ئه‌ڤرۆ نيوز:
10 هزار دينارا نوو يا عيراقى كه‌فته د بازارى دا و بڕياره ل چه‌ند رۆژێن بهێت 50 هزارى و 100 هزارى ژى بكه‌ڤيته د بازارى دا.
10 هزار نوو يا عيراقى كه‌فته د بازارى دا
نووترين نووچه
- سەرۆك بارزانی و نێچیرڤان بارزانی و مەسرور بارزانی سەرەخوەشیێ ل قوربانیێن ئاگرێ توركیا دكەن
- نێچیرڤان بارزانی دوپاتیێ ل پێشڤەبرنا پەیوەندییان ل گەل هۆلەندا دكەت
- سەرۆكێ حوكمەتا هەرێمێ ل گەل چەندین سەركردە و بەرپرسێن وەلاتێن جیهانێ ل داڤۆسێ كۆم دبیت
- شاندێ هەولێرێ و بەغدایێ دوپاتیێ ل چارەسەركرنا كێشەیا مووچەیێ فەرمانبەرێن هەرێمێ دكەن
- هەلوەشاندنا بڕیارێن ڕژێما بەعسا ژناڤچووی پێنگاڤەكا گرنگ و پێدڤی بوو
- سەرۆک بارزانی داخواز کر کو ئاستەنگێن د ناڤبەرا مە و هەسەدێ دا نەهێلین
- سەرۆك بارزانی دوپاتیێ ل ئێكڕێزییا كوردان ل سووریێ دكەت
- قونسلێ ئیتالیا بۆ نێچیرڤان بارزانی: گرنگییێ ب پەیوەندیێن خوە ل گەل هەرێما كوردستانێ د دەین
- ئارمانجا مە پێشئێخستنا ژێرخانەیا ئابوورییا هەرێما كوردستانێ یە
- دیدار و كۆمبوونێن سەرۆكێ حوكمەتا هەرێما كوردستانێ ل داڤۆس
سهرهكى Facebook
ل هه‌يڤا بۆرى 13 حاله‌تێن ده‌ستدرێژيا سكسى هاتينه تۆماركرن
ئەڤرۆ نیوز، نەوزاد زادە ھلۆری:
ب گۆره‌ى ئامارەکا رێڤەبەریا دووڤچوونا توندوتیژیا دژى ئافرەتان د ماوەیێ ھەیڤەکێ دا هزار و 79 حالەتێن جودا ھەبووینە.
ئیڤار ئیبراھیم ئه‌نداما لیژنا کاروبارێن ئافرەتان ل پەرلەمانێ کوردستانێ بو ئەڤرۆ نیوز گۆت : “پشتی کەیسێن شنگال و روودانێن ڤێ دووماھیێ وەکو پێدڤی گرنگری ب دووڤچوونا کێشێن توندوتیژیا دژى ئافرەتان نە ھاتیەکرن ژ بەر ڤێ یەکێ بەر ب زێدەبوونێ ڤە چووینە کو ئەڤ یەک ژی مەترسیە بۆ سەر گیانێ ئافرەتان.
ئێڤارێ گۆتژی: “ژ ئەڤرۆ وێڤە ب ھەموو ھەول و بزاڤێن خوە دێ کار کەین کو توندوتیژیا دژی ئافرەتان نەھێلین و تاوانباران بدەینە دەست دادگەھێ و مافێ ئافرەتان ژی بھێتە ستاندن”.
ب گوره‌ى ئامارا ھەیڤا بوری یا رێڤەبەریا دووڤچوونا توندوتیژیا دژى ئافرەتان ل کوردستانێ هزار و 79 روودان و حالەتێن جودا ل دژی ئافرەتان ھاتین ئەنجامدان ب ڤی رەنگێ ل خوارێ.
- ل پارێزگەھا دھۆکێ سێ حالەتێن دەستدرێژیا سێکسی، دو حالەتێن خوه کوشتنێ، 202 سکالا ھاتینە تۆمارکرن.
