NO IORG
نووترين نووچه
Facebook

94

ئەڤرۆ نیوز، سالار دۆسکی:
کەمپا لیبریتی ئەوا دکەڤیتە باژێرێ بەغدا و ەلاتیێن ئۆپزسیوونا ئیرانێ تێدا نێشتەجێ، لدووڤ دەنگ و باسێن گەھشتینە ئەڤرۆ نیۆز کو نوکە دنەخۆشین ژیان دانە و دورپێچا ساخلەمیێ ژلایێ حوکمەتا بەغدا ڤە ل سەر ھاتیەدانان، چالاکڤانەکێ مەدەنی ب رێیا تورا جڤاکی یا فێسبووکێ و ب رێکا ئەڤرۆ نیۆز ھەوار خوە دگەھینتە جھێن پەیوەندار کو د تەوارێ بچن و د نەخوشترین ژیان دا دژین و دیسا دیارکر کو ھێلێن پەیوەندیێ نین و ھاتینە برین.
بەیرام وەلاتیەکێ ئاکنجیێ چادرگەھا لیبریتی یە، بۆ مالپەرێ ئەڤرۆ نیوز دیارکر کو ھەر چوو ھێلێن پەیوەندیێ نینن و نوکە دنەخوشترین کاودان دا ژیان داینە، گۆت: دورپێچا ساخلەمی ئەڤ دو سالە حوکمەتا بەغدا ل سەر چادگەھێ سەپاندی و ئەڤ 22 کەس ژنەبوونا دەرمانان و ھەبوونا نەخۆشیان دناڤ کەمپێ دا وەغەرکرن و پێدڤی ب دەرمان و پێدڤیێن ساخلەمیێن بلەز ھەنە.
ناڤبری خواست ژی ئەندامێن پەرلەمانێ عیراقێ چارەکێ حالێ وان بکەن و ھەر چەوا بیت دورپێچا ساخلەمی لسەر رابیت و سەردان و دەرکەفتن بۆ ھەبن.

