كۆڤارا (تایم) یا ئه‌مریكی كو ئێكه ژ كۆڤارێن ب ناڤوده‌نگێن جیهانێ یه و ناڤێ به‌ربژێرێن كه‌سایه‌تیا سالێ ئاشكرا كرن و سه‌روَكێ هه‌رێما كوردستانێ ژی ئێكه ژ وان به‌ربژاران، ئه‌ڤه ژی شانازیه‌كا مه‌زنه بوَ گه‌لێ كوردستانێ، هه‌لبه‌ت كۆڤارا تایم هه‌شت كه‌ساتیێن جیهانی ده‌ست نیشانكرینه بوَ ڤی نازناڤێ كو د رێورسمه‌كێ دا دوهی روَژا چارشه‌مبیێ و ل 10/كانوونا ئێكێ ل باژێرێ نیوورك یێ ئه‌مریكی نازناڤ هاتنه ئاشكراكرن، یا گرنگ ئه‌وه بارزانی كو ژ به‌ربژارانه ومل ب ملێ فلادمیه‌رپوتنی سه‌رۆكێ رۆسیا، تیم كوكی رێڤه‌به‌رێ جێبه‌جێكارێ كۆمپانیا ئه‌پل، جاك مای دامه‌زرێنه‌رێ كۆمپانیا بازرگانی چینی، عه‌لی بابا رێڤه‌به‌رێ گشتی یێ خولا توپا پێ ئه‌مریكی روَجه‌ر گودێل و كچه سترانبێژی ئه‌مریكی تایله‌ر سۆیفت. .. . دیسا دو گرۆپێن دی ژی هاتنیه ده‌ست نیشانكرن بوَ ڤێ نازناڤێ كو ئه‌و ژی خۆنیشانده‌رێن باژێرێ فراگسیۆنی ئه‌مریكی كو یا تایبه‌ت بۆ ب نه‌رازیبوونا ڤی باژێری به‌رامبه‌ر ب سیسته‌مێ دادگه‌ها ئه‌مریكی سه‌باره‌ت ب كوشتنا گه‌نجه‌كێ ره‌ش پیستێ ئه‌مریكی ب ناڤێ مایكل براون و ژ لایێ پۆلیسه‌كێ سپی پیسته‌ڤه كو دادگه‌ها وی باژێری ئه‌و بێ تاوان ل قه‌له‌م دا، گرۆپێ دویێ ژی پێكدهێت یه ل وان كه‌سان ئه‌وێن هاریكاری و پالپشتیا تووشبوونێن نه‌خۆشیا ئیبۆلایان كری كو ئه‌ڤ نه‌خۆشیا كوشنده و ئه‌ڤ ساڵه ل چه‌ندین وه‌لاتێن كێشوه‌رێ ئه‌فریقیا په‌ره سه‌ندی و ب هزاران تووشبووی و هاتینه كوشتن، لێ فه‌ره ئه‌م بزانین كو ئه‌رێ ئه‌و چ مه‌رجێن كو كۆڤارا تایم یا ئه‌مریكی دانایی و كه‌ساتیا ساڵان ل جیهانێ ده‌ستنیشان كری و كه‌س و گرۆپ بهێنه به‌ربژاركرن؟ نانسی گێبس ئێك ژ ده‌سته‌یا رێڤه‌به‌ریا نڤیسه‌رێن ڤێ كۆڤارێ دبێژیت: به‌ربژار ل سه‌ر ڤان بنه‌مایان دهێنه ده‌ست نیشانكرن ژ لایێ كۆڤارا تایم كو نك وان وه‌ها دگه‌هینیت كاریگه‌ریه‌كا مه‌زن ل سه‌ر روودا و هه‌والێن ئیسال ل جیهانێ هه‌بوویه و گێتسی ئه‌ڤه ژی گۆتی یه ئه‌و كه‌سێ ڤێ ناسنامێ دبه‌ت ژ لایێ ده‌سته‌یا رێڤه‌به‌ریا نڤیسینا كۆڤارێ دئێته ده‌ست نیشانكرن، ئه‌ڤ ناسنامه‌یه ژی ل سه‌ر ئاستێ جیهانێ ناڤ و بانگه‌كێ زۆر هه‌یه و هه‌مه ساڵی ژی كۆڤارا تایم كه‌سایه‌تیه‌كێ جیهانی بوَ ڤێ ناسناڤێ ده‌ستنیشان دكه‌ت، ئه‌وێ سالا پار بری فرانسیس پاپای فاتیكان بوو و دو ساڵ ل به‌ر یا نوكه باراك ئوبامای سه‌رۆكێ ئه‌مریكا بوو، كۆڤارا تایم ل سالا (1927)ڤه ئه‌ڤ ناسناڤه دابه‌ش دكه‌ت و هه‌تا نوكه چه‌ندین كه‌ساتیێن ب ناڤوده‌نگ ل وه‌لاتێن جیهانێ ئه‌ڤ ناسناڤه بری یه و ب ده‌ستڤه‌ئینایه و ل وانه ژی مه‌هاتما گاندی سه‌رۆك و رابه‌رێ دیرۆكی یێ هندستانێ، فرانكلن روَسفولتی ئێك ژ سه‌رۆكێن سه‌ركه‌فتیێن ئه‌مریكا بوویه، وینستن چیرچلی سه‌رۆك وه‌زیرێن به‌ریتانیا بوویه.