- ل پارێزگەھا ھەولێرێ حه‌فت حالەتێن سووتن، چار حالەت خوه سووتن، دو حالەتێن دەستدرێژیا سێکسی، 257 سکالا ھاتینە تومارکرن.
- ل پارێزگەھا سلێمانیێ چار حالەتێن دەستدرێژیا سێکسی، دو حالەتێن خوه کوشتنێ ، 101 سکالا ھاتینە تۆمارکرن.
- ل دەڤەرا راپەرین و گەرمیان ژی چار حالەتێن دەستدرێژیا سێکسی، پێنج حالەتێن سوتن و چار حالەتێن خوه سوتنێ، ٩٧ سکالا ھاتینە تۆمارکرن و دیسان ل سوران ژی پێنج حالەتێن سوتنێ و 19 سکالا ھاتینە تومارکرن.
ڤێزا ڤى وه‌لاتێ مه‌زن ژى ل هه‌ولێر وه‌رگره
ئه‌ڤرۆ نيوز:
قونسلێ گشتيێ بريتانيا ل هه‌ولێر ئاشكه‌را كر كو نوكه سه‌نته‌رێ وه‌رگرتنا ڤيزا وه‌لاتێ وان ل باژێرێ هه‌ولێر هايته ڤه‌كرن و وه‌لاتيێن كوردستانێ دشێن ل هه‌ولێر داخوازيا ڤيزێ پێشكێش بكه‌ن.
ئه‌نگه‌س مه‌كى، قونسلێ گشتيێ بريتانيا ل هه‌ولێر ده‌رباره‌ى چاوانيا وه‌رگرتنا ڤيزا بريتانيا بۆ وه‌لاتيێن كوردستانێ راگه‌هاند كو گه‌له‌ك خه‌لك ل هه‌رێما كوردستانێ و ل هه‌موو عيراقێ ژى دڤێت بچنه برتيانيا و گه‌له‌ك ژى دچن، چ بۆ مه‌ره‌مێن بازرگانى بيت يان ژى گه‌شتيارى دبيت ژى قوتابى بيت، د ماوێ چه‌ند سالێن بۆرى بۆرى دا گه‌له‌ك خه‌لك ژ عيراق و هه‌رێما كوردستانێ چوويه بريتانيا.
مه‌كى د ديداره‌كێ دا ل گه‌ل رۆژناما باس گۆت: “دشێم بێژم نوكه مه سه‌نته‌رێ داخوازكرنا ڤيزا بريتانى ل هه‌ولێر هه‌يه و ل وێرێ پێزانينێن وه‌رگرتنا ڤيزێ دهێنه به‌لاڤكرن و پاشان دێ كاروبارێن رۆتينى برێڤه‌چن و بڕيارا ل سه‌ر ڤيزێ دێ ل جهه‌كێ دى هێته كرن، پاشان پاسپۆرت دێ بۆ داخوازكه‌رى ڤه‌گه‌ريته هه‌ولێر”.
زێده‌تر گۆت: “هه‌ر چه‌نده ئه‌ڤ پرۆسه يا ب له‌ز نينه، به‌لێ يا سه‌ركه‌فتى يه و چو نهێنى د وه‌رگرتنا ڤيزا بريتانى دا نينه، ئه‌و نه‌بيت كو پێدڤيه هه‌موو پێدڤياتى و دێكۆمێنت د ئاماده و تمام بن هه‌تا ڤيزا بريتانى وه‌ربگرن”.