100

دوهی رۆژه‌ك مه‌زن بوو، مینا كو وی خۆنیشاده‌رێ كورد ل سلۆپی ژ باكورێ كوردستانێ گۆت ((بلا جیهانێ هه‌م زانابه‌، هه‌ر چار پارچه‌ ب وێنه‌یه‌ك، ئه‌ڤه‌ رۆژه‌ك مه‌زنه‌. . ئه‌م یه‌كان، شێرێن بارزانی ب هه‌وارا پلنگێن ئۆجه‌لان ڤه‌ داران.. . ئه‌ڤ رۆژه‌كا مه‌زن و دیرۆكی یه‌))
دوهی كاروانێ پێشمه‌رگان ژ باشۆرێ كوردستانێ به‌رێ خوه‌ دا به‌ر ب رۆژڤایێ كوردستان، وێ پێشمه‌رگه‌ پتر ژ 1000 كم ل سه‌ر خاكا باكۆرێ كوردستانێ ب په‌یان، ژ سلۆپی هه‌تا ب سروج و پارسۆسێ. پێشمه‌رگه‌ جاره‌كه‌ دن مینا به‌رێ ده‌ما كو به‌رێ خوه‌ دان رۆژهه‌لاتێ كوردستان دا كو كۆمارا كوردستان یا ژ دایك بوویی وه‌ك خه‌ونا كوردان بپارێزه‌، یانژی جاره‌كه‌ دان مینا كو پێشمه‌رگه‌ وه‌ك له‌هنگان، رێیا تێكۆشینێ ب پاندان ل گه‌ل نه‌مر مه‌له‌ موسته‌فا بارزانی و به‌رێ خوه‌ دان یه‌كاتیا سوڤیێن، پێشمه‌رگه‌ ل دو خه‌ونا ئازادیێ دگه‌ران و دمه‌شن.
چاڤێن كوردان و جیهانێ هه‌می ئیرۆ ل سه‌ر نه‌ته‌وا كورده‌، كورد ل هاویرۆرا خوه‌ شه‌رێ دژی هۆڤیتیێ دكن و بانگه‌هێ شارستانیێ دپارێزان، شه‌رێ شارستانی و پێكڤه‌ژیانێ دژی ئال و رامانێن ره‌ش دكن.
ژنه‌ك ب ته‌مه‌ن مه‌زن دبێژه‌:((ئه‌ڤ پێنر ژ حه‌فت سه‌تانه‌ ئه‌ز ل سه‌ر پیان راوه‌ستایامه‌، ئه‌ز ل هێڤایا پێشمه‌رگانم كو وان سلاڤ بكم، ئه‌و پاراستانا ژیانا مه‌ دكن)).
وه‌ دیاره‌ خه‌لك ل سه‌رانسه‌ری خاكا كوردستان هه‌ست دكن پێشمه‌رگه‌ هێز و پارێزڤانێن وانان.
ل درێژه‌یا رێیا كو وێ پێشمه‌رگه‌ وێ ب په‌ینان، كورد ب سه‌د هه‌زاران و ب رۆژ و شه‌ڤ ل سه‌ر پیان مان دا كو پێشمه‌رگان.. شێران، بارانج، گول و ئالا كوردستانێ سلاڤ بكن و پێشوازیێ ل وان بكن.
نووچه‌ و وێنه‌یێ كو ژ كوردستانێ ده‌ركه‌تێن و جیهان ته‌ڤ دابینه‌، ته‌كه‌ز دكن كو ئیرۆ هه‌ستێ كوردان ب وه‌لاته‌كی هه‌ستێ ملله‌ته‌كی یه‌، یه‌ك هه‌لوێست و یه‌ك دل، ل سه‌رانسه‌ری كوردستان هات هلدان.
ئه‌ڤ هه‌یه‌جان و هه‌لوه‌ستا ئێك ملله‌تی یه‌، ئێدی سوده‌ نه‌مایه‌ كه‌سێن وه‌ك ئه‌ردوگان هین دبێژن ما چی كوردان ل ئێن عه‌ره‌ب هه‌یه‌؟!
ئه‌و هین ژی نكارن ناڤێ كۆبانێ بینن زمان.
دا گوهارتنێن كو قه‌ومینه‌ ل رۆژهلاتا ناڤین، كوردان بۆ جیهانێ ئانی زمان ئه‌ڤ سینۆرێن د ناڤبه‌را وان ده‌ كاره‌كی كرێنه‌، هه‌ر وه‌سا كوردان ته‌كه‌ز كر كو ئه‌و ل یه‌ك ژ ڤان سینۆران موكر نایێن، نه‌مازه‌ هه‌كه‌ ئه‌م ببینن بێ چاوا كوردێن هه‌ر چار په‌رچێن كوردستانێ ل خاكا شه‌نگالێ شه‌هید كه‌تن، دا ئه‌ینی كات ده‌ كو پێشمه‌رگه‌ به‌رێ وان ل كۆبانێ بوون.
ئه‌ڤ نووچه‌ و دیمه‌ن گه‌ره‌ك به‌سبن دا كو جیهانا ئازاد و شارستانی ل مافێ كوردان دا سه‌رخوه‌بوونێ ده‌ مۆركورێن و ئالیكاربان ژی.

69

ئه‌ڤرۆ نیۆز:
به‌رپرسێ میحوه‌رێ كه‌ركووك دكتور كه‌مال كه‌ركووكى راگه‌هاند، هه‌موو ده‌ڤه‌رێن دوروبه‌رێن خرابه‌ رووت ژ تیرۆرستێن داعشێ هاتینه‌ رامالین و هاتنه‌ رزگاركرن.
كه‌مال كه‌ركووكى هه‌روه‌سا دیاكر، ده‌ڤه‌را خرابه‌ رووت نها ب تمامى ژێر كونترۆلا هێزێن پێشمه‌رگه‌ى دایه‌.
ژئالیه‌كێ دیڤه‌، سپێده‌هیا ئه‌ڤرۆ هێزێن پێشمه‌رگه‌ى و ب هه‌ڤكارى ل گه‌ل هێزا به‌در یا شیعى هێرشكرنه‌ سه‌ر چه‌كدارێن داعشێ و به‌رى ده‌مه‌كێ كێم چووینه‌ دناڤ ناحیا سه‌عدیه‌ دا.
رائید فه‌رهاد رفعت رێڤه‌به‌رێ پۆلیسێن به‌رهنگاربوونا كونه‌هباریا بۆ مالپه‌رێ خه‌ندان گۆت: هێزێن پێشمه‌رگه‌ى ب سه‌رپه‌رشتیا مه‌حمود سه‌نگاوى و پۆلیسێن به‌رهنگاربوونا كونه‌هباریا خانه‌قین ب فه‌رمانده‌یا رائید فه‌رهاد بوو و هێزێن رێكخراوا به‌در ب سه‌رپه‌رشتا هادى ئه‌لعامرى چووینه‌ دناڤ ناحیا سه‌عدیه‌ دا.
رائید فه‌رهاد ئه‌و چه‌نده‌ ژى نه‌ڤه‌شارت كو هێزێن فرۆكێن ئه‌سمانى پشته‌ڤانیا هێزێن پێشمه‌رگه‌ى و هێزێن عیراقێ.

