ئه‌ڤرۆ نيوز:
د ماوێ 24 ده‌مژمێرێن بۆرى دا ل چه‌ند ده‌ڤه‌رێن هه‌رێما كوردستانێ رێژێن جودا يێن باران بارينێ هاتينه تۆماركرن و ب ڤى رنگێ ل خوارێ:
رێژێن باران بارينێ ل هه‌رێما كوردستانێ
نووترين نووچه
- وەزارەتا دارایی بەرسڤا سەردابرنێن پەرلەمانتارەكێ ئێكەتیێ ل دۆر لیستا مووچەی ددەت
- رێباز حەملان: مە پەیاما سەرۆكێ حوكمەتا هەرێمێ ل دۆر مووچەیێ فەرمانبەرێن هەرێمێ گەهاندە سۆدانی
- پێشبینییا چەندین سیناریۆیان ل رۆژهەلاتا ناڤین دهێتە كرن كو ئیراقێ ژی دێ ڤەگرن
- نێچیرڤان بارزانی خواستا هەرێما كوردستانێ بۆ پێشڤەبرنا پەیوەندیان ل گەل هندستانێ دوپاتكر
- ل ئەینییا بهێت شاندێ هەڤپشكێ وەزارەتا داراییا ئیراقێ و هەرێمێ دێ كۆمبن
- ل ئیراقێ فیدرالی نەهاتییە بجهئینان
- فەوزی هەریری: تێكگەهشتنەكا باش بۆ پێكئینانا كابینەیا دەهێ هەیە
- ئەڤرۆ شاندێ تەكنیكیێ پارتی و ئێكەتی ل دۆر پێكئینانا كابینەیا نوو یا حوكمەتێ دێ كۆمبن
- دێ ل گەل ئەنەکەسێ دەست ب دانوستاندنان کەین
- پشكداریا مەسرور بارزانی ل كۆڕبەندێ ئابووریێ جیهانی دێ رەنگڤەدانا ئابووری و دیپلۆماسی ل سەر هەرێمێ هەبیت
سهرهكى Facebook
زێره‌ڤانى دێ بزاڤا شكاندنا گرێيا سه‌ركه‌فتنان ل گه‌ل شێروانه كه‌ت
ئه‌ڤرۆ نيوز، نيوار محه‌مه‌د سه‌ليم:
بڕياره ئه‌ڤرۆ سێ يارێن نوو ژ گه‌را 9ێ ژ خولا نايابا كوردستانێ برێڤه بچن، سه‌ركێشا كۆمێ تيما زێره‌ڤانى دێ بزاڤێ كه‌ت ل كه‌لار گرێيا سه‌ركه‌فتنا شكێنيت.
د سێ ياريێن ئه‌ڤرۆ دا، تيما ته‌پا پێ يا يانا زێره‌ڤانى ل كه‌لار دێ چاڤ ل سه‌ركه‌فتنا ئێكێ بن وه‌كو زێره‌ڤانى ل سه‌ر تيما شێروانه ل ياريگه‌ها وێ پشتى ل هه‌رسێ سالێن بۆرى نه‌شيايى سه‌ركه‌فتنێ تۆمار بكه‌ت كو جاره‌كێ ب دژوارى تووشى خوساره‌تيێ بوويه ب چار گۆلێن پاقژ و دو جاران ژى وه‌كهه‌ڤ بوويه.
زێره‌ڤانى ئه‌وا نوكه ل سه‌رێ ليستا خولا نايابا كوردستانێ دهێت ب 16 خالان، دبيت ڤێ جارێ بشێت سه‌ركه‌فتنێ تۆمار بكه‌ت ب تايبه‌ت ره‌وشا تيما شێروانه خودانا رێزا ده‌هێ ب حه‌فت خالان هند يا باش نينه ب ره‌نگه‌كى كو ل حه‌فتيا بۆرى تيما هه‌ولێر سه‌ركه‌فتنا خوه يا ئێكێ د خولێ دا ل سه‌ر تۆماركرى.