نووترين نووچه
- وەزارەتا دارایی بەرسڤا سەردابرنێن پەرلەمانتارەكێ ئێكەتیێ ل دۆر لیستا مووچەی ددەت
- رێباز حەملان: مە پەیاما سەرۆكێ حوكمەتا هەرێمێ ل دۆر مووچەیێ فەرمانبەرێن هەرێمێ گەهاندە سۆدانی
- پێشبینییا چەندین سیناریۆیان ل رۆژهەلاتا ناڤین دهێتە كرن كو ئیراقێ ژی دێ ڤەگرن
- نێچیرڤان بارزانی خواستا هەرێما كوردستانێ بۆ پێشڤەبرنا پەیوەندیان ل گەل هندستانێ دوپاتكر
- ل ئەینییا بهێت شاندێ هەڤپشكێ وەزارەتا داراییا ئیراقێ و هەرێمێ دێ كۆمبن
- ل ئیراقێ فیدرالی نەهاتییە بجهئینان
- فەوزی هەریری: تێكگەهشتنەكا باش بۆ پێكئینانا كابینەیا دەهێ هەیە
- ئەڤرۆ شاندێ تەكنیكیێ پارتی و ئێكەتی ل دۆر پێكئینانا كابینەیا نوو یا حوكمەتێ دێ كۆمبن
- دێ ل گەل ئەنەکەسێ دەست ب دانوستاندنان کەین
- پشكداریا مەسرور بارزانی ل كۆڕبەندێ ئابووریێ جیهانی دێ رەنگڤەدانا ئابووری و دیپلۆماسی ل سەر هەرێمێ هەبیت
سهرهكى Facebook
ئیمپراتۆریه‌تا مافێن مرۆڤی
دوهێ، 66 ساڵ ب سه‌ر راگه‌هاندنا ئێكه‌مین گرێبه‌ند و به‌ڵگه‌نامه‌یا مافێن مروَڤی ل جیهانێ ده‌ربازبوون، كو ل 10ێ چریا ئێكێ ساڵ 1948 ێ ل گه‌رمه گه‌رما شه‌ڕێ جیهانیێ ئێكێ ژ لایێ كوَمه‌ڵه‌یا گشتی نه‌ته‌وه‌یێن ئێكگرتی ب بریارا هژمار 217 هاتیه راگه‌هاندن، شه‌نگسته و بنه‌ماێن سه‌ره‌كیێن ئه‌ڤێ گرێبه‌ندێ لسه‌ر هه‌رچار جورێن ئازادیێ هاتینه نڤیسین، ئازادیا راده‌ربیرنا بیروبوچونان، ئازادیا كۆمبوون و خرڤه‌بوونێ، ده‌ربازبوون ژ ترسێ، دابینكرنا پێدڤیان. چ ده‌وله‌تێن ئه‌ندام د كوَمه‌ڵه‌یا گشتیا نه‌ته‌وه‌ێن ئێكگرتی دژی ڤێ راگه‌هاندنێ نه‌بوون، لێ به‌لێ 8 ده‌وله‌ت كو پرانیا وان ژ كوَمارێن ئێكه‌تیا سوَڤیه‌تا به‌رێ و باشۆرێ ئه‌فریقیا و شاهنشینا سعودیێ بوون ده‌نگ بۆ ئه‌ڤێ دیكیوَمێنتێ نه‌دا. ب ڤێ هه‌لكه‌فتێ هه‌رساڵ نه‌ته‌وه‌یێن ئێكگرتی و چالاكڤانێن بیاڤێ مافێن مروَڤی، هژماره‌كا به‌رچاڤ چالاكی و بزاڤ و جڤینێن سیاسی و ره‌وشه‌نبیرێن گرنگ ئه‌نجام دده‌ن، خه‌لاتێ نوَبل و نه‌ته‌وه‌ێن ئێكگرتی د ڤی بیاڤیدا دهێنه به‌ڵاڤكرن، هه‌روه‌سا راپوَرته‌ك گشتی وگشتگیر ل سه‌ر ئاستێ جیهانێ به‌رهه‌ڤ دكه‌ن كو تێدا هیرۆ گرێن زێده‌گاڤی و پێشێلكرنان هه‌مبه‌ری مافێن مروَڤی ل سه‌رتاسه‌رێ جیهانێ خۆیا دكه‌ن، ب سه‌دان باده‌ك و دیكیوَمێنتێن نڤیسین و وێنه‌دار و به‌ڵگه‌نامه‌یێن زێندی و راسته‌قینه د كه‌ناڵێن جوَراوجورێن راگه‌هاندنا دونیایێ په‌خش و به‌ڵاڤ دبن، گه‌له‌ك حوكمه‌ت و ده‌سته‌ڵات ریسوا و مه‌حكوم دبن، ب تایبه‌ت ل هه‌ردوو كیشوه‌رێن ئاسیا و ئه‌فریقیا، له‌وا سه‌رباری واژوَكرنا هنده‌ك ده‌وله‌تان ل سه‌ر ڤێ به‌ڵگه‌نامێ به‌لێ نه‌دخوَشحالن ده‌مێ ناڤێ وان د لیستێن وه‌ڵاتێن پێشێلكار و زێده‌گاڤدا دهێته توماركرن، نه‌خاسمه حوكمه‌تێن ل دووڤ ده‌ستوورێن ئولداریێ حوكمرانیێ دكه‌ن، ئه‌و دبێژن ئالیێن ئولی د ڤێ راگه‌هاندنێ دا ل به‌رچاڤ نه‌هاتینه وه‌رگرتن، ب تایبه‌ت ئیسلامیه‌ت، له‌وا ل مه‌ها ته‌موزا ساڵا 2000ێ ل قاهیره، پرانیا ده‌وله‌تێن ئه‌ندام ل رێكخراوا كوَنگره‌یا ئیسلامی ب شێوه‌كێ فه‌رمی داخوانیه‌ك ب ناڤێ مافێن مرۆڤێ بوسلمان راگه‌هاند، به‌لێ چونكی چ هێزه‌كا یاسایی و پشتگیریه‌كا نێڤده‌وڵه‌تی نه‌بوو، نه‌شیان ناڤه‌روَك و مادده و برگه‌هێن وێ ب سه‌ر ده‌وله‌تێن واژوكه‌ردا بسه‌پینن، ب تایبه‌ت سعودیه و ئیران و حوكمه‌تێن كه‌نداڤێ. پشتی شه‌رمه‌زاربوونا بوهارا عه‌ره‌بی و شكه‌ست و ب هه‌ڵمبوونا فه‌لسه‌فه‌یا ئیخوان و دژواربوونا