ئه‌ڤرۆ نيوز:

سه‌رۆك ئه‌ركانێ سوپايێ ئه‌مريكا جه‌نرال مارتن دێمپسى راگه‌هاند كو ئه‌و نوكه‌ دانوستاندنێ ل سه‌ر هنارتنا شيره‌تكارێن سه‌ربازى دكه‌ن دا كو ل گه‌ل هێزێن هشكاتيێ يێن عيراقى ل به‌ره‌يێن شه‌رى يێن دژوار رۆلێ خوه‌ بگێرن و رزگاركرنا مووسل ژى پێدڤى ب 80 هزار سه‌ربازايه‌.

ل ده‌مێ گوهگرتنا كۆنگرێسێ ئه‌مريكى ل فه‌رماندێن سه‌ربازى يێن ئه‌مريكا، جه‌نرال مارتن دێمپسى رۆهنكرنه‌ك ل دۆر ئه‌وشا ئه‌منى و سه‌ربازى يا عيراقێ ب شكداريا وه‌لاتێ وى دژى داعش دا.

ئاخفتنكه‌رێ ب ناڤێ كۆنگرێسێ ئه‌مريكى ل دۆر گۆتارا دێمپسى گۆت: “دێمپسى ئاماژه‌ ب هنارتنا هێزێن هشكاتى يێن سه‌ربازى يێن په‌ياده‌ بۆ عيراقێ نه‌كر، به‌لێ ئه‌وى ب رۆهنى به‌حس ل هنارتنا شيره‌تكارێن سه‌ربازى و يێن تايبه‌ت ب فرۆكێن جه‌نگى كر بۆ به‌رێن شه‌رى دژى داعش”.

ژ بوو شيره‌تكاريێ نوكه‌ 1600 سه‌ربازێن ئه‌مريكى يێن بۆ عيراقێ ڤه‌گه‌راندين و مل ب ملێ هێزێن ئه‌منى يێن عيراقێ پشكداريا شه‌رى دكه‌ن.

حه‌فتيا بۆرى دێمپسى راگه‌هاند بوو كو ئه‌و ب نيازن رێژا سه‌ربازێن شيره‌تكار يێن ئه‌مريكى بۆ عيراقێ بۆ سێ هزار و 100 سه‌ربازان زێده‌ بكه‌ت.

هه‌ر ديسا دێمپسى د گۆتارا خوه‌ دا داخواز ژ كۆنگرێسى كر كو پشته‌ڤانيا پتر يا سۆپايێ ئه‌مريكا بكه‌ن ب كۆژمێ 5.6 ميليار دولاران.

سه‌رۆك ئه‌ركانێ له‌شكرێ ئه‌مريكا ئاماژه‌ ب وێ چه‌ندێ ژى كر كو ژ بوو ئازادكرنا مووسل پێدڤى ب 80 هزار سه‌ربازێن خودان شيان و مه‌شقكرى هيه‌.

ئه‌ڤرۆ نیۆز:
ل گۆر راپۆرته‌كا ئاژنسا (ئه‌سوشێتد پرێس) كو هه‌ژماره‌كا رۆژنامه‌یێن ئه‌مریكى دا یا هاتیه‌ به‌لاڤكرن، چه‌كدراێن داعشێ ل گه‌ل به‌ره‌یێ نوسره‌ ل سوریا بۆ به‌رهنگاربوونا هێزێن پێشمه‌رگه‌ى و یه‌كینه‌یا پاراستنا گه‌ل رێككه‌فتن، ئه‌و ژى پشتى زیانێن له‌شكریێن مه‌زن ب ده‌ستێن هێزێن كوردان پێ گه‌هشتین.
راپۆرتا ناڤبرى دیاركر، چه‌كدارێن داعشێ ب فه‌رمى ل گه‌ل به‌ره‌یێ نوسره‌ ل ده‌سپێكا ڤى هه‌یڤى دانوستاندن كرینه‌، بۆ هه‌ڤپه‌یمانیه‌كێ دژى هێرشكرنا سه‌ر پێشمه‌رگه‌ى، هه‌روه‌سا رپۆرتێ خوه‌یاكر، ئه‌و هه‌ڤپه‌یمانى نها ب فه‌رمى ناهێته‌ راگه‌هاندن، به‌لكى پتر وه‌ك راگرتنا شه‌رێ د ناڤبه‌را واندا یه‌ و ده‌ستپێكرنا هه‌ماهنگیا هێرشێن هه‌ڤپشك دژى هێزێن كوردان.
ئاژانسا ئه‌سوشێتد رپێس ل سه‌ر زارى ئێك ژ به‌رهنگارێن سورى گوت: رێككه‌فتن ل دۆر ئارامكرنا هه‌ردو ئالیان هاتیه‌ كرن، ب ئاماده‌بوونا مه‌زنه‌ به‌رپرسێن چه‌كدارێن هه‌ردو ئالیان ل باژێركێ (ئه‌لئه‌تارب) كو 20 كیلومه‌تران د كه‌ڤیته‌ رۆژئاڤایێ حه‌له‌بێ، هه‌روه‌سا خوه‌یاكر، ب ئاماده‌بوونا هژماره‌كا به‌رپرسێن توندره‌وێن ئه‌فغانى و پاكستانى ئه‌و رێككه‌فتنهاتیه‌ ئه‌نجامدان.

