ئه‌ڤرۆ نیۆز:
بڕیارده‌رێ لیژنا به‌ره‌ڤانیا ئه‌ندامێن جڤاتا نوونه‌رێن عیراقێ رونكر، ڤه‌كۆلین ل سه‌ر كێشا فرۆكا روسى یا رێ پێنه‌هاتیه‌ دان ل فرۆكخانا سلێمانیێ دادت، كو دو گرێبه‌ست ل مه‌ها نیسانا ئه‌ڤ ساله‌ ل گه‌ل وه‌زاره‌تا به‌ره‌ڤانیا عیراقێ ب ئاگه‌هداریا نورى مالكى ب كوژمێ 106 ملیا دۆلاران هاتبوو موركرن.
بڕیار ده‌رێ لیژنا ئێمناهى و به‌ره‌ڤانیا جڤاتا نوونه‌رێن عیراقێ شاخه‌وان عه‌بداللهبۆ مالپه‌رێ پارتى دیموكراتى كوردستان گۆت: دو گرێبه‌ست كڕینا چه‌كى ل سه‌ر ده‌مێ نورى مالكى هاتینه‌ موركرن، دیاركر گرێبه‌ست و لیستا چه‌كى ل به‌رده‌ستێن وانایه‌، كوتژى گه‌نده‌لى یه‌ و چو چه‌ك ژى دیار نینه‌ و چو گرنتى یێن وێ گرێبه‌ستێ ل به‌نكان ژى نه‌هاتینه‌ تۆماركرن.
زێده‌بارى وێ عه‌بدوللاى گۆت: لیژنا ئێمناهیا په‌رله‌مانى ڤه‌كۆلین ل دۆلا ئاریشا فرۆكا بارهلگرا چه‌كى یا رێككه‌فتێ 15/ 11/ 2014، كو جاره‌كا دى ڤه‌گه‌ریا وه‌لاتێ روسیا و بارێ وێ هه‌موو هاتیه‌ ده‌سته‌سه‌ركرن كو 40 ته‌نێن چه‌كى تێدا هه‌بوون، هه‌روه‌سا خوه‌یاكر، گرێبه‌ستا ناڤبرى ل سه‌رده‌مێ نورى مالكى ل گه‌ل بازرگانه‌كێ عیراقێ یێ ناسناما بولگارى هه‌ى هاتیه‌ ئیمزاكرن كو هه‌تا نها ئه‌و كه‌س دیار نه‌بوویه‌.

ئه‌ڤرۆ نیۆز:
ئه‌ندامه‌كێ جڤاتا پارێزگه‌ها هه‌ولێرێ ژ فراكسیۆنا ئێكه‌تى نیشتیمانى كوردستان دیاركر، حه‌فتیه‌ بهێت دێ پۆستێن جڤاتا پارێزگه‌ها هه‌ولێرێ هێنه‌ ئێكلاكرن.
نیار عوزێرى ئه‌ندامێ جڤاتا پارێزگه‌ها هه‌ولێرێ یێ سه‌ر ب فراكسیۆنا ئێه‌كه‌تیێ ڤه‌ راگه‌هاند، بلاڤكرنا پۆستێن پارێزگه‌ها هه‌ولێرێ قوناغێن باش ده‌ربازكرینه‌.
عوزێرى هه‌روه‌سا گۆت: پۆستێن بزڤا گۆڕان یێت هاتینه‌ ئێكلاكرن كو پۆستێ قائیمقامێ هه‌ولێرێ بۆ گۆڕان هاتیه‌ دابینكرن، و بڕیاره‌ حه‌فتیا بهێت پۆستێن ئێكه‌تیێ و لیستا خزمه‌تكارى ل پارێزگه‌ها هه‌ولێرێ بهێنه‌ ئێكلاكرن.
نیارى ئه‌و چه‌نده‌ ژى نه‌ڤه‌شارتیه‌ كو ئێكه‌تیێ داخوازا پۆستێ جێگرێ ئێكێ یێ پارێزگه‌هێ هه‌ولێرێ و چوار قائیمقام و 10 رێڤه‌به‌رێن ناحیان و 3 رێڤه‌به‌رێن گشتى كرینه‌.

ئه‌ڤرۆ نیۆز:
وه‌زاره‌تا په‌روه‌ردا هه‌رێما كوردستانێ راگه‌هاند، زارویێن شه‌هیدێن شه‌رێ دژى داعشێ دشێن ل خواندگه‌هێن ئه‌هلى بخوونن و وه‌زاره‌تا په‌روه‌ردێ هه‌موو تێچویێ خواندنێ ب ستویێ خوه‌ دگریت.
وه‌زیرێ په‌روه‌ردا هه‌رێما كوردستانێ د. پشتیوان سادق د چارچۆڤێ گۆتاره‌كێ دا ل رێوره‌سمێن رێزگرتنا ل شه‌هیدێن شه‌رێ دژى چه‌كدارێن داعشێ مزگینیه‌ك بۆ زارۆیێن شه‌هیدان راگه‌هاند، هه‌روه‌سا دیاركر، ل سه‌ر پێشنیازا وه‌زاره‌تا په‌روه‌دێ و بڕیارا جڤاتا وه‌زیرێن حوكمه‌تا هه‌رێما كوردستانێ زارۆیێن شه‌هیدێن شه‌رێ داعشێ دشێن ل قوتابخانێن ئه‌هلى بخوونن و تێچویێ خواندنێ ب ستۆیێ وه‌زاره‌تا په‌روه‌ردێ دایه‌.