نه‌خوێنده‌واری (الامیه), ئێكه ژدیاردێن جڤاكی یێن به‌ربه‌لاڤ د ناڤ زۆربه‌ی وه‌لاتان دا, پێناسه و تێگه‌هێ (الامیه) ژ وه‌لاته‌كی بۆ ئێكێ دیتر ل وه‌لاته‌كێ دیتر جوداهی هه‌یه بۆ نموونه ل وه‌لاتێن پێشكه‌فتی وه‌ك یابانێ دهێته گۆتن بۆ وی كه‌سێ نه‌گه‌هشتبیته ئاسته‌كێ به‌رز ژ زانست و زانینێ و بشێت داهێنانه‌كێ دكارێ خوه دا بكه‌ت، ل زۆربه‌ی وه‌لاتێن ئه‌ورۆپا دهێته گۆتن بۆ وان كه‌سان یێن شارازای د وارێ ته‌كنولۆجیایێ دا نه‌بیت. لێ ل وه‌لاتێن پاشڤه مای دهێته گۆتن بۆ وی كه‌سێ گه‌هشتبیته ژیێ دوازده سالیێ و خواندن و نڤسینێ نه زانیت. د چارچووڤێ ڤان پێناسان دا هه‌ر وه‌لاته‌ك پێكۆلێ دكه‌ت خوه ژ ڤێ ئاریشێ خلاس كه‌ت، له‌ورا دێ بینین وه‌لاتێن پاشڤه‌مای ل رۆژهه‌لاتێ هه‌ولده‌ن كار بكه‌ن ژبۆ نه‌هێلانا نه‌خوێنده‌واریێ و پێشڤه‌برنا سیسته‌مێ په‌روه‌ردێ و تا نها چه‌ندین جاران پیلانێن جۆراو جۆر هاتینه دارێشتن ژبۆ پێشڤه‌برنا سیسته‌مێ په‌روه‌ردێ و نه‌هێلانا نه‌خوێنده‌واریێ، ره‌نگه وه‌كی یا خوه‌یا گه‌له‌ك جاران ئه‌ڤ سیسته‌مه ژ وه‌لاتێن ئه‌ورۆپا هاتیه وه‌رگرتن, لێ یا گرنگ ئه‌وه بزانین ئه‌رێ پێشكه‌فتنا ئه‌ورۆپا د نه‌هێلانا نه‌خوێنده‌واریێ دایه؟ وه‌كی یاخوه‌یا د سه‌رژمێری د رێكخراوا یۆنسكۆ رێژا نه‌خوێنده‌واری ل ئه‌مریكا 14% نێزیكی 40 ملیۆن كه‌س نزانن بخوینن و بنڤیسن، دیسا ل ئه‌لمانیا 4 ملیۆن كه‌س خواندن و نڤسینێ نزانن ره‌نگه ئه‌م هه‌می بزانین ئه‌ڤه ژ وه‌لاتێن پێشكه‌فتی نه د هه‌می ب واران دا لێ وه‌كی ئاماژه پێهاتیه دان تێگه‌هشتنا وان بۆ زاراڤێ (الامیه) تایبه‌تمه‌ندیا خوه هه‌یه. ل وان وه‌لاتان مه‌رج نینه كه‌سێ نه‌خوێنده‌وار كه‌سه‌كێ پاشڤه‌مای بیت، دبیت خواندن و نڤسینێ نزانیت لێ د هنده‌ك ئالیێن دیتر دا شارازایه‌كا باش هه‌بیت مفای بگه‌هینته وه‌لاتێ خوه، ئه‌ڤه ژ ئالیه‌كی ڤه و ژ ئالیه‌كێ دنڤه سه‌ده‌ما پێشكه‌فتنێ ل ڤان وه‌لاتان دزڤریت بۆ تێگه‌هشتنا چینا ره‌وشه‌نبیر د ناڤا كومه‌لگه‌هێ دا ژبه‌ر كو تێگه‌هشتنا كه‌سێ ره‌وشه‌نبیر و خواندڤان ل وان وه‌لاتان ل وی ئاستیه وێنه‌كێ دی دده‌ته چینا نه‌خوێنده‌وار دبیت پتریا جاران ئه‌ڤ وێنه هۆسا دهێته دیاركرن ئه‌م هزربكه‌ین نه‌خوێنده‌واری د ناڤا ئه‌ورۆپا دا نینه. ئه‌ڤجا ل ڤێره ئه‌م د نه‌چارین ل زاراڤێ (الامیه) بزڤرین و تێگه‌هشتنا خوه بۆ ڤی زاراڤی رازڤه‌كه‌ین پێدڤیه ئه‌م