ئەڤرۆ:
ل گۆر پێزانینێن رۆژناما (موشرق) گرۆپەکێ چەکدارێن داعش پلان ھەیە ب موشەکێن ئەردی، یێن کیمیاوی ل سێ پایتەختێن عەرەبی بدەن و
ل گۆر پێزانینێن رۆژنامێ، داعش ل دەمێ گرتنا باژێرێ مووسل، ل سەربازگەھا غەزلان دەست ب سەر چەند موشەکاندا گرتیە و ژبلی ڤێ چەندێ ل باژێرێ رەقە ژی دەست ب سەر چەند موشەکان دا گرتیە و شانێن نڤستی ل وان وەلاتان ھەنە و ل دەمێ پێدڤی دێ موشەکێن خوە چالاک کەن و ل دووڤ دا ئەو شانە دێ رابن و داعش ل بەرە ئەو شەرێ ل پارێزگەھێن عیراقێ داکەت ڤەگوھێزیتە وەلاتێن عەرەبی یێن دەوروبەر.
ئەڤرۆ:
رێڤەبەرێ گەنجینا ھەرێما کوردستانێ راگەھاند کو ئەو ئەڤرۆ دێ دەست ب بەرھەڤکرنا لیستا مووچێ ھەیڤا 11 یێ وەزارەت و فەرمانگەھێن ھەرێمێ کەن و گۆت: (د ڤێ حەفتیێ دا، مووچێ ھەیڤا دەە یێ ھەشت وەزارەتا ھژمارەکا دەزگەھان دێ ھێتە دان).
ئوسمان سالح دیار کر کو رۆژێن 7 و 12 ڤێ ھەیڤێ، ئەو دێ ھەموو وەزارەتان ئاگەھدار کەن کو لیستێن مووچێ ھەیڤا 11 بەرھەڤ بکەن و بۆ وان بھنێرن دا کو ھووربینی تێدا بھێتە کرن و بەرھەڤ ببن و ھەر دەمێ ئەو ژ ئالیێ وەزارەتا دارایی ڤە ھاتنە ئاگەھدار کرن، ئێکسەر مووچێ ھەیڤا 11 بەلاڤ بکەن و گۆت: (بۆ بەلاڤکرنا دو موچان پێکڤە یان ل دووڤ ئێک ئەم د بەرھەڤین و ھەتا دکارین رۆژێن ئەینی و شەمبی ژی دەوامێ بکەن).
ناڤھاتی ئاشکرا ژی کر کو وەزارەتا دارایی بۆ دابینکرنا مووچێ فەرمانبەران، پێدڤی 850 ملیار دیناران ھەیە.
هندی ببیت راتبێ پێشمه‌رگه‌ی 500 دۆلاره بلا 600 بیت بلا 700 دۆلار بیت، لێ راتبێ ئه‌ندام په‌رله‌مانی چه‌نده 2000 دۆلار؟ 3000 دۆلار؟ 4000 دۆلار؟ 5000 دۆلار؟ گه‌لی خه‌لكی كێ پتر زه‌حمه‌تێ دبه‌ت؟ كی ده‌هێته كوشتن؟ كی ب هه‌یڤان مالا خوه نابینیت؟ كی ترومبێلا لاو هه‌یه؟ كێ كۆچك و خانێ لاو هه‌یه؟ كێ پتر یێ ب قه‌دره؟ كی ژ وان خه لك پتر حه‌ز ژێ دكه‌ت؟ چ بوو مه‌لاقی چبوو به‌رژه‌وه‌ندی چ بوو هه‌ژاری هه‌ر ئه‌ندام په‌رله‌مانه. مانه ئه‌ڤ خالێن من دیار كرین ئه‌ندام په‌رله‌مان یێن خانیێن خۆش ڤه راتبێ وی گه‌له‌كه حیمایه‌ت یا ب دووڤ ڤه ترومێله‌كا لاو به‌س پا پێشمه‌رگه شه‌ڕی دكه‌ت ده‌هێته كوشتن، خانی نینن، مووچه نینه، ترومبێل نینه، دووری زارۆیێن خوه یه، بۆچی ما ئه‌گه‌ر چنه؟ ما حوكمه‌ت ڤی پێشمه‌رگه‌ی نابینیت؟ یێ خوه بده‌ته كوشتن، هه‌ر چو نه‌بیت بلا مافێ وی ژی بهێته دابینكرن و به‌لانسه‌كا ب وژدان هه‌بیت، ما حوكمه‌ت و سه‌رۆكاتی ڤی پێشمه‌رگه‌ی نابینیت؟ ما بۆچی دێ راتبێ پێشمه‌رگه‌ی چار وه‌ره‌قه بن حه‌تا حه‌فت وه‌ره‌قێن دۆلاری و یێ ئه‌ندام په‌رله‌مانی 50 وه‌ره‌قه بن، به‌لكی زێده‌تر ژی مانه كوفره مانه عه‌داله‌ته هیڤیدارین پێشمه‌رگه ژ ئه‌ندام په‌رله‌مانی مه‌زنتر بیت وه‌ك چاڤلێكرن نه به‌س ب ناڤ ودرووشم (بژیت پێشمه‌رگه.. دلێ مه پێشمه‌رگه.. رحا مه پێشمه‌رگه.. ئه‌ڤه هه‌می مه‌لاقی یه پا دێ راتبێ پێشمه‌رگه‌ی هندی یێ ئه‌ندام په‌رله‌مانی بیت و ترمبێلا وان مۆنیكا بیت وه‌كی ئه‌ندام په‌رله‌مانی گه‌له‌ك گه‌له‌ك زه‌حمه‌تێ دبه‌ت، ئه‌ز هیڤیدارم ژ سه‌رۆكی و حوكمه‌تێ نه به‌س هه‌ما ئه‌م مه‌دحێن پیشمه‌رگه‌ی بكه‌ین ل ده‌ف نه‌خێر كریار ژی و دووماهی ئاخفتنا من یان داخوازیا من پێشمه‌رگه هه‌می ب خانی بكه‌ڤن نه ئه‌ندام په‌رله‌مان قه‌سر و مۆنیكا بكه‌ڤن و راتبێ ئه‌ندام په‌رله‌مانی نه ده‌نێ هه‌تا پێشمه‌رگه راتبێ خو وه‌ردگریت و راتبێ پێشمه‌رگه‌ی ژ هه‌ر كه‌سه‌كی زێده‌تر بیت.
ئه‌ڤرۆ، ره‌وان نهێلى
فه‌ریق روكن خورشید سه‌لیم دیاردكه‌ت هێشتا بابه‌كر زێبارى وه‌ك سه‌رۆك ئه‌ركانێ سوپایێ عیراقێ ده‌وامێ ل به‌غدا دكه‌ت و پشتى ڤه‌دگه‌ریت، ئێكسه‌ر ئه‌و دێ ل شوونا وى ده‌وامێ كه‌ت.
فه‌ریق روكن خورشید سه‌لیم دێرگژنیكى پشتى كو ل 12/11 ل هند ده‌زگه‌هێن راگه‌هاندنێ هاتیه به‌لاڤكرن كو بوویه سوپاسالارێ عیراقێ، بۆ ئه‌ڤرۆ دیاركر كو ئه‌و نوكه یێ ل مال و موله‌ت وه‌رگرتیه و گۆت” نوكه بابه‌كر زێبارى وه‌ك سوپاسالارى عیراقێ، ده‌وامێ دكه‌ت و پشتى ڤه‌دگه‌ریت، ئه‌ز دێ چمه شوونا وى و ناكێشیته هه‌یڤه‌كا دى، وه‌ك رێوره‌سمه‌كێ قانوونى دێ هێته كرن و دێ چمه شوونا وى”.
سه‌باره‌ت ئه‌گه‌رێ وێ یه‌كێ كانێ بۆچى هه‌تا نوكه وه‌ك سۆپاسالار ده‌وام نه‌كریه، خورشید سه‌لیم گۆت” ئه‌ڤ چه‌نده ل سه‌ر سه‌ركردایه‌تیا سیاسى یا كوردى دمینیت، دوهى ژى من سه‌رۆك مه‌سعود بارزانى دیتى یه و ئه‌ز 100% به‌ربژێرێ ئێكێ مه بۆ وى پۆستى، به‌لێ ئه‌ز نه‌شێم ئه‌گه‌رێن ده‌وامنه‌كرنا خوه دیار بكه‌م، سه‌رۆك بارزانى دزانیت”.
