ل رێكه‌فتی (2/2 1/ 2014) ژ ئه‌نجامێ سه‌ره‌دانا سێ رۆژان یا شاندێ حوكمه‌تا هه‌رێما كوردستانێ ب سه‌رۆكاتیا (نێچیرڤان بارزانی) ب مه‌ره‌ما دانوستاندنێ ل سه‌ر پرسێن هه‌لاویستی د ئه‌نجامدا هه‌ردو لا رێككه‌فتن ل سه‌ر هنده‌ك خالێن ده‌ستپێكی ژ بودجه و مووچێ فه‌رمانبه‌ران وه ئه‌ڤ رێككه‌فتنه د به‌رژه‌وه‌ندیا هه‌ردو ئالیاندایه ب تایبه‌ت یێ كوردستانی.
لێ پرسیار ئه‌وه چاوا ئه‌ڤ مێشكێن هنده ره‌ق ل به‌غدا وه‌سا زی هاتنه گوهۆرین؟
هه‌لبه‌ت ل بیرامه یه ل ده‌مێ به‌ری سووندخوارنا قانوونی ل په‌رله‌مانێ عیراقێ دا ب بێمنه‌تیڤه حه‌یده‌ر عه‌بادی) گۆت: كورد ب كه‌یفا خوه‌نه د حوكمه‌تێ داپشكداربن یان نه.
یا دیاره ئه‌ڤ هزركرنه كه‌لتووره‌كه ل ده‌ف ده‌ستهه‌لاتدارێن به‌غدا ب تایبه‌تی ل وان قووناغێن كو بهێز بن و هه‌كه خودانێن ڤێ عه‌قلیه‌تێ ته‌نگاڤ نه‌بن ناهێنێه ل سه‌ر چ رێیان.
ب هه‌ر حال ب فشارا ئه‌مریكا مالكی هاته لادان, ئه‌ڤرۆ حوكمه‌ته‌كا تازه هاتیه دامه‌زراندن ل به‌غدا. د پرۆسا ڤێ حوكمه‌تێ دا جڤاكێ ناڤنه‌ته‌وه‌ی ب تایبه‌تی (یۆنامی و بریتانیا و ئه‌مریكا) رۆله‌كێ ئه‌كتیڤ و كاریگه‌ر هه‌بوو فشاره‌كا مه‌زن خسته سه‌ر هه‌رسێ لایه‌نێن سه‌ره‌كی كو پشكدار بن د حوكمه‌تا تازه دا ب تایبه‌ت ل سه‌ر لایه‌نێن كوردستانێ، چونكو كورد دو دل بوون پشكداربن لێ لایه‌نێ سیێ داخواز ژ كوردان كر كو ده‌رفه‌ته‌كا دی ژی بده‌نه ڤێ حوكمه‌تا نوو. ژ لایه‌كێ دژیڤه فشاره‌كا مه‌زنترخسته سه‌ر حوكمه‌تێ ب خوه ب تایبه‌ت كه‌سێ (عه‌بادی) بۆ رازیكرنا (كوردان). ده‌رئه‌نجام هه‌كه ب فشارا لایه‌نێ سیێ نه‌با هیچ جودایه‌ك نینه د ناڤبه‌را هزركرنا عه‌بادی و یێن به‌ری وی. ژ لایه‌كێ دیڤه به‌غدا ل ڤی قووناغێ، پێدڤیه‌كا زۆر ب هه‌ڤلێری هه‌یه ژ به‌ر ڤان ئه‌گه‌ران.
1-مه‌ترسیا داعشێ ل سه‌ر عێراقی ب تایبه‌تی ل ده‌ڤه‌رین ناڤه‌راست و رۆژئاڤایی وه‌لاتێ.
2- قه‌یرانا دارایی یا عێراق ڤه‌گرتێ و نه‌مانا پاران ژبه‌ر داكه‌فتنا بهایی په‌ترۆلی ل بازارین جیهانێ.
3- به‌رهه‌مئینانا په‌ترۆلا كوردستانی رۆژ بۆ رۆژی د زێده‌بوونی دایه,لێ ل عێراقی كیمبوویه.