ژ لايێ خوه ڤه ياريا زاخۆ خودانا رێزا سيێ ب كێمتريا خاله‌كێ ژ سه‌ركێشا كۆمێ ژى هند يا ب ساناهى نابيت ده‌مێ دبيته مێڤانا يانا برايه‌تى خودانا رێزا حه‌فتێ ب نه‌هـ خالان ل هه‌ولێرێ كو ئه‌و ژى ژ لايێ خوه ڤه دێ هه‌موو بزاڤان كه‌ت سه‌ركه‌فتنێ تۆمار بكه‌ت دا كو هه‌ڤركيا خوه ل سه‌رێ ليستا خولێ تۆمار بكه‌ت، ب تايبه‌ت د حه‌فتيا بۆرى دا كه‌فتبوو ته‌بكا وه‌كهه‌ڤيێ و نوكه دزانيت ژ ده‌ست دو يان سێ خالان ئانكو لاوازبوونا هيڤيێن هه‌ڤركيێ ل سه‌ر ناسناڤى.
ب هێزترين ياريا ئه‌ڤرۆ ژى دێ د ناڤبه‌را هه‌ردو يانێن سلێمانى و نه‌ورۆز دا بيت خودانێن رێزێن چارێ و پێنجێ كو هه‌ردو يانان هيڤيێن مه‌زن يێن هه‌ين هه‌ڤركيا سه‌رێ ليستێ بكه‌ن ب تايبه‌ت تيما سلێمانيێ چونكو ب گۆره‌يى چاڤدێرێن وه‌رزشى ل خولا كوردستانێ ئێدى تيما نه‌ورۆز شيانێن سه‌ركه‌فتنان نه‌ماينه، د هه‌مان ده‌م دا هه‌كه شيا ژى سه‌ركه‌فتنێ تۆمار كه‌ت، ئه‌ڤه بوو ده‌ليڤه‌كا باش بۆ ڤه‌گه‌ريانا وێ بۆ ناڤ هه‌ڤركيێ و ره‌تكرنا وان هه‌موو گۆتنێن ل سه‌ر وێ دهێنه گۆتن.
گاردیان باشترین یاریزان دەستنیشانکر
ئه‌ڤرۆ نیوز:
ڕۆژناما گاردیان یا بەریتانی ڕاپرسییەک بۆ دەستنیشانکرنا باشترین یاریزانێن ساڵی ٢٠١٤ ئەنجامدا وکریستیانۆ ڕۆناڵدۆ یێ پورتوگالی ب باشترین یاریزانێ سالا ٢٠١٤ دەستنیشانکر.
و رێزبه‌ند هه‌تا ده‌هێ ب ڤى ره‌نگى بوو:
١. ڕۆناڵدۆ
٢. میسی
٣. نۆیەر
٤. ڕۆبن
٥. مۆلەر
٦. سوارێز
٧. نێیمار
٨. بەیل
٩. گۆتزە
١٠. ئەگوێرۆ
جهێ ئاماژێ یه كو پار سال، مێسى ببوو باشترین یاریزان ل گۆر راپرسیا ڤێ رۆژنامێ.
بڕیاره‌ك د به‌رژه‌وه‌ندا پارێزگه‌هێن نه‌فتێ به‌رهه‌م دئینن هاته دان
ئه‌ڤرۆ نیوز، ره‌وان نهێلى
به‌ها ئه‌عره‌جى، جێگرێ سه‌رۆك وه‌زیرێن عیراقێ راگه‌هاند كو لژنا راستڤه‌كرنا چه‌ند برگێن بودجه‌ى، دووماهى ب كارێن خوه ئینا و بڕیار دا دو دولاران ژ هه‌ر به‌رمیله‌كێ بۆ پارێزگه‌هێن نه‌فتێ دئینن، بهێته ته‌رخانكرن.
