ئه‌ڤرۆ نيوز:
ديداره‌كێ دا، رۆژنامه‌ڤانێ چه‌له‌نگ خه‌ليل كه‌مال، بۆ كه‌نالێ DUHOK TV چه‌ند پرسياران ژ ئێك ژ وه‌لاتيێن ئێزدى ل پارێزگه‌ها دهۆك دكه‌ت و ئه‌و ژى به‌رسڤا پرسيارێن وى دده‌ت.
هه‌ر چه‌نده هنده‌ك كه‌سان وه‌سان ڤه‌گوهاستيه كو خه‌ليل كه‌مال وه‌كو سڤكاتيپێكرن ئه‌ڤ ديداره كريه، به‌لێ د رۆهنكرنه‌كێ دا، ئاماژه ب وێ چه‌ندێ دكه‌ت كو ئه‌وى وه‌كو كاره‌كێ رۆژنامه‌ڤانى ئه‌ڤ ديداره كريه و ده‌ستوورى ژى ژێ وه‌رگرتيه و پاشان ئه‌و ديداره كريه.
ئەڤرۆ نیوز:
ماڵپەرێ گەل پرێس بەلاڤکریە کو ھەلکەوت زاھر د بەرنامەیەکێ رادیۆیا میلودی دا راگەھاندیە کو یێ پەشیمانە ل وێ بڕیارا دای کو د گەل ھونەرمەندا سترانبێژ لۆکا ژیانا ھەڤژینیێ پێک بینیت.
ھەروەسا وی ماڵپەری راگەھاندیە کو ھەلکەوت زاھیر داخواز ژ لۆکایێ کریە کارێ ھۆنەری بھێلیت و تەنێ وەکو ئافرەتەکا ئاسایی ژیانێ ببەتە سەر ، لێ خانما سترانبێژ لۆکا ئەو داخوازی رەتکریە، ئەڤە ژی بوویە ئەگەرێ شەرەدەڤەکێ د ناڤەبەرا ڤان ھەردو ھونەرمەندان دا و جودا بوون ل سەر ڤێ داخوازیێ پەیدا بوویە.
بەری نھا د بەرنامەیەکێ دا ھەلکەوت زاھر ئاشکرا کربوو کو لۆکا خۆشتڤیترین کەسە د ژیانا وی دا و دێ ل گەل وێ ژیانا ھەڤژینیێ پێک ئینیت. ئەڤان ھەردوو ھونەرمەندان دەمەکێ زورە کارێن ھونەری پێکڤە کرینە.
به‌رهه‌ڤكرن: ئومێد وەلاتی
ئه‌ڤرۆ نيوز، نيوار:
ئاخفتنكه‌رێ ب ناڤێ فراكسيۆنا پارتى ديموكراتى كوردستان ل په‌رله‌مانێ كوردستانێ راگه‌هاند كو بڕياره رۆژا سێشه‌مبى سه‌رۆكاتيا په‌رله‌مانى ل گه‌ل سه‌رۆكێن فراكسيۆنێن ناڤا په‌رله‌مانێ كوردستانێ كۆم ببن.
محه‌مه‌د عه‌لى ياسين، ئاخفتنكه‌رێ ب ناڤێ فراكسيۆنا پارتى ديموكراتى كوردستان ل په‌رله‌مانێ كوردستانێ، بۆ ئه‌ڤرۆ نيوز گۆت: “بڕياره رۆژا سێشه‌مبى سه‌رۆكاتيا په‌رله‌مانێ كوردستانێ و سه‌رۆكێن فراكسيۆنێن ناڤا په‌رله‌مانێ كوردستانێ روونشتنه‌كا راوێژكارى ل دۆر دستوورێ هه‌رێما كوردستانێ ئه‌نجام بده‌ن”.
زێده‌تر گۆت: “ئه‌ڤ روونشتنه دێ يا گرێدايى بيت ب سه‌رۆكێن فراكسيۆنان و سه‌رۆكاتيا په‌رله‌مانى ڤه و دێ يا راوێژكارى بيت ژ بوو دانانا ميزانيزمه‌كێ ژ بوو راستڤه‌كرنا دستوورێ هه‌رێما كوردستانێ”.
