كه‌نه‌دا رۆژ ب رۆژ یا پتر رژد دبیت ل سه‌ر پشتگیریا ژ ناڤبرنا هێزێن رێكخروا داعش ل ته‌ماما رۆژهه‌لاتا ناڤین ب تایبه‌تی ل هه‌رێما كوردستانێ. هه‌ر ژ رۆژێن ده‌ستپێكا هاتنا رێكخراوێ ڤی وه‌لاتی ده‌ست ب هه‌ڤكاریان بۆ په‌نابه‌ران و هنارتنا دراڤی و د دووڤ دا په‌رله‌مانێ كه‌نه‌دی ب ده‌نگدانه‌كا زۆرینه بریاردا وه‌كو كریار پشكداری د شه‌ریدا بكه‌ت، ئه‌و ژی بوو ئه‌گه‌ر هنارتنا شه‌ش فرۆكێن شه‌ڕی و نوكه ب شێوه‌یه‌ك كاریگه‌ر پشكدارن د شه‌ریدا. لێ ل ڤان رۆژان وه‌سان خوه‌یا دبیت كو نه ته‌نێ كه‌نه‌دا وه‌كو حوكمه‌ت دخوازیت پشكداریێ د سه‌نگه‌رێن شه‌ڕی دا بكه‌ت، لێ وه‌لاتیێن كه‌نه‌دی ژی خوه‌به‌خشانه نها ده‌ست دایه توماركرنا ناڤێن خوه بۆ روودانا وان دا پشكداربن ل گه‌ل هێزێن پێشمه‌رگه‌ی و ل گه‌ل شه‌ڕڤانان ل رۆژئاڤایێ،
خۆبه‌خشێ كه‌نه‌دی دیلۆن هیللری
پشتی ولاتێ كه‌نه‌دا چه‌ند گاڤێن ئه‌رێنی هاڤێتین بۆ پشكداریه‌كا به‌رفره‌هتر و كاریگه‌رتر د شه‌ڕێ دژی رئكخروا تێرۆرستی یا دعش كری. ئه‌ڤان پێنگاڤان قه‌ناعه‌ته‌كا باش ل جه‌م گه‌له‌ك وه‌لاتیێن وان دروست بوویه كو به‌لێ دڤێت كه‌نه‌دا پتر رۆلێ خوه ببینه و بۆ شكاندن و تێكدانا ته‌ڤنێ رێكخراوا ناڤكری. هه‌كه ژی دزڤرن هندێ ئه‌ڤ وه‌لاته و وه‌لاتتێن وێ وه‌سان باوه‌ردكه‌ن كو ئه‌ڤ ئارێشا هه‌نێ گه‌ر سنۆره‌ك بۆ نه‌هێت دانان سوبه وێ ببن مه‌زنترین مه‌رترسی ل سه‌ر وه‌لاتێن وان ژ وان ژی كه‌نه‌دا. هه‌ر ژبه‌ر ڤێ ئێكێ ژی هه‌تا نوكه دو وه‌لاتی ل مه‌یدانا شه‌ڕینه ل كوردستانێ دژی هێزێن تاریێ ئێك ژ وان ب ناڤێ (دیلۆن هیلله‌ر) كو به‌ریا نوكه ئێك ژ سه‌ربازێن كه‌نه‌دی بوو ل ئه‌ڤغانستانێ بوو. ئه‌و دا خۆیا كرن كو ئه‌و نكاره ده‌ستڤالا بمینه و ئه‌و هێزێن تێرۆرست ب ڤان كارێن هۆڤانه رابن. وه‌لاتیه‌ك دن یا كه‌نه‌دی كو ژ نوكه ل كۆبانێ یه و ل گه‌ل شه‌ڕڤانان به‌رخۆردێ دكه‌ت. لێ یا ژ هه‌ژی گۆتنێ یه ل چه‌ند رۆژێن چووی ب ده‌هان كه‌سان ناڤێن خوه داینه‌ڤ حوكومه‌تا كه‌نه‌دا و نوكه فۆرمێن خوه پركرینه و د ئاماده‌نه ل ده‌مه‌ك نێزیك بێن ڤه‌گوهاستن خوه‌به‌خشانه بۆ كوردستانێ داكو پشته‌ڤانیا گه‌لێ كورد بكه‌ن بۆ ژناڤبرنا داعشان ژ ناڤا ئاخا وان. وه‌كو خوه‌یا دبیت كو كه‌نه‌دا سیاسه‌تا خوه یا نه‌رم و جاران به‌ر ب گوهۆرینێ یه ل دژی گرۆپێن تیرۆرستی، نه‌مازه پشتی دو روودانێن تیرورستی ل سه‌ر ئاخا وێ چێبووین، ئه‌و ژی ب كوشتنا دو پۆلیسێن وان كو ئێك ل باژێرێ مۆنتریال بوو و یا دویان ل باژێرێ پایته‌خت بوو كو دكه‌ته باژێری ئۆتاوا ئه‌ڤ هه‌ردو روودانه هاتن ئه‌نجامدان پشتی كه‌نه‌دا بریار دای كو پشكداری د شه‌ڕیدا بكه‌ت ل دژی رێكخراوا داعش.
