ئه‌ی په‌رپه‌ریكا به‌حه‌شتێ دلنیا مه تو یا ل جهه‌كێ خوه‌شتر ژ ڤێ دونیایێ و ل گه‌ل یه‌كی دلۆڤانتر ژ مه مرۆڤان، تو یا قورتال بووی، لێ برینا ته د دلێ من دا مایه، هه‌كه تو ژ بیرا هه‌میا چوو بی، هێشتا یا ل سه‌ر هزرا من، چونكو ئه‌م هه‌می وه‌كی ته‌ینه هنده‌ك ژ مه دزانن و هنده‌ك ژی نزانن و هنده‌ك خوه ب سه‌رڤه دبه‌ن، د چركێن لاوازیێ دا ئه‌م هه‌می توی نه. له‌وما هێشتا كۆڤانا ته یا د دلێ من دا، هێشتا ئێشانا ته یا دله‌شێ من دا، هێشتا ئاخینكێن ته یێن د گه‌ریا من دا، د ڤی وه‌لاتێ هه‌می نامووس و رومه‌تا خوه دكه‌ته د ناڤ ده‌همه‌نا ژنێ دا، هزارێن وه‌كی ته سه‌رێ خوه یێ دانایی و هزارێن وه‌كی ته یێ ل هیڤیا مرنا خوه. . چ ئه‌گه‌ر نینن مرۆڤ ل ڤی جڤاكی بهێنه شكاندن ئه‌گه‌ر ( مێ ) نه‌بی، هه‌ر كاره‌ك هه‌ر ئاخفتنه‌ك و ده‌ركه‌تنه‌ك چیرۆك و ئه‌فسانا ژێ چێدكه‌ن، هه‌ر خه‌له‌تیه‌كا مه نه‌كری ژی، باجا وێ دده‌ین، تاكو ئه‌و سێڤا مه ل به‌هه‌شتێ ژی نه‌خواری ل دونیایێ یا هێلایه د گه‌وریا مه دا و مه پێ دخه‌ندیقینن. ئه‌ی په‌رپه‌ریكا به‌هه‌شتێ.. ما ته نه‌دزانی ئه‌ڤه وه‌لاتێ مریانه؟ هونه‌ر و جوانی تێدا حه‌رامن! ما ته نه‌دزانی ئه‌ڤه وه‌لاتێ جه‌هنه‌میانه؟ عه‌شق و دلنه‌رمی و بێ گونه‌هی تێدا مه‌حالن، ما ته نه‌دزانی ل ڤی وه‌لاتێ چو سیمایێن ژیانێ لێ نه، هیڤی و ئومێد و ئاره‌زوو تێدا دهێنه كوشتن، ما ته نه‌دزانی كچێن ڤی وه‌لاتی تنێ دخون و ڤه‌دخون و سه‌رێ خوه دچه‌مینن و خوه دمرینن، دا بژین ب بهانا ره‌وشتی و نامووسێ ژ هه‌ر تشته‌كێ ژیانێ بێ به‌هر بووینه.. دیاره ته نه‌دزانی كو نه‌فره‌تا مێیاتیێ یا ل سه‌ر كچێن ڤی جڤاكی دا هاتی، پرچا مه، سینگێ مه و لاشێ مه ئه‌م كرینه بونه‌وه‌رێن جودا ژ مروڤان، ئه‌م دنه‌فره‌ت كرینه، هه‌ر خه‌له‌تیه‌كا بهێنه كرن ب تنێ ئه‌م به‌رپرسیاره‌تیێ رادكه‌ین و سزایێ خوه ب توندی وه‌ردگرین، ما ته نه‌دزانی تو سه‌رێ خوه ژ مال بده‌رێخی و بستری و بكه‌نی و خوه جوان بكه‌ی، هزار چاڤ دێ ته خون! هزار كه‌س دێ گومانێ ب ره‌وشت و پاقژیا ته به‌ن! ما ته نه‌دزانی كو مه‌ترسیدارترین مرۆڤ ل ڤی جڤاكی مرۆڤێن (سیاسی و ره‌وشه‌نبیری و ئایینی نه) ئه‌ی په‌رپه‌ریكا