شه‌رێن ئول و رێبازێن ئولی و فابریقه‌كرنا رێكخراوه‌كا تیروَریستا مینا داعش، پێدڤیه نێرین و تێگه‌هشتنێن نێڤده‌وله‌تی بۆ مافێن مرۆڤی گوهرینێن گرنگ و مه‌زن و به‌رچاڤ بخوه‌ڤه بگرن و كوَمه‌ڵه‌یا گشتیا نه‌ته‌وه‌یێن ئێكگرتی و رێكخراوێن جیهانیێن مافێن مروَڤی و هیۆمان رایتس و ته‌ڤایا ئالیێن گرێدایی ب بابه‌تێ مافێن مروَڤی دووڤچوونه‌ك تازه و نوو بكه‌ن و جاره‌كا دن هه‌رهه‌می مادده وبرگه‌هێن راگه‌هاندنا جیهانیا مافێ مروَڤان بهێته گه‌نگه‌شه‌كرن و دارشتنه‌ك هه‌ڤچه‌رخ و سه‌رده‌میانه بۆ بهێته‌كرن و پرانیا دیكیۆمێنتا ساڵا 1948ێ بهێته ده‌ستكاری كرن، چونكی كه‌ڤناربوونا وێ كریز و قه‌یران و ئاریشه‌یێن زوَر بو كوَمه‌ڵگه‌ه و جڤاكا نێڤده‌وله‌تی چێكرینه و ب سه‌دان تاوانبار و تاوانێن مروَڤایه‌تیێ هاتینه پشتگوه ئێخستن و ده‌رگه‌هێن دادگه‌هێن نێڤده‌وله‌تیێن مافێن مروَڤی هاتینه دائێخستن جیهان و جڤاكا وێ ل سه‌ر لێڤارا هه‌رفینه‌كا مرۆڤاتیێ یه، مخابن ئه‌ڤ هه‌می نه‌خشه‌رێكێن چاره‌سه‌ریێ ژی، تنێ و تنێ خاپاندنا مرۆڤانه.
نها ده‌لیڤه هات گۆتارا كوردی پێكبهێت
دیاره و مرۆڤاتیا ئه‌ڤرۆ هه‌یه ب هێزتره ژ ئه‌وێ بێده‌نگیا دوهی كو ب كه‌یفا خوه سه‌ره‌ده‌ریا خوه سه‌پاندن و ڤاریكرنا گه‌لێ كورد كریه چونكو ڤێ زۆرداریێ ئیكا وه‌سا نیشا گه‌لێ مه دا هه‌رده‌م دڤیا ژێ بره‌ڤن ژبه‌ر كو دیتنا وان بێ بهای و گڤاشتن و زمانێ ئاگر و ئاسنی بكارئینایه، لێ نه‌شیان گه‌لێ مه بشكینن و بێزار بكه‌ن بۆ هندێ و ده‌ست ژ ماف و ئارمانجێن خه‌و به‌رده‌ن لێ به‌روڤاژی كوردان كاروانێ خه‌بات و به‌رخودانێ هاژۆتینه بۆ گه‌هشتنا قووناغێ د چه‌په‌رێن مانونه‌مانا گه‌لێ خوه دا بووینه، هه‌روه‌سا كار ل سه‌ر وێ چه‌ندێ كرینه وان شوونوارێن هه‌رشاندن و زۆرداریێ ل سه‌ر گه‌لێ مه نه‌مینن و بێگومان ل سه‌ر ڤێ ماندی بوون و قوربانیدانێ په‌شیمان نه‌بوونه هه‌روه‌سا نه‌ره‌ڤینه ژ به‌ر كو پێخه‌مه‌تی سه‌رفه‌رازی و ئازادیا گه‌لێ كورد بوویه لێ هه‌كه دوژمنان جارنا هنده‌ك سه‌ركه‌فتنێن ده‌مكی بۆ خوه بده‌ستڤه‌ئینابان ئه‌و ژی زڤری ئه‌وی كرین فرۆتنا بۆ خوه بگه‌لێ كورد دكرن كو بكه‌ن پێژان داكو ده‌سهه‌لات و كورسیێن وان بهێنه پاراستن، ئه‌كید هه‌رده‌م كارێ دوبه‌ره‌كی ل ناڤ كوردان په‌یداكرینه كو به‌ربنه ئێك داكو ئه‌و بخوه بچن سه‌رێ گۆپیتكێن بلند ب گه‌لێ كورد بكه‌نن و هه‌روه‌سا بۆ خوه یاریا ل گۆر ڤان كاودانێ نوكه وه‌سا دهێته خۆیاكرن و ره‌نگه دهێته چاڤه‌رێكرن كو هنده‌ك گوهۆرینێن ب له‌ز ل سه‌ر نه‌خشه و تێكه‌لكرنێن جودا جودا بۆ رۆژهه‌لاتا ناڤین برێڤه‌بن و راستیا وێ ل دووڤ دیتنا شرۆڤه‌كه‌رێن سیاسی ئاماژه بۆ وێ چه‌ندێ هه‌نه كه هنده‌ك به‌ر ب هه‌ڤپه‌یمانێن نوو ل ده‌ڤه‌رێ په‌یدابین و دیار دبیت راستیا ڤێ ته‌رازۆیا ئه‌ڤرۆ كێشان و پیڤان تێدا دهێنه‌كرن د به‌رژه‌وه‌ندی ئالێ گه‌لێ كوردان بهێته خارێ و پێنه‌ڤێت بزاڤێن به‌رچاڤ هه‌نه ل سه‌ر گوهۆرینێن نه‌چاڤه‌رێكری هه‌ین چونكو ئه‌ڤرۆ وه‌كو هه‌زه‌یه‌كێ رۆژهه‌لاتا ناڤین ڤه‌گرتیه و شێلی بوونێن سیمایێ وێ گرتینه و ژ ڤێ ئێكێ دهێته خواستن و ده‌م ژی وێ دخوازیت گه‌لێ مه ب هه‌می لایه‌نێن خوه یێن سیاسی ڤه بیر ل ئاینده و سوبه‌هیه‌كا دی بۆ خوه بكه‌ن داكو ئێدی نه‌بن كۆله و ته‌پا یارێن دوژمن و كه‌دخوارێن ملله‌تێ كورد ئه‌و ژی ئه‌ڤه یه پرا پێ بگه‌هیت وان ئارمانجێن ل مێژووی لێ هاتینه ڤه‌شارتن كو مه قوربانی بۆ داین ب تنێ پێدڤی گۆتاره‌كا ئێكگرتی هه‌یه ژبۆ قورتالكرنا گه‌لێ مه ژبۆ راستیا ئه‌وان په‌رده‌ێن زۆرداریا جاران كو گه‌لێ مه د ناڤدا هاتین پێجان د وارێ پراكتیكی دا بۆ دوست و رایا جیهانا ئه‌ڤرۆ یێن راستی، چونكو هه‌می بزاڤێن دوژمنان ئه‌وبوون د وێ مێژوویا ره‌شا خوه دا دڤیا گه‌لێ كورد بێده‌نگ بكه‌ن و ژ رێیا ده‌سهه‌لاتێن خوه دا راكه‌ن و ئه‌كید ئه‌ڤه ژی بوویه خه‌ون و نه‌شیان وان مه‌ره‌مێن خوه بجهبینن و بێگومان ناهێنه ڤه‌شارتن هه‌رچی پێڤه هاتی هه‌مبه‌ر گه‌لێ مه بكارئینایه داكو نه‌بن خودانێن كیان و پێناسا خوه هه‌بیت چونكو نیازێن دوژمنان ل قركرن و هنداكرنا گه‌لێ مه بوویه، لێ ئه‌ڤرۆ ئێدی ئه‌وا دوهی ب سه‌رێ گه‌لێ مه ئینایه ئه‌ڤرۆ نه‌ما ئانكو ئه‌و ئاورێن خراب به‌ری خودانێ و ئێدی جهێ خوه ناگرن ژ به‌ر كو ئه‌ڤ دیتن، چاره‌نڤیسێ كوردان بكه‌ن و ره‌نگه جاران كه‌یفخۆش بین ب هنده‌ك شكه‌ستن و لاوازكرنا شۆره‌ش و به‌رخودانێن كوردی به‌لێ راستیا هه‌می پیلان و ده‌ستێوه‌ردانێن دوژمنان ئه‌ڤرۆ بۆ جیهانێ دیاربوویه ل سه‌ر هه‌می زۆرداریا بكارئینای ل سه‌ر گه‌لێ كورد و بێ به‌هركرنا وی ژ ماف و ئازادیێ ل گۆر ئه‌و فشار و بنده‌ستیا دیتی گه‌لێ مه په‌نا دبرنه خه‌بات و به‌رخودانی داكو ئه‌و ژی بژین وه‌كی هه‌می گه‌ل وه‌لاتێن جیهانی و ژ به‌ر هندێ به‌ره‌ڤانی ژ هه‌بوونا خوه كرینه، چونكو ئه‌و نه‌هامه‌تێن بێ وێنه ل ژێر سیبه‌رێن كه‌دخوارێن ملله‌تێ كورد دیتنه به‌لێ ل سه‌ر وێ خوراگری و سه‌ر بلندیا گه‌لێ مه و ل سه‌ر ڤێ دیار بوویه كو هه‌رێما كوردستانێ ئیرۆ وه‌كو نموونه‌كا به‌رچاڤ ل رۆژهه‌لاتا ناڤین هاتیه ناسكرن و چوویه پێش ئه‌ڤه ژی ل سه‌ر راستیا شه‌ڕێ دژی داعشێ یه و پشته‌ڤانیا جڤاكێ نێڤده‌وله‌تی بۆ هه‌یه و دیار دبیت وه‌كو هه‌ڤال به‌ندێ خوه‌دایه زانین و ژمارتن÷، چونكو هنده‌ك راستیێن گه‌لێ كورد ل ڤێ قووناغێ ل سه‌ر شه‌ڕێ دژی داعش بۆ هێزا نێڤده‌وله‌تی دیاربووینه و ژبه‌ر ڤێ ده‌ست ژ گه‌لێ كورد به‌رنادن و دبینن نیازین گه‌لێ كورد و هه‌رێما كوردستانێ به‌رامبه‌ر مرۆڤاتیێ زه‌لال خوه‌یا دكه‌ن، چونكو ل وێ دیمۆكراسی و دادپه‌روه‌ری وه‌كهه‌ڤیا وی دیار دبن ل سه‌ر پارڤه‌كرنا مافێن هه‌می نه‌ته‌وه و پێكهاته‌یا هه‌رێما كوردستانێ بێ جودا له‌وا هه‌رێما كوردستانێ جهێ خوه ل ناڤه‌ندوسازێن نێڤده‌وله‌تی دا كرییه به‌لێ ئیرو ئه‌ڤا هه ژ گه‌لێ كورد تێته خواستن ل هه‌می پارچه‌یێن كوردستانێ هه‌ولێن ئێكرێزی و برایه‌تیا كوردی بكه‌ن و كار ل سه‌ر پشته‌ڤانیا ئێكودو بكه‌ن، چونكو ئه‌ڤرۆ گه‌لێ كورد كه‌فتیه به‌ر هنده‌ك ئاورێن رزگاركرنێ و پێنه‌ڤێت كو به‌حس و ڤه‌كۆلین ل سه‌ر هه‌نه و هه‌لبه‌ت خواندنێن باش ژی بۆ دهێنه‌كرن ژ به‌ركو كوردان ب شاره‌زای و دپلۆماسی و باوه‌ریا خوه شیایه بۆچوونا پرانیا وه‌لاتێن جیهانی بۆ خوه راكێشیت ئه‌ڤه ژی ل ئه‌گه‌رێن ئێكده‌نگ و هه‌لویستێا كوردیه، ره‌نگه زه‌مینه ژی بۆ هاریكاره كو ئه‌ڤ پشته‌ڤانیا نێڤده‌ولی بۆ دهێته‌كرن و ئه‌كید خۆراگری و مێرانیا پێشمه‌رگه‌ی ئه‌ڤرۆ ملله‌تێ كورد بره پێش و هه‌روه‌سا چه‌ته‌یێن داعش ل سه‌ر ده‌ستێن گه‌لێ مه هاتن شكاندن و ل سه‌ر ڤێ ئێكێ ئه‌ڤرۆ ژ هه‌ر كورده‌كێ دهێته خواستن كو ده‌لیڤه یه په‌یام و گۆتارا خوه بكه‌ن ئێك داكو هه‌می ئالیه‌كێ حساب بۆ گه‌لێ مه بهێته كرن ئه‌كید بۆ ئێكهه‌لویستیا مه دێ كورد به‌ر ب ئاینده‌كێ مسۆگه‌ر ڤه بن دێ ژ وان ئازارێن مێژووی قورتال بیت داكو هه‌ر داعشه‌ك بۆ مه ده‌رنه‌كه‌ڤیت و ئه‌م ژی ب ماف ده‌وله‌تبوونا خوه شاد بین.