4-سیاسه‌تا سه‌ركه‌فتیانه په‌ترۆلا هه‌رێما كوردستانێ ل دووڤ ده‌ستووری عێراقێ هه‌ر ژ لێگه‌رییانێ و هه‌تا دگه‌هیته قووناغا فرۆتنێ.
5- ل سه‌ر ده‌مێ هه‌می حوكمه‌تێن به‌غدا, ده‌ستهه‌لاتێن وێ ب زمانێ هێزێ هه‌ره‌شه و گه‌ڤان ل گه‌ل كوردستانی دئاخفت,لێ نوكه بێ هێز بووینه.
یا ژ هه‌میێ گرنگتر ئه‌وه كو كلیلا فرۆتنا نه‌فتا كه‌ركووكێ ب رێیا بۆریا كوردستانێ كه‌فته بن كونترۆلا هه‌ڤلێری و ئه‌ڤه ژی سه‌ركه‌فتنه‌كا مه‌زن و تازه‌یه كورد بوونه خودانێ سه‌ری مالێ خوه ئه‌وێ سه‌دان ساله ل دووڤ دگه‌ریان.
ژ لایه‌كێ دیڤه بۆ جڤاكێ ناڤنه‌ته‌وه‌ی ئاشكه‌را بوو, كو ل هه‌موو قووناغێن ده‌سهه‌لاتداریێ ل به‌غدا ئه‌و میتۆدا و سه‌ره‌ده‌ریا ل گه‌ل هه‌رێمێ دكر و هه‌می مافێن وان یێن ره‌وا بن پێ دكرن میتۆده‌كێ تائیفه‌گه‌ری و دوژمنكاری بوو,یا دیاره ژی نوكه ئه‌و چاڤێ پێ زه‌عیف بووی یێ كو جڤاكێ ناڤنه‌ته‌وه‌ی و ناڤه‌ندێن هزری و ئه‌كادێمێن سیاسی و ناڤه‌ندێن ڤه‌كۆلینێن ئه‌مریكا داو ب بۆچوونا ئه‌و كه‌سێن بارودۆخێ عێراقێ شرۆڤه‌دكه‌ن, دابه‌شكرنا ڤی وه‌لاتی ب كاره‌سات نابینن ل ڤێ قووناغێ، چونكو ئه‌و عێراقا ئه‌مریكا ئاڤاكری ل سه‌ر بنیاتی لیبرال دیمۆكرات بیركرن و هزركرنا سه‌ر ره‌قێن ل به‌غدا هه‌ڕڤاند له‌ورا پرسیارا هه‌ڤپه‌یمانیێ ژ به‌غدا نه هاته‌كرن و ئاراسته‌یا ده‌وله‌تێن هه‌ڤپه‌یمان ژ به‌غدا گوهۆری به‌ر ب هه‌ڤلێرێ بۆ پرس و راوێژ و گوهۆرینا بیر و را ل سه‌ر پێشهاتێن رۆژهه‌لاتا ناڤه‌راست. واته ته‌رازیا هێزا هه‌ڤلێری ژ هه‌موو روویه‌كی ڤه یا هه‌ڤسه‌نگه ل گه‌ل به‌غدا د ڤێ قوناغێ دا، له‌وا رێككه‌فتن هاته ئێمزاكرن.
نووترين نووچه
- وەزارەتا دارایی بەرسڤا سەردابرنێن پەرلەمانتارەكێ ئێكەتیێ ل دۆر لیستا مووچەی ددەت
- رێباز حەملان: مە پەیاما سەرۆكێ حوكمەتا هەرێمێ ل دۆر مووچەیێ فەرمانبەرێن هەرێمێ گەهاندە سۆدانی
- پێشبینییا چەندین سیناریۆیان ل رۆژهەلاتا ناڤین دهێتە كرن كو ئیراقێ ژی دێ ڤەگرن
- نێچیرڤان بارزانی خواستا هەرێما كوردستانێ بۆ پێشڤەبرنا پەیوەندیان ل گەل هندستانێ دوپاتكر
- ل ئەینییا بهێت شاندێ هەڤپشكێ وەزارەتا داراییا ئیراقێ و هەرێمێ دێ كۆمبن
- ل ئیراقێ فیدرالی نەهاتییە بجهئینان
- فەوزی هەریری: تێكگەهشتنەكا باش بۆ پێكئینانا كابینەیا دەهێ هەیە
- ئەڤرۆ شاندێ تەكنیكیێ پارتی و ئێكەتی ل دۆر پێكئینانا كابینەیا نوو یا حوكمەتێ دێ كۆمبن
- دێ ل گەل ئەنەکەسێ دەست ب دانوستاندنان کەین
- پشكداریا مەسرور بارزانی ل كۆڕبەندێ ئابووریێ جیهانی دێ رەنگڤەدانا ئابووری و دیپلۆماسی ل سەر هەرێمێ هەبیت
سه‌ره‌كى Facebook
يێ نه‌چيته شه‌رى دێ مليۆن و نيڤان ده‌ته داعش
ئه‌ڤرۆ نيوز، رزوان رۆژبه‌يانى:
به‌رپرسێ راگه‌هاندنێ ل لقا 14 يا پارتى ديموكراتى كوردستان راگه‌هاند كو داعش ئه‌ڤرۆ ژى بزاڤ دكرن خه‌لكى ب زوورى دبنه شه‌رى و يێ نه‌چيت ژى هه‌ر كه‌سى مليۆن و نيڤان ژێ وه‌ردگرن.
سه‌عيد مه‌موزينى به‌رپرسێ راگه‌هاندنا لقا 14 يا پارتى ديموكراتى كوردستان بۆ ئه‌ڤرۆ نيوز گۆت: “به‌رده‌وام چه‌كدارێن داعش ب زۆرى خوينێ ژ وه‌لاتيان دكێشن و دده‌نه بريندارێن خوه و نوكه يێ نه‌چيته شه‌رى ژى پێدڤيه پاره‌يى بده‌ت”.
زێده‌تر گۆت: “بۆ هه‌ر كه‌سى مليۆن و نيڤان ژێ وه‌ردگرن و يێ نه‌بيت ژى دكه‌نه د زيندانێ دا و هه‌تا نوكه نێزيكى 30 كه‌سان كرينه د زيندانان دا و كه‌س نوزانيت ژى ل كيرێ هاتينه زيندانكرن”.
ئاشكه‌را ژى كر كو هه‌ر ئه‌ڤرۆ چه‌كدارێن داعش ل ده‌وروبه‌رێن مووسل ده‌ست ب لێدانا خه‌نده‌كان كريه دا كو خوه ژ هێرشێن په‌ياده ب پارێزيت ب تايبه‌ت پشتى هاتيه راگه‌هاندن كو نوكه به‌رهه‌ڤى بۆ ئازادكرنا مووسل دهێنه كرن.
نه‌ڤه‌شارت ژى كو هژماره‌كا زێده يا چه‌كدارێن داعش چه‌كێن خوه هاڤێتينه و ره‌ڤينه و نه‌ڤێن بچنه شه‌رى ژ ترسا هێرش كرنا سه‌ر مووسل.
هوندا و نيسان دێ ترۆمبێلێن خوه ژ بازارى ڤه‌كێشن
ئه‌ڤرۆ نيوز:
كۆمپانيێن هۆندا و نيسان يێن يابانى دێ كرياره‌كا به‌رفره‌هـ كه‌ن ژ بوو ڤه‌كێشانا ترۆمبێلێن خوه ژ بازارێن يابانێ ژ ئه‌گه‌رێ كێشه‌كێ كو يا د ناڤ بالۆنێن ئه‌منى دا هه‌يى ئه‌وێن ژ لايێ كۆمپانيا “Takata.Corp.” ڤه هاتينه به‌رهه‌م ئينان.
