شه‌هید په‌یڤه‌كه ئه‌م هه‌می ل هه‌مبه‌ری وێ به‌ژنا خوه بۆ دچه‌مینین و خوه بێده‌نگ دكه‌ین، چونكو ئه‌و رۆناهی یا ل به‌ر رێیا مه ژ حه‌لاندنا وانه، ئه‌ڤه درووشما مه هه‌میانه، به‌لێ ده‌مێ مافێ شه‌هیده‌كی به‌رزه دبیت، هه‌ر دیسا كه‌س خوه تێناگه‌هینیت و لێ ناپرسیت و ئه‌و درووشم دمینن ب تنێ رۆخسار!! به‌لكی گه‌له‌ك دێ بێژن نه ده‌مێ ره‌خنه‌یانه كوردستان یا د ئاگریدا، به‌س هه‌ر بابه‌ته‌ك و ل جهێ خوه، مانه حوكمه‌ت و دبێژیت و حزب دڤێت ئه‌ز ل دووڤ مافێَ برایێ خوه بگه‌ریێم دا مافێ كه‌سێ نه‌هێته خوارن ئه‌ڤرۆ وێڤه خودێ ژی قه‌بوول ناكه‌ت گه‌لی خه‌لكی ئه‌ڤه برایێ منه شه‌هید كامیران تاهر دێركی یێ به‌رنیاسه ل كوردستانێ تایبه‌ت ل پارێزگه‌ها دهۆكێ ئه‌ڤه دێ بیته نه‌ه سال وه‌غه‌ركری هێشتا ب شه‌هید ل قه‌له‌م نه دایه و راتبێ شه‌هیدی ژی ناده‌نێ و پارچه‌یا ئه‌ردی ژی نه دایێ و نه‌خانی دایێ و ئه‌ڤه نێزیكی دو سالان زارۆیێن وی هاتینه كوردستانێ هێشتا مرۆڤه‌كێ ب رحم ناڤ وێ حوكمه‌تێ و ناڤ وێ حزبێ دا نینه پسیارا فان هێتیمان بكه‌ت كیڤه ژن چ دكه‌ت چو ناكه‌ت؟ مانه شه‌هید كامیران كورێ ڤێ كوردستانێ بوو، مانه ئه‌ندامێ ڤێ حزبێ بوو و خودانێ خوه هه‌شت زارۆیان ل سالا 1977 گه‌هشتیه پێشمه‌رگه ی خزمه‌تا خه‌لكێ خوه و وه‌لاتێ خوه بكه‌ت ل گه‌ل به‌رێز شه‌هیدێ نه‌مر مه‌حموود ئێزدی و هه‌ر ل سالا 1978 یان 79 ل گه ل به‌رێز عادل مزیری رێخراوا كاروان ناڤێ وێ ژی یێ شۆره‌ش سه‌ربه‌ست بوو یێ به‌رده‌وام بوو د خه‌باتێدا ل سه‌رهلدانا پیرۆزا 1991 ل باژێرێ دهۆكێ ره‌خێ فه‌یدیێ ل ده‌ڤه‌را ئالۆكا ب سه‌ختی بریندار بوو وه‌كو بێژن شه‌رێ فرۆكان كر هاته ڤه‌گوهاستن بۆ نه خۆشخانا ئازادی ل باژێرێ دهۆكێ و هه‌می دزانن چاوا بریندار بوو و پشتی برینداریا خوه به‌رده‌وام بوو ل سه‌ر خه‌باتێل گه‌لیێ دێركی بوو و زالگه‌ه هه‌بوو ل گه‌ل فه‌ریقێ ئێكێ بابه‌كر زێباری، ئه‌ڤه مانه سه‌رۆك بارزانی وه‌كو ل سالا1991 سه‌ره‌دانا وی دكه‌ت ل نه‌خۆشخانا ئازادی ل سالا 1993 نه‌شیا به‌رده‌وامیێ بده‌ته خه‌باتا خوه ژ به‌ر ئێش و ئه‌له‌ما برینداریا وی داخواز ژ سه‌رۆك بارزانی كر و جه‌لال تالبانی كر بهێته ڤه‌گوهاستن بۆ ده‌رڤه‌ی وه‌لاتی چاره‌سه‌ریا وی بهێته كرن، لێ هه‌ر هاریكاری نه‌هاته كرن، برایێن خوینده‌ڤان هۆزا مزیری و هه‌ڤالێن شه‌هید كامیرانی ژ هۆزێن دۆسكی و برواریان بێش بۆ كرن و پاره لێكدان، هاته هۆله‌ندا ئه‌و ژی ل سالا 1993 كو چاره‌سه‌ریا خوه ل وه‌لاتێ هۆله‌ندا و ئه‌لمانیا بكه‌ت، تمامی چاره‌سه‌ریا وی نه‌هاته كرن ئه‌وبوو ل سالا 1999 به ر ب وه‌لاتێ كه‌نه‌دا چوو داكو عیلاجا خوه بكه‌ت هه‌ر ل كه‌نه‌دا ژی نه ب ته‌مامی عیلاجا وی نه‌كر به‌س ده‌سته‌ك بۆ هاته چێكرن به‌س پا هێشتا وی ئێش و یئازار هه‌بوو د له‌شێ خوه دا، لێ ب مخابنی ڤه ل رێكه‌فتی 23. 