ب ڤی ئاوای كه‌نه‌دا رۆژ ب رۆژ یا پتر رژدبیت بۆ هه‌ڤكاریا كوردان و هه‌موو هێزێن نێڤنه‌ته‌وی كو رێكخراوا ناڤكری ژ ناڤ ببه‌ن. هه‌تا ئه‌ڤرۆ گه‌ر ته‌نێ حوكمه‌ت بوویه ئه‌ڤ حه‌زه هه‌بوویه لێ نوكه ئه‌و خال چو بۆ خاله‌ك بلندتر ئه‌و ژی پشته‌ڤانیا وه‌لاتیانه بخوه بخه‌شكرنێ دا كو مل ب ملێ حوكمه‌تا خوه‌ڤه ببن پشكه‌ك ژ پێنگاڤێن سه‌ركردێن وه‌لاتێ خوه ل دژی تیرۆرێ.
نووترين نووچه
- وەزارەتا دارایی بەرسڤا سەردابرنێن پەرلەمانتارەكێ ئێكەتیێ ل دۆر لیستا مووچەی ددەت
- رێباز حەملان: مە پەیاما سەرۆكێ حوكمەتا هەرێمێ ل دۆر مووچەیێ فەرمانبەرێن هەرێمێ گەهاندە سۆدانی
- پێشبینییا چەندین سیناریۆیان ل رۆژهەلاتا ناڤین دهێتە كرن كو ئیراقێ ژی دێ ڤەگرن
- نێچیرڤان بارزانی خواستا هەرێما كوردستانێ بۆ پێشڤەبرنا پەیوەندیان ل گەل هندستانێ دوپاتكر
- ل ئەینییا بهێت شاندێ هەڤپشكێ وەزارەتا داراییا ئیراقێ و هەرێمێ دێ كۆمبن
- ل ئیراقێ فیدرالی نەهاتییە بجهئینان
- فەوزی هەریری: تێكگەهشتنەكا باش بۆ پێكئینانا كابینەیا دەهێ هەیە
- ئەڤرۆ شاندێ تەكنیكیێ پارتی و ئێكەتی ل دۆر پێكئینانا كابینەیا نوو یا حوكمەتێ دێ كۆمبن
- دێ ل گەل ئەنەکەسێ دەست ب دانوستاندنان کەین
- پشكداریا مەسرور بارزانی ل كۆڕبەندێ ئابووریێ جیهانی دێ رەنگڤەدانا ئابووری و دیپلۆماسی ل سەر هەرێمێ هەبیت
سهرهكى Facebook
شه‌هرستانى: داهاتێ په‌ترۆلا كوردستانێ 13 مليار دۆلاره
ئه‌ڤرۆ نيوز:
حسێن شه‌هرستانى وه‌زيرێ خواندنا بلند و ڤه‌كۆلينێن زانستى ل عيراقێ راگه‌هاند كو داهاتێ په‌ترۆلا هه‌رێما كوردستانێ و كه‌ركووكێ دگه‌هيته 13 مليار دۆلاران و ئاماژه ب وێ چه‌ندێ ژى كر كو ئه‌و كوژمه دبيته 17% پشكا هه‌رێما كوردستانێ د بودجێ عيراقا فيدرال دا.
د ديداره‌كا تله‌ڤزيونى دا، شه‌هرستانى كو سه‌رۆكێ كوتلا سه‌ربه‌خۆيه د په‌رله‌مانێ عيراقێ دا و ئه‌ندامێ شاندێ دانوستاندنكارێ حوكموتا عيراقێ بوو ل گه‌ل شاندێ هه‌رێما كوردستانێ گۆت: “ئه‌ترۆلا ژ كه‌ركووك دهێن هنارتن، رۆژان 300 هزار به‌رمليه و ئه‌وا ژ هه‌رێمێ دهێته هنارتن رۆژانه 250 هزار به‌رميله و ب گۆره‌يى بهايێ نوكه يێ په‌ترۆلێ د بازارێن جيهانێ دا، داهاتێ وێ دبيته 13 مليار دۆلار و ئه‌ڤه ژى دبيته 17% پشكا هه‌رێما كوردستانێ ژ بودجێ عيراقێ ئه‌وێ هاتيه دياركرن.
