکو بناغێ وەرزشا کوردستانێ نە.
پیشەکارێ سیێ پەیوەندی ب دھۆکێ کر
ئەڤرۆ، ھەژار مەعروف:
دوھی پیشەکارێ سیێ یێ سوری و یانا دھۆک گەھشتە باژێرێ دھۆکێ، پشتی ل دەمێ بوری دەستەیا کارگێریا یانێ داخوازی ژی کری پەیوەندی ب یانێ بکەت ڤە.
د داخویانیەکێ دا ئەحمەد دونی بۆ رۆژناما ئەڤرۆ دیارکر ئەوی ل ماوێ بوری دا گەلەک ھەڤبەستێن یانێن بەغدا رەتکرینە ژبەرکو دخوازت یاریێ ل یانا دھۆک بکەت، لێ ب مەرچەکی داخوازی ژ کارگێریا یانێ کری یە پشکا ئێکێ ژ ھەڤبەستا وی ب دەنێ.
دونی ئاماژە ب وێ چەندێ ژی کر ئەو بوو یاریا بھێت بەرامبەر مینا یێ بەردەوامە ل سەر ئامادەکاریێ و ھەکە چو ھەڤبەستێن دەرڤە بوو نەھاتن دێ ل وەرزێ ئەڤ سالە درێسێ یانا دھۆک بتنێ پارێزیت دخولا عیراقێ دا.
دھێتە زانین بەری ئەحمەد دونی پەیوەندی ب یانێ بکەت ھەردو ھەڤالێن وی یێن سوری بورھان سەھیونی و عەبدوناسر حەسەن ژی پەیوەندی ب یانێ کریە.
نيشاندان
WP Facebook Auto Publish Powered By : XYZScripts.com