بزانین د ڤی سه‌رده‌می دا (الامیه) ب تنێ ئێكه ژ ستوونێن نه‌زانینێ و بێگومان گه‌له‌ك شێوه هه‌نه وه‌ك (الامیه د وارێ شارستانی دا هه‌یه، دیسا د وارێ جڤاكی و مێژووی دا. .. هتد)، له‌ورا د نها دا پێدڤی ناكه‌ت كوردستان ژی ژ وان وه‌لاتان بیت یێن دچارچووڤێ پێناسه‌كا به‌رته‌نگ دا به‌رێخوه دنه ڤی زاراڤی دكه‌نه ئاریشه هه‌مبه‌ری پێشكه‌فتنێ, وه‌كی خوه‌یا رێژا نه‌خوێنده‌واری ل كوردستانێ 18% و ئه‌ڤه یا سه‌یره، چونكی كوردستان ب تنێ سێ پارێزگه‌هه لێ یا سه‌یرتر ئه‌وه هه‌كه ئه‌م ئاماره‌كێ به‌رهه‌ڤ بكه‌ین ژبۆ زانینا رێژا كه‌سانێن خونده‌ڤان و ره‌وشه‌نبیران دا ئه‌وێ، ب تنێ د كه‌ڤاله‌كی دا دساخ وه‌كی دی دهه‌بوه‌ن و د لڤینان دا دمرینه! ل وی ده‌می دێ بۆ مه دیار بیت ئاریشا مه نه ب تنێ نه خوێنده‌واریه به‌لكی ئاریشا مه ژچینا ره‌وشه‌نبیر ده‌ست پێدكه‌ت, هه‌كه ئه‌م د چارچووڤێ پێناسا وه‌لاتێن پێشكه‌فتی دا به‌رێ خوه بده‌ینه كوردستانێ دێ بۆ مه دیاربیت ره‌وشه‌نبیرێن مه ژی نه‌خوێنده‌وارن و دكه‌ڤنه بن زاراڤێ (الامیه) سه‌ده‌ما ڤێ چه‌ندێ دزڤرت بۆ چه‌ندین ئاریشان، ژ وان لاوازیا سیسته‌مێ خواندنێ و نه‌گرنگیدان ب كه‌سانێن ره‌وشه‌نبیر دیسا سنۆركرنا هزرو بیر و ئاریشێن جڤاكی. .. هتد. له‌ورا پێدڤیه گرنگیه‌كا زۆر بهێته دان ب سیسته‌مێ خواندنێ، لێ ئه‌ڤ گرنگیه د پیلانه‌كا گونجابیت نه‌كو سیسته‌مێ خواندنێ هه‌ر سالێ جاره‌كێ ل دووڤ دیتنا كه‌سه‌كی بهێته گوهۆرین و پیلانا به‌ری وی بهێته لادان. د هه‌مان ده‌مدا سه‌رنجا تاكی بۆ خواندن و زانستی بهێته راكێشان داكو حه‌ز ل پێشكه‌فتنێ بكه‌ت، ئه‌ڤه ژی دزڤریت بۆ ئاڤاكرنا قوتابخانان ل سه‌ر شێوازێن پێشكه‌فتی و هه‌می پێدڤیێن قوتابی تێدابن، دیسا چاره‌كرنا كێشا ئابووری گه‌له‌كا پێدڤیه داكو تاك نه‌چار نه‌بیت ده‌ستا ژ خواندنێ به‌رده‌ت و كاربكه‌ت د هه‌مان ده‌مدا كه‌سێ ره‌وشه‌نبیر و خوانده‌ڤان ژی نه‌چار نابیت باوه‌رنامه و زانینا خوه بكاربینیت ب تنێ بۆ بده‌ستڤه‌ئینانا داهاتی ژبۆ برێڤه‌برنا ژیانا خوه, یا ژ ڤان خالان هه‌میان گرنگتر سنۆره‌ك بهێته‌دان ژ بۆ زیده‌بوونێ. هه‌ر خێزانه‌كێ دا گه‌ر ب كێمی حه‌فت ئه‌ندام قوتابی بن چ بێنه‌ڤێت ئه‌ڤه ئاریشه یه بۆ خێزانێ و حوكمه‌تێ. پێدڤیه ئه‌م هه‌می د هاریكاربین داكو پێكڤه به‌ر ب كۆمه‌لگه‌هه‌كا پێشكه‌فتی برێبكه‌ڤین و جڤاكه‌كێ ڤالا ژ نه‌زانینێ ئاڤا بكه‌ین.