رێژا باران بارينى د 24 ده‌مژمێرێن بۆرى دا
ئه‌ڤرۆ نيوز:
رێڤه‌به‌ريا گشتيا كه‌شناسيێ و بيڤه‌له‌رزێ ل هه‌رێما كوردستانێ راگه‌هاند كو د ماوێ 24 ده‌مژمێرێن بۆرى دا ل هه‌رێما كوردستانێ ژ ئه‌نجامێ كه‌فتنه به‌ر شه‌پۆلێن بلند و نزم يێن باران بارينێ رێژه‌كا زێده يا بارانێ ل هنده‌ك ده‌ڤه‌ران باريه، ب ڤى ره‌نگێ ل خوارێ زێده‌تر رۆهن دبيت:
رێژێن باران بارينێ ل هه‌رێمێ ب ڤى ره‌نگى نه:
دهۆك 34.3 ملم، رێژا گشتى 192.6 ملم.
زاخۆ 31.6 ملم، رێژا گشتى 201.4 ملم.
ئاكرێ 34.4 ملم، رێژا گشتى 254.4 ملم.
مانگێشك 38.2 ملم، رێژا گشتى 222.8 ملم.
بامه‌رنێ 41.6 ملم، رێژا گشتى 273.4 ملم.
هه‌ولێر 19.3 ملم، رێژا گشتى 107.2 ملم.
پيرمام 30.4 ملم، رێژا گشتى 246 ملم.
سۆران 34.6 ملم، رێژا گشتى 290 ملم.
خه‌بات 26 ملم، رێژا گشتى 111.4 ملم.
سلێمانيێ 25 پله، رێژا گشتى 148.5 پله.
هه‌له‌بچه 15.4 پله، رێژا گشتى 175.6 پله.
كه‌ركووك نه‌هاتيه تۆماركرن، رێژا گشتى 57.1 پله.
Galaxy S6 دێ يا چاوان بيت؟
ئه‌ڤرۆ نيوز
هندى ده‌م دهێت پێزانينێن زێده‌تر يێ ل سه‌ر Galaxy S6 يا كۆمپانيان سامسۆنگ به‌لاڤ دبن و د نووترين تايبه‌تمه‌نديێن ڤێ مۆباليێ دا ديار دبيت كو هه‌ردو ته‌نشتێن ڤێ مۆبايلێ وه‌كو شاشه‌كا له‌مس كار دكه‌ن و به‌رى نوكه ئه‌و ساخله‌ت د Galaxy Note Egde دا ژى دانابوو، به‌لێ ب تنێ ئێك، نه هه‌ردولا.
Galaxy S6 ب شاشه‌كا تمام يا رۆهكن QHD د چارچۆڤێ HD ب هووراتيا 2560\1440X پێكسل دێ كه‌ڤيته به‌ر ده‌ست و به‌حس ل قه‌بارێ وێ ژى نه‌هاته كرن به‌لێ دبيت وه‌كو Galaxy S 5 ب قه‌بارێ 5.1 ئينج بيت.
جيرى كانگ، شرۆڤه‌كارێ پێزانينان ل كۆمپانيا سامسۆنگ د چارچۆڤێ پێشانگه‌ها نێڤده‌وله‌تى يا HIS Display ب تنێ ئه‌ڤ چه‌نده ل سه‌ر مۆبايلا نوو گۆت.
دهێته پێشبينيكرن د هه‌يڤا سێ يا ئه‌ڤ ساله دا بكه‌ڤيته د بازارى دا و مه‌ره‌م پێ هه‌ڤركيا به‌رهه‌مێ نوو يێ كۆمپانيا ئه‌پله ب مۆبايلا وێ يا iphone 6 ێ.