شه‌هرستانى يێ كو د حوكمه‌تا به‌رێ دا جێگرێ سه‌رۆك وه‌زيران بوو بۆ كاروبارێن وزێ گۆت: “زێده‌كرنا هنارتنا په‌ترۆلێ، داهاتێن عيراقێ دێ زێده بن و ب وێ چه‌ندێ ژى ئه‌و په‌ترۆلا د رۆژه‌كێ دا بۆ بازارێن ژ ده‌رڤه دهێته هنارتن دبيته دو مليۆن و 750 هزار به‌رميلێن په‌ترۆلێ د رۆژه‌كێ دا”، ئاماژه ب وێ چه‌ندێ ژى كر كو هه‌رێما كوردستانێ د سالێن 2012 و 2013 دا و دو هه‌يڤێن ده‌سپێكا ئه‌ڤ ساله، رێژا بودجا هه‌رێمێ هه‌ر 17% بوويه، بێى كو هه‌رێما كوردستانێ ئێك به‌رميلا په‌ترۆلێ بده‌ته حوكمه‌تا عيراقێ.
ئيبراهيم ته‌تليس به‌رسڤا هۆليايێ دده‌ت
ئه‌ڤرۆ نيوز:
سترانبێژێ ناڤدارێ توركيا ئيبراهين ته‌تليس به‌رسڤا سترانبێژا مه‌زنا باكوورێ كوردستانێ و توركيا هۆليا ئه‌فشار دا.
ئيبراهيم ته‌تليس ل تۆرا جڤاكيا تويته‌رى به‌رسڤا هۆليا ئه‌فشار دا ده‌رباره‌يى كوچكا سپى يا توركيا و ره‌خنه كر و گۆت: “هه‌وه وه‌سان راگه‌هاند بوو كو كوچكا سپى يا توركيا يا هه‌ژى نينه و كۆمارا تۆركيا ژ هه‌ژى كوچكه‌كا وه‌سا نينه، به‌لێ ئه‌ز دبێژم توركيا هه‌ژى وێ كۆچكێ يه”.
د تويته‌كى دا ئيبراهيم ته‌تليس ره‌خنه ل هۆليايێ گرتن و ئاماژه ب كوچكا سپى يا ئه‌مريكا كر و گۆت: “هندى ئه‌مريكا هه‌يه ئه‌و كوچك يا هه‌يى، بۆچى مه‌ژى كۆچكا سپى (ئاكسارايى) نه‌بيت”.
هۆليا ئه‌فشار ل گه‌ل هژماره‌كا ژنان ل كۆچكا سپى (ئاكسارايى) ل ئه‌نقه‌ره سه‌ره‌دانا سه‌رۆك كۆمارێ توركيا ره‌جه‌ب ته‌يب ئه‌ردۆگان كر بوو و ده‌رباره‌يى كۆچكا سپى يا توركيا گۆتبوو: “گه‌له‌ك موبالغێ دكه‌ن، ئه‌ڤ كوچكه نه‌يا پيرۆزه”.
ته‌تليس ته‌كست ل سه‌ر وێ چه‌ندێ كر كو كوچكه‌كا ژ ڤى ره‌نگى يا به‌ش و گۆت: “هه‌ر تشته‌كێ هه‌تا نوكه كه‌سێ نه‌كرى، ئه‌ڤێ حوكمه‌تێ يا كرى”.
ئه‌ڤه ماوه‌كه كۆچكا سه‌رۆك كۆمارى يا نوو يا توركيا بوويه بابه‌تێ سه‌رده‌ڤێ راگه‌هاندنێ و خه‌لكێ وه‌لاتيێن توركيا د ناڤبه‌را ره‌خنێن ئۆپۆزسيۆن و حوكمه‌تێ دا كو نێزكى 500 مليۆن يۆرۆيان تێچوويێ وێ كۆچكێ نه و زێده‌ترى هزار و 150 ژووران ب خوه ڤه دگريت.
هاتنا هه‌ر حوكمه‌ته‌كێ بێ كوردان شكه‌ستنه
ئه‌ڤرۆ نيوز، ناجی به‌ده‌ل:
شرۆڤه‌كاره‌كێ سیاسی بۆ ئه‌ڤرۆ نیوز ديار كر كو هه‌ر حوكمه‌ته‌كا ل عيراقێ بێ كوردان بهێته دانان دێ يا بێ شه‌نگسته بيت و سه‌نگا كوردان ل جيهانێ بۆ ئه‌گه‌رێ كو رێكه‌فتنا هه‌رێم و به‌غدا بهێته پێش.
د. ره‌شيد فندى گۆت: “رێكه‌فتنا هه‌رێم و به‌غدا قووناغا ئێكێ يا رێكه‌فتنێ يه و ب ديتنا من ب ساناهى گه‌هشتنه رێكه‌فتنێ، چونكو مه ديرۆكه‌كا درێژ ل گه‌ل حوكمه‌تێن ئێك ل دووڤ ئێكێ يێن عيراقێ يا هه‌يى”.
