ئه‌ڤرۆ نیۆز:
شاندێ حزبا(BDP ) پشتى سه‌ره‌دانا عه‌بدوللا ئۆجه‌لان دێ چیته‌ چیایێ قه‌نیدل كو بنگه‌هێ كوردێن كوردستانا باكوره‌ ل هه‌رێما كوردستانا عیراقێ.
پشتى سه‌ره‌دانا ئه‌ندامێن حزبا( BDP) ل زیندانا ئێمرلى كو هه‌ڤسه‌رۆكێ (PKK) عه‌بدوللا ئۆجلان ب زیندانكرنا هه‌تا هه‌تایێ سه‌ر هاتیه‌ سه‌پاندن ل ده‌ریاچه‌یا مه‌رمه‌ره‌ ل رۆژئاڤایا توركیا، ئه‌و سه‌ره‌دان ب مه‌ره‌ما كاراكرنا پرۆسا ئاشتیا وه‌لاتێ توركیا ل گه‌ل كوردایه‌.
هه‌ر بۆ هه‌ماهنگیا ل گه‌ل سه‌ركردێن مه‌یدانى، شاندێ پارتا (BDP) دێ سه‌را چیایێ قه‌نیدیلێ ده‌ت، بۆ هندێ ئاگه‌هدارى ل سه‌ر نوترین پێشهاتێن ل گه‌ل حوكمه‌تا توركیا ببن و نه‌خشه‌ رێیا به‌رژه‌وه‌ندیا نیشتیمانى بزانن.
حوكمه‌تا توركیا ل گه‌ل كوردێن باكور بتایبه‌تى ب رێیا پارتا BDP)) گه‌هشتینه‌ رێككه‌فتنه‌كێ كو شه‌ش خالان پێكدهێت، ئه‌و ژى وه‌كه‌ نه‌خشه‌رێیه‌كێ بۆ قووناغێن بهێته‌ هاتیه‌ دانان، خالا ژ هه‌میان گرنگتر ئه‌وه‌ هه‌موو بزاڤ و چالاكێن هه‌ڤدژ بهێنه‌ راگرتن كو به‌رى نها بۆ ده‌مێ دو سالان ڤه‌كێشابوو.
هه‌رو دو ئالى هه‌روه‌سا رێككه‌فتن ل سه‌ر پێكئینانا سكتاریه‌ته‌كا تایبه‌ت ب عه‌بدوللا ئۆجه‌لان دبیت هنده‌ك ژنان ژى بخوه‌ڤه‌ بگریت، هه‌روه‌سا ڤه‌كرنا ده‌رگه‌هى ل هه‌مبه‌رى كارێن قانوونى بۆ چاره‌كرنا زیندانیێن خودان ئێشێن گران، چه‌كدارێن پارتا كرێكارێن كوردستانێ ب ته‌مامى خوه‌ ژ سه‌ر ئاخا وه‌لاتێ توركیا ڤه‌كێشن هه‌تا دووماهیا ئادارا بهێت یا سالا 2015.
هه‌روه‌سا رێككه‌فتن ده‌زگه‌هێ هه‌والكیریا توركیا چاڤنقانده‌كێ ل سه‌ر وى چه‌كى پشتى ڤه‌كێشانێ چه‌كدارێن كورد بجه دهێلێن و سه‌ره‌ده‌ریه‌كا باش ل گه‌ل وان كه‌سێن پشكدارى د پرۆسێن له‌شكرى دا نه‌كرین پشته‌ ڤه‌گه‌ریانا دناڤ خێزان و مالباتێن واندا بهێته‌ كرن.
هه‌روه‌سا رێككه‌فتن ل سه‌ر پێكئینانا ده‌سته‌یه‌كا چاڤدێریا هه‌ڤپشك هاتیه‌ كرن، كو ئه‌ندامێن وى ژ هه‌ردو ئالیان بیت نیڤه‌ك ژ حوكمه‌تێ و نیڤا دى ژ پارتا ( BDP) بیت، ل ژێر ناڤێ چاڤێ سیێ كو ژ 16 چاڤدێران دێ هێته‌ دامه‌زاندن، ئه‌و ژى هزرڤان و ره‌وشه‌نبیر و نڤیسه‌ر و كه‌سێن ئه‌كادیمى بن، ب مه‌رجه‌كى ئه‌ندامێن په‌رله‌مانى یان نوونه‌رێن پارته‌كا سیاسى نه‌بن.

ئه‌ڤرۆ نیۆز:
جێگرێ سه‌رۆكێ ئه‌مریكى جو بایدن هوشدارى دانه‌ رووسیا سه‌باره‌ت قه‌یرانا وه‌لاتێ ئوكراینا و گۆت بهایه‌كێ مه‌زنتر دێ ده‌ى و دورپێچه‌كا مه‌زنتر یا نێڤده‌ولى دێ ل سه‌ر ته‌ هێته‌ سه‌پاندن، هه‌كه‌ رێزێ ل رێككه‌فتنا ئاشتیا ئوكراینا نه‌گرى.
جو بایدن كو نها ل ئوكراینا یه‌ گۆت: رووسیا به‌رده‌وام پێشێلكرنا رێككه‌فتنا راوه‌ستاندنا شه‌رى دكه‌ت، ئه‌و داخویانیێن بایدن پشتى دانوستاندنێن وى ل گه‌ل سه‌رۆكێ ئوكراینا پیترو بورشینكو.
رووسیا به‌رده‌وام ب پڕچه‌كرنا پشته‌رێ و جوداخوازێن رۆژهه‌لاتا ئوكراینا دهێته‌ گونه‌هباركرن، سه‌ره‌دانا جو بایدن بۆ كیێڤ دهێت ب هه‌لكه‌فتا بیره‌وه‌ریا ئێكێ یا سه‌رهلدانا جه‌وماوه‌رى كو سه‌رۆكێ به‌رێ یێ ئوكراینا ڤێكتور یانوكوڤیتش ژ ناڤبرن.
هه‌روه‌سا جو بایدن ئاماژه‌دا مه‌ترسیا وه‌لاتێ رووسیا كو ب داگیركرنا رووسى ل سه‌ر وه‌لاتێ ئوكراینا ناڤكر، بایدن گۆت: پێدڤیه‌ رووسیا و هه‌ڤالێن وێ رێیه‌كا دى هه‌لبژێن، زێده‌بارى وێ رووسیا رێزێ ل هه‌مبه‌رى رێككه‌فتنا راگرتنا شه‌رێ ناگریت و رێ ناده‌ته‌ حوكمه‌تا ئه‌كوراینا سنۆرێن خوه‌ بگریت و هه‌موو میلیتان و چه‌كدارێن نه‌یێن قانوونى ب هه‌لوه‌شینیت.