1. 2006 شه‌هید كامیران تاهر دێركی چوه به‌ر دلۆڤانیا خودێ، باوه‌ركه‌ن هه‌ڤالان شه‌هید كامیران چوو و 76 ساچمه د له‌شی دابوون بێ راپۆرتا نۆشداری من ئه‌ڤه هه‌می بۆ هنگۆ دیاركر وه‌ك، به‌لگه چ خودێ قه‌بوول بكه‌ت بلا به‌رسڤ بو خه‌لكی كوردستانێ و تایبه‌ت دهۆكێ و ب تایبه‌ت سه‌رۆك بارزانی بیت دا بزانیت مافێ شه‌هیدی یێ هاتیه خوارن و ئه‌ڤه هه‌می هاتیه سه‌رێ مه كوردان هه‌می ژ گونه‌هێن شه‌هید كامیران و یێن وه‌كی كامیران ما ئه‌ڤه عه‌داله‌ته ئان نه؟ و هوون ده‌ستێ خوه بدانه سه‌ر دلێ خوه نه سینگێ خوه و به‌رسڤێ بده‌ن گه‌لی خه‌لكی.
نووترين نووچه
- وەزارەتا دارایی بەرسڤا سەردابرنێن پەرلەمانتارەكێ ئێكەتیێ ل دۆر لیستا مووچەی ددەت
- رێباز حەملان: مە پەیاما سەرۆكێ حوكمەتا هەرێمێ ل دۆر مووچەیێ فەرمانبەرێن هەرێمێ گەهاندە سۆدانی
- پێشبینییا چەندین سیناریۆیان ل رۆژهەلاتا ناڤین دهێتە كرن كو ئیراقێ ژی دێ ڤەگرن
- نێچیرڤان بارزانی خواستا هەرێما كوردستانێ بۆ پێشڤەبرنا پەیوەندیان ل گەل هندستانێ دوپاتكر
- ل ئەینییا بهێت شاندێ هەڤپشكێ وەزارەتا داراییا ئیراقێ و هەرێمێ دێ كۆمبن
- ل ئیراقێ فیدرالی نەهاتییە بجهئینان
- فەوزی هەریری: تێكگەهشتنەكا باش بۆ پێكئینانا كابینەیا دەهێ هەیە
- ئەڤرۆ شاندێ تەكنیكیێ پارتی و ئێكەتی ل دۆر پێكئینانا كابینەیا نوو یا حوكمەتێ دێ كۆمبن
- دێ ل گەل ئەنەکەسێ دەست ب دانوستاندنان کەین
- پشكداریا مەسرور بارزانی ل كۆڕبەندێ ئابووریێ جیهانی دێ رەنگڤەدانا ئابووری و دیپلۆماسی ل سەر هەرێمێ هەبیت
سهرهكى Facebook
هێلى لۆڤ خوه وه‌كو هه‌يفا وه‌هبى لێ دكه‌ت
ئه‌ڤرۆ نيوز:
هه‌يفا وه‌هبى سترانبێژا شوخا عه‌ره‌بى ل ده‌مێ چێكرنا زنجيره دراما “حلاوة روح” پرچێ خوه سور كربوو و گه‌له‌ك جاران ژى كابۆيێن ته‌كس و سۆر ل به‌ر خوه دكه‌ت، د هژماره‌كا وێنێن خوه دا كو ل سه‌ر تۆڕێن جڤاكى به‌لاڤكرينه، هێلى لۆڤ سترانبێژا كورد بزاڤێ دكه‌ت وه‌كو هه‌يفايێ ل خوه بكه‌ت ب سوركرنا پرچا خوه و ل به‌ركرنا كابۆيێن ته‌سك ب تايبه‌ت ره‌نگێ سور.
هه‌يفا وه‌هبى پێشتر گۆتبوو كو ئه‌و گه‌له‌ك يا خۆشحاله ده‌ما دبينيت هۆنه‌رمه‌نده‌ك يان ژى ئێك ژ حه‌زژێكه‌رێن وێ جلكێن وه‌كو وێ ل به‌ر خوه دكه‌ت يان ژ به‌ر وێ پرچا خوه سور بكه‌ت.