ئه‌ڤرۆ نیۆز:
فه‌رمانده‌كێ هێزێن پێشمه‌رگه‌ى راگه‌هاند، چه‌كێ نوو و پێشكه‌فتى گه‌هشته به‌ر ده‌ستێن پێشمه‌رگه‌ى، تیرۆرستێن داعشێ نها مژوولى ڤه‌شارتنا ته‌رمێن هێرشا ئه‌سمانیا فرۆكێن هه‌ڤپه‌یمانانه كو پڕانیا وان ژ عه‌ره‌بێن خه‌لكێ مووسل و به‌عاج و ته‌له‌عفه‌رێ نه.
فه‌رمانده‌یێ لیوا په‌یاده‌یا 7 یا سۆران عه‌مید به‌هرام عریف یاسین گۆت: هێزێن پێشمه‌رگه‌ى ل میحوه‌رێ باشیكێ چه‌كێ نوویێ وه‌لاتێ ئه‌لمانى كو چه‌كه‌كێ پێشكه‌فتى یه ل سه‌ر پێشمه‌رگه‌ى هاته به‌لاڤكرن، هه‌روه‌سا دیاركر نها پێشمه‌رگه یێ به‌رهه‌ڤه كو وانه‌كا باش نیشا چه‌كدارێن داعشێ بده‌ت، زێده‌بارى وێ ژى خوه‌یاكر، وڕه‌یێن پێشمه‌رگه‌ى ل ده‌ڤه‌را باشیكێ زۆر د بلندن و به‌رانبه‌رى وێ دوژمنێ داعشێ چو وڕه بۆ نه‌ماینه تا وى راده‌ى نه‌شێن هێرشان بكه‌نه سه‌ر پێشمه‌رگه‌ى.
عه‌مید به‌هرام راگه‌هاند، فرۆكێن هێزا ئه‌سمانى بنگه‌هێن داعشێ ب دژوارى توپبارانكرن و پتر ژ 40 كوشتى و بریندار لێ كه‌فتن، دپاتكره ڤه پێشمه‌رگه نها یێ به‌رهه‌ڤه ل میحوه‌رێ باشیكێ و خازرى بۆ ژناڤبرنا تیرۆرستان و رمالینا وانا ل سه‌ر ئاخا هه‌رێما كوردستانێ.
ئه‌ڤرۆ نیوز، ئه‌میر ئه‌ترووشى:
رێڤه‌به‌رێ راگه‌هاندنێ ل رێڤه‌به‌ریا گشتیا په‌روه‌ردا پارێزگه‌ها دهۆكێ راگه‌هاند، ل ده‌ستپێكا وه‌رزێ خواندنا ئه‌ڤ ساله پێشنازه‌ك ژ لایێ رێڤه‌به‌ریا وان ڤه هاتبوو كرن كو هه‌ر فه‌رمانبه‌ره‌كێ حوكمه‌تێ مافێ هه‌ى خوه بكه‌ته مامۆستا و پیشه‌یا خوه بڤه‌گوهێزیت، لێ بۆ ڤێ ڤه‌گوهاستنێ ژى مه‌رج هه‌نه.
سه‌دیق شه‌رۆ بۆ ئه‌ڤرۆ دیار كر، هه‌ر فه‌رمانبه‌ره‌كێ تایبه‌تمه‌ندیا وى ب كێرى ماموستایه‌تیێ بیت وه‌كو ده‌رچوویێن په‌روه‌ردێ یان ئادابێ یان ژى هه‌ر تایبه‌تمه‌ندیه‌كا گرێداى وانه‌بێژیێ بیت و فه‌رمانبه‌ر بیت ل رێڤه‌به‌ریه‌كا میرى و یێ دامه‌زراندنى بیت، مافى خوه قه‌ستا رێڤه‌به‌ریا گشتیا په‌روه‌ردێ بكه‌ت و داخواز بكه‌ت پیشه‌یا خوه ب ڤه‌گوهێزیت و خوه بكه‌ته ماموستا ل قوتابخانه‌كا دهۆكێ.