به‌حه‌شتێ تو گه‌له‌ك ژ هندێ ساده‌تر بووی كو حنێرێن ژنا بكاربینی و وه‌كی گه‌له‌كا هه‌ر تشته‌كێ ته دڤێن بكه‌ی و كه‌فیكه‌كێ و كراسه‌كێ درێژ ل به‌ر خوه بكه‌ی، دا پێ بهێنه ڤه‌شارتن و ببیه خودان سامان و نامووس و ده‌ستهه‌لات و پۆست، ل من ببۆره جانا من، لێ هه‌می ل سه‌ر كه‌له‌خێ ته یێ خوه ب ره‌وشت و نامووس و دیندار دئێخن، هه‌می لۆمه و خرابی بۆ ده‌روونێ ته یێ پاقژ دزڤرینن، ژ به‌ر هندێ چوونا ته جڤاك نه‌رابوو سه‌رخوه ته قورتال بكه‌ت و مافێ ته بستینیت، هه‌می ئاییندار و خودێنیاسن، لێ كه‌سێ نه‌گۆت ( واژا الموۆده سئلت بێی ژنب قتلت ) تو ل به‌ر چاڤێن هه‌رێمه‌كێ وه‌لێ هاتی یا تژی یه ژ سازیێن مافێ مرۆڤی و مافێ ئافره‌تێ و به‌رهنگاریا توندوتیژیێ، لێ ب چوونا ته هه‌می بوونه خودان تیتال و بابسالاری و عشائری و دۆزا ته هاته گرتن به‌ری ڤه‌بیت، هه‌می ل سه‌ر لاشێ ته یێ دژین و ل سه‌ر حسابا روحا ته و یێن وه‌كی ته یێ نانێ خوه دخون، ب پۆست و ده‌ستهه‌لات و مه‌ره‌مێن خوه‌ڤه د مژوولن كه‌سێ های ژ ئێشان و برینا ته نینه. ل مه بۆره په‌ریا رویباری.. ئه‌م دبێ نه‌وێرۆكن! چو مرۆڤایه‌تی ل ده‌ڤ نینه، ل مه ببۆره مه نه‌شیا ئانكو مه بزاڤ نه‌كر رومه‌تا ته بۆ ته بزڤرینین، مه نه‌شیا برینا ته ده‌رمان كه‌ین، مه نه‌شیا تۆلێن ته ژ هه‌ر كه‌سه‌كێ غه‌در و سته‌م ل ته كری و تو ئیستغلال كری ڤه‌كه‌ین، مه نه‌شیا مرنا ته ل جیهانێ هه‌میێ ده‌نگڤه‌ده‌ین، ب نامووس و گرنژین و ب كه‌رامه‌ت و بگرنژین و ب جوانی سه‌رێ خوه دانی، ل مه ببۆره ئه‌م نه مرۆڤین، هه‌ر باش بوو تو ژ درندایه‌تیا ڤان بونه‌وه‌ران قورتال بووی، قه‌ت خه‌مێ نه‌خوه، چونكو چوونا ته دێ مینیت خاله‌كا ره‌ش د مێژووا جڤاكێ مه دا، بێ هه‌لویستی به‌رامبه‌ر مرنا ته دێ مینیت خاله‌كا بێ نامووسیێ ب ئه‌نیا هه‌ر ده‌زگه‌هه‌كێ ب مافێ ژنێ و دادیێ دئاخڤیت. قه‌ت خه‌مێ نه‌خوه ئه‌م دێ ل دووڤ ته داهێین، هێشتا ئه‌ڤ وه‌لاته هشیار نه‌بوویه، هێشتا مرۆڤایه‌تی ل ده‌ڤ په‌یدا نه‌بوویه، هێشتا رووبار و دول و نهال ژ دیتنا لاشێن مه تێر نه بووینه، له‌و ل نێزیك دێ ئێكدو بینین.. گول و ڤیان و ماچ هه‌مبێز بۆ ته نازكا هونه‌رمه‌ند كچا دیل روحا ته شاد.