پارتى ل كه‌ركووكێ دژێ پێكئینانا میلیشیاتایه و دێ بنه هوكارێ تێكدانێ
ئه‌ڤرۆ نیۆز:
پشتى به‌لاڤبوونا ده‌نگۆباسێ پڕ چه‌ككرنا پێكهاتێن عه‌ره‌ب و توركمان یێن ل سنۆرێ باژێرێ كه‌ركووكێ، په‌یڤدارێ ب ناڤێ جڤاتا سه‌ركرداتیا كه‌ركووك ـ گه‌رمیان یا پارتى دیموكراتى كوردستان گۆت: ئه‌م وه‌ك پارتى دیموكراتى كوردستان دژى پێكئینانا هێزێن ملیتانین و هه‌ر كه‌سه‌كێ بڤێت چه‌كى هه‌لگریت دشێن بهێته دناڤ رێزێن هێزێن پێشمه‌رگه‌ى و چو ئاسته‌نگ هه‌مبه‌رى وان نابن. هه‌ڤده‌م دیاركر، پێشمه‌رگه به‌ره‌ڤانیێ ژ هه‌موو ده‌ڤه‌رىچ دكه‌ت بێى جوداهى هه‌بیت.
په‌یڤدارێ پارتى عه‌دنان كه‌ركووكى راگه‌هاند، ئه‌م وه‌كى پارتى دیموكراتى كوردستان دژى پێكئینانا گرۆپێن ملیتانین ل سنۆرێ كه‌ركووك، چونكى پێشمه‌رگه به‌ره‌ڤانیا ژ هه‌موو ده‌ڤه‌رێ بیێ جوداهى دكه‌ت، كه‌ركووكى هه‌روه‌سا خوه‌یاكر، كار بۆ پێكئینانا هێزه‌كا سونى ل مووسل و تكریت و هنده‌ك ده‌ڤه‌رێن دى ژى دهێته كرن، به‌لێ ئه‌و گۆتنا هنده‌ك ژ توركمانان ژێ به‌حس دكه‌ن، چو راستى بۆ نینه، چونكى توركمان دناڤبه‌را سنوى و شیعاندا هاتینه به‌لاڤكرن، له‌ورا ئه‌و دهێته گۆتن بتنێ هنده‌ك سه‌رزێده‌ركرنێن سیاسینه و چو دى نینه.
كه‌ركووكى هه‌وسا خوه‌یاكر، پێكئینانا وان ملیتانان بتنێ دێ بیته هوكارێ تێكدانا سه‌قامگیریا ده‌ڤه‌رێ، له‌ورا هه‌كه هه‌ر پێكهاته‌ك په‌نایا خوه بۆ ملیتانێن تایبه‌ت ببه‌ت، ئێدى چو ده‌ستهه‌لات و قانوون نامینن، ئه‌و كارێن ملیتانێن شیعه ل جه‌له‌ولا و سه‌عدیه ب دزى و تالانكرنا كه‌لوپه‌لێن وه‌لاتیان دكه‌ن، خوه داعشێ ئه‌و كار نه‌كرینه، هه‌كه ئه‌و وان ده‌ڤه‌رێن دى ژ رزگار بكه‌ن دێ ب هه‌مان كارى رابن و سه‌قامگێریا ده‌ڤه‌رێ تێكده‌ن.
حه‌یده‌ر عه‌بادى 4000 پاسپورێن دبلوماتكارى راگرتن
ئه‌ڤرۆ نیۆز:
سه‌رۆكێ لیژنا په‌یوه‌ندیان یا په‌یرله‌مانێ عیراقێ ئاشكراكر، سه‌رۆك وه‌زرێن عیراقا فیدرال حه‌یده‌ر عه‌بادى 4 هه‌زار پاسپۆرێن دبلوماتكارى كو حوكمه‌تا به‌رێ یا نورى مالكى ده‌رخستبوون هه‌موو راگرتن، ئه‌و كار ب پێنگاڤه‌كا باش هاته ژمارتن، هه‌ڤده‌م دیاركر كو ده‌رخستنا ژماره‌كا هوسا یا پاسپورێن دبلوماتكارى كاره‌ساته و روویه‌كێ دى یێ گه‌نده‌لیێ یه.
سه‌رۆكێ لیژنا ناڤبرى حه‌سه‌ن شویردان گۆت: سه‌رۆك وه‌زیرێن عیراقێ بڕیارا راگرتنا وان هه‌ر 4 هه‌زار پاسپۆرێن دبلوماتكارى دایه، زێده‌بارى هندێ سۆز دایه هه‌ر كه‌سه‌كێ ل پشت وى كارى بیت دێ هێته سزادان.