نووترين نووچه
- وەزارەتا دارایی بەرسڤا سەردابرنێن پەرلەمانتارەكێ ئێكەتیێ ل دۆر لیستا مووچەی ددەت
- رێباز حەملان: مە پەیاما سەرۆكێ حوكمەتا هەرێمێ ل دۆر مووچەیێ فەرمانبەرێن هەرێمێ گەهاندە سۆدانی
- پێشبینییا چەندین سیناریۆیان ل رۆژهەلاتا ناڤین دهێتە كرن كو ئیراقێ ژی دێ ڤەگرن
- نێچیرڤان بارزانی خواستا هەرێما كوردستانێ بۆ پێشڤەبرنا پەیوەندیان ل گەل هندستانێ دوپاتكر
- ل ئەینییا بهێت شاندێ هەڤپشكێ وەزارەتا داراییا ئیراقێ و هەرێمێ دێ كۆمبن
- ل ئیراقێ فیدرالی نەهاتییە بجهئینان
- فەوزی هەریری: تێكگەهشتنەكا باش بۆ پێكئینانا كابینەیا دەهێ هەیە
- ئەڤرۆ شاندێ تەكنیكیێ پارتی و ئێكەتی ل دۆر پێكئینانا كابینەیا نوو یا حوكمەتێ دێ كۆمبن
- دێ ل گەل ئەنەکەسێ دەست ب دانوستاندنان کەین
- پشكداریا مەسرور بارزانی ل كۆڕبەندێ ئابووریێ جیهانی دێ رەنگڤەدانا ئابووری و دیپلۆماسی ل سەر هەرێمێ هەبیت
سهرهكى Facebook
دا ڤێ ترۆمبێلێ ژى ب پێشمه‌رگه‌يى ڤه په‌قينن
ژێده‌ره‌كى ژ هێزێن پێشمه‌رگێ كوردستانێ راگه‌هاند كو ئه‌و شيان ده‌ست ب سه‌ر ڤێ ترۆمبێلێ دا بگرن كو ل به‌ر بوو ل گوندێ گرگامش ل ده‌مێ هێرشا پێشمه‌رگه‌يى پێڤه ب په‌قينن.
نيهاد فوئاد، پێشمه‌رگه‌كه ل گوندێ گرگامش بۆ ئه‌ڤرۆ نيوز دياركر كو ئه‌و شياينه ده‌ست ب سه‌ر ڤى تانكه‌رى دا بگرن كو يێ TNT كرى بوو ژ لايێ داعش ڤه و پێنج ته‌نێن TNT تێدا بوون و نه‌هێلان ب په‌قينن.
ئه‌ڤ وێنه يێ كو ژ لايێ وى ڤه هاتيه گرتن، وێ تانكا TNT كرى نيشا دده‌ت يا كو بار كرى ب پێنج ته‌نێن مادێ TNT كرى و دا ب پێشمه‌رگێ كوردستانێ ڤه په‌قينن.