ئه‌ڤرۆ نيوز، نيوار محه‌مه‌د سه‌ليم:
ئاخفتنكه‌رێ ب ناڤێ وه‌زاره‌تا په‌روه‌ردێ ل حوكمه‌تا هه‌رێما كوردستانێ راگه‌هاند كو ئه‌و فۆرمێن دێ هێنه به‌لاڤكرن ژ خه‌لكێ پارێزگه‌هان ناگريت و ب تنێ دێ بۆ يێن ژ ده‌رڤه‌ى پارێزگه‌هان بيت و ل ڤێ حه‌فتيێ ژى دێ فورم هێنه به‌لاڤكرن.
فاتح مه‌وله‌وى زاده، ئاخفتنكه‌رێ ب ناڤێ وه‌زاره‌تا په‌روه‌ردێ ل حوكمه‌تا هه‌رێما كوردستانێ، بۆ ئه‌ڤرۆ نيوز دياركر كو لژنه‌كا بلند ل سه‌ر بابه‌تێ فورمێن گرێبه‌ستێن مامۆستايان هاتيه پێكئينان و گه‌له‌ك ژ كارێن خوه ئه‌نجام داينه و هه‌تا راده‌كێ باش كارێ وان ب دووماهى هاتيه”.
فاتح مه‌وله‌وى گۆت: “پشت به‌ستن دێ ل سه‌ر سنورێ په‌روه‌ردان هێته كرن و ل گۆره‌ى بسپۆريێ ئه‌و كه‌سه هێنه دامه‌زراندن”. زێده‌تر گۆت: “ل ناڤ پارێزگه‌هان چو كه‌س ناهێنه دامه‌زراندن”.
ل دۆر ئه‌گه‌رێ دانه‌مه‌زراندنا چو كه‌سان ل پارێزگه‌هان گۆت: “قه‌ره‌بالغه‌كا مه‌زن يا ل سه‌ر ميلاكێ پارێزگه‌هان هه‌ى، ب ڤێ چه‌ندێ دێ شێين مامۆستايێن خزمه‌تا وان ژ چار سالان بۆرى و نه‌هاتينه ڤه‌گوهاستن بۆ ناڤ باژێرى ڤه‌گوهێزين”.
دا زانين ژى كو هه‌موو ئه‌و كه‌سێن دێ هێنه دامه‌زراندن ئه‌ون يێن ل ژ ده‌رڤه‌ى پارێزگه‌هان و كه‌س ل ناڤ پارێزگه‌هێ ناهێته دامه‌زراندن، ب تنێ دێ يێن گۆند و قه‌زا و ناحى و كۆمه‌لگه‌هان بن.
ل دۆر ده‌مێ به‌لاڤكرنا فورمان ژى گۆت: “بڕياره د ڤێ حه‌فتيێ دا، فۆرمه بهێنه به‌لاڤكرن و بۆ ڤێ مه‌ره‌مێ ژى لژنا بلند يا هاتيه دامه‌زراندن و كارێن خوه دكه‌ت، رۆژ هێشتا نه‌هاتيه دياركرن”.
گۆتژى: “هه‌ر په‌روه‌رده‌ك دێ ل سنورێ خوه فورمان به‌لاڤ كه‌ت و پێدڤيه د ماوێ 10 رۆژان دا ب به‌رده‌وامى ئه‌و فورمه بهێته به‌لاڤكرن”.
ده‌رباره‌ى پێدڤيا وان ب فورمان ئاخفتنكه‌رێ ب ناڤێ وه‌زاره‌تا په‌روه‌ردێ ل حوكمه‌تا هه‌رێمێ گۆت: “مه پێدڤى ب چار هزار مامۆستايان هه‌يه و هه‌كه 20 هزار كه‌س ژى فورمان داگرن دێ ب رێيا هه‌ڤركيێ بيت ل سه‌ر ئاستێ خالان كو هه‌ر پێدڤيه‌كێ هنده‌ك خال بۆ هاتينه دانان و دێ ب رێيا كۆمپيۆته‌رى هێنه هه‌لبژارتن”.
ئه‌ڤرۆ نيوز، ناجى به‌ده‌ل:
جێگرێ سه‌رۆك وه‌زيران سالح موتله‌گ گه‌هشته دهۆك و بڕياره ل هه‌ر ئێك ژ باژێرێن دهۆكێ و زاخۆ ل گه‌ل پارێزگارێ دهۆكێ ل سه‌ر كه‌مپان بگه‌ريێن ژ بوو زانينا ئاريشێن وان.