ئه‌عره‌جى ئاماژه ب وێ یه‌كێ دا: لژنێ بڕیار دا دو دولاران بۆ هه‌ر به‌رمیله‌كێ ژ پروژێ پترولار بۆ پارێزگه‌هێن نه‌فتێ به‌رهه‌م دئینن بهێته ته‌رخانكرن، به‌رى هه‌موویان ژى بۆ به‌سره.
هه‌ڤده‌م نه‌جیبا نه‌جیب ئه‌نداما په‌رله‌مانێ عیراقێ بۆ ئه‌ڤرۆ نیوز راگه‌هاند كو ئه‌و دو دولاره دێ هه‌موو پارێزگه‌هێن نه‌فتێ به‌رهه‌م دئینن ڤه‌گریت، یێن كوردستانێ ژى و پارێ وێ دێ بۆ پرۆژێن وه‌به‌رهێنانێ ل پارێزگه‌هان هێته ته‌رخانكرن.
نه‌جیبا گۆت: به‌رى نوكه حكومه‌تا عیراقێ ئه‌و پاره بۆ هه‌رێمێ نه‌دهنارت، به‌لێ پشتى رێككه‌فتنا د ناڤبه‌را به‌غدا و هه‌رێمێ، ئه‌و پشكا هه‌رێمێ دێ هێته هنارتن.
دێ هه‌موو ده‌ڤه‌رێن مه‌سیحیان ژ ده‌ستێ داعش ئینینه ده‌ر
ئه‌ڤرۆ نیوز:
مه‌سعود بارزانى، سه‌رۆكێ هه‌رێما كوردستانێ ب هه‌لكه‌فتا سه‌رێ سالا نوو یا زانینى و ژ دایكبوونا مه‌سیح په‌یامه‌كا پیروزباهیێ ئاراسته‌ى مه‌سیحیێن كوردستانێ كریه و گوتیه: من دڤێت بێژمه خوشك و برایێن خوه یێن مه‌سیحى كو هوون پێكهاته‌كا خوشتڤى و ره‌سه‌نێن ڤى وه‌لاتى نه و ژ ئێش و ئازارێن هه‌وه دگه‌هم و هه‌وه پشتراستدكه‌م كو تیرورێ چ ئاینده نینه و دێ هه‌موو ده‌ڤه‌رێن مه‌سیحیان ژ ده‌ستێ داعش ئینینه ده‌ر.
ئه‌و فروكه‌ڤانێ كه‌تیه ده‌ستێ داعش كییه؟
ئه‌ڤرۆ نیوز:
ئه‌و فرۆكه‌ڤانێ ئوردنى كو فرۆكا وى ژ ئالیێ داعش ڤه ل پارێزگه‌ها رقه كه‌تیه خوارێ، ناڤى وى مه‌عاز یوسفه و میلازمێ ئێكێ یه و ژیى وى 26 سالن و بۆ ماوێ شه‌ش سالانه په‌یوه‌ندى ب هێزێن چه‌كدار كریه وه‌ك فرۆكه‌ڤانى شه‌رى.
بابێ ڤى فروكه‌ڤانى دبێژیت: فه‌رماندێ هێزێن ئه‌سمانى یێ ئوردنى په‌یوه‌ندى ب وان كریه و راگه‌هاندى یه كو هه‌موو بزاڤێن خوه دێ مه‌زێخن بۆ رزگاركرنا ژیانا مه‌عازى و مه‌لك عه‌بدولا ژى ب هویرى چاڤدێریا ڤێ پرسێ دكه‌ت.
په‌یڤدارێ حكومه‌تا ئوردن راگه‌هاندبوو كو فرۆكه‌یه‌كا ولاتێ وى ل ئه‌سمانێ سوریا كه‌تیه خوارێ و فرۆكه‌ڤان ژى كه‌تیه ده‌ستێ چه‌كدارێن داعش.