زێده‌تر گۆت: “به‌رده‌وام حوكمه‌تێن عيراقێ بزاڤ يا كرى په‌يوه‌نديێن خوه و هه‌رێمێ ئالۆز بكه‌ن، به‌لێ د ڤێ قووناغێ دا دبينم كو به‌غدا هه‌ست ب به‌رپرساتيێ كر و ل هه‌ڤ هاتن”.
دا زانين ژى كو ئه‌ڤ چه‌نده ژى بۆ ڤه‌گه‌ريانا سه‌نگا كوردان يا ڤێ دووماهيێ ل جيهانێ و بهايێ وان ل ناڤخۆ و ده‌رڤه و گه‌هشتنه وێ راستيا كو چو حوكمه‌ت ل عيراقێ بێى كوردان پێك ناهێن و گۆت: “كوردان سه‌لماند ژى كو ب تنێ ئه‌و دشێن شه‌رێ تيرۆرێ ل عيراقێ بكه‌ن”.
نه‌ڤه‌شارت ژى كو ئه‌زموونا شيعان ل عيراقێ يا نوويه، ئه‌ڤه 80 سال بوون ل عيراقێ پشكداريا سياسى نه‌بوو و گۆت: “هه‌موو كه‌س يێن گه‌هشتينه وێ راستيێ بێى كوردان شه‌نگستێ چ حوكمه‌تان ب مۆكمى ناهێته دانان”.
د. ره‌شيد فندى گۆتژى: “ئه‌ڤ رێكه‌فتنه د ناڤبه‌را هه‌ردو لايان دا هاتيه نڤيسين و ئيمزا كرن و د عورفێ پرۆتۆكولى ژى دا چو حوكمه‌ته‌كا بهێته سه‌ر ده‌سته‌لاتێ دڤێت پێگريێ پێ بكه‌ت”.
قوتابیان ژی پله‌یێن له‌شكری وه‌رگرتن
وه‌ی بابۆ ئه‌ڤه كه‌نگی هه‌موو بوونه خودان پلێن له‌شكری، هه‌ر ئێكێ كۆمه‌كا ستێر و ته‌یر و شیران یێن ل سه‌ر ملی، خوه دێ بێژی ئه‌ڤه بیست ساله یێ د خزمه‌تا له‌شكریدا كار دكه‌ن، خۆش شوله! هه‌ر ب ئاسانی تژی سه‌ر ملێن مه پله‌یێن له‌شكری بوون.
ل چه‌ند رۆژێن بوورین وه‌كو پشته‌ڤانی بۆ پێشمه‌رگێن كوردستانێ، هنده‌ك قوتابیێن ل زانكۆیێن پارێزگه‌ها دهۆكێ جلێن كوردی ل به‌ر خوه كرن، لێ هه‌ر ئێكێ ب ره‌نگه‌ك و شێوه‌یه‌كێ، هه‌ر كه‌سه‌كێ ب كه‌یفا خوه و وی چاوا ڤیای تژی سه‌ر ملێن خوه پله‌یێن له‌شكری كرن و بێ هه‌ست پێ بكه‌ت كا مانا ڤێ پله‌یێ چاوایه و كێ ماف هه‌یه وێ پله‌یێ هه‌لبگریت.
تشتێ سه‌یر كو هنده‌كان بۆ خوه یاری ب ئێكدۆ دكرن و گازی ئێكدو دكر: ئه‌زبه‌نی عه‌قید تو چاوانی، ته چ خزمه‌ت نینن؟ هنده‌ك ژی وه‌كو زێره‌ڤانان دا ل دووڤ كه‌سه‌كێ ل سه‌ر ملێن وی پله‌یێن عه‌سكه‌ری هه‌ی، هێن و چن و كه‌لتوورێ كه‌ڤنێ هنده‌ك كه‌سان دوباره كه‌نه‌ڤه.
راسته ره‌نگه مه‌به‌ستا پتریا وانا پشته‌ڤانی بیت بۆ پێشمه‌رگه‌یان، لێ ب من وه‌ره ئه‌وان هنده‌ك سنۆر ژی به‌زاندن، كو نه‌دبوو ئه‌ڤ كاره بهێته ئه‌نجامدان و هه‌ر ئێك ل دووڤ حه‌زا خوه پله‌یان راكه‌ت، یا ژ هه‌موویێ نه‌خۆشتر، ئه‌ڤ چه‌نده ژ لایێ قوتابیێن زانكۆیانڤه هاته ئه‌نجامدان.