نووترين نووچه
- وەزارەتا دارایی بەرسڤا سەردابرنێن پەرلەمانتارەكێ ئێكەتیێ ل دۆر لیستا مووچەی ددەت
- رێباز حەملان: مە پەیاما سەرۆكێ حوكمەتا هەرێمێ ل دۆر مووچەیێ فەرمانبەرێن هەرێمێ گەهاندە سۆدانی
- پێشبینییا چەندین سیناریۆیان ل رۆژهەلاتا ناڤین دهێتە كرن كو ئیراقێ ژی دێ ڤەگرن
- نێچیرڤان بارزانی خواستا هەرێما كوردستانێ بۆ پێشڤەبرنا پەیوەندیان ل گەل هندستانێ دوپاتكر
- ل ئەینییا بهێت شاندێ هەڤپشكێ وەزارەتا داراییا ئیراقێ و هەرێمێ دێ كۆمبن
- ل ئیراقێ فیدرالی نەهاتییە بجهئینان
- فەوزی هەریری: تێكگەهشتنەكا باش بۆ پێكئینانا كابینەیا دەهێ هەیە
- ئەڤرۆ شاندێ تەكنیكیێ پارتی و ئێكەتی ل دۆر پێكئینانا كابینەیا نوو یا حوكمەتێ دێ كۆمبن
- دێ ل گەل ئەنەکەسێ دەست ب دانوستاندنان کەین
- پشكداریا مەسرور بارزانی ل كۆڕبەندێ ئابووریێ جیهانی دێ رەنگڤەدانا ئابووری و دیپلۆماسی ل سەر هەرێمێ هەبیت
سهرهكى Facebook
فرۆكخانا تله‌عفه‌ر هاته ئازادكرن
ئه‌ڤرۆ نيوز:
ژێده‌ره‌كى راگه‌هاند كو ئه‌ڤرۆ ب رێيا هاتنه خوارا له‌شكرێ عيراقێ ب رێيا فرۆكێ شيان فرۆكخانا تله‌عفه‌ر ژ ده‌ستێ داعش بيننه ده‌ر.
ئه‌ڤى ژێده‌رى بۆ كه‌نالێ عيراقيه يێ نێزيكى حوكمه‌تا عيراقێ گۆت: “ئه‌ڤرۆ هاتنه خوارا له‌شكرێ هێزا زێرينا دژى تيرۆرێ ژ فرۆكێ، شيان فرۆكخانا تله‌عفه‌ر ژ ده‌ستێن تيرۆرستێن داعش بيننه ده‌ر”.
ئاماژه ب وێ چه‌ندێ ژى كر كو نوكه شه‌ر و پێكدادان د ناڤبه‌را چه‌كدارێن داعش و هێزا دژى تيرۆرێ يا به‌رده‌وامه بۆ گرتنا نه‌خۆشخانا فێركارى يا تله‌عفه‌ر ئه‌وا دكه‌ڤيته ل رۆژئاڤايێ باژێرێ مووسل كو دكه‌ڤيته ناڤه‌ندا قه‌زايێ يێ به‌رده‌وامه.
نێزيكى پێنج هه‌يڤايه چه‌كدارێن داعش ده‌ستي خوه دانايه سه‌ر باژێرێ تله‌عفه‌ر و د ڤى ماوه‌يى دا چه‌ندين جاران فرۆكێن هه‌ڤپه‌يمانان هێرش كرينه سه‌ر ڤى باژێرى و فرۆكخانێ.