رێژا باران بارينى د 24 ده‌مژمێرێن بۆرى دا
ئه‌ڤرۆ نيوز:
رێڤه‌به‌ريا گشتيا كه‌شناسيێ و بيڤه‌له‌رزێ ل هه‌رێما كوردستانێ راگه‌هاند كو د ماوێ 24 ده‌مژمێرێن بۆرى دا ل هه‌رێما كوردستانێ ژ ئه‌نجامێ كه‌فتنه به‌ر شه‌پۆلێن بلند و نزم يێن باران بارينێ رێژه‌كا زێده يا بارانێ ل هنده‌ك ده‌ڤه‌ران باريه، ب ڤى ره‌نگێ ل خوارێ زێده‌تر رۆهن دبيت:
رێژێن باران بارينێ ل هه‌رێمێ ب ڤى ره‌نگى نه:
دهۆك 5.2 ملم، رێژا گشتى 197.8 ملم.
زاخۆ 4.4 ملم، رێژا گشتى 205.8 ملم.
ئاكرێ 6 ملم، رێژا گشتى 260.4 ملم.
مانگێشك 20.4 ملم، رێژا گشتى 243.2 ملم.
بامه‌رنێ 15 ملم، رێژا گشتى 288.4 ملم.
هه‌ولێر 2.5 ملم، رێژا گشتى 109.7 ملم.
پيرمام 7.3 ملم، رێژا گشتى 253.3 ملم.
سۆران 9.2 ملم، رێژا گشتى 300.4 ملم.
خه‌بات 11.2 ملم، رێژا گشتى 122.6 ملم.
سلێمانيێ 26.5 پله، رێژا گشتى 175 پله.
هه‌له‌بچه 12.4 پله، رێژا گشتى 188 پله.
كه‌ركووك 21 پله، رێژا گشتى 87.9 پله.
ئه‌لمانيا رێژا وه‌لاتيێن خوه يێن چووينه ناڤ داعش راگه‌هاند
ئه‌ڤرۆ نيوز:
به‌رپرسێن ئه‌لمانى هژمارا وان وه‌لاتيێن خوه ئاشكه‌را دكه‌ت يێن په‌يوه‌ندى ب داعش ل سوريا و عيراق كرين و دبێژيت هژماره‌كا مه‌ترسيداره.
تۆماس دوميزيير وه‌زيرێ ناڤخۆ يێ ئه‌لمانيا ئاشكه‌را كر كو ب گۆره‌ى دووماهى ڤه‌كۆلين و كۆمكرنا پيزانينێن ته‌مام و ل به‌ر ده‌ست ل سه‌ر ئه‌وان وه‌لاتيێن ئه‌لمانى يێن چووينه ناڤ رێزێن داعش ل سوريا و عيراقێ هژماره‌كا چاڤه‌رێ نه‌كريه.
گۆتژى: “به‌رى ماوه‌كى ده‌زگه‌هێن راگه‌هاندنێ به‌لاڤكربوو كو نێزيكى 450 كه‌سان په‌يوه‌ندى ب رێزێن چه‌كدارێن داعش كريه، به‌لێ پشتى ڤه‌كۆلينان و ل هنده‌ك وه‌لاتێن دژى بۆ مه ديار بوو كو رێژه گه‌له‌ك زێده‌تر و نێزيكى 550 كه‌سانن”.
وه‌زيرێ ناڤخۆيێ ئه‌لمانيا ئاماژێ ب وێ چه‌ندێ ژى دكه‌ت كو وه‌لاتيێن ئه‌لمانى يێن ناڤ داعش د مه‌ترسيدارن و گۆت: “به‌رى نوكه ب تنێ زه‌لامان په‌يوه‌ندى ب وى گرۆپى دكر، به‌لێ نوكه هژماره‌كا زۆر يا كچ و ژنێن ئه‌لمانى چووينه ناڤ داعش”.
پێشمه‌رگه چوو ناڤ جه‌له‌ولا
ئه‌ڤرۆ نيوز:
ب گۆره‌ى ژێده‌رێن رۆژنامه‌ڤانى پێشمه‌رگه نوكه گه‌هشته ناڤ جه‌له‌ولا و تاخێ و ته‌جند يێ كۆنترۆلكرى و به‌ره‌ڤانيه‌كا گه‌له‌ك لاواز يا ژ لايێ چه‌كدارێن داعش ڤه دهێته كرن.
ب گۆره‌ى نووچه‌كێ تۆڕا ده‌نگوباسێن سلێمانيێ ئه‌ڤرۆ سپێدێ ده‌مژمێر چار هێزا پياده و له‌شكرێ عيراقێ هێرش كريه سه‌ر جه‌له‌ولا و شيانه هه‌تا نوكه تاخێ ته‌جنيد رزگار بكه‌ن.