د به‌يانامه‌كێ دا كو وه‌زاره‌تا ڤه‌گۆهاستنێ ل يابان به‌لاڤكريه، هۆندا دێ 171 هزار و 83 ترۆمبێلان ڤه‌كێشيت ل گه‌ل هنده‌ك ترۆمبێلان كو به‌رى نوكه ژى ڤه‌كێشابوون و نيسان دێ 82 هزار و 951 ترۆمبێلان ڤه‌كێشيت.
وه‌زيرێ ڤه‌گوهاستنا يابان مامورو نيسيمورا گۆت: “هه‌ردو كۆمپانى نوكه به‌حس ل چاوانيا ڤه‌كێشانا زێده‌تر يا ڤان ترۆمبێلان دكه‌ن”.
كۆمپانيا هۆندا هه‌ڤپشكه‌كا سه‌ره‌كى يا “Takata.Corp.” دێ نه‌چار بيت 13 مليۆن ترۆمبێلان ل جيهانێ هه‌موويێ ڤه‌كێشێت ژ ئه‌گه‌رێ ئه‌و كێشا د گڤاشتنێن بالۆنێن ئه‌مانه‌تێ دا هه‌ين.
11 كۆمپانيێن جيهانى يێن چێكرنا ترۆمبێلان و ژ وان تويۆتا و هۆندا و كرايسله‌ر، د ماوێ شه‌ش سالێن بۆرى دا 17 مليۆن ترۆمبێل ڤه‌كێشاينه و ئه‌گه‌رێ وان ژى پتريا جاران بۆ ئه‌گه‌رێ كێشێ د بالۆنێن ئه‌مانه‌تێ دا ڤه‌گه‌ريايه.
داعش رێنمايێن نوو يێن سكسى ده‌ردكه‌ت
ئه‌ڤرۆ نيوز:
د چه‌ند به‌لاڤكريان دا كو ب سه‌ر نڤێژكه‌ران هاتينه به‌لاڤكرن، چه‌كدارێن داعش رێنمايێن نوو بۆ چاوانيا بكارئينانا كچێن ره‌ڤاندين و چێژ وه‌رگرتن ژ سكسى رۆنكرينه.
ب گۆره‌يى نووچه‌يه‌كێ مالپه‌رێ عه‌ره‌بيه، د ڤان به‌لاڤكريان دا، كو پشتى نڤێژا ئه‌ينيێ ل مووسل ل سه‌ر نڤێژكه‌ران دا به‌لاڤكرينه، داعش راگه‌هانديه كو دو خووشك يان كچ و مه‌ت و ژن مامه‌ك پێكڤه بچنه سه‌ر جهێ ئه‌ندامه‌كێ داعش دروسته هه‌كه خوه دبن ژيێ بالقبوونێ ژى دابن.
ب گۆره‌يى ڤان به‌لاڤكريێن داعش، ئه‌و ده‌سكه‌فتنێن مۆسلمانانه ل شه‌رى و ئه‌و نه مۆسلمانن و كافرن و دروسته سكس ل گه‌ل بهێته كرن و ئه‌ڤه تيتاله‌كه هزار و 500 ساله مرۆڤايه‌تيێ پشت گوهـ هاڤێتيه و كار پێ ناكه‌ت.
مالپه‌رێ عه‌ره‌بيه ئاماژه ب وێ چه‌ندێ ژى كريه كو خه‌لكێ مووسل ئه‌ڤ پێنگاڤه ب وێ چه‌ندێ وه‌سفكريه كو ب رێيا ڤێ چه‌ندێ گه‌نج و سنێلان ببه‌نه ناڤ رێزن خوه و بۆ كارێن خوه رابكێشن، پشتى داعش شكه‌ستن ئينايى بۆ راكێشانا زه‌لامان بۆ ناڤ رێزێن خوه.