78

ئه‌ڤرۆ نيوز:

بڕياره‌ رۆژا پێجشه‌مبى و ئه‌ينى ياريێن گه‌را چارێ ژ خولا نايابا كوردستانێ بهێنه‌ كرن و ژ ياريێن گه‌له‌ك گرنگ ژى زاخۆ دێ بيته‌ مێڤانا دهۆك و زێره‌ڤانى دێ بيته‌ مێڤانا پێشمه‌رگه‌ى هه‌ولێر.

بڕياره‌ سوبه‌هى رۆژا پێنجشه‌مبى سێ يارى ژ قووناغا چارێ يا خولا نايابا كوردستانێ بۆ ته‌پا پێ بهێنه‌ كرن كو د گرنگترين ياريا سوبه‌هى دا، هه‌ردو تيمێن پێشمه‌رگه‌ى هه‌ولێر و زێره‌ڤانى دێ رووى ب رووى ئێك بن ل ياريگه‌ها پێشمه‌رگه‌ى هه‌ولێر ل مه‌سفى و گرنگيا ڤێ ياريێ د وێ چه‌ندێ دايه‌، دێ ئه‌ڤ هه‌ردو يانه‌ هێنه‌ هه‌لسه‌نگاندن كو پترترين پاره‌ ل ڤى وه‌رزى ل تيمێن خوه‌ مه‌زاختيه‌.

هه‌ر دياريێن سوبه‌هى دا، هندرين دێ سلێمانى ل ياريگه‌ها خوه‌ مێڤان كه‌ت و پێشمه‌رگه‌ى سلێمانى ژى دێ بيته‌ مێڤانا شێروانه‌ ل كه‌لار.

ل رۆژا ئه‌ينى ژى هه‌موو چاڤ دێ به‌ر ب كلاسيكۆيا پارێزگه‌ها دهۆك چن، ئه‌وا دهۆك دێ مێڤانداريا زاخۆ كه‌ت ل ياريگه‌ها خوه‌ يا سيێ كو دهێته‌ چاڤه‌رێكرن هه‌ڤركيه‌كا باش ب خوه‌ ڤه‌ ببينيت.

د ياريێن دى يێن رۆژا ئه‌ينى ژى دا، هه‌ولێر دێ برايه‌تى ل ياريگه‌ها دويێ يا شه‌هيد فره‌نسۆ هه‌ريرى مێڤان كه‌ت و كه‌ركووك ژى خودانا رێزا دووماهيێ دێ نه‌ورۆزا سه‌ركێشا كۆمێ مێڤان كه‌ت.

نوكه‌ نه‌ورۆز ل سه‌ر ليستا خولا ناياب كوردستانێ دهێت ب 9 خالان ژ سێ سه‌ركه‌فتنان ل دووڤ ئێك و پاشان ئارارات ل رێزا دويێ دهێت ب دو سه‌ركه‌فتن و خوساره‌تيه‌كان و زێره‌ڤانى ژى ب سه‌ركه‌فتنه‌ك و دو وه‌كهه‌ڤيان ل رێزا سيێ دهێت، هه‌ردو نوونه‌رێن دى يێن پارێزگه‌هێ ژى دهۆك و زاخۆ ب چار خالان ل رێزێن شه‌شێ و حه‌فتێ دهێن.

364

ئه‌ڤرۆ نيوز:

هه‌موو كه‌سان ب تنێ ته‌ماشه‌ى كراسێ ره‌شێ هه‌يفا وه‌هبى كر و ژبيرا خوه‌ بر كا چ ل سه‌ر ده‌ستێ خوه‌ نڤيسيه‌.

سترانبێژا شوخ و شه‌نگا عه‌ره‌بان، خودانا فيستانێ ره‌ش ئه‌وا نوكه‌ ل ناڤ عه‌ره‌بان دهێته‌ گۆتن، هه‌ر چه‌نده‌ كو ب گۆره‌ى داخۆيانيه‌كا وێ، ئه‌و هزر نه‌دكر كو دێ ب وى ره‌نگى دكه‌ڤيت، به‌لێ د هه‌مان ده‌م دا گۆت: “دونيا نه‌راوه‌ستيا و ژيان ژى دێ يا به‌رده‌وام بيت”.