ئاماژه ب وێ چه‌ندێ ژى كريه كو ئه‌ڤ هێرشه ب سه‌رپه‌رشتيا جێگرێ سه‌رۆكێ هه‌رێما كوردستانێ كوسره‌ت ره‌سۆل دهێته كرن ژ لايێ ليوا سێ يا تايبه‌تا پێشمه‌رگێ كوردستانێ كو ل ده‌سپێكێ ژ لايێ پێشمه‌رگه‌ى و هێزێن هه‌ڤپه‌يمانان ڤه هاته تۆپبارانكرن و پاشان ژى هێرش هاتيه كرن.
ئه‌نوه‌ر حسێن قايمقامێ قه‌زا جه‌له‌ولا راگه‌هانديه كو هێرشا كۆنترۆلكرنا قه‌زا جه‌له‌ولا ده‌سپێكريه و بڕياره ژ ئه‌نجامێ به‌ره‌ڤانيا لاوازا داعش ل وێ ده‌ڤه‌رێ، ئه‌ڤرۆ هه‌موو باژێر بهێته كۆنترۆلكرن.
گرنگیا هه‌رێما كوردستانی بو توركیا
ستراتیجیا توركیا هاتیه دارشتن ل ده‌مێ ئه‌حمه‌د داوود ئۆگلۆ راوێژكاری ئه‌نجوومه‌نی وه‌زیران د وی ده‌می دا ئوغلۆی پره‌نسیبێن ستراتیجیا توركیا دیاركربوون كو هه‌رده‌م سیاسه‌ت د خزمه‌تا ئابووری دا بیت، ب ڤی چه‌ندێ دێ شێت گرنگیا وه‌لاتێ خوه یا جوگرافی و جیۆپۆلتیكی بۆ به‌رژه‌وه‌ندیێن سیاسی و ئابووری بێخیته كار و د ئه‌نجام دا توركیا ببیته وه‌لاته‌كێ پێشكه‌فتی و زلهێز و كاریگه‌ریا خوه ل ده‌ڤه‌رێ و جیهانێ هه‌بیت بۆ ڤێ مه‌ره‌مێ ژی توركیا پێدڤی ب هه‌رێما كوردستانێ هه‌یه ژ گه‌له‌ك ئالیان ڤه:ـ
1. هه‌رێما كوردستانێ بوویه سه‌رچاوه‌كێ وزێ نوكه دشێت پترۆلی ره‌وانه‌ی ده‌رڤه بكه‌ت و ل پاشه‌رۆژی دێ شێت غازێ ژی هه‌نارده بكه‌ت زێده‌باری كوردستان ده‌روازه‌كه بۆ توركیا بۆ بده‌سڤه‌ئینانا پترۆلی و غازی ژ عیراقێ هه‌میێ كو ب رێیا توركیا بۆ ئه‌ورۆپا بهێته هه‌نارده كرن و دێ بیته هۆكاره‌ك بۆ سه‌رخستنا پرۆژی نابۆكو هه‌ر بۆ ڤێ مه‌ره‌مێ و بۆ ئاسایشا توركیا هه‌رێما كوردستانی گرنگیا خوه هه‌یه كو ئیدی ب شه‌ڕی ناهێته بده‌ستڤه‌ئینان.
2. هه‌رێما كوردستانێ ئه‌ڤرۆ بوویه ناڤه‌نده‌كا بریارێ و كوده‌نگیه‌كا نێڤده‌وله‌تی ل سه‌ر هه‌یه كو ئه‌ڤ هه‌رێمه بهێته پاراستن و ببیته شوونگره‌ك بۆ هنده‌ك ناڤه‌ندێن دی ل ده‌مێ پێدڤی، چونكو سه‌ركردایه‌تیا كوردستانێ شیابه ب دبلۆماسیه‌تا خوه پشته‌ڤانیا وه‌لاتێن ز هێز بۆ خوه په‌یداكه‌ت و جاره‌كا دی نه‌كه‌ڤیته به‌ر موساوماتێن هه‌رێماتیك ژ ره‌نگێ رێكه‌فتنا جه‌زائیر.
3. د ستراتیجیا توركیا دا هه‌یه كو ئێكتر بریی ل گه‌ل به‌رژه‌وه‌ندیێن ئه‌مریكا ل ده‌ڤه‌رێ نه‌كه‌ت، به‌لێ توركیا خوه نائێخیته ژێر باندۆرا ستراتیجیا ئه‌مریكا ل ده‌ڤه‌را رۆژهه‌لاتا ناڤین، چونكو پێدڤیا ئه‌مریكا ب توركیا زێده‌تره ژ پێدڤیا توركیا بۆ ئه‌مریكا، له‌وما توركیا دێ كه‌ڤیته د به‌ریكانه‌كێ دا ل گه‌ل ئه‌مریكا كو هه‌رێما كوردستانێ نه بیته شوونگره‌ك ل جهێ توركیا بۆ به‌رژه‌وه‌ندیێن ئه‌مریكا ل ده‌ڤه‌رێ.