گۆندێ گرگامش يێ نێزيك ناحيا زومار ئێك ژ وان گوندان بوو يێ د ئۆپه‌راسيۆنێن پێشمه‌رگه‌يى دا ئه‌وێن ب هه‌لكه‌فتا رۆژا ئالايێ كوردستانێ ب سه‌رپه‌رشتيا سه‌رۆكێ هه‌رێما كوردستانێ و فه‌رماندێ هێزێن چه‌كدار، مه‌سعود بارزانى ڤه هاتينه كۆنترۆلكرن.
بهێنڤه‌دانه‌كا دژى زێده بوو
ئه‌ڤرۆ نيوز، نيوار محه‌مه‌د سه‌ليم:
حوكمه‌تا هه‌رێما كوردستانێ راگه‌هاند كو ژبلى رۆژا 25\12 و 1\1 دێ رۆژه‌كا دژى بيته بهێنڤه‌دانا فه‌رمى كو ب هه‌لكه‌فتا ژ دايكبوونا پێغه‌مبه‌رێ خودێ محه‌مه‌د سلاڤێن خودێ ل سه‌ر بنه.
فاتح مه‌وله‌وى زاده، ئاخفتنكه‌رێ بناڤێ حوكمه‌تا هه‌رێما كوردستانێ راگه‌هاند كو ژ بلى رۆژا 25\12 و 1\1 دێ رۆژا 3\1 ژى بيته بهێنڤه‌دانا فه‌رمى كو ب هه‌لكه‌فتا ژ دايكبوونا پێغه‌مبه‌رێ خودێ محه‌مه‌د سلاڤێن خودێ ل سه‌ر بن.
پێشتر ژى حوكمه‌تا هه‌رێما كوردستانێ به‌رى دو رۆژان ژ زارده‌ڤێ ئاخفتنكه‌رێ خوه راگه‌هاندبوو كو هه‌ر دو رۆژێن 25\12 كو دبيته جه‌ژنا مه‌سيحيان و 1\1 كو دبيته سه‌رێ سالا زاينى دێ بهێنڤه‌دانا فه‌رمى بيت ل هه‌موو داموده‌زگه‌هێن حكومى، ب تنێ وه‌زاره‌تا خواندنا بلند و ڤه‌كۆلينێن زانستى و وه‌زاره‌تا په‌روه‌ردێ دێ ل دووڤ پێدڤيا خوه بڕيارێ ده‌ن.
رێڤه‌به‌رێ گشتيێ په‌وره‌دا پارێزگه‌ها دهۆكێ گۆت: “ده‌رباره‌يى بهێنڤدانێن ڤان رۆژان ل گه‌ل وه‌زيرێ په‌روه‌ردێ ئاخفتينه كو هه‌ر ئێك ژ رۆژێن 25\12 و 1\1 ببنه دواما فه‌رمى بۆ قوتابيان، ب تنێ بۆ قوتابيێن مه‌سيحى دێ بهێن ڤه‌دانا فه‌رمى بيت”.
عيراق دێ پێنج مليار دولاران قه‌ر كه‌ت
ئه‌ڤرۆ نيوز:
بڕيار ده‌رێ لژنا دارايى ل جڤاتا نوونه‌رێن عيراقێ راگه‌هاند كو حوكمه‌تا عيراقێ نيه‌تا فه‌ركرنا پێنج مليار دولاران يا ژ به‌فقا دراڤى يا نێڤده‌وله‌تى هه‌يى.
رۆژناما سه‌باح ئه‌لجه‌ديد ژ زارده‌ڤێ ئه‌حمه‌د ره‌شيد بڕيارده‌رێ لژنا دارايى ل جڤاتا نوونه‌رێن عيراقێ به‌لاڤكر كو عيراقێ نيه‌تا قه‌ركرنا پێنج مليار دۆلاران ژ سندوقا دراڤى يا نێڤده‌وله‌تى يا هه‌يى هه‌كه بودجێ عيراقێ گه‌هيته 15 ترليۆن ديناران.
ب گۆتنا وى په‌رله‌مانتارى د چه‌ند ده‌مژمێرێن بۆرى دا، به‌رميله‌كا په‌ترۆلا عيراقێ ب 53 دولاران هاتيه فرۆتن و هه‌ر ئه‌ڤه ژى بوويه ئه‌گه‌رێ وێ چه‌ندێ كو بودجا گشتيا عيراقێ نه‌كه‌ڤيته به‌ر دانوستاندنێ.