شه‌رۆ ئاشكرا كر كو نها ئه‌ڤ پرۆسه یا به‌رده‌وامه و هه‌یڤانه نێزیكى پێنچ هه‌تا شه‌ش فه‌رمانبه‌ران قه‌ستا رێڤه‌به‌ریا وان دكه‌ن و پیشه‌یا خوه ڤه‌دگوهێزن و دبنه ماموستا و گۆت: هنده‌ك ژى هه‌نه داخواز دكه‌ن، به‌لێ ژ به‌ر كو پیشه‌یا وان بۆ وانه‌بێژیێ یا گونجاى نینه، ئه‌ڤجا ناهێنه په‌سه‌ندكرن.
ئه‌ڤرۆ نیۆز:
ژێده‌ره‌كێ پۆلیسێن كه‌ركووكێ راگه‌هاند، تۆڕه‌كا تیرۆرى كو ده‌ست ل گه‌ل 15 كریارێن په‌قینان ل پارێزگه‌ها كه‌كووكێ هه‌بوون هاتیه ژناڤبرن، هه‌ڤده‌م ئاشكراكر وێ تۆڕا تیرورى رێخوه‌شكه‌ر بوینه بۆ خوه كوژه‌كێ سعودى ل ژێریا پارێزگه‌هێ بكارێ په‌قاندنێ رابیت.
ژێده‌رێ پۆلیسان گۆت: ئه‌م شیاینه تۆڕه‌كا تیرۆرستان یا سه‌ر ب چه‌كدارێن داعشێ ڤه كو ژ 3 كه‌سان پێكدهات هاتینه گرتن، دو ژوان تاوانباران خه‌لكێ پارێزگه‌ها كه‌ركووكێ نه و یێ دى خه‌لكێ ده‌وروبه‌رێن پارێزگه‌هێ یه، هه‌روه‌سا دیاركر كه‌سێن هاتینه ده‌سته‌سه‌ركرن ده‌ست د 15 كریارێن تیرۆرى دا هه‌یه كو ئه‌نجامێ وان ب ده‌هان خه‌لكێ سڤیل و ئه‌ندامێن ئێمناهیێ ژى هاتینه شه‌هید كرن.
هه‌روه‌سا ژێده‌رێ پۆلیسان رونكر، ئێك ژوان په‌قینان كو ژئالیێ وێ توڕێ ڤه رێ بوو هاتیه خوه‌شكرن، كریارا خوه‌كوژیا نوشداره‌كێ سعودیێ بوویه ل تاخێ ئێكێ خزیرانێ ل خاله‌كا پشكنینێ كو ئه‌نجامێ وى 25 كه‌سێن ئاوه‌ره‌یێن سڤیل هاتنه شه‌هیدكرن.
ئـه‌ڤرۆ نیوز،زنــار توڤى:
ئاژانسا ئانادول یا توركى نووچه‌یه‌ك لسه‌ر یوسف قه‌رزاوى به‌لاڤكریه و تێدا هاتیه،كو ژبه‌ر هه‌لویستێن وى یێن توند لسه‌ر گه‌له‌ك لایه‌نێن گرێداى ژیانا مروڤان دجیهانا ئیسلامى دا،كو گه‌له‌ك جاران هه‌لویستێن قه‌رزاوى وه‌كریه كو گه‌نجان هان بده‌ت،به‌ره‌ف كارێن نه ره‌وا ڤه بچن و زور جاران بریار و گوتنێن وى توندو تیژى په‌یداكرینه،هه‌روه‌سا دبێژیت:ڤێ چه‌ندێ وه‌كریه كو ئه‌نته‌رپولێ دكتور یوسف قه‌رزاوى ئێخستیه دلیستا داخوازكریاندا،ژ پێخه‌مه‌ت ژ هه‌لویستێن خوه یێن دژایه‌تیێ رابوه‌ستیت و وان بریار و گوتنا نه‌بێژیت،یێن دبنه ئه‌گه‌رَ په‌یداكرنا توند و تیژیێ و كارێن تیرورى ل جیهانێ.
ئه‌ڤرۆ نیۆز:
رۆژناما ئه‌لمه‌شرق یا عیراقێ ئاشكراكر، فه‌رمانبه‌ره‌كێ بجیك ل نڤیسینگه‌ها سه‌رۆك كۆمارێ عیراقا فیدرال (فۆئاد مه‌عسۆم) هاته گرتن، ب سه‌ده‌ما ئاشكراكرنا به‌لگه‌ناما نڤیسینگه‌ها سه‌رۆك كۆمارى به‌رانبه‌رى كوژمه‌كێ پاره‌یى.