ئه‌ڤرۆ نیۆز:
به‌رپرسه‌كێ ئه‌مریكى داهاتێ فرۆشتنا په‌ترۆلا داعشێ پاشكه‌فتیه‌ ب سه‌ده‌ما هێرشێن ئه‌سمانى ل سه‌ر پارزنینگه‌هێن ل عیراقێ و سوریا یێن دده‌ستێن داعشێ دا.
هاریكارێ وه‌زیرێ خزینا ئه‌میركى (دێڤێد كوهین) كو هاتیه‌ راسپاردن ب به‌رهنگاربوونا تیرۆرێ درونشتنا هه‌مبه‌رى لژنا جڤاتا نوونه‌ران گۆت: ئه‌م دبینین پاشكه‌فتنه‌ك د داهاتێ فرۆشتنا په‌ترۆلا داعشێ دا هه‌یه‌.
كوهین به‌رامبه‌رى ئه‌ندامێن جڤاتا نوونه‌رێن ئه‌مریكى دیاركر، هێرشێن ئه‌سمانى كارتێكرنه‌كا مه‌زن ل سه‌ر وى داهتى كریه‌ زێده‌بارى هنده‌ك پرۆسێن له‌شكرێ یێن دى كو به‌رى نها ملیه‌َن دۆلار رۆژانه‌ هه‌بوون به‌لێ نها كێمتره‌، ئه‌م پێشڤه‌چوونه‌كا بادش دبینن.
هه‌روه‌سا به‌رپرسێ ئه‌مریكى دوپاتكر، ژێده‌رێن داهاتێ چه‌كدارێن داعشێ یێن جودا جودا هه‌نه‌ و ئه‌و نه‌ رێكخراوه‌كا وه‌كى هه‌موو رێكخراوێن دیه‌، به‌لێ ستراتیجیا ئه‌م پشتبه‌ستنێ ل سه‌ر دكه‌ین دێ رێگریه‌كا مه‌زن هه‌مبه‌رى پشتڤانیا دارایى یا وێ هه‌بیت.

ئه‌ڤرۆ نیۆز:
سه‌رۆكێ پارتا هێزێن لوبنانێ (سه‌میر جه‌ع جه‌ع) د هه‌ڤدیتنه‌كێ دا خوه‌یاكر، چه‌كدارێن داعشێ ب ڤى قه‌بارى به‌لاڤبوون چونكى كه‌س نه‌بوو به‌رسینكگرتنا وان بكه‌ت ل ده‌ستپێكێ، به‌لێ نها ئه‌م دبینین ل كوبانێ چو دهێته‌ روودان و چه‌وا بوویه‌ ئه‌ردێ كوشتنا و نه‌مانا داعشیان.
سه‌میر جه‌ع جه‌عى گۆت: ل به‌راهیێ مه‌ دگۆت هه‌كه‌ كوشتنا وه‌لاتێ سوریا نه‌هێته‌ راوه‌ستاندن ئه‌م دێ گه‌هینه‌ ڤێ قووناغا نها ئه‌م تێدا، دادكوكى كره‌ سه‌ر، رژێما سوریا دێ كه‌ڤیت چونكى ئه‌و بخوه‌ ژ بنه‌ره‌ت یا كه‌فتیه‌.
سه‌میر جه‌ع جه‌ع رونكر، رژێما سوریا نها ب خێرا میلیتانێن ئیرانێ و عیراقێ و ئه‌فغانى و لوبنانى خوه‌ راگرتیه‌، هه‌كه‌ ئه‌و ملیتان هاتن ڤه‌كێشان رژێم یا كه‌فتیه‌، زێده‌بارى وێ گۆت: ئه‌ز باوه‌رناكه‌م سوریا به‌رب پارچه‌بوونێ ڤه‌ بچیت بتنێ هه‌كه‌ مافێ ئه‌تونومى بۆ كوردان هه‌بیت.
سه‌باره‌ت هه‌ماهنگیا ل گه‌ل له‌شكرێ سورى یێ ئازاد، جه‌ع جه‌عى گۆت: ئه‌ز ل گه‌ل وێ هه‌ماهنگیى مه‌ به‌لێ ب مه‌رجه‌كێ ده‌سپێكرن ل گه‌ل دژاتیا تیرۆرا مه‌زن بهێته‌ كرن، كو سه‌رۆكێ سورى به‌شار ئه‌سه‌د و هه‌ڤالێن وى نه‌، تیرۆرا مه‌زن هاڤێتنا بومبه‌ و به‌رمیلێن مینرێژكریه‌ ل سه‌ر خه‌لكێ بێ گونه و بێ ده‌ستهه‌لات.