ئه‌ڤ هێرشا هێزا دژى تيرۆرا عيراقى د ده‌مه‌كى دا هات كو هێزێن پێشمه‌رگێ كوردستانێ ب سه‌رپه‌رشتيا مه‌سعود بارزانى، فه‌رماندێ هێزێن چه‌كدار و سه‌رۆكێ هه‌رێما كوردستانێ چه‌ندين ده‌ڤه‌رێن گرنگ و ستراتيژى د ڤان سێ رۆژێن بۆرى دا ژ بن ده‌ستێ چه‌كدارێن داعش ده‌رخستن.
بازرگانه‌كى ل دهۆكێ خوه كوشت
ئه‌ڤرۆ نيوز، هه‌يفا دۆسكى:
رێڤه‌به‌ريا پۆليسێن پارێزگه‌ها دهۆكێ راگه‌هاند كو ئه‌ڤرۆ سپێدێ ل دهۆكێ كه‌سه‌كى خوه كوشت و هێشتا ئه‌گه‌رێ كوشتنا وى نه‌هاتيه زانين.
نه‌قيبێ مافپه‌روه‌ر، هێمن سلێمان، به‌رپرسێ راگه‌هاندنێ ل رێڤه‌به‌ريا پۆليسێن پارێزگه‌ها دهۆكێ بۆ ئه‌ڤرۆ نيوز گۆت: “ئه‌ڤرۆ سپێدێ ل ده‌مژمێر شه‌شى سپێدێ ل ئه‌ڤرۆ سپێدێ كه‌سه‌كێ 42 سالى خوه كوشت”.
زێده‌تر گۆت: “ئه‌ڤ كه‌س ب ناڤێ (ئـ.ر.م) بوويه و كارێ بازرگانيێ دكر، د ژوورا خوه ڤه ل ئه‌ڤرۆ ستى ب گوله‌كێ ده‌بانجێ دووماهى ب ژيانا خوه ئينايه”.
دوهى ل خانكێ ژى گه‌نجه‌كێ خێزاندار يێ 28 سالى ب گۆله‌كا ده‌بانجێ ل سه‌رێ خوه دابوو و ب رێيا نه‌خۆشخانێ ڤه گيانێ خوه ژ ده‌ست دابوو.
ڤيديۆ: بارزانى كۆنگره‌كێ رۆژنامه‌ڤانى ل چيايێ شنگال گێرا
ئه‌ڤرۆ نيوز:
سه‌رۆكێ هه‌رێما كوردستانێ، مه‌سعود بازرانى، د كۆنگره‌كێ رۆژنامه‌ڤانى دا ل سه‌رێ چيايێ شنگال ئاماژه ب وێ چه‌ندێ كر كو ئه‌و دێ ده‌سپێكێ ده‌ڤه‌رێن كوردستانى رزگار كه‌ن و پاشان هندى د شيانێن وان دا بيت دێ ل داعش ده‌ن، ئاماژه دا هندێ ژى كو پێشمه‌رگه‌يى د 48 ده‌مژمێران دا 48 هزار كيلۆمه‌تر ئازاد كرينه.
سه‌رۆكێ هه‌رێما كوردستانێ و فه‌رماندێ هێزێن چه‌كدار، مه‌سعود بارزانى، به‌رى ده‌مه‌كێ كێم د كۆنگره‌كێ رۆژنامه‌ڤانى دا ل سه‌رێ چيايێ شنگالێ په‌يڤه‌ك پێشكێشكر و گۆت: “ب خۆشحاليه‌كا ئێكجار زۆر بۆ گه‌له‌كێ كوردستانێ رادگه‌هينم و پيرۆزباهيه‌كا گه‌رم ل خووشك و برايێن ئێزدى دكه‌م يێن كو ل ڤێره گه‌له‌ك ئاسته‌نگ ديتين”.