ئه‌گه‌رێن ده‌رخستنا پارتى و ئێكه‌تى ژ ليستا تيرۆرێ
ئازاد عادل مامۆستایێ زانستێن سیاسس ل زانكۆیێ بو ئه‌ڤرۆ نیوز راگه‌هاند كو ئه‌مریكا ژ سالێن 1990 د وێ هزرێ دا بوو كو هه‌ردو پارتێن كوردی ل ده‌مێ شه‌رێ ناڤخویی بن پێكرنا مافێن مرۆڤی كریه و كاریگه‌ری ل سه‌ر مافی مرۆڤی هه‌بوویه، له‌ورا لیستا تیرۆرێ بكار دئینا ل دژی هه‌ردو پارتێن كوردی یێن سه‌ره‌كی زێده‌باری هه‌ردوكان دوپاتی ل سه‌ر كاركرن د مافی مرۆڤی كریه.
ماموستایی ناڤبری دازانین ئه‌وی ده‌می دیاربوو كو ده‌مێ وه‌لاتی د چوونه قونسلخانه‌یا ئه‌مریكا ل هه‌ولێرێ و گه‌له‌ك گیرۆ دبوون و پێرابوونێن قانوونى و ئه‌منی توند بكار دئینان بۆ دانا ڤیزه‌یێ بو ئه‌وی وه‌لاتی و ئه‌ڤه ده‌رگه‌هێ ئاشكه‌را بوونا ئه‌وی چه‌ندێ بووو، دو پارتى د لیستا ره‌ش دابوون.
ئازاد عادل دیاركر ژى كو پشتی په‌یوه‌ندیێن هه‌رێمێ و ئه‌مریكا د ئه‌ڤی سه‌رده‌می دا گه‌هشتنه قووناغه‌كا گه‌له‌ك باش و ئه‌ڤه ئه‌گه‌ره‌ك بوو، بۆ راكرنا ئێكه‌تیێ و پارتیێ ژ لیستا تیرۆرێ و ئه‌گه‌رێ دويێ ژی ناڤخویا ئه‌مریكا و د قووناغێن چوويی دا هنده‌كا ره‌خنه ل ده‌سه‌لاتا ئه‌مریكا گرت و د گۆت ئه‌رێ ئه‌و دو پارت د لیستا ره‌شدانه ل گوری قانوونێن نێڤده‌وله‌تی ب خوه نابیت سه‌ره‌ده‌ری ل گه‌ل ئه‌وان گرۆپ و پارتێن د لیستێن تیرۆرێ دا بهێنه‌كرن، لێ هوون نها پشته‌ڤانیا له‌شكرى لێ دكه‌ن.
ئازاد دیاركر ژی دبن كاریگه‌ریا سه‌رۆكێ هه‌رێمێ و رۆلی وی یی ئاشتی خواز و شه‌ركرنا هه‌رێمێ ل هه‌مبه‌ری دره‌نده‌ترین گرۆپێن تيرۆرێ ل جیهانێ و ئابووری و سیاسی و پشتی ده‌ركه‌فتنا هه‌رێمێ ب زه‌نگینیا سامانێن سرۆشتی ئه‌مریكا په‌شیمان بوو ب هه‌لویستێ خوه یێ شاش و ب رێيا راكرنا ئه‌وان دو پارتێن كوردی ژ لیستێ دانه‌خویاكرنا داخوازا لێبورینێ دهێته كرن ژ ئه‌ڤان هه‌ردو پارتان ب كو ئه‌و ئه‌ڤی هه‌رێمێ بریڤه دبه‌ن و ره‌خنه ل هه‌رێمێ ژی هاته گرتن ژ لایی ره‌وشه‌نبیرێن وێڤه ئه‌رێ هه‌رێم يا وه‌فاداره بۆ ئه‌مریكا لێ ئه‌مریكا هه‌تا نها ب تیرۆریست ل قه‌له‌م دده‌ت و چ قانوون ل ده‌ڤ هه‌رێمێ نینه بێژیت ئه‌ڤ پارته تیرۆریستن به‌لكو دابینكه‌رێن ئه‌من و ئاسایشا ده‌ڤه‌ری نه .