4. توركیا پێدڤی ب سه‌ركردایه تیا هه‌رێما كوردستانی هه‌یه ب تایبه‌ت سه‌رۆكی هه‌رێمێ مه‌سعوود بارزانی بۆ چاره‌سه‌ریا پرۆسا ئاشتیی ل گه‌ل لایه‌نێن سیاسی ل باكۆری كوردستانی، چونكو ئه‌ڤ پرۆژه بۆ توركیا ل ڤی ده‌می زۆر گرنگه ژ لایی سیاسی و ئابووری، ئه‌منی ڤه زێده‌باری هندێ كو توركیا هه‌لبژارتنێن په‌رله‌مانی ل به‌رن ل سالا بهێت و پێدڤی ب ده نگێن كوردان هه‌یه بۆ سه‌ركه‌فتنێ و ئه‌حمه‌د داوود ئۆغلۆ سه‌رۆكاتیا حوكمه‌تا توركیا بۆخوه مسۆگه‌ر بكه‌ت.
بوهۆسته‌كا ئه‌ردێ خوه به‌رناده‌ین
به‌لێ دێ بۆ خه‌لكی سه‌لمینین كو ئه‌م ده‌ست ژ ئێك بوهۆستا ئه‌ردێ كوردستانێ به‌رناده‌ین دێ بۆ جیهانێ ته‌كه‌ز كه‌ین كو ئه‌م دكارین ئه‌رد و ئاڤاهێن خوه بپارێزین، دێ بۆ جیهانێ دیاركه‌ین كو مافێن مه هێلێن سۆرن دێ ده‌ستێ وی بڕین و سۆژین یێ هه‌ر كه‌سێ ده‌ستێ خوه بكه‌تێ، دێ بۆ جیهانێ سه‌لیمینین كو كورد ل وی ئاستینه كو بێگڤه‌ژیان و ئاشتی و خۆشتڤی ژیانا خوه ببه‌نه‌سه‌ری. دێ بۆ جیهانێ سه‌لیمین كو كوردستان ئه‌ردێ پێكڤه‌ژیانا ئاشتیانه‌یه. له‌ورا دیرۆكێ (سه‌لماندیه و د سه‌لمینیت) كو سه‌ره‌رای ده‌رده‌سه‌ریێن ب سه‌ر كوردستانێ را ده‌ربازبووین ژ سته‌م و ده‌ربه‌رده‌ری و خه‌م و هه‌وێن ژناڤبرنێ و ئه‌نفالان و گرتن و دۆرپێچكرنێ ل سالێن بوورین، هێشتا ژی هنده‌ك ژ مێشكێن نه‌ساخ و شۆڤێنی و دوژمنێن مرۆڤتاتیێ بزاڤان دكه‌ن وێ سته‌مێ به‌رده‌ام بكه‌ن و ل ژێر چه‌ندین ناڤان، له‌ورا ئێكبوونا عه‌ره‌بی ئێدی رۆلێ خوه دیتیه د ده‌رده‌سه‌ركرن و سته‌مێ دا، دیسا یێن تونده‌رو زێده د ئاینی دا وان ژی به‌هرا خوه هه‌بوون. نه‌ته‌وه‌چیێن هه‌رێماتی ژی ل ده‌ڤه‌رێ هه‌می پلانگیریێن وان یێن هۆڤ ل هه‌مبه‌ری كوردستانێ نه‌ماینه، ب ڤێ ره‌نگی دیرۆكا كورد و كوردستانی ئه‌ڤ سته‌ملێكرنه تۆماركرینه و شیایه به‌رسینگێ وان بگریت و رووبووبوونێ بكه‌ت ب قه‌نجیا زه‌لامێن نه‌مر، ناڤێن وان هاتنه تۆماركرن د وژدان و دیرۆكا مه د، رێنما و خه‌باتێن وان وان مابوون وه‌كو په‌یره‌وه‌ك و دستووره‌ك كو یێ زارۆیێ ساڤا و گه‌نج و ژن و زه‌لامێن كوردی شانازیێ پێ ببه‌ن و هێشتا ژی ژ ڤێ چه‌ندێ بوویه، له‌ورا شه‌رێ پیرۆز یێ ئه‌ڤرۆ كوردستان تێدا دبووریت ل هه‌رێما كوردستانێ ل دژی تیرۆرێ ل شوونا جیهانێ هه‌ما هه‌ر ئه‌و به‌رهه‌مه یێ خواندنگه‌ها