عەمار کوفی چ خواست؟
ئەڤرۆ نیۆز، سالار دۆسکی:
جارەکا دی تاکە کورێ کورد ل پرۆگرامێ ئەرب ئایدل عەمار کوفی شیا ب ھەلژارتنەکا راست و دورست، شیانێن دەنگێَ خوە، بۆ لیژنا دادوەر و بینەر و تەماشەڤانان دیار بکەت، کو خودان شیانە و ب گۆتنا ئێک ژ زحمەترین سترانێن ھونەرمەندێ عیراقی (کازم ساھر) کو سترانا( المدرسە الحب) کو ژ پەیڤێن ھەلبەستڤانێ عەرەبێ بناڤ و دەنگ (نزار قەبانی) نە، ب گۆتنا ڤێ سترانێ لیژنە سەر سۆرمان بوو و دیسا تورێن جڤاکیێن فێسبووکێ ژی وی رەنگی ھاتنە دەنگ و ئاماژەکرنە وێ چەندێ کو عەمار کوفی سەرکەفتنا خوە پشست راستکر ئەف شەفە کو بەر ب قۆناغەکا دی بچیت.
دیسا عەمار کوفی ب رێیا پەیچێ خوە یێ تایبەت ل سەر تورا جڤاکی یا فێسووکێ ب ھەر دو زمانێن کوردی و عەرەبی دیارکریە کو بەریکانە یا بھێزە و چاڤەری فریًکرنا دەنگانە دیسا دیارکریە کو جارێن بھێت دێ باشتربیت ودێ سەرێ ھەوە بلندکەم و خواستیە دەنگدانێ زێدەکەن.
كه‌نه‌دى ژى بۆ شه‌رێ دژى داعش چوونه ناڤ رێزێن شه‌رڤانان
ئه‌ڤرۆ نيوز:
ژێده‌رێن ده‌نگوباسێن كه‌نه‌دى راگه‌هاندن كو هنده‌ك ژ سه‌ربازێن كه‌نه‌دى يێن به‌رێ چوونه ناڤ رێزێن شه‌رڤانان ژ بوو شه‌ركرنێ دژى تيرۆرستێن تۆندره‌و.
به‌رى نوكه ژى راگه‌هاند بوو كو ژنه‌كا ئێكانه يا نفش ئسرائيلى ژ كه‌نه‌دا چوو بوو ناڤ رێزێن شه‌رڤانان ژ بوو شه‌ركرنێ دژى داعش، ئاژانسێن ده‌نگوباسێن كه‌نه‌دا راگه‌هاند كو ڤێ جارێ ژى شه‌ش ژ سه‌ربازێن وى وه‌لاتى يێن به‌رى چوونه ناڤ رێزێن شه‌رڤانان.
رۆژناما ناشيۆنال پۆست گۆت: “هنده‌ك شه‌ركه‌رێن كه‌نه‌دى يێن به‌رێ گرۆپه‌ك ب ناڤێ هێزێن ڤێراگه‌هشتنا ب له‌ز يا ئێكێ ژ ئه‌مريكا باكوور بۆ گه‌هاندنا هه‌ڤكاريان ب شه‌رڤان و يه‌كينه‌يێن پێشمه‌رگه‌ى و هاريكاريكرنا دارايى دامه‌زارنديه”.
ئێك ژ وان له‌شكران كو به‌رى نوكه ل ئه‌ڤغانستان ژى شه‌ر كريه و ژ بوو راديۆيه‌كا كه‌نه‌دى راگه‌هاند: “ئه‌ز يێ هاتيمه سه‌ر ڤى ئه‌ردى دا كو تشته‌كى بكه‌م، من هێزه‌كا مه‌زن يا هه‌يى و دخوازم شه‌رى بكه‌م”.
ل ده‌سپێكا هه‌يڤا بۆرى ژى، فرۆكێن شه‌رى يێن كه‌نه‌دى چووينه د ناڤ وێ هه‌ڤپه‌يمانيا ئه‌مريكى دا يا ژ بوو لێدان و ژناڤبرنا داعش هاتيه پێكئينان.