مه‌به‌ستا من ژ ڤێ نڤیسینێ ب تنێ ئه‌وه كو ئه‌م ببینه ملله‌ته‌كێ رێكخستی و بهایێ هه‌ر تشته‌كێ ل جهێ خوه بده‌ینێ و ل كێمیا بهایێ وی تشتی نه‌گه‌رین. بلا ئه‌م پشتڤان بین و شانازیێ پێ ببه‌ین كو نها ئه‌و یێ به‌ره‌ڤانیێ ژ خاك و وه‌لات و نامووسا مه دكه‌ن و ب خوین و ماندیبوونا وان ئه‌م یێ ب ئازادانه د زانكۆ و مالێن خوه دا ب ئازادی دژین، لێ نه‌بینه پالده‌ر بۆ كێمكرنا بهایێ پیشه‌یێ وان.
ب من وه‌ره باشتربوو جلێن له‌شكری بێ هه‌لگرتنا پله‌یان ل به‌رخوه كربا و هیڤیا مه ئه‌وه بۆ جارێن بهێت ب هشیاری ئه‌ڤ كاره بهێنه ئه‌نجامدان و رێز ل هه‌ر پله و پسته‌كێ بهێته گرتن.
ل ڤێره پێشنیاز ژی دكه‌م كو هه‌م وه‌زاره‌تا پێشمه‌رگه‌ی و هه‌م حوكمه‌ت رێكێ نه‌ده‌ت ل ناڤ بازاری ئه‌ڤ پله‌یێن له‌شكری بهێنه دروستكرن و فرۆتن و هه‌ر كه‌سێ چ پله‌یا بڤێت دێ شێت ب ساناهی دانیته سه‌ر ملێن خوه، به‌لكۆ ل ده‌مێ به‌رزكرنا پله‌یا له‌شكری یا هه‌ر كه‌سه‌كی، ب فه‌رمی ژ لایێ وه‌زاره‌تا پێشمه‌رگه‌ی ڤه بهێته دان، ل وی ده‌می دێ وێ پله‌یێ ژی بهایێ خوه هه‌بیت.
هه‌ڤركیا ئه‌مریكا و ئیرانێ و پاشه‌رۆژا سنۆرێن ده‌ڤه‌رێ
هه‌ر ژ ده‌سپێكا هه‌لمه‌تا خوه یا به‌ربژاریی بۆ هه‌لبژارتنین سه‌رۆكاتیا ئه‌مریكا ل دووماهیا 2008 ئۆبامای چه‌ند ئاماژه دیار كرن كو دێ سیاسه‌تا وی چه‌ند جوداهیه‌ك هه‌بن ژ یا كۆماریا سه‌رۆك بۆش. د هه‌لمه‌تا خوه دا دیار كر كو پێدڤیه پره‌نسیپێ عه‌قائیدی بهێنه گهورین چونكی دونیا هاتیه گوهۆرین و كاودان ب گرێ كه‌فتینه له‌وما پێدڤیه گه‌له‌ك په‌سنا دا خوه ل سه‌ر بكارئینانا هێزا له‌شكری نه‌كین. پێدڤیه ئه‌م سیاسه‌تا نه‌رم بكاربینین بۆ چاره‌سه‌ریا كێشا ل دووڤ به‌رژه‌وه‌ندیا دوقولی ل گه‌ل ده‌وله‌تێن دی هه‌ر وه‌سا به‌لانسا د ناڤبه‌را سیاسه‌تێن خوه یێن ناڤخوه‌ی و ده‌رڤه دا راگرین و پتر مه ئاگاهی ژ به‌ره‌یێ ناڤخوه‌یی هه‌بیت بۆ چاره‌سه‌ریا قه‌یرنا دارایی و چاره‌سه‌ریا قه‌رزێن فیدرالی و پاشمایێن شه‌ڕی ئه‌فغانستانێ و عیراقێ، دیسا دیار كر كو پێدڤیه ئه‌مریكا كار بكه‌ت بۆ ڤه‌گیرانا به‌لانسێ د پێگیرێن خوه یێن نیڤده‌وله‌تیدا دوور ژ شه‌ر و جه‌نگان، نا خوازین خوه ب رۆژهه‌لاتا ناڤین ڤه گیرۆ بكه‌ین و ده‌ڤه‌رێن ئاسیا و ئۆقیانۆسێ هادی ژبیرا خوه ببه‌ین. خه‌لك ژ گۆتێن مه بێ ئومێد بوویه ده‌ما ئه‌م به‌حسا دیمۆكراسیێ دكه‌ین. پێدڤیه سیاسه‌تا مه یا ڤی ده‌می بۆ بهیزكرنا ئاسایشا نه‌ته‌ویا مه بیت د ناڤ ئه‌مریكا دا. پێكیرێن خوه ل به‌رانبه‌ر رۆژهه‌لاتا ناڤێن كێمكه‌ین و خوه دوور بكه‌ین ژ سیسته‌مێ ئیك جه‌مسه‌ری. رێیی بده‌ینه لایه‌نێن دی ل دووڤ سیسته‌می كلاسیكی دو جه‌مسه‌ری یان فره‌جه‌مسه‌ری د سیاسه‌تا خوه‌دا و د په‌یوه‌ندیێن خوه یێن نێڤده‌وله‌تیدا.