ژ لايه‌كێ دى ڤه سندوقا دراڤى يا نێڤده‌وله‌تى ئاماده‌يا خوه نيشادايه كو رێنمايى و هاريكاريا دارايى پێشكێشى عيراقێ بكه‌ت هه‌ر ده‌مێ توندوتيژيێن عيراقێ ب دووماهى ئينان.
نوشداره‌كى د روودانه‌كێ دا گيانێ خوه ژ ده‌ست دا
د روودانه‌كا ترافيكێ دا ئه‌ڤرۆ ل ده‌ڤه‌را شێخان نوشداره‌كێ نه‌خۆشخانا ئاكرێ گيانێ خوه ژ ده‌ست دايه پشتى ترۆمبێلا وى بۆ سێ مه‌تران ژ جادێ ده‌ركه‌فتى و ب ترۆمبێله‌كا كۆلانا بيرێن په‌ترۆلێ كه‌فتيه.
دلشاد محه‌مه‌د ژ راگه‌هاندنا بنگه‌هێ پۆليسێن هاتنوچوونا شێخان بۆ ئه‌ڤرۆ نيوز گۆت: “ئه‌ڤرۆ سپێدێ ئه‌و هاتينه ئاگه‌هداكرن ل سه‌ر روودانه‌كێ و پشتى به‌ر ب جهێ روودانێ چووين، ترۆمبێله‌كا كلايزه‌ر ره‌ش خوه ل ترۆمبێله‌كا تايبه‌ت ب كولانا بيرێن په‌ترۆلێ دايه كو سێ مه‌تران ژ ده‌رڤه‌يى جادێ بوويه”.
زێده‌تر گۆت: “د ئه‌نجاما ڤێ روودانێ دا، كه‌سه‌كى گيانێ خوه ژ ده‌ست دايه”، ئاماژه ب وێ چه‌ندێ ژى كر كو كه‌سێ گيانێ خوه ژ ده‌ست دايى نوشداره‌كێ نه‌خۆشخانا ئاكرێ يه.
دا زانين ژى كو وه‌كو نياسێن وى دبێژن خه‌لكێ دڤه‌رێ قه‌سرۆكێ يه و دوهى ده‌مژمێر ئێكى شه‌ڤێ ژ كۆمه‌لگه‌ها چره‌يى ده‌ركه‌فتيه بێى كو ئه‌گه‌ران بزانن و گۆت: “ئه‌ڤ نوشداره ب ناڤێ زيره‌ك عيسا ئيسماعيله و ژ دايكبوويێ 1987 يێ يه”.
دووماهى داخۆيانيا سه‌رۆك بارزانى ل سه‌ر سه‌ربه‌خۆيا كوردستانێ
ئه‌ڤرۆ نيوز:
مه‌سعود بارزانى سه‌رۆكێ هه‌رێما كوردستانێ ئه‌ڤرۆ ل گه‌ل فێدريكا مۆگرينى، رێكخه‌را سياسه‌تا ژ ده‌ڤه‌ريا ئێكه‌تيا ئه‌ورۆپا كۆمبوو و پاشان ژى كۆنگره‌كێ رۆژنامه‌ڤانى سازكر و تێدا دووماهيا بۆچوونا خوه ل سه‌ر پرسا سه‌ربخۆيا كوردستانێ دياركر و موگرينى ژى گۆت: “هه‌موو وه‌لاتێن ئێكه‌تيا ئه‌ورۆپا د ئاماده‌نه، هه‌ڤكاريێن له‌شكرى و مرۆڤى يێن هه‌رێما كوردستانێ بن”.
