ئه‌ڤرۆ نیۆز:
سه‌ۆركێ حوكمه‌تا عیراقا فیدرال حه‌یده‌ر عه‌بادى راگه‌هاند، هه‌نده‌ك ئالیان دڤێت په‌یوه‌ندیێن ده‌رڤه‌یێن عیراقێ ل گه‌ل وه‌لاتێن هه‌ڤسوو تێكبده‌ن و ژ جیهانى قوتبكه‌ن، هه‌ڤده‌م ژ هێزێن هه‌ڤپه‌یمانیا نێڤده‌ولى خواست كو رێكخستنا داعشێ ل سوریا بهێته‌ ژناڤبربن، چونكى ره‌وشا ڤێ داویێ ره‌نگڤه‌دانه‌كا خراب ل سه‌ر عیراقێ كرن.
حه‌یدر عه‌بادى گۆت: هنده‌ك ئالیێن سیاسى بزاڤا ژ بۆ كارتێكرنا ل سه‌ر په‌یوه‌ندیێن ده‌رڤه‌یێن عیراقێ ل گه‌ل وه‌لاتێن هه‌ڤسوو دكه‌ن، ب ئارمانجا كێمكرنا پشته‌ڤانیا نێڤده‌ولى یا عیراقێ و دیاركر ئه‌و بزاڤ بۆ ژناڤبرنا عیراقێ دهێنه‌ كرن.

ئه‌ڤرۆ نیۆز:
ب ئه‌گه‌رێ دانانا والیه‌كێ نوو بۆ ناڤه‌ندا باژێرێ مووسل ناكۆكى دناڤ رێزێن چه‌كدارێن داعشێ دا په‌یدابوون، ل گۆڕ گۆتنێن خه‌لكێ باژێرێ مووسل شه‌رۆپێكدادان ژى په‌یدابوون د ناڤبه‌را چه‌كدارێن داعشێ دا كو 4 كوشتى و 7 بریندار لێ كه‌فتن.
ژێده‌رێن خه‌لكێ مووسلێ بۆ مالپه‌رێ رۆژنامه‌ڤانێن مووسلێ گۆتن: سه‌باره‌ت دانانا حه‌سه‌ن جبورى وه‌ك والیێ نوو بۆ باژێرێ مووسلێ شه‌ر داناڤبه‌را چه‌كدارێن داعشێ په‌یدابوون 4 ژوان داعشیان هاتن كوشتن و 7 ێن دژى برینداربوون، هه‌ڤده‌م خوه‌یاكرن ئه‌و شه‌ر ل تاخێ ته‌نه‌ك ل رۆژئاڤایا مووسلێ هاتیه‌ روودان.
هه‌ژى گۆتنێ پشتى كوشتنا والیێ مووسل (موعته‌سم تولحه‌) ى، داعشێ كه‌سه‌كێ دى بناڤێ موعه‌مه‌ر حازم محه‌مه‌ وه‌كى والیێ مووسلێ دانابوو، به‌لێ هه‌ر بله‌ز ئه‌و ژى هاتیه‌ گوهۆڕین و حه‌سه‌ن جبورى ل شوونا وى هاتیه‌ دانان كو بوویه‌ ئه‌گه‌رێ په‌یدابوونا ناكۆكیێن دژوار د ناڤبه‌را چه‌كدارێن داعشێ و دووبه‌ره‌كى هه‌بوون.

ئه‌ڤرۆ نیۆز:
فه‌رماندێ له‌شكرى یێن هێزا په‌یاده‌ یێ به‌رى عه‌لى غێدان دوپاتكر، نڤیسینگه‌ها سه‌رۆك وه‌زیراێن به‌رى نورى مالكى یا ئاگه‌هدارى باده‌كا سه‌ربازێن(فه‌زائى) ئانكو بندیواران د ناڤ وه‌زاره‌تا ناڤخوه‌ و به‌رڤانیا عیراقێ دا هه‌بوو.
عه‌لى غێدان رونكر، رێژا 40% ژ مووچێ له‌شكرێ (فه‌زائى) بندیواران بۆ نڤیسینگه‌ها نورى مالكى دهاته‌ هنارتن.
زێده‌بارى وێ گۆت: ئه‌و له‌شكرێ فه‌زائى هه‌موو ل سه‌ر فه‌رماندێن فریقا و لیوایان و فه‌وجان هه‌تا دگه‌هشته‌ ئه‌فسه‌رێن سریا و فه‌سیلان ژى هاتبوون به‌لاڤكرن، كو فه‌رماندێ فریقێ 250 بندیوار هه‌بوون، و فه‌رماندێ لیوایێ 200 بندیوار هه‌بوون، و ئامر فه‌وجى 75 بندیوار هه‌بوون.