هه‌ر ئه‌ڤرۆ بڕياره جێگرێ سه‌رۆك وه‌زيران سالح موتله‌گ يێ تايبه‌ت ب كاروبارێن ئاواران هاتيه راسپاردن، هنده‌ك پێدڤيێن زڤستانێ ب سه‌ر ئاواران دا به‌لاڤ كه‌ت.
پشتى ژ سه‌ره‌دانا كه‌مپان ژى ب دووماهى دهێت دێ كۆنگره‌كێ رۆژنامه‌ڤانى ل زاخۆ گێريت و تێدا ئه‌گه‌رێ هاتنێ و كۆژمێ هاريكاريێ بۆ ده‌زگه‌هێن راگه‌هاندنێ دياركه‌ت.
ئه‌ڤرۆ نيوز:
ب گۆره‌ى دووماهى راپۆرتا رێكخراوا نێڤده‌وله‌تيا ساخله‌ميا جيهانى پێنج هزار و 177 كه‌س ژ هه‌شت وه‌لاتان گيانێ خوه ژ ده‌ست دايه ژ سه‌رجه‌مێ 14 هزار و 413 كه‌سان.
ئه‌ڤ نه‌خۆشه ل كينيا ل 2013 ده‌ركه‌فت بوو و ژ هنگى وه‌ره ل ڤى وه‌لاتى 1166 كه‌س مرينه ژ سه‌رجه‌مێ 1919 كه‌سان.
ل ليبريا ژى 2812 كه‌س ژ سه‌رجه‌مێ 6878 تووشبوويان، ل سيراليۆن ژى 1187 كه‌س ژ سه‌رجه‌مێ 5586 تووشبوويان مرينه و ل مالى ژى ژ چار حاله‌تان سێ مرينه.
ل نێچيريا ژى هه‌شت كه‌س ژ سه‌رجه‌مێ 20 تووشبوويان مرينه و 324 كه‌س ژى ژ سه‌رجه‌مێ 570 كارمه‌ندێن ساخله‌ميێ مرينه و ل وه‌لاتێن ئێكگرتى يێن ئه‌مريكى ژى چار كه‌س تووشبووينه و ژ وان ژى مێڤانه‌كێ ليبيرى يه.
ئەڤرۆ، ھوگر:
تیما ڤولێ بولا یانا سەنحاریب دەربازی قوناغا دووماھیا قارەیمانیا ڤولا بولا پلا نایابا عیراقێ بوو پشتی پشکداری د ھەڤرکیێن قوناغا دویێ دا کری ل ھەولێرێ و ھەر دیسان د گەل یانا ھەولێر ژ کوما دویێ یانا قەرەقوش ژی ب دەرکەفت.
ل دور ھەڤرکیێن ڤێ قوناغا دویێ سەروکێ فەخری یێ یانا سەنحاریب داود رەبەن بو روژناما ئەڤرۆ دیارکر ژ کوما دویێ ئەو و یانا قەرەقوش سەرکەفتنە قوناغا دووماھیێ یا بژارە پشتی د یاریکرنا ھەمبەر ئافرودێت ب سەرکەفتین ب سێ کومان بەرامبەر کومەکێ و ل ھەمبەر کویە ھاتینە ھژمارتن سەرکەفتی ب سێ گێما بێ بەرامبەر ب ئەگەرا نە حازربوونا یانا کویێ و د یاریا ھەمبەر قەرەقوش دا توشی خوسارەتیێ بوون لێ چوو کارتێکرنا خوە ل سەر نە دەربازبونا وان نەبوو.
زێدەتر ناڤبری گوت: ژ کوما ئێکێ ھەردو یانێن ئەکاد و برایەتی ب سەرکەفتنە قوناغا دووماھیێ و ھەتا نوکە دیارنینە ھەڤرکیێن ڤێ قوناغێ دێ کەنگی و ل کیش باژێری سلێمانیێ یان ھەولێرێ ھێنە کرن و دبیت ل 25 ڤێ ھەیڤێ بن.