لايه‌نێن سياسى يێن هه‌له‌بچه ژ رێكه‌فتنا گۆڕان و ئێكه‌تيێ د رازى نينن
ئه‌ڤرۆ نيوز:
كۆمبوونا لايه‌نێن سياسى ل باره‌گايێ لقا 12 يا پارتى ديموكراتى كوردستان ل دۆر پۆستان يا ده‌سپێكرى و ژبلى گۆڕان و ئێكه‌تيێ هه‌موو لايه‌نێن سياسى ل سه‌ر پارڤه‌كرنا پۆستان نه‌درازى نه.
ب گۆره‌يى زانياريێن ئه‌ڤرۆ نيوز كۆمبوونا لايه‌نێن سياسى ل هه‌له‌بچه ل باره‌گايێ لقا 12 يا پارتى ديموكراتى كوردستان يا به‌رده‌وامه و يێ دانوستاندنێ ل سه‌ر رێكه‌فتنا گۆڕان و ئێكه‌تيێ و شێوازێ چاوانيا به‌لاڤكرنا پۆستان دكه‌ن.
په‌يامنێرێ خه‌ندان بۆ مالپه‌رێ خوه دايه زانين كو ژ بلى ئێكه‌تى نشتيمانى كوردستان و بزاڤا گۆڕان چو لايه‌نێن سياسى ل هه‌له‌بچه ژ وێ رێكه‌فتنێ د رازى نينن.
ب گۆره‌ى رێكه‌فتنا بزاڤا گۆڕان و ئێكه‌تى نشتيمانى كوردستانێ، پارێزگار و جێگرێ پارێزگارى و جێگرێ سه‌رۆكێ جڤاتا پارێزگه‌هێ دێ بۆ بزاڤا گۆڕان بن و پۆستێ سه‌رۆكێ جڤاتا پارێزگه‌هێ و جێگرێ پارێزگارى و قايمقامێ هه‌له‌بچه ب به‌ر كه‌ڤن.
د رێكه‌فتنا ده‌سپێكى يا د ناڤبه‌را لايه‌نێن سياسى دا، پۆستێ قايمقاميێ قه‌زا هه‌له‌بچه ب پارتى ديموكراتى كوردستان دابوو و به‌رپرسێ لقا 12 يا پارتى ديموكراتى كوردستان ژى پێشتر بۆ رۆژناما ئه‌ڤرۆ دياركر بوو كو ئه‌و ب كێمتر ژ ئه‌وا پێشتر بۆ پارتى هاتيه دانان قه‌بول ناكه‌ن.
كه‌نگى دێ تاقيكرنێن قوتابيان ل دهۆكێ ده‌ست پێ كه‌ن؟
ئەڤرۆ نیوز، رەوان نھێلی:
عەبد یوسف رێڤەبەرێ گشتی یێ پەروەردا پارێزگەھا دھۆک بۆ ئەڤرۆ دیارکر کو وان بەری چەندەکێ کومبوونەک ل دۆر دیارکرنا ژڤانێ تاقیکرنان و بھێنڤەدان و قەرەبووکرنا رۆژێن ژ دەواما قوتابخانان چووی ژ ئەگەرێ ئاکنجیبوونا ئاواران د قوتابخانان دا ئەنجامدایە و ب نڤێسار پێشنیازێن خوە ئاراستەی مەکتەبا وەزیرێ پەروەردێ کرینە و چاڤەرێی بەرسڤێ نە.
عەبد یوسف دیارکر کو وان نەڤێت ئاماژێ ب وان پێشنیازان بدەن یێن وان بۆ وەزارەتێ ئاراستە کری، بەلێ رەنگە گیروبوونا بەرسڤدانا نڤێسارا وان ڤەدگەریت بۆ وێ چەندێ کو وەزیرێ پەروەردێ ھەتا رۆژا پێنجشەمبی ژی بەرنامەکێ سەرەدانان بۆ پەروەردەیان ھەبوو و رۆژا پێنجشەمبی ژی ل ئاکرێ بوو و ل نێزیک دێ بەرسڤ ل سەر نڤێسارا وان ھێتە دان و ھووردەکاری ھێنە راگەھاندن.