زێده‌تر گۆت: “سۆپاسيا پێشمه‌رگه‌يى دكه‌م كو رێيا ره‌بيعه شنگار و ره‌بيعه زۆمار كۆنترۆلكرى، داستانه‌كا مێژوويى بوو تۆماركرى”
سه‌رۆكێ هه‌رێمێ سوپاسيا خودێ ژى كر و گۆت: “ئێك ژ هيڤيێن من يێن كو ل سه‌ر چيايێ شنگال پيرۆزباهيا سه‌ركه‌فتنێ ل گه‌لێ شنگالێ بكه‌م وسه‌ركه‌فتنا پێشمه‌رگه‌يى پيرۆز كه‌م هاته پێش”.
ئه‌و ئێك ژى نه‌ڤه‌شارت كو باژێرێ شنگال ب خوه ژى د ناڤ به‌رنامێ وان دا نه‌بوويه و گۆت: ” ئه‌و ژى گه‌له‌ك يێ هاتيه كونترۆلكرن”.
ل دۆر پرسيارێن رۆژنامه‌ڤانان ژى ئاماژه ب وێ چه‌ندێ كر كو هه‌ر جهه‌كێ ده‌ستێ وان ب گه‌هيتێ دێ ژ ده‌ستێن وان ئينينه ده‌ر و گۆت: “ئه‌ڤه دێ حالێ هه‌ر كه‌سه‌كى بيت كو هزر ل هندێ بكه‌ت ته‌عدايێ ل ملله‌تێ مه بكه‌ت”.
ده‌باره‌يى پشته‌ڤانيكرنا هێزێن عيراقى بۆ رزگاركرنا مووسل ژى گۆت: “هه‌كه حوكمه‌تا هه‌رێمێ به‌رنامه هه‌بيت دێ هاريكاريا وان كه‌ين و دێ ب گۆره‌يى به‌رنامه‌يى هاريكاريا وان كه‌ين و هه‌ر جهێ داعش لێ هه‌بيت دێ بزاڤا ژ ناڤبرنا وان كه‌ين، به‌لێ ب گۆره‌يى شيانان”.
نه‌ڤه‌شارت ژى كو ئه‌ڤه نه دووماهيا داعشه، به‌رنامێ وان ئه‌وه ده‌ڤه‌رێن خوه رزگار كه‌ن و هه‌ر جهێ د شيانێن وان دا بيت دێ ل داعش ده‌ن.
ل دۆر قه‌ره‌بووكرنا خه‌لكى ژى گۆت: “حوكمه‌تا هه‌رێما و فيدرال پێدڤيه ئه‌ڤ خه‌لكه بهێته قه‌ره‌بووكرن، به‌لێ ب نسبه‌تا من دڤێت ده‌سپێكێ قه‌ره‌بوويا ده‌روونى بهێته كرن و پاشان ژى يا پاره‌يى يا ب ساناهى يه”.
هه‌رێما كوردستانێ ژڤانێ دو بهێنڤه‌دانا راگه‌هاند
ئه‌ڤرۆ نيوز:
ب هه‌لكه‌فتا ژ دايكبوونا حه‌زره‌تێ مه‌سيح، سه‌رۆكێ حوكمه‌تا هه‌رێما كوردستانێ راگه‌هاند كو رۆژا پێنجشه‌مبى ل هه‌موو فه‌رمانگه‌هێن هه‌رێما كوردستانێ كره بهێنڤه‌دانا فه‌رمى.
سه‌فين دزه‌يى، ئاخفتنكه‌رێ فه‌رمى يێ حوكمه‌تا هه‌رێما كوردستانێ ب مالپه‌رێ فه‌رمى يێ حوكمه‌تێ راگه‌هاند: ب هه‌لكه‌فتا جه‌ژنا ژ دايكبوونا حه‌زره‌تێ مه‌سيح (سلاڤێن خودێ ل سه‌ر بن)، وه‌لاتيان ئاگه‌هدار دكه‌ين كو رۆژا 25\12\2014 ل هه‌موو داموده‌زگه‌هێن هه‌رێما كوردستانێ بهێنڤه‌دانا فه‌رمى يه.
