ئەڤرۆ نیوز:
ئەندامێ لیژنا بۆدجێ یێ ئێکەتیا ئورۆپا جۆهانس کاهن دیار کر کو ژ بەر بابەتێ پەنابەرێن کو نها ل تورکیانە ئێکەتیا ئورۆپا بەرهەڤە هاریکاریا وی وەلاتی بکەت، لێ ئورۆپا ژی هندەک مەرجێن خوە هەنە و بەری هەر تشتەکێ دڤێت تورکیا رێککەفتنا بەری نها یا د ناڤبەرا وێ و ئورۆپا دا بجه بینیت، بەرۆڤاژی هندێ ئەم ب چو رەنگەکێ هاریکاریا تورکیا ناکەین.
ئەڤرۆ نیوز:
بسپۆرێن سیاسی دیار دکەن کو رێککەفتنا ڤێ دووماهیێ یا ل روسیا ل دۆر ئاگربەستا ل ئدلبێ ب تەمامی بوویە ئەگەرێ ب هێزبوونا پێگەهێ روسیا و رژێما بەشاری و ئەو یەک بوویە ئەگەرێ هندێ کو پێگەهێ ئەردۆگانی ل سووریێ گەلەک لاواز ببیت.
چاڤدێرێن سیاسی دیار ژی دکەن کو ئەردۆگانی دڤێت رێگریێ ل کوشتنا سەربازێن تورک ل ئدلبێ بگریت، چونکو ل گۆر ئەردۆگانی کوشتنا سەربازێن تورکیا ل ئدلبێ دێ بیتە ئەگەرێ لاوازبوونا پێگەهی وی ل تورکیا، ژ بەر هندێ ژی سەرەرای هندێ کو گەلەک خالێن ئاگربەستێ ب دلێ ئەردۆگانی نەبوون لێ ژ نەچاریێ قەبوولکر.
ئه‌ڤرۆ نیوز:
به‌رى ده‌مه‌كێ كێم راهێنه‌رێ یانا ریال مه‌درید زێنه‌دین زێدان د كونگرێ رۆژنامه‌ڤانى دا ئه‌وێ هاتیه دانان بۆ یاریا سوبه‌هى به‌رامبه‌ر یانا ریال بتیس چه‌ندین زانیارى ئاشكرا كرن تایبه‌ت بابه‌تێ چونا وى بۆ یانا یوڤانتوس.
زێده‌تر زێنه‌دین زێدانى د به‌رسڤا پرسیارێن رۆژنامه‌ڤانى دا گۆت: چه‌ندین ده‌نگوباس به‌لاڤ بووینه ده‌رباره‌ى چوونا وى بۆ یانا یوڤانتوس ل وه‌رزىچ بهێت لێ یا راستى وى ئاگه‌هدارى چو تشتێ فه‌رمى نینه و چو كه‌سان په‌یوه‌ندى ب وى نه‌كریه بۆ وه‌رگرتنا ئه‌ركێ راهێنه‌راتیا یانا یوڤانتوس و تنێ ئه‌ڤه گۆتنێن رۆژنامه‌ڤانى نه و ل تورێن جڤاكى به‌لاڤ بوویه و ئه‌و نوكه یێ ئارامه دگه‌ل یانا خوه یا نوكه ریال مه‌درید و گرێداى وێ گرێبه‌ستێ یه دگه‌ل یانێ.
ئەڤرۆ نیوز:
وەزارەتا ساخلەمیێ یا ئیرانێ ئەڤرۆ راگەهاند کو هەتا نها ١٤٥ کەسان ژ بەر کۆرۆنایێ ل وی وەلاتی جانێ خوە ژ دەست داینە.
وەزارەتا ساخلەمیێ یا ئیرانێ دیار ژی کریە کو تنێ د ماوەیێ ٢٤ دەمژمێرێن بۆری دا ٢١ کەسان ل ئیرانێ ژ بەر کۆرۆنایێ جانێ خوە ژ دەست داینە.
ل گۆر وەزارەتا ساخلەمیێ یا ئیرانێ هژمارا تووشبوویێن کۆرۆنایێ ل ئیرانێ گەهشتینە ٥ هزار و ٨٣٢ کەسان.
ئەڤرۆ نیوز:
بریارێن گرنگ یێن لژنا بلند یا بەرهنگاریبوونا کورونایێ ل پارێزگەها دهوکێ
کۆمبۆونا چارێ یا ژورا عەمەلیاتا بۆ روبەروبونا ئێشا کۆرۆنایێ ھاتنە ئەنجامدان ..
بریار ھاتە دان
١.مول نە ھاتنە گرتن ..بەس ڤێت بھێن پاقژکرن و تعقیم کرن
٢. جھێن شەڤێ ھاتنە قەدەغەکرن
٣..ھەمی کومبونێن جەماوەری خرڤەبوون ھاتنە قەدەغەکرن
٤.ھولێن وەرزشی ھاتنە قەدەغەکرن
٥. سینەمایێن ناڤ مولا ھاتنە قەدەغەکرن
٦. یاریێن زارۆکا ناف مولا دا ھاتنە قەدەغەکرن
٧. مەلەڤانگەھ ھاتنە قەدەغەکرن
ئەڤرۆ نیوز:
فەرماندارێ ئاسایشا دەریایی یا ئیجە راگەهاند کو ب فەرمانا سەرۆک کۆمارێ تورکیا رەجەب تەیب ئەردۆگان رێیا دەریا ئیجە بۆ پەنابەران هاتیە داخستن چونکو ئەو رێ یا ئەمن نینە و دێ مەترسی بۆ پەنابەران هەبیت.