بارزانیێ نه‌مر یا پشتی وی رێچكا خوه گرتی، “بابێ كورد و كوردستانیان” و هانده‌رێ به‌رگیریكرنێ ژ ئه‌ردێ خوه و پاراستنا ده‌ستكه‌فتێن خوه ب كه‌ساتیا كورێ وی مه‌سعود بارزانی ئه‌وا دێ راسپاردێن وێ مینن هه‌تا هه‌تایێ، ژ به‌ر كو ژ رێنمایێن ئه‌سمانی و بنه‌مایێن راست و دروست هاتین بۆ هه‌ڤژیانا مرۆڤاتیێ، ل دووڤ فه‌رمانێن خودایێ مه‌زن هاتینه دانن. چاوا نه! و كوڕێ سلێمانیێ به‌رگریێ دكه‌ن ژ ده‌ستا نه‌ینه‌وا و كوڕێ دهۆكێ شه‌ڕی بۆ رزگاركرنا كۆبانا بریندار دكه‌ت، كوڕێ هه‌ولێرێ شه‌رێ داعشێ دكه‌ت ل شنگالێ، ئه‌و ژی خوینا خوه یا پاك پێشكێش دكه‌ن ژ پێناڤی ئه‌رد و په‌یره‌وێن خوه، هه‌میان ژی سه‌رۆك مه‌سعود بارزانی و كورێن خوه برێڤه‌دبه‌ن، ئه‌ون یێن نه‌گه‌هن چاڤێ خوه بۆ خه‌وێ بدانن ژ به‌ر وێ مه‌ترسیا هاتیه سه‌ر كوردستانێ، ئه‌وان بۆ جیهانێ سه‌لماند كو كوردستان و سنۆرێ خوه هێله‌كا سۆره، هاتیه بۆیاغكرن ب خوینا پێشمه‌رگێن قاره‌مان ب شۆره‌شێن ئیلۆن و گولانێ یێن پیرۆز و هێشتا ژی ئه‌م یین ب ره‌نگێ سۆر ره‌نگ دكه‌ین ل سه‌ر سنۆرێن خوه دا ببیته گۆرستانه‌ك بۆ هه‌ر كه‌سێ بزاڤێ بكه‌ت پیس بكه‌ت، ژ لایه‌كێ دیڤه هنده‌ك ده‌ستێن كوردستانی هه‌نه كاری دكه‌ن بۆ ئاڤه‌دانی و وه‌رارێ و خورتكرنا ژێرخانا بنه‌ره‌ت دا ببیته ستوونه‌ك بۆ به‌ره‌بابێن داهاتی، هه‌ر وه‌سا بۆ ئاڤه‌دانیا دیمۆكراتی و پێكڤه‌ژیانا برایه‌تی خورت بكه‌ین ب وانه‌یێن سه‌ره‌كی د په‌ره‌وێن فێرخوازی دا بۆ كوڕێن خوه بێی فه‌رق و جوداهی، ئه‌ها ئه‌ڤرۆ كوردستان یا بوویه به‌ناگه‌ها ئێمن بۆ ئه‌وێن ژ عیراقێ قه‌ست دكه‌نێ و ژ جهێن دیتر ژی. ل داویێ شانازی یه بۆ مه كو ئه‌م ببینه ده‌سته‌ك به‌ر ب به‌رۆكێن شه‌ری بچین دا بمینین ئێكرێز پاراستنا ئه‌رد و نه‌ژادێ خوه بكه‌ین ئاڤه‌دانیێ بكه‌ین و وه‌رارێ و زانینێ وه‌ربگرین و فێرببین قوربانیێَ بدیه‌ن و پێشبكه‌ڤین ل سه‌ر خاترا كوردستانا شیرن.
و: ئه‌ڤرۆ
ھێشتا 25 ھزار خێزانان ھاریکاریا ئێک ملیۆن دیناری وەرنەگرتیە
ئەڤرۆ:
قائیمقامێ قەزا شنگالێ بۆ ئەڤرۆ دیارکر کو ھێشتا دوورێن 25 ھزار خێزانێن ئاوارە نەھاتینە قەرەبوو کرن داخواز ژی کر لژنێن بەلاڤکرنا پارەێ قەرەبوو کرنێ بھێنە زێدەکرن، گۆت ژی دڤێت ل شوونا خیڤەتان کەرەڤان بھێنە دانان، بەری سەقا سار بیت پێدڤیێن زڤستانێ بگەھنە ئاواران.