هه‌يفايێ دو دێرێن شعرى يێن هه‌لبه‌ستڤانێ مه‌زنێ عه‌ره‌بان نزار قه‌بانى يێن ل سه‌ر ده‌ستێ خوه‌ نڤيسان هه‌كه‌ ب باشى ته‌ماشه‌ بكه‌ن كو ئه‌ڤ دێره‌يه‌: “فإذا وقفت أمام حسنك صامتاً … فالصمت في حرم الجمال جمال”

هه‌كه‌ ئه‌ز ب بێ ده‌نگى ل هه‌مبه‌ر جوانيا ته‌ راوه‌ستيام … بێ ده‌نگى هه‌مبه‌ر جوانيێ جوانيه‌

204

ئه‌ڤرۆ نيوز:

وه‌زاره‌تا كاروكاروبارێن جڤاكى ل حوكمه‌تا هه‌رێما كوردستانێ راگه‌هاند كو ئه‌و پێدڤى ب فه‌رمانبه‌رايه‌ و هه‌ر كه‌سێ تايبه‌تمه‌نديێن وان ديار كرى هه‌بن بلا په‌يوه‌نديێ پێ بكه‌ت.

وه‌زاره‌تا كاروكاروبارێن جڤاكى ل حوكمه‌تا هه‌رێما كوردستانێ د به‌ياننامه‌كێ دا كو دانه‌ك بۆ ئه‌ڤرۆ نيوز هنارتيه‌ ئاشكه‌را كريه‌ كو ئه‌و پێدڤى ب هنده‌ك فه‌رمانبه‌رايه‌ ل هه‌رسێ پارێزگه‌هێن دهۆك و هه‌ولێر و سلێمانى و هه‌ر كه‌سێ ئه‌و تايبه‌تمه‌ندى ل ده‌ف هه‌بن بلا په‌يوه‌نديێ ب وان بكه‌ت.

  • ديوانا وه‌زاره‌تا كاروكاروبارێن جڤاكى.
  • تۆڕا پاراستنا جڤاكى ژ دهۆك و هه‌ولێر و سلێمانى.

تايبه‌تمه‌نديێن وان دڤێن د ڤى وارێ ل خوارێ دانه‌:

  • ئه‌نده‌زياريا پرۆگرامسازى پشكا پرۆگرامسازى بۆ پارێزگه‌هێن دهۆك و هه‌ولێر و سلێمانى
  • پرۆگرامدانه‌ر ده‌رچوويێن هه‌ر كوليژه‌كا پشكا كۆمپيۆته‌رى بن بۆ هه‌ولێر و سلێمانى.
  • چاككرنا كۆمپيۆته‌رى ده‌رچوويێ په‌يمانگه‌ها ته‌كنيكى پشكا كۆمپيۆته‌رى يان هه‌ر پشكه‌كا هه‌بيت ب مه‌رجه‌كى شياره‌زاى د چاككرنا كۆمپيۆته‌ران دا هه‌بيت بۆ پارێزگه‌ها هه‌ولێر.
  • په‌يونديان Help Desk ده‌رچوويێ كوليژا ئاداب يان په‌روه‌رده‌ پشكا ئنگليزى يان ده‌رچوويێ هه‌ر پشكه‌كێ بيت ب مه‌رجه‌كى شاره‌زاى د زمانێ ئينگليزى يان عه‌ره‌بى دا هه‌بيت بۆ هه‌ولێر.

هه‌ر كه‌سێ بڤێت ل دووڤ ڤان شاره‌زايان خوه‌ ڤه‌گوهێزيته‌ سه‌ر ميلاكێ وه‌زاره‌تا كاروكاروبارێن جڤاكى ژى بلا CV يێ خوه‌ بۆ ئيمێلێ engineer.aram1@gmail بهنێريت يان ژى په‌يوه‌نديێ ب هژمارا تله‌فۆنا 0662546017 بكه‌ت.