گۆتژى: “ب ڤێ هه‌لكه‌فتێ پيرۆزباهيا خوه ئاراسته‌يى برايێن كرستيان ل كوردستان و عيراق و هه‌موو جيهانێ پيرۆز دكه‌ين، هيڤيا ساله‌كا ئارام و ته‌نا و سه‌قامگير بۆ هه‌موو لايه‌كى دخوازين”.
ئاماژه ب وێ چه‌ندێ ژى كر كو رۆژا 1\1\2015 ل هه‌موو داموده‌زگه‌هێن حوكمه‌تا هه‌رێما كوردستانێ ب هه‌لكه‌فتا سالا نوو دێ بيته بهێنڤه‌دانا فه‌رمى.
دا زانين ژى كو خواندنا بلند و ڤه‌كۆلينێن زانستى دێ ب گۆره‌يى به‌رنامێ خوه بڕيارێ ل سه‌ر ڤێ بهێن ڤه‌دانێ ده‌ن.
دوو پکشێن نوو ل پەیمانگەھا تەکنیکی یا ئامێدیێ ھاتنە ڤەکرن
ئەڤرۆ:
راگرێ پەیمانگەھا تەکنیکی یا ئامێدیێ د. ئیحسان تەوفیق بۆ ئەڤرۆ دیارکر کو بۆ سالا نوو یا خواندنێ ھەردو پشکێن گەشتیاری و سامانێ ئاژەلی ل پەیمانگەھا تەکنیکی یا ئامێدیێ ھاتنە ڤەکرن.
د. ئیحسان تەوفیق ھەروەسا گۆت نوکە پەیمانگەھا ئامێدیێ ژ شەش پشکان پێک دھێت، کارگیری کار، ئای تی، کارگێری بازرگەری، شرۆڤەکرنا نەخۆشیان، گەشتیاری، سامانێ ئاژەلی، دیار ژی کر کو بۆ سالا بھێت ل بەرە پشکەکا تایبەت ب ژینگەھێ ڤە ڤەکەن، بۆ ئەڤ سالە ژی دوورێن ٣٠٠ قوتابی دێ ھاتینە وەگرتن.
بارزانى گه‌هشته سه‌رێ چيايێ شنگال
ئه‌ڤرۆ نيوز:
ب گۆره‌يى ژێده‌ره‌كێ ئاگه‌هدار، فه‌رماندێ هێزێن چه‌كدارێ و سه‌رۆكێ هه‌رێما كوردستانێ گه‌هشته سه‌رێ چياێ شنگالێ.
مه‌سعود بارزانى، سه‌رۆكێ هه‌رێما كوردستانێ و فه‌رماندێ هێزێن چه‌كدار ل هه‌رێما كوردستانێ كو ب ره‌نگه‌كێ ئێكسه‌ر سه‌رپه‌رشتيا شه‌رێ ئازادكرنا شنگال دكه‌ت، گه‌هشته سه‌رێ چيايێ شنگال.
ژ 17\12 ئۆپه‌راسيۆنا رزگاركرنا شنگال ب سه‌رپه‌رشتيا سه‌رۆكێ هه‌رێما كوردستانێ، مه‌سعود بازانى وه‌كو فه‌رماندێ هێزێن چه‌كدار ل هه‌رێمێ ده‌سپێكريه و هه‌تا نوكه ب درێژاهيا 2700 كيلۆمه‌تران ده‌ڤه‌را شنگال ژ ده‌ستێن داعش ئينايه ده‌ر و نوكه نێزيكى نيڤا سه‌نته‌رێ باژێرێ شنگال ژى كه‌فتيه ده‌ستێ هێزێن پێشمه‌رگه‌يى.