مەیسەر حەجی قائیمقامێ قەزا شنگالێ ھەروەسا دیارکر کو ل دووڤ پێزانینێن ب دەست مە کەفتین ھێشتا 25 ھزار خێزانێن ئاوارە ل پاریزگەھا دھۆکێ ماینە قەرەبوو کرنا ئێک ملیۆن دیناری وەرنەگرتیە، ئەو ژی گۆت کو نوکە لژنەک ل ھۆلا دیاری پارەێ قەرەبوو کرنێ بەلاڤ دکەت، ئاوارە دخوازن ئەڤ لژنە بھێنە زێدە کرن داکو پرۆسە ب لەزتر برێڤە بچیت و رۆژانە دوورێن 500 خێزانان ھاریکاریا ئێک ملیۆن دیناری وەربگرن.
قائیمقامێ قەزا شنگالێ گۆت ژێ ئاوارێن شنگالێ گەلەک داخوازا گازا سپی دکەن، ئەم ژی ل گەل وان دخوازین کو گازا سپێ و کەلوپەلێن زڤستانێ ل سەر وان بھێنە بەلاڤکرن داکو ژ بەر سەرمایێ تووشی نەخۆشیان نەبن، ھەروەسا گوھۆرینا خیڤەتان و ل شوونا وان کەرەڤان بھێنە دانان.
ئەسیل نوجێفی: پێشمەرگە ناچیتە د ناڤ موسل دا
ئەڤرۆ:
ئەسیل نوجێفی پارێزگارێ موسل بۆ رۆژناما ئەڤرۆ دیار کر کو پلانەک بۆ رزگارکرنا پارێزگەھا موسل یا ھەی کو ھێزێن فەرمی یێن ئێمناھیێ یێن موسل دێ پشکداریێ د ڤێ پلانێ دا کەن و گۆت: (ئەڤ پلانە دێ ب پشتەڤانیا ھێزێن ھەڤپەیمانان و ھەرێما کوردستانێ ھێـە بجھئینان).
ل دور وێ یەکێ کا لەشکرێ عیراقێ ژی دێ پشکداریێ د ڤێ پلانێ دا کەت، پارێزگارێ موسل گۆت: (نوکە فرقەکا لەشکری ژ خەلکێ موسل ب خو یا دھێـتە پێکئینان و ھەکە ھاتە پێکئینان و کارێن وێ ب دووماھی ھاتن ئەو ژی دێ پشکداریێ د پلانا رزگارکرنا موسل دا کەت).
ل دور وێ یەکێ کا خەلکێ موسل دێ قەبوول کەت بۆ رزگارکرنا موسل، لەشکرێ عیراقێ و پێشمەرگە بچنە د ناڤ موسل دا، ئەسیل نوجێفی گۆت: (لەشکرێ عیراقێ ئەوێ دێ پشکدار بیت دێ ژ خەلکێ موسل ب خو بیت، د بیانی نابن بۆ موسلیان، لەوما خەلکێ موسل دێ وان قەبوول کەت. ل دور پێشمەرگەی ژی: پێشمەرگە ناچیتە د ناڤ موسل دا بەلکو دێ ل دەرڤەی موسل وەکو ھێزەکا پشتەڤانیێ بیت بۆ لەشکری و پۆلیسان).
ل دور وێ یەکێ کا بۆچی پێشمەرگە ناچیتە د ناڤ موسل دا ئەسیل نوجێفی گۆت: (ھەتا کو چو حەساسیەت پەیدا نەبن و داعش ژی وەکو شەرەکێ تایفی یان نەتەوەیی بۆ خو بکار نەئینیت).
بەری نوکە بشار کیکی سەرۆکێ جڤاتا پارێ.گەھا نەینەوا بۆ رۆژناما ئەڤرۆ گۆتبوو (مە گۆتیە ھەموو لایەنێن پەیوەندیدار ل بەغدا ھەکە ھەر گیروبونەک بۆ رزگارکرنا موسل بھێتە کرن ئەم قەبوول ناکەین و رەنگە پشتی ھنگی ئەم بزاڤێ بکەین راستەوخو داخوازێ ژ ھێزێن ھەڤپەیمانان بکەین کو د ھەوارا مە بھێن و ھێزێن ئەردی ژی داخل بن و سەرۆکێ جڤاتا پارێزگەھا سەلاحەدین پەیوەندی یا ب من کری و یا گۆتی ئەم حەز دکەین ئەم و نەینەوا و ئەنبار رێککەفتنێ بکەین و کونگرەکێ چێ کەین ھەکە مە دیت حکوومەتا عیراقێ دێ گیرو بیت د ڤی بابەتی دا ئەم ب خو دێ داخوازێ ژ ئەمریکا کەین کو ھێزێن وشکانێ داخل ب بن بۆ رزگارکرنا ڤان ھەر سێ پارێزگەھان).