سه‌رۆك بارزانى د كۆنگرێ رۆژنامه‌ڤانى دا ئاشكه‌را كر كو شه‌رێ داعش و هه‌ڤكاريا هه‌ڤپه‌يمانان و په‌يوه‌نديێن وان ل گه‌ل ئێكه‌تيا ئه‌ورۆپا ته‌ورێن كۆمبوونا وان ئه‌ڤرۆ بوون، رێكخه‌را سياسه‌تا ژ ده‌ڤه‌ريا ئێكه‌تيا ئه‌ورۆپا ژى گۆت: “شه‌رێ داعش يێ كوردان ب تنێ نينه، به‌لكو يێ هه‌موويانه”.
ئه‌وێ به‌رپرسا ئێكه‌تيا ئه‌ورۆپا ستايشا رۆلێ پێشمه‌رگه‌يى كر د روو ب رووى بوونا داعش دا و گۆت: “د پشت راستين كو داعش ل ڤان ده‌ڤه‌ران يا سه‌ركه‌فتى نابيت و ناڤه‌مينيت”.
موگرينى شه‌رێ پێشمه‌رگه‌يى ل گه‌ل داعش ب شه‌رێ كولتوورى” وه‌سفكر و ئاماژه ب سه‌ركه‌فتنێن ڤێ دووماهيێ يێن پێشمه‌رگه‌يى ل شنگال دا و گۆت: “هه‌رێما كوردستانێ سه‌لماند كو ڤێره ئه‌ردێ پێكڤه ژيانێ يه و سه‌ركه‌فتنا كلتوورى ب ده‌ست ڤه ئينا”.
گۆتژى: “هه‌موو وه‌لاتێن ئه‌ورۆپا د ئاماده‌نه هه‌ڤكاريا هه‌رێما كوردستانێ بكه‌ن د روويێ له‌شكرى و مرۆڤى و هه‌ر تشته‌كێ دى يێ دشيان دا بيت”.
ژ لايێ خوه ڤه ژى مسعود بارزانى سه‌رۆكێ هه‌رێما كوردستانێ ده‌رباره‌يى داعش گۆت: “دێ د به‌ردوام بيت ل سه‌ر گڤاشتنێن خوه بۆ سه‌ر داعش و چو داهاتيه‌ك ل ڤى وه‌لاتى نينه”.
د به‌رسڤا رۆژنامه‌ڤانان ژى دا، بارزانى گۆت: “سه‌ربه‌خۆيا كوردستانێ پرسه‌كا به‌رده‌وامه و مافێ مه‌يه، گه‌لێ كوردستانێ دێ بڕيارێ د وێ ده‌ربارێ دا ده‌ت”.
په‌روردێ بڕيارا خوه ل سه‌ر بهێنڤه‌دانێن 25\12 و 1\1 دان
ئه‌ڤرۆ نيوز، ناجى به‌ده‌ل:
ل گوری ئه‌وێ ده‌سه‌لاتا وه‌زراه‌تا په‌وه‌ردێ یا حوكمه‌تا هه‌ریما كوردستانێ دایه ریڤه‌به‌ریا به‌روه‌ردا گشتی یا پاریزگه‌ها دهۆكێ ل گوره‌يی هه‌ر پێدڤیه‌كێ ل سه‌ر چاوانیا ده‌وامێ و ده‌مێ تاقیكرنان ده‌سه‌لات پی هاتیه داین، ئه‌وان وه‌كو په‌روه‌ردا گشتيا پارێزگه‌ها دهۆكێ بڕيارا خوه دا.
نیوار ئه‌ترووشی به‌رپرسێ راگه‌هاندنا په‌روه‌ردا رۆژهه‌لات یا پارێزگه‌ها دهۆكێ راگه‌هاند: “ل گوری ئه‌وێ ده‌سه‌لاتا وه‌زاره‌تێ ب ریڤه‌به‌ریا گشتی یا پاریزگه‌ها دهۆكێ دايی ل سه‌ر ئه‌وی بنه‌مایی بریار دایه 25\12 و 1/1 نه بیته بهێنڤه‌دان بۆ كه‌رتێ په‌روه‌ردێ ل پارێزگه‌ها دهۆكێ”.