داعش ل موسل چه‌ند زارۆ ره‌ڤاندینه؟
ئه‌ڤرۆنیوز, ره‌زوان رۆژبه‌یانى:
سه‌عید مه‌مۆزینى به‌رسێ راگه‌هاندنێ لقا چارده یا پارتى دیموكراتى كوردستان بۆ ئه‌ڤرۆنیوز گوت: ئه‌ڤرۆ داعش 25 زارۆ ره‌ڤاندینه و خولێن مه‌شقێ بۆ وانا ڤه‌دكه‌ن و فێرى زانینا سیسته‌مێن شه‌رى دكه‌ن و هه‌تا نوكه 125 زاروك چاره‌نڤیسێ وان نه‌دیاره و به‌رزه‌نه و كه‌س چو ژ وان نزانیت كا به‌ر ب كیڤه برینه و ژیێ وان زاروكان د ناڤبه‌را حه‌فت سالى و دوازده سالى دانه.
ژ ئالیه‌كێ دى ڤه، مه‌موزینى گۆت: پشتى چونا هێزا پێشمه‌رگه‌ى بۆ ناڤ شنگالێ چه‌كدارێن داعش ده‌ست ب ره‌ڤێ كریه و هه‌ر ئه‌ڤرۆ ژى 16 چه‌كدارێن داعش ل ناڤ شنگالێ ژ ترسا هێزا پێشمه‌رگه‌ى ره‌ڤینه، به‌لێ هه‌ر ژلایێ چه‌كدارێن داعش ڤه هاتنه گوله باران كرن.
حه‌سه‌ن شه‌ریف ل دۆر خه‌لاتكرنا خوه بۆ ئه‌ڤرۆ نيوز د ئاخڤیت
شێخان،بارزان مزوورى
ئه‌ڤرۆ ده‌مژمێر 11 سپێدێ 24/12 لژێر چاڤدێریا رێزدار ئیسماعیل مسته‌فا قائیمقامێ قه‌زا شێخان ب به‌رهه‌ڤ بونا به‌رپرسێ لقا 20 ێ شێخان عه‌لى عه‌ونى و به‌رپرسێن ده‌زگه‌هێن میرى و حزبى و جه‌ماوه‌ره‌كێ زور ل ده‌ڤه‌را شێخان نڤیسینگه‌ها شێخان یا گروپێ ئالایێ كوردستانێ د ڤیسته‌ڤاله‌كێ دا خه‌لاتێ رێزلێنانێ پێشكێشى هونه‌رمه‌ندێن پێشمه‌رگه حه‌سه‌ن عه‌لى خه‌نجه‌ر و حه‌سه‌ن شه‌ریف كر.
هونه‌رمه‌ندێ پێشمه‌رگه ، حه‌سه‌ن شه‌ریف ، بۆ ئه‌ڤرۆ نیوز گۆت: نڤیسینگه‌ها گروپێ ئالایێ كوردستانێ شێخان رێزه‌كا مه‌زن دامه و ئه‌م هه‌ردوو خه‌لاتكرین، هونه‌رمه‌ند حه‌سه‌ن عه‌لى خه‌نجه‌ر نه ب تنێ هونه‌رمه‌نده‌كێ پێشمه‌رگه‌یه به‌لكو سه‌دان داستانێن مه‌زن یێن به‌شداربویى و داستان وسترانێن كوردى یێن پاراستین ، ئه‌ڤ رێزلێنایه مه‌گه‌له‌ك قه‌بوله سوپاسیا وان كه‌سا دكه‌م ئه‌وێن خوڤه ماندى كرین بمه‌ڤه و ئه‌م هه‌ژى ڤى خه‌لاتى رێزلینانى داناین.
بهايێ زێر و زيڤى ل بازارێن دهۆكێ
گوهۆڕين كه‌فتنه ره‌وشا دراڤى
نيشاندان
WP Facebook Auto Publish Powered By : XYZScripts.com