د ڤی ده‌می یێ ئۆبامای ئه‌ڤ بنه مایه بۆ سیاسه‌تا ئه‌مریكا داناین ئیرانی ژی چه‌ند كارتێن گرنگ د ده‌ستدا هه‌بوون كار پێ بكه‌ت خوه بكه‌ته ئاراسته بۆ رۆسیا و چینێ و هندێ دا جه‌مسه‌رێ رۆژهه‌لات په‌یدا كه‌نه ڤه، چونكو ئیرانێ به‌رژه‌وندیێن خوه ل ده‌ڤه‌را رۆژهه‌لاتا ناڤین هه‌نه و دێ شێن كارتێن خوه بكاربێن بۆ نموونه:
1. ئیران ده‌وله‌ته‌كا خودان وزه‌یه و خودان له‌شكره‌كێ ب هێز و عه‌قائیدیه.
2. رووبه‌رێ ئیرانێ و جوگرافیا وێ و جیۆپۆلیتیكا وێ ل سه‌ر كه‌نداڤی و ئۆقیانۆسێ هندی پێگه‌هه‌كا ستراتیجی بۆ په‌ێدا دكه‌ت.
3. ئیرانێ ئه‌جینده‌یێن خوه یێن شیعی ـ سیاسی یێن هه‌ین ل عیراقێ و لوبنانێ و به‌حرێنێ زێده‌باری عه‌له‌ویێن سووریێ و حوسیێن یه‌مه‌نێ.
4. به‌رنامه هه‌یه بۆ بده‌سڤه‌ئینانا وزه‌یا ئه‌تۆمی و په‌یداكرنا چه‌كێ ئه‌تۆمی كو بشێن گه‌فان ل ئیسرایلێ و ده‌ڤه‌رێ بكه‌ت.
سه‌ره‌اری ڤێ هه‌میێ ئیرانێ ژی بالێ میانره‌و هه‌یه و سیاسه‌تا خوه هه‌یه و دكاریت سیاسه‌تێ بگێریت بۆ سه‌رده‌ریكرنێ د گه‌ل كاودانان و به‌رژه‌وندیێن خوه بپارێزیت بۆ نموونه:
* ئیران دژی ئه‌مریكا نه راوه‌ستا ل ده‌مێ هێرش كریه سه‌ر عیراقی بۆ ژناڤبرنا رژێما سه‌دام ل سالا 2003 ێ به‌لكو ئیران ب نهێنی یا هاریكار بوو دا عیراق ژ ده‌ستێن عه‌ربێن سوننه ده‌ركه‌ڤیت و بكه‌ڤیته ده‌ستێن شیعان ل دووڤ سیسته‌می دیمۆكراسی، چونكو شیعه ل عیراقێ زۆرینه نه. ل گه‌ل ئه‌مریكا رێككه‌فتن كو بالێ سه‌دری ژ به‌هنگاربوونا ئه‌مریكا ل عیراقی بێده‌نگ بكه‌ت و راوه‌ستینیت، ژ بزاڤێن نه‌رایبوونی ل دژی هێزێن ئه‌مریكی
* ئیران ل دژی ئه‌مریكا نه‌راوستا بۆ شه‌ڕێ ئه‌فغانستانێ به‌لكو ریكَه‌فتنه‌كا نهێنی د گه‌لدا هه‌بوو كو ده‌مێ ئه‌مریكا پێدڤی ب ڤه‌كێشانا هێزێن خوه هه‌بیت ئیران ل گه‌ل دا یا هاریكار بیت و رێیێ ب ده‌تێ د ناڤ ئه‌ردێ وێ را بهێنه ڤه‌كێشان.
* به‌رپرسێن ئیرانی ده‌ستبه‌ردا ژ وه‌سفكرنا ئه‌مریكا ب (شه‌یتانێ بزرگ) ل به‌رامبه‌ری هندێ ئه‌مریكا ده‌س به‌ردا ژ وه‌سفكرنا ئیرانێ ب (محور الشر)
* د ستراتیجیا ئه‌مریكا دا نینه كو ل ئیرانێ بده‌ن و ئیرانێ ژ ناڤ ببه‌ن به‌لكو بۆ ئه‌مریكا گرنگه ده‌ستهه‌لات و سیسته‌مێ حوكمرانیێ ل ئیرانێ بهێنه گوهۆرین و چه‌كێ ئه‌تۆمی ب ده‌ستڤه‌نه‌ینیت و مایتێكرنێ د ده‌وله‌تێن عه‌ربی دا نه‌كه‌ت. چونكو ئه‌مریكا پێدڤی ب ئیرانێ هه‌یه بۆ سه‌قامگیریێ ل ده‌ڤه‌را رۆژهه‌لاتا ناڤین ل به‌رامبه‌ر هندێ ئیران ژ ئه‌مریكا دخوازیت نه‌خاسمه بالێ میانره‌و كو ئیرانێ سنه‌گا خوه ل ده‌ڤه‌رێ هه‌بیت و به‌رژوه‌ندیێن خوه بپاریزیت، د پێداچوون و به‌راوردیێ دا دێ بینین چه‌ند هه‌لویستێن لاواز د سیاسه‌تا ئۆبامای دا دیار دبن ل رۆژهه‌لاتا ناڤین نه‌خاسمه ل ده‌می گوهۆرینێن په‌ێدابووین ل بهارا عه‌ره‌بی. هه‌ڤپیمانێن ئه‌مریكا نه مان وه‌ك جاران و نه‌شیان پشتا خوه ب ئه‌مریكا قاهیم بكه‌ن، لی بالێن ئیسلامی و توندره‌و سه‌رهلدان.