203

ئه‌ڤرۆ نيوز:

ئه‌ڤرۆ سپێدێ ل ده‌مژمێر 12:00 نيڤرۆ ل به‌ر ده‌رگه‌هێ پارێزگه‌ها هه‌ولێر ل به‌رامبه‌ر كه‌لا هه‌ولێر كه‌سه‌كى خواست ب ترۆمبێله‌كا مارسدس يا TNT كرى، بچيته‌ ناڤا پارێزگه‌ها هه‌ولێر و پشتى كارمه‌ندێن ئاسايشێ رێگرى لێ كرى، خوه‌ ب وان ڤه‌ په‌قاند.

ژێده‌رێن ده‌نگوباسان دده‌نه‌ زانين كو د ڤێ روودانێ دا، چار كه‌س شه‌هيد بووينه‌ كو دو ژ وان كارمه‌ندێن ئاسايشێ نه‌ و دو ژى وه‌لاتيێن سڤيلن و 22 كه‌س ژى د بريندارن و برينا ئێكى يا سڤكه‌ و يا چاران ژى يا گرانه‌.

هه‌تا نوكه‌ چو لايه‌نان به‌رپرساتيا خوه‌ ژ ڤێ روودانێ ديار نه‌كريه‌، به‌لێ رێكخراوا تيرۆرستى يا داعش كه‌يفخۆشيا خوه‌ ل سه‌ر ڤێ روودانێ ب رێيا تويته‌رى دايه‌ زانين.

ئه‌ڤ ته‌قينه‌ د ده‌مه‌كى دايه‌ كو بڕياره‌ ئه‌حمه‌د داود ئۆغلۆ سه‌رۆك وه‌زيرێن توركيا سه‌ره‌دانا هه‌رێمێ بكه‌ت.

106

ئه‌ڤرۆ نيوز:

ديمه‌نێن ته‌قينا هه‌ولێر كو ژ لايێ وه‌لاتيان ڤه‌ هاتينه‌ گرتن و ل سه‌ر تۆڕا جڤاكى يا تويته‌رى هاتيه‌ به‌لاڤكرن

103

ئه‌ڤرۆ نيوز:

ب گۆره‌ى زانياريێن ئه‌ڤرۆ نيوز، ترۆمبێله‌كا تى ئێن تى كرى، ل به‌ر ده‌رگه‌هێ پارێزگه‌ها هه‌ولێر ته‌قيه‌ و هه‌تا نوكه‌ هژمارا زيانان نه‌هاتيه‌ زانين.

ب گۆره‌ى په‌يامنێرێ ئه‌ڤرۆ نيوز كو يێ نێزيكى روودانێ يه‌ قوربانى هه‌بووينه‌ ژ كوشتى و برينداران و ئه‌ڤ روودانه‌ ب كرياره‌كا خوه‌ كوژى بوويه‌.

ترۆمبێله‌كا مارسدس بزاڤ كريه‌ بچيته‌ ناڤ باره‌گايێ پارێزگه‌ها هه‌ولێر و پۆليسان ژى رێ نه‌دايێ و ژ ئه‌نجامێ وێ چه‌ندێ خوه‌ په‌قانديه‌ و د ئه‌نجامێ وێ چه‌ندێ ژى دا چار كه‌س يێن هاتينه‌ كوشتن كو دو ژ وان پۆليسن و دو ژى وه‌لاتيێن سڤيلن.

پارێزگه‌ها هه‌ولێر دكه‌ڤيته‌ سه‌ر جادا 10 مه‌ترى ل سه‌نته‌رێ پارێزگه‌ها هه‌ولێر نێزيكى كه‌لا هه‌ولێره‌ و رۆژانه‌ قه‌ره‌بالغه‌كا زۆر ل سه‌ر وێ جادێ هه‌يه‌.

ئه‌ڤ روودانه‌ د ده‌مه‌كى ژى دا كو سوبه‌هى بڕياره‌ سه‌رۆك وه‌زيرێ توركيا داود ئوغلۆ سه‌ره‌دانا هه‌رێما كوردستانێ بكه‌ت.

نيشاندان1...2,4503,4504,4504,4564,4574,458...4,617زێده‌تر لاپه‌ر 4,457 ژ 4,617
مالپه‌رێ فه‌رمى یێ رۆژناما ئه‌ڤرۆ یه‌ .
ئاگــــــه‌هــــــداری نـــــوویـــــــاتیـــــــان ببــــه‌ .
په‌یوه‌ندی : rojnameyaevro@gmail.com
website security
© Copyright 2021 - Rojnameya Evro - Powered by Kurdo Plus
89 queries in 0.512 seconds.
WP Facebook Auto Publish Powered By : XYZScripts.com