ھەر سال تاقیکرنێن خۆلا ئێکێ ٣/١ دھاتنە ئەنجامدان، لێ ژبەر ئاکنجیبوونا ئاوارێن دەڤەرا شنگال ل قوتابخانێن پارێزگەھا دھۆکێ و درەنگ ڤالاکرنا قوتابخانان، ٢٠ رۆژ بۆ ژڤانێ تاقیکرنان ماینە و ھێشتا دیار نینە دێ کەنگی تاقیکرن ھێنە کرن، لێ دھێتە چاڤەرێکرن تاقیکرنێن خۆلا ئێکێ و یێن ل دووڤدا، ئانکو سالناما سالێ، رەنگە پاشخستنەک بکەڤیتێ.
وێنه‌يى: پشتى ب دووماهى هاتنا پرۆژه‌يى
ئه‌ڤرۆ نيوز، نزار مه‌جيد:
ئەڤ جھی د وێنەیی دا دیار جاددا سەرەکی یا د ناڤبەرا باتیفا و زاخۆ دایە ل نێزیک گوندێ دارھوزانێ بەری دو مەھان جاددە ھاتبوو قێرکرن ب شێوەیەکی رێک و پێک و بێ ئاریشە ھاتنوچوون ژ لایێ شوفێران ڤە دھاتە کرن، لێ مخابن نوکە جارەکا ھاتیە کولان و خرابکرن ب بھھانەیا ھندێ کو دێ بوریا نەفتێ دبن جاددێ رابەن.
ره‌وشا كه‌شوهه‌وايێ سوبه‌هى
ئه‌ڤرۆ نيوز:
رێڤه‌به‌ريا گشتيا كه‌شناسيێ ل هه‌رێما كوردستانێ راگه‌هاند كو سوبه‌هى ئه‌سمانێ دهۆكێ ب ته‌مامى ببيته ئه‌ور ل گه‌ل باران بارينێ هه‌تا پشتى نيڤرۆ و پاشان دێ به‌ر ب ساهى چيت.
پشكا پێشبينيان ل رێڤه‌به‌ريا گشتيا كه‌شنايا هه‌رێمێ راگه‌هاند كو ژ ئه‌نجامێ كارتێكرنا نزمبوونا هه‌ردو پاله‌په‌ستووريێن ده‌ريا سۆر و ده‌ريا ناڤه‌راست ل سه‌ر هه‌رێما كوردستانێ ئه‌و پێشبينى دكه‌ن كو سوبه‌هى رۆژا دوشه‌مبى رێكه‌فتى 15\12\2014 ئه‌سمانێ دهۆكێ ب ته‌مامى ببيته ئه‌ور و باران بارين ژى هه‌تا دانێ ئێڤارى يا به‌رده‌وام بيت و ئه‌سمان پاشان به‌ر ب ساهياتيێ بچيت ل گه‌ل هنده‌ك ئه‌ورێن كێم.
رێڤه‌به‌ريا گشتيا كه‌شناسيێ ل هه‌رێما كوردستانێ ئاشكه‌را ژى كريه كو پلا گه‌رماتيێ يا نزم دێ نزمتر لێ هێت و يا بلند ژى دێ وه‌كو رۆژێن به‌رى نوكه بيت ب ره‌نگه‌كى د ناڤبه‌را 17 بۆ 12 پله.
ل دۆر پێشبينيا رێژا هه‌وايى و مه‌ودايێ ديتنێ ژى دايه زانين كو دێ ئاراسته‌يێ وى باكوورێ رۆژهه‌لات بيت ب ره‌نگه‌كى دێ يێ ناڤه‌ندى بيت د ناڤبه‌را پێنج بۆ 20 كليۆمه‌تر د ده‌مژمێره‌كێ و ماوێ ديتنێ ژى دێ هه‌شت كيلۆمه‌تر بيت و ل ده‌مێ باران بارينێ پێنج هه‌تا شه‌ش كيلۆمه‌تر بيت.
بهايێ زێر و زيڤێ ل بازارێن دهۆكێ
نيشاندان
WP Facebook Auto Publish Powered By : XYZScripts.com