په‌رله‌مانتاره‌ك: مه ب ئازادانه ئه‌ندامێن كۆمسيۆنێ نه هه‌لبراژتينه
پشتى ده‌ركه‌فتنا قانوونا كۆمسيۆنا سه‌ربه‌خۆيا هه‌لبژارتنان و راپرسيێن ژ په‌رله‌مانێ كوردستانێ، لژنه‌كا ژ هه‌شت كه‌سى ژ په‌رله‌مانێ كوردستانێ پێكهات و پێشكێشكرنا سيڤيان هاته راگه‌هاندن و پاشان ژى ژ 200 كه‌سێن پێشكێش كرين، نه‌هـ كه‌س بۆ پێكئينانا كۆمسيۆنێ هاتنه هه‌لبژارتن و پێدڤيه د ماوێ 90 رۆژان دا ئه‌و كۆمسيۆن بهێته پێكئينان.
محه‌مه‌د عه‌لى ياسين، ئاخفتنكه‌رێ ب ناڤێ فراكسيۆنا زه‌ر د په‌رله‌مانێ كوردستانێ دا بۆ ئه‌ڤرۆ نيوز گۆت: “پشتى په‌سه‌ندكرنا قانوونێ ب 90 رۆژان، پێدڤيه كۆمسيۆن بهێته دامه‌زراندن، ده‌سته‌يا كۆميسه‌ران ژ 9 كه‌سان بهێت و مه‌رج ئه‌و بوو بۆ ره‌وشا كێمينه‌يان به‌رچاڤ بهێته وه‌رگرتن، به‌لێ جهێ داخێ يه، سيڤى هه‌موو به‌رچاڤ نه‌هاتنه وه‌رگرتن و حزبێن سياسى كانديدێن خوه ديار كرن و ل وێرێ هاتنه ئێكلاكرن كا كى بهێته دانان”.
محه‌مه‌د عه‌لى زێده‌تر گۆت: “هه‌ر چه‌نده سيڤى ژ هه‌موو پارێزگه‌هان هاتبوونه پێشكێش كرن و بڕيار بوو ب رێيا سيڤى بيت، به‌لێ ل به‌رچاڤ نه‌هاتنه وه‌رگرتن و ب تنێ كانديدێن پارتێن سياسى هاتنه وه‌رگرتن”.
ئاخفتنكه‌رێ ب ناڤێ فراكسيۆنا زه‌ر د په‌رله‌مانێ كوردستانێ دا زانين ژى كو ئه‌و د ئازاد نه‌بوون د هه‌لبژارتنا كه‌سانێن بسپۆر دا سه‌ره‌رايى ئه‌وان ده‌نگ ل سه‌ر دابوو.
دێ چاوان رۆژێ کیلۆیەکێ ژ سەنگێ خوە کێم کەی؟
ھەر کەسەکی شیان ھەنە رۆژانە 800 کاوریان کێم بکەت، ھەکە رۆژانە 10 کیلومەتران ب رێڤەبچیت، ئانکو ھەر رۆژانە 90 دەقیقا ب رێڤەبچیت و ھەر دەقیقەک 9 کاوریان کێم دکەت.
ئەرێ تو دزانی ھەکە رۆژانە تو 800 کاوریان کێم بکەی، دێ بیتە ئەگەر کو کیلویەک ژ سەنگێ تە کێم ببیت و ھەکە تو 800 كاوريان زێدە بکەی دێ کیلویەک ژ سەنگێ تە زێدەبیت.
باشترە تو بزانی کو مرۆڤێن جگارکێش 15 جاران پتر ژ کەسێن نەجگارکێش تووشی نەخوشیێن دلی و رەھێن خوینێ دبن. ھندی تو خوێ پتر ب کاربینی دێ پتر تووشی نەخوشیا پێتیبوونا ھەستیان بی.