ناڤبری ئه‌و چه‌نده ژی دیاركر ژ به‌ر ئه‌گه‌رێ پاشكه‌فتنا قوتابیان ل وانه‌یان و نه ده‌ركه‌تنا ئاواران ژ قوتابخانه‌یان كو ده‌وام دره‌نگ ده‌ست پی بكه‌ت له‌ورا بریار هاته داین بهێنڤه‌دانێن هاتینه دیاركرن ل حوكمه‌تا هه‌رێمێ ژ پارێزگه‌ها دهۆكێ ناگرن و دێ ده‌واما فه‌رمی بیت بۆ كه‌رتێ په‌روه‌ردێ ل پارێزگه‌ها دهۆكێ.
حوكمه‌تا هه‌رێما كوردستانێ به‌رى دو رۆژان ژ زارده‌ڤێ ئاخفتنكه‌رێ خوه راگه‌هاندبوو كو هه‌ر دو رۆژێن 25\12 كو دبيته جه‌ژنا مه‌سيحيان و 1\1 كو دبيته سه‌رێ سالا زاينى دێ بهێنڤه‌دانا فه‌رمى بيت ل هه‌موو داموده‌زگه‌هێن حكومى، ب تنێ وه‌زاره‌تا خواندنا بلند و ڤه‌كۆلينێن زانستى و وه‌زاره‌تا په‌روه‌ردێ دێ ل دووڤ پێدڤيا خوه بڕيارێ ده‌ن.
ئه‌ڤ بهێنڤه‌دانێن كو هاتينه ره‌تكرن ژ لايێ په‌روه‌ردا حوكمه‌تا هه‌رێما كوردستانێ دێ ب تنێ ژ قوتابخانان گرن و ئه‌و رێڤه‌به‌ريێن سه‌ر ب وى كه‌رتى ڤه دێ د بهێن ڤه‌دانێ دا بن.
ڤيديۆ: نووترين سترانا عه‌مار كوفى
ره‌وشا كه‌شوهه‌وايێ سوبه‌هى
ئه‌ڤرۆ نيوز:
رێڤه‌به‌ريا گشتيا كه‌شناسيێ ل هه‌رێما كوردستانێ راگه‌هاند كو سوبه‌هى ئه‌سمانێ دهۆكێ ساهى بيت و پلا گه‌رماتيا بلند دێ بلند بيت.
پشكا پێشبينيان ل رێڤه‌به‌ريا گشتيا كه‌شنايا هه‌رێمێ راگه‌هاند كو ژ ئه‌نجامێ به‌رده‌وامبوونا فشارێن بلند يێن ده‌ريا ناڤه‌راست ل توركيا كو هه‌وايه‌كێ هشك و سار ل گه‌له بۆ سه‌ر هه‌رێما كوردستانێ ئه‌و پێشبينى دكه‌ن كو سوبه‌هى رۆژا چارشه‌مبى رێكه‌فتى 24\12\2014 ئه‌سمانێ دهۆكێ ساهى بيت ل گه‌ل په‌يدابوونا هنده‌ك ئه‌ورێن بچووك و دێ ل سپێدێ مژ ژى هنده‌ك ئه‌ردان گريت.
رێڤه‌به‌ريا گشتيا كه‌شناسيێ ل هه‌رێما كوردستانێ ئاشكه‌را ژى كريه كو پلا گه‌رماتيێ يا بلند دێ بلندتر بيت و يا نزم ژى دێ هێته خوار ب ره‌نگه‌كى د ناڤبه‌را پێنج بۆ 18 پلان دا.
ل دۆر پێشبينيا رێژا هه‌وايى و مه‌ودايێ ديتنێ ژى دايه زانين كو دێ ئاراسته‌يێ وى باكورێ رۆژئاڤا بيت ب ره‌نگه‌كى دێ يێ ناڤه‌ندى بيت د ناڤبه‌را پێنج بۆ 10 كليۆمه‌تر د ده‌مژمێره‌كێ و ماوێ ديتنێ ژى دێ هه‌شت بۆ 10 كيلۆمه‌تر بيت ل ده‌مێ مژێ ژى دێ بيته پێنج بۆ حه‌فت.
رێژێن باران بارينێ ل هه‌رێمێ
نيشاندان
WP Facebook Auto Publish Powered By : XYZScripts.com