حه‌سه‌ن شویردان خوه‌یاكر، ده‌رخستنا ژماره‌كا بڤى ره‌نگى یا پاسپۆرێن دبلوماتكارى كاره‌ساته و روویه‌كێ دێ یێ گه‌نده‌لیێ یه و لیژنا په‌یوه‌ندیان ب هه‌موو شیانێن خوه‌ڤه بۆ ئاشكراكرنا باده‌كێن گه‌نده‌لیێ پشته‌ڤانیا حوكمه‌تا عه‌بادى دكه‌ت، دیسان دوپاتكر، لیژنا په‌یوه‌ندیان دێ دوڤچوونه‌كا باش دڤى بابه‌تێ دا كه‌ت و هه‌كه دیار بوو حوكمه‌تا به‌رێ خه‌مسار بوویه دڤى كارى دا دێ دكونگره‌كێ رۆژنامه‌ڤانى دا به‌رانبه‌رى رایا گشتى هه‌تكا گه‌ندلجیان به‌ین.
ئه‌مریكا مه‌شقكرنا هێزێن (YPG) ل هه‌رێما كوردستانێ دكه‌ت
ئه‌ڤرۆ نیۆز:
پشتى ئه‌نقه‌ر مشه‌قكرنا هێزێن پاراستنا گه‌ل یا كوردێن رۆژئاڤا ل سه‌ر ئاخا خوه ره‌تكرى، ئه‌مریكا بڕیارا مه‌شقكرنا وێ هێزێ ل سه‌ر ئاخا هه‌رێما كوردستانێ قه‌بوولكر.
سه‌ره‌راى رێككه‌فتنا به‌رپرسێن له‌شكرى یێن ئه‌مریكى و تورك ل سه‌ر مه‌شقكرنا هێزێن چه‌كدراێن له‌شكرێ سورى یێ ئازاد ل بنگه‌هێن له‌شكرى یێن توركیا ل ده‌سپێكا سالا بهێت، به‌لێ هه‌ردو ئالى سه‌باره‌ت مه‌شقكرنا هێزێن یه‌كینه‌یا پاراستنا گه‌ل ل وه‌لاتێ توركیا رێكنه‌كه‌فتن، له‌ورا ویلایه‌تێن ئه‌مریكى بڕیارا مه‌شقكرنا وان بستویێ خوه‌ڤه گرت و ل سه‌ر ئاخا هه‌رێما كوردستانێ.
ئه‌ڤه دكومبوونه‌كا تایبه‌ت دا ل بنگه‌هێ گشتیێ ده‌سته‌یا سوپا سالاریا توركیا ل ئه‌نقه‌ره هاته گه‌نگه‌شه‌كرن، ژێده‌رێن ئاگه‌هادار بۆ رۆژناما ده‌یلى نیۆز راگه‌هاند، لشكرێ سورى یێ ئازاد دێ بنگه‌هێ ( هیرفالی ) مه‌شق و راهێنان ل هه‌رێما اسكیشهر ل ناڤه‌ندنا ئه‌نازۆل.
رۆژناما ناڤبرى ژ هنده‌ك ژێدره‌ێن ئه‌مریكى ئاشكراكر، له‌شكرێ ئه‌مریكى دێ پشكداریێ مه‌شق و راهێنانێن ب ئۆپۆزسیۆنا سورى و پڕچه‌ككرنا وێ كه‌ت.
ژێده‌ر: ده‌یلى نیۆز.
وه‌زاره‌تا پێشمه‌رگه‌ى دو مه‌رج بۆ پشكداركرنا د ئازادیا مووسلێ هه‌نه
ئه‌ڤرۆ نیۆز:
ل گۆڕ ده‌نگۆباسێن عیراق پرێس هاتینه به‌لاڤكرن، وه‌زاره‌تا به‌ره‌ڤانیا عیراقێ ب شێوه‌كێ فه‌رمى داخوازا ژ وه‌زاره‌تا پێشمه‌رگێ هه‌رێما كوردستانێ كریه پشكداریێ د پرۆسا ئازادیا باژێرێ مووسلێ دا بكه‌ن.
جێگرێ سه‌رۆكێ لیژنا پێشمه‌رگه‌ى یا په‌رله‌مانێ هه‌رێما كوردستانێ دلێر موسته‌فا گۆت: وه‌زاره‌تا به‌ره‌ڤانیا عیراقێ ب فه‌رمى داخوزا ژ هێزێن پێشمه‌رگه‌ى كریه پشكداریێ د پرۆسا ئازادیا مووسلێ دا بكه‌ن، به‌لێ وه‌زاره‌تا پێشمه‌رگه‌ى یا حوكمه‌تا هه‌رێما كوردستانێ مه‌رجێ مه‌زاختنا مووچێ پێشمه‌رگه‌ى به‌رانبه‌رى به‌غدا دانایه.
دلێر موسته‌فاى هه‌روه‌سا دوپاتكر، وه‌زاره‌تا پێشمه‌رگه‌ى به‌رهه‌ڤیا خوه بۆ ئازادیا مووسل دیاركرن، به‌لێ ب دوو مرجان، یێ ئێكى بودجا پێشمه‌رگه‌ى ژ بودجا ده‌وله‌تا عیراقێ بهێته مه‌زاختن، یێ دوێ به‌غدا رێ بده‌ته هاریكاریێن بۆ هه‌رێمێ دهێنه ره‌وانه‌كرن ل فرۆخانێن هه‌ولێرێ بهێنه دانا بێى پشكنینا ل به‌غدا بۆ وان هاریكاریان دهێته ئه‌نجامدان.
مه‌ریه‌م ئه‌لره‌یس شیرتكارا سیاسى یا مالكى هاته لادان
ئه‌ڤرۆ نیۆز:
سه‌رۆك وه‌زیرێن عیراقا فیدرال حه‌یده‌ر عه‌بادى بڕیارا لادانا مه‌ریه‌م ئه‌لره‌یس شیره‌تكارا ده‌سته‌یا جڤاتا وه‌زیران ده‌رخست.
ژێده‌ركێ نێزیكى سه‌رۆك وه‌زیران گۆت: سه‌رۆك وه‌زیرێن عیراقێ حه‌یده‌ر عه‌بادى مه‌ریه‌م ره‌یس وه‌ك شیره‌تكرا سیاسى یا جڤاتا وه‌زیران لادایه، هه‌ڤده‌م داخوازا ده‌ست ب كارێ گه‌رده‌ن ئازاكرنا ژ جڤاتا وه‌زیران و راده‌ستكرنا هه‌ر كه‌لوپه‌له‌كێ پێدڤى ب زووترین ده‌م كر.