ل دووماھیێ ل دور پشتەڤانیا پشکداریێ داود رەبەن دبێژیت: چو لایەن و دەزگایان پشتەڤانیا مە نەکریە بو ڤێ پشکداریێ و وەکو دەستەیا کارگێریا یانێ پارە بو پشکداریا ڤێ یانێ خرڤەکریینە و کوژمەک دەین کریە و د کومبونا د گەل پارێزگارێ دھوکێ دا بو دیارکریە دێ پشتەڤانی لێ ھێتە کرن لێ ھەتا نوکە چو بو نەھاتیە کرن.
ھەڤرکیێن قوناغا دویێ یا قارەمانیا ڤولی بولا عیراقێ ل 14\11\2014 ل ھەولێرێ ب پشکداریا حەفت یانێن ل سەر دو کومان ھاتینە بەلاڤەکرن ب سەرپەرشتیا ئێکەتیا ڤولی بولا ناڤەندی ل عیراقێ دەستپێکربوون.
بسپورەکێ بیاڤێ ئابووری ل زانکۆیا دھۆکێ دیارکر کو ھەرێما کوردستانێ نەشێت ب 500 ملیۆن دینارێن بەغدا بۆ ھەرێما کوردستانێ فرێکەت ھەر مووچێ ئێک ھەیڤ ژی بدەتە فەرمانبەرێن خوە، چونکە ھەرێمێ ھەیڤانە پێدڤی ب 750 ملیۆن دۆلاران ھەیە، ب تنێ مووچێن فەرمانبەران، ئەڤە گەلەک کێمە بۆ ھەرێمەکێ کو خەلکێ تێدا دژیت پێنچ ملیۆن مرۆڤ بن و پتر 100 ھزار فەرمانبەرێن بن دیوار ھەنە کو ب تنێ ب ناڤ مووچەی وەردگرن.
ئەڤرۆ، سالار دۆسکی:
د.ئەحمەد سەفار مامۆستایێ زانکۆیا دھۆک و شارەزا دبیاڤێ ئابووری دا بۆ رۆژناما ئەڤرۆ گۆت: چارەسەریەکا باش بوو کو نێزیکی سالەکێ یە ژ ئەنجامێ ئەڤان کێَشان قەیرانا ئابووری ھەرێما کوردستانێ چێبووی و نەبوونا مووچان کارتێکرن ل بازاری و وبەرھێنانێ ھاتیەکرن.
ناڤبری گۆتژی: ب دانا 500 ملیۆن دۆلاران حوکمەتا ھەرێما کوردستانێ پێدڤی پتر 200 ملیۆن دۆلارێن دی ھەیە، ھەتا بشێن مووچێن فەرمانبەرێن ھەرێما کوردستانێ یێن ئێک ھەیڤ دابین بکەت، دیسا ھەرێم دێ پێدڤی ب چەند داھاتێن نافخوەیی بیت ھەتا بشێت ڤی کاری ئەنجام بدەت، دبینم ئەڤە نەچارەسەریەکا بەردەوامە و ب تنێ وەک حەبکەکا تەناکرنێ یە ھەتا چارەسەری بۆ دھێتەدیتن.
شارەزایێ ئابووری دیارکر ژی کو ھۆکارێن چێبوونا قەیرانا دارایی ھەرێما کوردستانێ ھەر ئەگەر حوکمەت بوویە چونکە ھەما سیاسەتا حوکمەتێن پێشترن عیراقێ بکارئینا و ئابووری ھەرێما کوردستانێ ب تنێ پێشست بەستێ ل سەر داھاتێ کازێ بکەت، چوو گرنگی نەدایە ئابوورێ بەرھەمدار و گەشەپێدانەکا دورست پێ بھێتەکرن و بەرھەمەکێ نەتەوەی بھێتە دروستکرن.
ناڤبری ھێشتا ژی گۆت: ئەڤە مەترسیە چوونکە دێ رۆژەک ھێت کاز نامینت، دیسا بھا و داھاتێ کازێ گرێدایە ب بازارێ جیھانی ڤە، ل سەر خوست و داخازیێ یە و ئەڤە دو ھەیڤە چەند ھاتە خوار و نوکە بەرمیل ٧٨ دۆلارانە، ھەکە پشست بەستن ل سەر کازێ ب تنێ بیت دێ ھەر دمەترسیێ دابین.