زارۆیێن باخچێ بژارە سترانەک تۆمارکر
ئەڤرۆنیۆز، سالار دۆسکی:
رێڤەبەری یا چالاکیێن قوتابخانان، سترانەک بۆ ھەژمارەکا زارۆیێن باخچێ بژارە تۆمارکر، ل ستودیۆیا رێڤەبەریا چالاکیێن قوتابخانان و ب سەرپەرشتیا مامۆستایێ مۆزیکژەن (محەمەد زەکی ) کو سەرپەرشتیێ ل سەر ستودیۆیا دەنگی رێڤەبەریا ناڤبری دکەت.
جھێ ئاماژەکرنێ یە کو سترانا ناڤبری ھاتبوو بەرھەفکرن ژلایێ مامۆستایێ باخچێ بژارە ڤە، مامۆستا( فاخر یاسین) ب دەنگێن چەندین زارۆیێن باغچی ھاتیە تۆمارکرن.
د 72 ده‌مژمێرێن بۆرى دا هه‌ڤپه‌يمانان 30 هێرشێن ئه‌سمانى
ئه‌ڤرۆ نيوز:
سه‌ركرداتيا ناڤه‌ندى يا ئه‌مريكا راگه‌هاند كو د ماوێ 72 ده‌مژمێرێن بۆرى دا، هێزێن هه‌ڤپه‌يمانان 30 هێرش كرينه سه‌ر چه‌كدارێن داعش كو حه‌فت ل سوريا بوون و 23 ژى ل عيراقێ.
سه‌ركرداتيا ناڤه‌ندى يا ئه‌مريكى د به‌ياننامه‌كێ دا كو ئه‌ڤرۆ نيوز دانه‌ك ب ده‌ست خوه خستيه دياركر كو فرۆكێن هه‌ڤپه‌يمانان ئه‌وێن ئه‌مريكا سه‌ركرداتيێ دكه‌ت ژ رۆژا چارشه‌مبى 19 هه‌يڤێ هه‌تا 21 ى هه‌يڤێ حه‌فت هێرشێن ئه‌سمانى ل سوريا و 23 ژى ل عيراقێ ئه‌نجام داينه.
ئه‌ڤێ به‌ياننامێ ئاشكه‌را ژى كريه كو شه‌ش ژ وان حه‌فت هێرشێن ئه‌سمانى بۆ سه‌ر باره‌گايێن داعش بووينه ل نێزيكى باكوورێ كۆبانێ و بوونه ئه‌گه‌رێ ژناڤچوونا يه‌كه‌يێن سه‌ربازى و ميحوه‌رێن شه‌رى يێن داعش ل باكوورێ سوريا نێزيك سنورێ توركيا.
ل عيراقێ ژى فرۆكێن هێزێن هه‌ڤپه‌يمانان شه‌ش هێرش كرينه سه‌ر نێزيك بێجى و چار ژى نێزكى شنگال و سێ رۆژئاڤايێ كه‌ركووك و دو ژى ل نێزيك روومادى ئه‌وا شه‌ره‌كێ دژوار لێ د ناڤبه‌را هێزێن عيراقى و چه‌كدارێن داعش دا روودايى.
سەروک وەزیرێن تورکیا سەرەدانا بنگەهەکێ مەشقا پێشمەرگەیان کر
ئەڤرۆ نیوز،زنار تۆڤی:
ل روژا ئەینی 21.11.2014 دەمێ سەروک وەزیرێن تورکیا سەرەدانا هەولێرێ کری،دگەل سەروکێ هەرێما کوردستانئ مەسعود بارزانی ئەنجامدای،لدویفدا سەروک وەزیرێن تورکیا ئەحمەد داود ئوغلۆ ب یاوەریا وەزیرێ پێشمەرگەی یێ حکومەتا هەرێما کوردستانێ سەرەدانا بنگەهێ مەشقا سەربازی ل باشتیان ل هەولێرا پایتەخت کر،ئەڤە جارا ئێکێ یە سەروک وەزیرەکێ تورک سەرەدانا جهێ مەشقا پێشمەرگەیان دکەت.
نيشاندان
WP Facebook Auto Publish Powered By : XYZScripts.com