زێده‌بارى وێ دیاركر، حه‌یده‌ر عه‌بادى وه‌لید ئه‌لحلى ل جهێ وێ دانایه وه‌ك شیرتكراێ سیاسى یێ جڤاتا وه‌زیران.
سه‌رۆك بارزانى: هنده‌ك ئالیێن سیاسى لپشت شه‌رێ داعشێ ل گه‌ل هه‌رێمێ هه‌نه
ئه‌ڤرۆ نیۆز:
سه‌رۆكێ هه‌رێما كوردستانێ مه‌سعود بارزانى هنده‌ك ئالیێن سیاسى كو نه‌ڤیایه ناڤێن وانا ئاشكرا بكه‌ت، ب په‌یداكرن و پالدانا شه‌رێ داعشێ دژى هه‌رێما كوردستانێ گونه‌هباركرن، پشتى پرۆسا سه‌ربخوه‌یا هه‌رێمێ گه‌هشتیه قوناغێن پێشكه‌فتى.
سه‌رۆكێ هه‌رێما كوردستانێ هه‌روه‌سا رونكر، پشتى سه‌ربخوه‌یا هه‌رێما كوردستانێ گه‌هشتیه قوناغێن پێشكه‌فتى و راپرسین هاتیه رۆژه‌ڤێ، ئارمانجا وان ئالیێن سیاسى ئه‌و بوویه ب رێیا داعشێ دربه‌ركى داوه‌شینه پرۆژێ ناڤبرى، هه‌ڤده‌م سه‌رۆك بارزانى دوپاتكر، به‌لێ پرۆسا سه‌ربخوه‌یا هه‌رێما كوردستانێ یا به‌رده‌وامه و پاشه‌كێشى تێدا ناكه‌ین.
سه‌رۆكێ هه‌رێما كوردستانێ هه‌روه‌سا خوه‌یاكر، مه‌رما وان ئه‌و بوویه ب رێا داعشێ سه‌ربخوه‌یا هه‌رێمێ تێك بده‌ن، به‌لێ سه‌د یا ن هه‌زارێن وه‌كى داعشێ نه‌شێن پرۆسا سه‌ربخوه‌یا هه‌رێمێ راگرن، ئه‌و داخویانیا سه‌رۆك بارزانى پشتى پێشوازیا ژماره‌كا پێشمه‌رگه‌ێن ژ كوبانێ ڤه‌گه‌ریان ژ ئالیێ سه‌رۆك بارزانى ڤه هاتینه پێشوازى كرن.
زێده‌بارى وێ چه‌ندێ سه‌رۆك بارزانى راگه‌هاند، بوچونێن وان كه‌سان سه‌باره‌ت ده‌رخستنا كوردان ژ ده‌ڤه‌رێن وان كو به‌رب چیا بچن د شاش بوون، هه‌روه‌سا وانا ئه‌و پێشبینى نه‌دكر كو ئه‌مریكا و هێزێن هه‌ڤپه‌یمانان دێ هاریكاریا كوردان كه‌ن، هه‌روه‌سا وانا نه‌د زانێ پێشمه‌رگه دێ به‌ره‌ڤانیه‌كا بڤى ره‌نگى كه‌ت.
داخویانیا سه‌رۆك بارزانى دبیته ب هێزترین پرسا چودابوونا ژ عیراقێ پشتى شه‌رێ دژى چه‌كدارێن تیرۆرى یێن داعشێ.
ژنا كورد سه‌مبولا ژیان و به‌رخودانی یه
ئه‌ڤرۆ ژنا كورد ل قووناغه‌كا نوو هه‌ستیار دژیت وژدان و هه‌ستا پرانیا جیهانێ هه‌ژاندیه، ب به‌رخودانا خوه، ل سه‌ر ئاخا كوردستانی ئه‌ڤرۆ ره‌چه‌لكی نوو ژدایك دبن، یێن بووینه ئه‌فسانه، رۆژانه ناڤێ وان بووینه مانشیتێن مه‌زن ل سه‌ر لاپه‌رێن كۆڤار و رۆژنامه‌یین دنیایێ، په‌سنا به‌رخودانا وان دهێته كرن، جهی داخی یه ل وه‌لاتی مه كو لاندكا وان قه‌هرمانایه، ئه‌ڤرۆ دهێنه سۆتن و كوشت، ل دنیایێ په‌یكه‌رێن زێری بۆ قه‌هرمانان دهێنه چێكرن لێ ل وه‌لاتێ من ب گوله‌كێ یان چریسكه‌كا ئاگری یان بلۆكه‌كی دهێنه ژناڤبرن.
ئه‌رێ ما ده‌م نه هاتیه ئه‌م ژی وه‌كی هه‌می دنیایێ ره‌فتاران بكه‌ین؟
ژبه‌ر هندێ ژی پێدڤی یه ل ڤی ده‌می ده‌ستهه‌لات، ئاوریه‌كێ و بهایه‌كی باشتر بده‌ته ڤی كه‌سی كو بوویه ئه‌فسانه ل ده‌رڤه‌ی سنۆرێن مه. ژ بلی ڤێ چه‌ندێ ژی ئه‌و قه‌هره‌مانی ئه‌ڤرۆ د به‌رگریێ دانه و ئاخا كوردستانێ دپاریزیت هه‌ر ژ كێله‌كا وێ ژنێ ژ دایك بووینه، له‌ورا دڤێت سیسته‌مه‌كێ نوو بهێته پیاده‌كرن بۆ خۆشكرنا ڤی (مخلۆقێ) هه!!