حەلاندنا بەزی دناڤ لەشیدا پالپشتیێ ل سەر قوناغا کێمکرنا ئاڤێ و شەکرێ ئەوا د زەڤلەکان دا ھەی دکەت و ئەڤە نیشانێ ب وێ چەندێ ددەت کو مرۆڤ ل دەستپێکا ئەنجامدانا وەرزشێ زوو سەنگێ خۆ دئینیتە خوارێ و پاشی پیچ پیچە کێم دبیت.
باشترین دەم بۆ ئەنجامدانا وەرزشێ سپێدەھیانە ژ بەر کو ل وی دەمی بەزێ لەشی زوو دحەلیێت و ب شەڤێ ھێدی ھێدی د حەلیێت، لەورا ژی نوشدار شیرەتان ل مە دکەن کو شیڤێ نەخوین.
بۆ بەرھەمێ زەیتونێ ئەڤ سالە باشترین سال بوو
ئه‌ڤرۆ:
سالانە داھاتەکێ باش ژ بەرھەمێ زەیتونێ د گەھشتە خەلکێ دەڤەرێ و ئەڤ سال ژی بەرھەمێ زەیتونێ ل دەڤەرا ئاکرێ یێ باش بوو، دەمێ ھاتنا بەرھەمێ زەیتونێ خەلک رۆژانە قەستا چنینا وان دکەن و بۆ بازاری دبەن و دفرۆشن و بکڕەک ژی دبێژیت “پشتی ھاتنا بەرھەمێ زەیتونێ ل دەڤەرێ لڤینەکا باش کەتیە دبازاری دا”.
سالح نەزیر وەلاتیەکێ خەلکێ دەڤەرێ دیار دکەت: ل دەڤەرا مە ئەڤ سالە بەرھەمێ زەیتونێ ھەبۆ ژ خەموو متایی ھشک باشتر بۆ، مە وەک خەلکێ دەڤەرێ مفایەک گەھاندیە مە، ھەروەسا سالانە خەلک قەستا رەزێن خۆ دکەن بۆ ب دەست ڤە ئینانا داھاتەکێ باش و زەیتون ژی ئەڤ سالە یا زۆر بۆ ل دەڤەرێ و ھەتا رادەیەکی مفا گەھاندیە خەلکێ دەڤەرێ و ھندەک خەلک ژی نافرۆشن چونکی زەیتونا دەڤەرێ تاما خۆ یا جۆدا ھەیە ل گەل یێن دەڤەرێن دی یان ژی یێن بیانی و لەورا ئەو بۆ خۆ دھەلگرن ھەتا دەمێ ھاتنا خارنا وان.
ھاولاتیەکێ دی ب ناڤێ فازل عومەر دیارکر: سالانە داھاتەک باش ب دەست خۆڤە دئینن ژ بەرەبووبومێن ھشک و یێن دی ل دەڤەرێ ئەڤ سالە ژی جیاوازییەک ھەبو ل سالێن بەرێ ژبەرکو ئەڤ سالە بەرھەمێ زەیتونێ جیاوازییەکا زۆر ھەبۆ دگەل یێن دی و ب تایبەتی زەیتونا ئەڤ سالە بەرھەمێ وێ و بھایێ وێ ژی باشتر بۆ ژ سالا بۆری، ھەروەسا ب بھایەکێ گونجایی و باش کریاران ژ مە د کری و داخاز کەین گرنگیەک ب بەرھەمێن دەڤەرێ بھێتە دان و بازارەک باش و ب رێک و پێک بھێتە دروستکرن دا بەرھەمێن مە ژ ناڤ نەچن و خراب نەبن و دا ئەم مفایەکێ لێ ببینین .
مزگین لزگین کو کارێ کرینا متایی دەڤەرێ دکەت بۆ ئەڤرۆ گوت: ئەڤ سالە کارێ مە نە وەک سالێن بۆری بوو ، ل دەڤەرا ئاکرێ مە وەک کریار و فرۆشیاری چو مفایێ وەسا ب دەست خۆە نە ئینایە ل دەڤەرێ، لێ پشتی ھاتنا بەرھەمێ زەیتونێ ل دەڤەرێ بوویە ئەگەرێ لڤینەکا باش بۆ کریار و فرۆشیاران ژ بۆ ب دەست ڤە ئینانا داھاتەکێ باش کۆ ئەڤ سالە ژی بەرھەمێ زەیتونێ یێ باش بۆ و ژ سالێن بۆری گەلەک باشتربوو، ب بھایەکێ گونجاو باش مە ژ فرۆشیاران کریە و کارێ مە گەلەک یێ لاواز بۆ، لێ پشتی بەرھەمێ زەیتونێ گەھشتی کارێ مە باشتر لێ ھات.
بهايێ زێرى ل بازارێن دهۆكێ
نيشاندان
WP Facebook Auto Publish Powered By : XYZScripts.com