سەفاری گۆتژی: دڤێت حوکمەت پێداچوونەکێ سیاسەتا خوە یا ئابووری بکەت و تایبەت وەزارەتا پلان دانانێ ئەو چەندین سالە چوو پلانێن دروست نەبووین کو بشێت چارەسەریێ بۆ قیرانا بینت و پێدڤیە کەرتێن چاندن و گەشت و گوزارێ خورت بکەت، دیسا دەم ھات حوکمەت بارێ خوە سفک بکەت و بەز کارمەندان ل کەرتێ حوکمەتێ بدامەزرینت و رێ بدەتە کەرتێ تایبەت و قانوونێ دەربکەت کو کارمەندێ کەرتێ تایبەت ھەمان ماف ھەبن ل یێن حوکمەتێ وەک ھەموو وەلاتێن جیھانێ.
ھەولێر، قائید میرۆ:
ئەندامەکێ لژنا چاندنێ یا پەرلەمانێ کوردستانێ دیارکر پشتی کو پلانا قەدەغەکرنا بەرھەمێ بیانی شکەستن ئینایی، وەزارەتا چاندنێ بڕیارەکا نوو دەرکریە بۆ ئینانا بەرھەمێ بیانی کو دەمێ بەرھەمێ خۆمالی ھەبیت بەرھەمێ بیانی ژی یێ ئازادە بھێتە ھەرێمێ، بەلێ دێ ل خالێن سنوورێ باجەکا زێدە چیتە سەر.
عەبدولڕەحمان عەلی ئەندامێ لژنا چاندنێ ل پەرلەمانێ کوردستانێ بۆ رۆژناما ئەڤرۆ دیارکر کو حەفتیەکە وەزارەتا چاندنێ پلانەک بۆ کونتڕۆل کرنا ئینانا بەرھەمێ چاندنێ گرتیە بەر و گۆت پەرلەمانی ژی پشتەڤانیا ڤێ پلانێ کریە و بۆ دەمێ حەفتیەکێ یە دھێتە بجە ئینان و ئەڤ سالە دەمێ گەشھتنا بەرھەمێ خۆمالی ئینانا بەرھەمێ بیانی ژ فێقی و زەرزەواتی ھاتبوو قەدەغەکرن، بەلێ بەرھەمێ بیانی ب ئەگەرێ کونترۆل نەکرنا سنووری بەردەوام دھاتە ناڤ ھەرێمێ و گورەی ڤێ پلانێ دەمێ گەھشتنا بەرھەمێ خۆمالی ل خالێن سنووری دێ ئینانا بەرھەمێ بیانی یێ بەردەوامبیت، بەلێ ب مەرجەکی باج دێ کەڤیتە سەر بەرھەمێ بیانی و بۆ ھەر کیلۆیەکا زەرزەواتی دێ ٢٥٠ دینار باج ھێتە سەر و بۆ ھەر کیلۆیەکا فێقی ژی دێ ٣٥٠ دینار باج چیتە سەر، ئەڤە بۆ راگرتنا ھەڤسەنگیێ یە و ھەتا بەرھەمێ ناڤخۆی بھێتە فرۆتن.
عەبدولڕەحمان عەلی گۆت ژی ئەڤ بڕیارە ل دەمەکی دھێتە بجھئینان ئەگەر بەرھەمێ ناڤخۆ ھەبیت و یێ بیانی ژی بھێتە کوردستانێ، بەلێ پتریا بەرھەمێ زەرزەوات و فێقی ب رێیێن قەچاغ دھێتە ھەرێمێ و سنوورەکێ بەرفرەە مە ھەیە و یێ ب زەحمەتە بھێتە کۆنتڕۆل کرن، ھندەک جاران ھندی بەرھەمێ بیانی دگەھیتە بازاڕی بەرھەمێ ناڤخۆ ھند نینە، وەرزێ زڤستانێ مە بەرھەمێ ناڤخۆ ھەر نینە و ٩٠% بەرھەمێ بازاڕی د وەرزێ زڤستانێ دا بەرھەمێ بیانیە، ئەڤ بڕیارا ھاتیە دان د بەرژوەندا جووتیاران دایە بۆ فرۆتنا بەرھەمێ وان.
نيشاندان