چاڤدێرێن سیاسی ژی دیار دکەن کو پشتی ڤێ دووماهیێ ئێکەتیا ئورۆپا ژ بەر پەنابەران ١٧٠ ملیۆن یۆرۆ داینە تورکیا ئەردۆگانی ژی ئەو رێ داخستیە و چاڤەرێی هاریکاریێن زێدەتر ژ ئێکەتیا ئورۆپا دکەت.
ئەڤرۆ نیوز:
ژ بۆ رێگریکرن ژ بەلاڤبوونا ڤایرۆسێ کۆرۆنا د. فەرسەت سوفی پارێزگارێ هەولێرێ راگەهاند کو وان بریار داینە هەموو سالونێن ئافرەتان، هولێن جوانکاریێ و جهێن ڤەخوارنا مەی (باڕ) بهێنە داخستن، هەروەسا بریار هاتیە دان هەموو جهێن یاریێن زارۆیان ل هۆلان و باخچێن گشتی ژی بهێنە داخستن.
پارێزگارێ هەولێرێ راگەهاند ژی ئەو بریارە دێ سپێدێ ٨ مەهێ دەستپێکەت و هەتا رۆژا ١/٤/٢٠٢٠ دێ یا بەردەوام بیت.
پارێزگارێ هەولێرێ ئەو یەک ژی دیار کر کو هەموو جهێن گشتی ل ناڤەندا باژێرێ هەولێرێ و قەزایێن سەر ب وێ دێ ب دەرمانی هێنە رەشاندن و داخواز ژ وەلاتیان ژی دکەین دکان و جهێن خوە یێن کاری دەرمان کەن و پێگیریێ ب رێنمایێن وەزارەتا ساخلەمیێ بکەن.
ئەڤرۆ نیوز:
پشتی کو سەرۆکێ رژێما سووریێ راگەهاند ل سووریێ پرسا کوردی خەیالە و چو پرسێن وەسا ل سووریێ نینن هەموو پارت و هێزێن سیاسی یێن کوردی ل سووریێ ب توندی بەرسڤا بەشاری دان.
ئەڤرۆ رێڤەبەریا خوەسەر ژی راگەهاند کو پرسا کوردی پرسا سەرەکی یا سووریێ یە و هەتا رژێما سووریێ پرسا کوردی قەبوول نەکەت و کار بۆ چارەسەرکرنا وێ نەهێتە کرن قەیرانا سووریێ ژی ناهێتە چارەسەرکرن و دێ رەوشا ئالۆز یا سووریێ بەردەوام بیت.
ئه‌ڤرۆ نیوز، زنار:
رۆژناما ماركا ئسپانى ئاشكرا كر كو ستێرا به‌رێ یا یانا ریال مه‌درید و نوكه یێ یانا یوڤانتوس یا ئیتالى په‌یوه‌ندى ب سه‌رۆكێ یانا مه‌له‌كى فلرونتینو پێرێز كریه و ئاگه‌هداریا وى كریه كو ئه‌و دێ ل یاریا كلاسیكویێ ئاماده بیت.
هه‌مان ژێده‌ر ئاشكرا كر ژ ئه‌گه‌رێ پاشخستنا یاریێن خولا ئیتالیا كرستیانو رونالدو به‌ر ب مه‌درید یا پایته‌ختێ ئسپانیا ڤه هاتبوو و بریاردابوو ل یاریا كلاسیكو ناڤبه‌را هه‌ردو یانێن ریال مه‌درید و به‌رشه‌لونا به‌رهه‌ڤ بیت و بۆ ڤێ مه‌ره‌مێ په‌یوه‌ندى ب سه‌روكێ یانا ریال مه‌درید كربوو كو دێ ئاماده بیت له‌ورا سه‌رۆكێ یانا مه‌له‌كى فلرونتینو پێرێز ب دلخوشى ڤه جهه‌كێ تایبه‌ت د كابینه‌یا گرتى دا بۆ ئاماده كربوو تێدا به‌رهه‌ڤ بیت بۆ دیتنا یاریا كلاسیكویێ، ژ به‌ركو رونالدو هێشتا یاریزانێ یانا یوڤانتوس یا ئیتالى یه نه‌شیایه ل جهێ تایبه‌ت لده‌ف سه‌ركێ یانێ برینت.
هه‌ژى گۆتنێ یه ئه‌ڤه جارا ئێكێ یه رونالدۆ ئاماده‌ى یاریگه‌ها سانتیاگو برێرنابیو دبیت پشتى ل سالا 2018 ئه‌ڤ یانه بجه هێلاى.
نيشاندان