رۆژناما نڤبرى گوتیه: فه‌رمانبه‌رى بخوه دانپێدان ب تاوانا دزین و به‌لاڤكرنا وێ به‌لگه‌نامه‌یێ به‌رانبه‌رى 50 هه‌زار دۆلاران كریه.
ئه‌و ده‌نگۆباس هاتن پشتى رۆژناما ئه‌لمه‌شرق د راپۆرته‌كێ دا گرتنا فه‌رمانبه‌رى به‌لاڤكرى و پاشى ل سه‌ر هه‌موو توڕێن جڤاكى ژى ئه‌و ده‌نگۆباس هات به‌لاڤكرن كو تێدا دیار بوویه كچا سه‌رۆك كۆمارێ عیراقێ وه‌ك شیره‌تكارا سیاسى ل نڤیسینگه‌ها سه‌رۆك كۆمارى هاتیه دامه‌زارندن و مووچێ 12 ملیۆن و 900 هه‌زار دینار بۆ هاتینه ته‌رخانكرن، ئه‌ڤه ژى بوویه جهێ نه‌رازیبوونا جاده و جه‌ماوه‌رێ عیراقێ نه خسامه عیراق نها د قه‌یرانه‌كا داراى یا هه‌ره مه‌زن ده‌رباز دكه‌ت و برس و مه‌شه‌ختبوون و بودجا ڤالا و گه‌ندلى و پرۆژێن بێ بنه‌مایێن كابینا مالكى و 50 هزار ئه‌فسه‌ر و له‌شكرێ فه‌زائى هه‌موو پێكڤه گیانێ عیراقێ دخوون.
ئه‌ڤرۆ نیوز، هه‌ژار مه‌عروف:
ده‌سته‌یا كارگێریا یانا دهۆك ئه‌ڤرۆ د كومبوونه‌كێ دا راهێنه‌رێ خوه یێ نوو بوو تیما خولا عیراقێ ده‌ست نیشانكرن پشتى راهێنه‌رێ به‌رى نوكه باسم قاسم تیم ب جه هێلاى ژبه‌ر ئه‌و قه‌یرانا دارایى یا یانا دهۆك تێدا بوریت و نه‌ه یاریكه‌رێن تیمێ یێن سه‌ره‌كى تیم ب جه هێلاى.
ل دور ڤێ چه‌ندێ سكرتێرێ یانا دهۆك محه‌مه‌د عه‌بدى د داخویانیه‌كێ دا بۆ مالپه‌رێ ئه‌ڤرۆ نیوز دیاركر راهێنه‌رێ تیمێ باسم قاسم بۆ كارگێریا یانێ دیاركر ئه‌و نه‌شیت ب ڤى ره‌وشى تیمێ ب رێڤه ببه‌ت ژبه‌ركو ئه‌و دخوازیت تیما وى یا تمام بیت و هه‌ر ئه‌نجامه‌كێ خراب ل وه‌رزێ ئه‌ڤ ساله بهێته توماركرن ب خرابى ڤه دێ بوو ناڤێ وى ڤه‌گه‌ریت و هه‌ڤبه‌ست هاته هه‌لوه‌شاندن ب رازیبوونا هه‌ردو لایانا.
سكرتێرێ یانا دهۆك ئه‌و چه‌نده ژى دیاركر د كومبوونا وان یا ئه‌ڤرۆ دا راهێنه‌رێ تیما خولا كوردستانێ حازم سالح ده‌ست نیشانكر وه‌كو راهێنه‌رێ تیما خولا عیراقێ ل جهێ باسم قاسمى و باوه‌ریه‌كا مه‌زن ب شیانێن سالحى هه‌یه و شارازیه‌كا باش هه‌یه لسه‌ر وه‌رزشا پارێزگه‌ها دهۆكێ،هه‌ر چه‌نده بزاڤ بۆ ڤه‌گه‌راندنا باسم قاسم دهێنه كرن لێ هه‌تا نها چو به‌رسڤ نه‌داینه یانا دهوك.
نيشاندان