ژ بۆ پاشه‌رۆژه‌كا گه‌شتر و خۆشتر ل سه‌ر بنیاته‌كێ موكم و دیسا یێ سیاسی و ئاڤاكرنا ژنه‌كا پڕ شیان و هزرێن ئه‌كادیمی و مودرن، گه‌له‌ك جاران ده‌مێ به‌حسێ ژنێ و پشكداریێ دكه‌ت ئێكسه‌ر بابه‌ت دچیت خالێن لاواز و به‌حسێ كه‌ساتیا ئافره‌تێ دهێنه‌كرن و تشتێ گرێدایی ره‌وشت و كه‌لتوور و پرسا جڤاك و ده‌روون و گه‌له‌ك خالێن دی یێن كو مێشكێ خه‌لكی پێڤه مژوول بن دهێنه پێش، ل به‌راهیا ڤێ هزرێ هه‌میێ ب سه‌دان هزرێن شاش ل دۆر ژنێ دهێنه ئاڤاكرن كرن، هه‌تا ئێك خالا ئه‌رێنی یا وێ دهێته دیتن، یا جهێ پسیارێ یه ژن دشێن ڤێ دیتنێ بگوهۆرن، ئه‌ڤ پرسه دبیت ل جه‌م ژنان بیت، به‌لێ خالا سه‌ره‌كی ئه‌وه كو پێدڤیه ژن ئه‌ڤا روودایی ل ڤێ دووماهیێ بكه‌نه ده‌سپێشخه‌ریه‌ك ژ بۆ گوهارتنا هنده‌ك بابه‌تێن دی یێن پرسا ژنێ ئه‌و ژی بیاڤێ سیاسی و به‌گره‌وه‌ندێ ژنێ یێن سیاسی پێدڤی رێخستنێ یه كو ڤه‌كرنا لاپه‌ره‌كێ نووتره، نموونه تشتێ سه‌رسورمان بێی هزر ل ئافره‌تا باكۆر و باشۆر بهێته كرن ئه‌ڤ بابه‌ته دهێته تێكه‌ل كرن، ئانكو جوداهی هه‌یه و ژنێن باكۆر شیانه ببنه سومبولا به‌رخودانێ و ببنه نموونه بۆ گه‌له‌ك ژنێن دی ل ده‌ڤه‌رێن مه كو سه‌رێ خوه ژ كه‌ڤلوژانكێ خوه یێ رۆتینی و ژیانا گرێدایی نه‌ریتان بینن ده‌رو ئێدی ب ئه‌واچووی به‌س نه‌بیت، نموونه هه‌كه به‌حسێ هندێ بكه‌ین ژن د جڤاكێ مه دا كه‌سێ ل دۆر خوه نابینیت كو لێ باوه‌ر بیت، ئانكو هێزه‌ك نینه ژبلی هه‌ڤژینێ وێ كو رێكخراوێن ئافره‌تان نه‌شێن ل جهێ وێ باوه‌ریێ بن ئه‌وا ژنێ دڤێت به‌رده‌وام ئه‌و ل جهێ گازندێ دبینن چونكی دڤێن بۆ هه‌ر هیڤیه‌كا وێ ببنه پشته‌ڤان، زێده‌باری ڤێ چه‌ندێ ژی ده‌ستهه‌لاته كا باورپێكری نینه كو ده‌ما ژن ل دووڤ ئارمانجێن خوه دچیت پشته‌ڤانیا وێ بهێته كرن، نه‌خاسمه ده‌مێ زه‌لامێ وێ لێ رابوو یان جڤاك، ئه‌ڤجا ئه‌و ده‌ستهه‌لاته یان رێكخراوه بیته پشته‌ڤان، هه‌ر ل گه‌ل ڤێ ئێكێ ژی په‌روه‌رده‌یه‌كا ژن ل سه‌ر رادبیت یا كلاسیكه هه‌كه خوه ل زانكۆیێ ژی خلاس بوو هزر دكه‌ت و ئه‌و باوه‌ریا بۆ چیبووی هه‌ر مولكێ زه‌لامی یه، كو ده‌مێ شوو دكه‌ت نابیت ژ چارچووڤێ خواسته‌كێن زه‌لامی ده‌ربكه‌ڤیت.
به‌لێ ل گه‌ل ڤێ ژی خالا گرنگ ژی ئه‌وه ژنا نها خودان ئابووریه‌كا سه‌ربخوه نینه وه دیسا ئازادیا تاكه كه‌سی قه‌بوول ناكه‌ت، تایبه‌ت هه‌كه ژنێ ڤیا ب تنێ بژیت به‌لكو هه‌ر یا چارچووڤه‌كریه د مالێ دا و دۆرپێچكریه د ناڤ خێزانێ دا.
به‌لێ ل به‌رانبه‌ر ڤێ ژن ل باكۆر خودان هێزه‌كا له‌شكری یه و خودان فه‌رماندار و رێڤه‌به‌ریه‌كا سه‌ر بخوه‌یه به‌لكو دشێت بێ زه‌لامی به‌رده‌وامیێ بده‌ته خواسته‌كێن خوه، به‌لێ ئه‌ڤه بوویه میناك بۆ هه‌می ژنێن دونیایێ، نه‌وال سه‌عداوی دگۆتنه‌كا خوه‌دا دبێژیت (ژنا كورد به‌ره‌ڤانیێ ژ راسته‌قینه‌یا جیهانێ دكه‌ت) ل گه‌ل هندێ ژی نابێژم ل باشۆر ژنه‌كا بێ هه‌لویسته نه‌خێر ژن هه‌نه خودان رابردوویه‌كێ باش و دشێت رۆلێ خوه بینیت لێ ئه‌و ژی گه‌له‌ك جاران تێكه‌لی وان ئاتافان دبیت یێن ناڤ مالێ، نموونه ژی پتریا بابه‌تێن ژنان هه‌كه نموونێن كوشتن و سۆتن و قوربانیان نه‌هێته كرن كێمه، د ڤێ قووناغا كو ژن ئێدی هزر ل سیمایه‌كێ دی بكه‌ت باشتره هنده‌ك پرانسیپ و ئه‌ته‌كێتێن ژیانێ یێن گرێدایی ژنێ بهێنه شرۆڤه‌كرن و مژار ل سه‌ر بهێته كرن.
نيشاندان
WP Facebook Auto Publish Powered By : XYZScripts.com