بڕياره ئه‌ڤرۆ ل سه‌رێ چيايێ شنگال سه‌رۆكێ هه‌رێما كوردستانێ په‌يڤه‌كێ ل وێرێ پێشكێش بكه‌ت.
قوتابیێن قانوونێ دەست ب خوە نیشاندانانکر
ئه‌ڤرۆ نيوز، سالار دوسكى:
وەک نەرازیبوونا ھەمبەر بریارا سەندیکا پارێزەرێن کوردستانێ کو خواندن ل کولیژێن قانوونێ ل ھەرێما کوردستانێ ژ چارسالان بیتە شەش سال، سپێدەھی یا ئەڤرۆ 21\12\2014 قوتابیێن زانکۆیا دھۆکێ خوەنیشادانەک ھەمبەر بریارێ برە بەر دەرگەھێ نڤسینگەھا دھۆکێ یا پەرلەمانێ کوردستانێ و د یاداشتەکێ دا کو بۆ پەرلەمانی ب رێکا نڤسینگەھا پەرلەمانی بلندکر خواست پێداچوون بریارێ دا بھێتەکرن، ھەڤدەم سەرۆکێ لژنا پەروەردێ و خواندنا بلند ل پەرلەمانێ کوردستانێ د.ئیبراھیم ئەحمەد سمو پێشوازی ل قوتابیێن خوە نیشاندانکر و پشتەڤانی خواست و داخازیێن وانکر و دیارکر کو دێ دوڤچوونێ ل سەر بابەتی کەن..
عەبدولناسر زێباری قوتابیەکێ نەرازیبوویی بۆ مالپەرێ ئەڤرۆ نیۆز گۆت: نەدرازینە ژ بریارێ چونکە وەکی مە فورمە داگرتی بۆ چار سالان بوو نە شەش سالان و کەسێن ئەڤ بریارە دەکری ئەوان ژی ھەر چار سالان خواندیە و بتنێ ئەڤە بۆ بازارێ پارێزەراتیێ یە و ئارمانج نە باشیا پارێزەراتیێ یە.
ره‌وشا كه‌شوهه‌وايێ سوبه‌هى
ئه‌ڤرۆ نيوز:
رێڤه‌به‌ريا گشتيا كه‌شناسيێ ل هه‌رێما كوردستانێ راگه‌هاند كو سوبه‌هى ئه‌سمانێ دهۆكێ ساهى بيت و پلا گه‌رماتيێ ژى دێ نزم بيت.
پشكا پێشبينيان ل رێڤه‌به‌ريا گشتيا كه‌شنايا هه‌رێمێ راگه‌هاند كو ژ ئه‌نجامێ به‌رده‌وامبوونا فشارێن بلند يێن ده‌ريا ناڤه‌راست ل توركيا بۆ سه‌ر هه‌رێما كوردستانێ ئه‌و پێشبينى دكه‌ن كو سوبه‌هى رۆژا دوكشه‌مبى رێكه‌فتى 22\12\2014 ئه‌سمانێ دهۆكێ ساهى بيت.
رێڤه‌به‌ريا گشتيا كه‌شناسيێ ل هه‌رێما كوردستانێ ئاشكه‌را ژى كريه كو پلا گه‌رماتيێ دێ نزم بيت ب ره‌نگه‌كى د ناڤبه‌را هه‌شت بۆ 15 پلان دا.
ل دۆر پێشبينيا رێژا هه‌وايى و مه‌ودايێ ديتنێ ژى دايه زانين كو دێ ئاراسته‌يێ وى باكورێ رۆژئاڤا بيت ب ره‌نگه‌كى دێ يێ ناڤه‌ندى بيت د ناڤبه‌را پێنج بۆ 20 كليۆمه‌تر د ده‌مژمێره‌كێ و ماوێ ديتنێ ژى دێ 10 كيلۆمه‌تر بيت.
رێژا باران بارينا 24 ده‌مژمێرێن بۆرى
نيشاندان
WP Facebook Auto Publish Powered By : XYZScripts.com