ل دور ڤێ چەندێ ئەسیل نوجێفی گۆت: (نەخێر، ھێزێن ژخەلکێ موسل ب خو یێن ھەین و ھێزێن ھەڤپەیمانان پشتەڤانیێ لێ دکەن و ناھێتە قەبوولکرن کو ھێزێن ھەڤپەیمانان ببنە ھێزێن بەدیل بۆ ھێزێن عیراقی و ب باوەرا مە ھێزێن لەشکری یێن خەلکێ موسل ب خو دشێن ب وی کاری رابن).
ئەسیل نوجێفی ئەو یەک ژی دیار کر کو ھێزێن ھەڤپەیمانان چەک و پێدڤیێن دی یێن لەشکری بۆ وێ ھێزێ دابین دکەن یا کو ژ خەلکێ موسل ب خو ھاتیە پێکئینان و ھەروەسا راھێنانان ژی پێ دکەن و د دەمێ بجھئینانا پلانێ دا دێ ب رێیا فرۆکێن سەربازی پشتەڤانیێ ل ھێزێن موسل کەن.
ئەسیل نوجێفی ئەو یەک ژی دیار کر کو ھەتا نوکە چو دەمێن دەستنیشانکری بۆ بجھئینانا پلانا رزگارکرنا موسل نەھاتینە دانان، ژبەر کو ھێشتا ھێزێن بۆ ڤێ مەرەمێ ھاتینە پێک ئینان د راھێنانان دا نە و ھەر دەمێ راھێنان ب دووماھی ھات دێ دەستپێ ھێتە کرن و ب ئانەھیا خودێ نێزیک دێ دەستپێ ھێتە کرن.
ل دور وێ یەکێ کا ھەمئاھەنگیا وان وەکو ئیدارا پارێزگەھا موسل ل گەل حکوومەتا ھەرێمێ ب چ رەنگی یە، نوجێفی گۆت: (مە ھەماھەنگیەکا باش یا ل گەل حکوومەتا ھەرێما کوردستانێ ھەی و مە پەیوەندیێن ئێکسەر یێن ل گەل ھەین و حکوومەتا ھەرێمێ جھێ دایە ف مە کو ئەم کار بۆ رزگارکرنا موسل لێ بکەین ب ھاریکاریا وان و ھەروەسا دێ ھەماھەنگیەکا لەشکری د ناڤبەرا حکوومەتا ھەرێمێ و ھێزێن پارێزگەھا نەینەوا دا ھەبیت).
ل دور وێ یەکێ کا حەشد ئەلشەعبی یا کو ژلایێ شیعێن عیراقێ ڤە بۆ دژایەتیکرنا داعش ھاتیە پێکئینان پشکداریێ د شەرێ رزگارکرنا موسل دا کەت، ئەسیل نوجێفی گۆت: (حەشد ئەلشەعبی ل پارێزگەھا نەینەوا یا جودایە ژ پارێزگەھێن دی، لەوما ھەکە حەشد ئەلشەعبی ژ پارێزگەھا نەینەوا ب خو بیت دێ ھێتە قەبوولکرن، لێ ناھێـتە قەبوولکرن حەشد ئەلشەعبی ژ دەرڤەی پارێزگەھێ بھێت).
مووچە بۆ حەفت ھزار زیندانیان دێ ھێتە دان
ئەڤرۆ:
رێڤەبەرێ کاروبارێن زیندانیێن سیاسی ل وەزارەتا کاروبارێن شەھید و ئەنفالکریان راگەھاند کو وان د بادەکێن حەفت ھزار زیندانیێن سیاسی پشتراست کرن و بۆ دانا مووچەی بەرھەڤ کرینە.
ئەحمەد مام رەسول ئاشکرا ژی کر کو ھەموو کارێن ئیداری و قانوونی یێن وان تمام بووینە، لێ ژ بەر کێشا مووچەی ھەتا نوکە مووچە بۆ ڤان حەفت ھزار زیندانیێن نوو نەھاتیە دان و بۆ باسنیوز گۆت:(کێشا دارایی یا ھەرێمێ چارە ببیت، بەخشین و مووچە دێ بۆ وان ژی ھێتە دان).
ناڤھاتی ئاماژە ب وێ چەندێ ژی کر کو ژ بلی ڤان حەفت ھزاران، سێ گەرێن دی یێن بادەکان بۆ پشتراستکرنێ د بەرھەڤن و گۆت:(دو گەڕ یێن ل جڤاتا وەزیران ژی کو نێزیکی ناڤێن سێ ھزار زیدانیانە).
نيشاندان
WP Facebook Auto Publish Powered By : XYZScripts.com