ئه‌ڤرۆ نیوز، چه‌كدار ئه‌ترووشى:
كه‌سه‌كێ نێزیك نڤیسینگه‌ها سه‌رۆك وه‌زیرێن عیراقێ حه‌یده‌ر عه‌بادى دیاركر كو ب فه‌رمانه‌كا فه‌رمى دا 26 ئه‌فسه‌رێن پله‌ بلند یێن ناڤا له‌شكرێ عیراقێ دا هاتنه‌ دۆر خستن.
ژێده‌ركێ نێزیك نڤیسینگه‌ها حه‌یده‌ر عه‌بادى بو ئه‌ڤرۆ نیوز دیاركر، كو ل سه‌ر فه‌رمانا فه‌رماندێ هێزێن چه‌كدار ئه‌ڤرۆ 26 ئه‌فسه‌ر هاتنه‌ دورخستن ژكارێ وان و گوت” پشتى دیڤچونه‌كا چر سه‌روك وه‌زیرێن عیراقێ كو د هه‌مان ده‌مدا فه‌رماندێ هێزێن چه‌كداره‌ ب بریاره‌كا فه‌رمى چه‌ندین ئه‌فسه‌ر ژ كارێن وان لادان و هنده‌ك ژوزان هاتنه‌ خانه‌نشینكرن و 10 ئه‌فسه‌رێ، دى ل جهێن وان هاتنه دانان.
دهێته‌زانین پشتى هاتنا عه‌بادى ئه‌ڤه‌ چه‌ندین بریار ب دورخستنا كه‌سێن نێزیك نورى ئه‌لمالكى سه‌روك وه‌زیرێن به‌رێ یێن عیراقێ كو بدیتنا چاڤدێرێن سیاسى ئه‌ڤ چه‌نده‌ دێ بیته‌ ئه‌گه‌رێ دوبه‌ره‌كیه‌كا مه‌زن دناڤ مالا شیعى دا.

تایبه‌ت ئه‌ڤرۆ نیوز، چه‌كدار ئه‌ترووشى:
ژێده‌ره‌كێ باوه‌ر پێكرى تایبه‌ت بو ئه‌ڤرۆ نیوز دیاركر كو دهێته‌ پێشبینیكرن سه‌روك وه‌زیرێن عیراقێ سه‌ره‌دانا هه‌ولێرێ بكه‌ت.
ژێده‌ره‌كى كو نه‌ڤیا ناڤێ وى بهێته‌ ئاشكه‌را كرن تایبه‌ت بو ئه‌ڤرۆ نیوز دیاركر كو سه‌روك وه‌زیرێن عیراقێ دێ سه‌ره‌دانا كوردستانێ گه‌ت و گوت” بو پتر خورتكرنا په‌یوه‌ندیان و جێبه‌جێكرنا وان خالێن د رێكه‌فتنا پێك ئینانا حكومه‌تا عیراقێ دا هاتینه‌ ئیمزاكرن دهێته‌ پێش بینیكرن سه‌روك وه‌زیرێن عیراقێ حه‌یده‌ر عه‌بادى سه‌ره‌دانا هه‌رێما كوردستانێ بكه‌ت و ل گه‌ل چه‌ندین به‌رپرسێن بلند رینیته‌ خوارێ.
هه‌مان ژێده‌ر ئاماژه‌ ب وێ چه‌ندێ كر كو دویر نابینم ل هه‌ولێرێ عه‌بادى بریار دابینكرنا بودجه‌یا هه‌رێمێ بده‌ت و گوت” وه‌سا پێشبینى دكه‌م كو عه‌بادى دێ ل هه‌ولێرێ دووماهى ب قه‌یرانا بودجه‌یا هه‌رێما كوردستانێ ئینیت و بریارا مه‌زاختنا وێ دێ ده‌ت .

ئه‌ڤرۆ نیۆز، سالار دۆسكى:
ئه‌ندامه‌كێ په‌رله‌مانێ عیراقێ ژ فراكسیۆنا كوردستانى بۆ مالپه‌رێ ئه‌ڤرۆ نیۆز گۆت: ئه‌ڤرۆ 12/ 11 هه‌تا سۆباهى دێ وه‌زیرێ په‌ترۆلا عیراقێ به‌رێز عادل عه‌بدولمه‌هدى گه‌هیته‌ هه‌ولێرێ وب ژڤانه‌ دگه‌ل وه‌زیرێ سامانێن سرۆشتى ئاشتى هه‌ورامى كومبیت ب مه‌ره‌ما چاره‌سه‌ركرنا كێشێن هه‌لاویستى تایبه‌ت دبیاڤێ په‌ترۆلێ دا.
د.ئه‌رده‌لان نوردین ئه‌ندامێ په‌رله‌مانێ عیراقێ ژ فراكسیۆنا كوردستانى هێشتا ژى گۆت: پێشبینى دهێته‌كرن كو ب گرێدانا رێكه‌فتنه‌كێ كێشه‌ بهێنه‌ ئێكلاكرن
ناڤبرى ئه‌و گۆتن ره‌دكرن كو به‌حسێ هاتنا حه‌یده‌ر عه‌بادى دكه‌ن بو كوردستانێ ، گۆت ژى: هه‌تا نوكه‌ نه‌هاتیه‌زانین كا وه‌زیرێ په‌ترۆولا عیراقێ چوو د ده‌ستى یه‌ ، دیسا كومبوون دگه‌ل لایه‌نێن سیاسى دێ هه‌بن و خه‌لكێ كوردستانێ هیڤى خوازن كێشه‌ به‌ر ب دووماهیێ بچن.

ئه‌ڤرۆ نیۆز:
فه‌رماندێ پرۆسا له‌شكرى ل پارێزگه‌ها ئه‌نبار راگه‌هاند، والیێ چه‌كدارێن داعشێ ل باژێرێ فه‌لوجه‌ و هاریكارێ وى یێ له‌شكرى د هێرشه‌كا ئه‌سمانى دا هاتن كوشتن.
فه‌رماندێ پرۆسا له‌شكرى یا ئه‌نبار فریق روكن ره‌شید فلیه‌ح گۆت: هێرشا فرۆكێن ئه‌سمانیا عیراقێ ب هه‌ڤكارى ل گه‌ل فه‌رمانده‌یا فرقا ئێكێ یا له‌شكرى بنگه‌هێن چه‌كدارێن داعشێ ل فه‌لوجه‌ هاتن توپبارانكرن، ئه‌نجامێ وێ توپبارنكرنێ 16 چه‌كدارێن داعشێ هاتن كوشتن كو دناڤبه‌را واندا والیێ داعشێ یه‌ ب ناڤێ ( داود ئه‌لعلوانى) و هاریكارى وى ب ناڤێ ( ئه‌بو ئه‌یمه‌ن) و سێ ترۆمبێلێ چه‌كێ گران ژى هاتن سۆتن.
ره‌شید فلیه‌ح بۆ ئاژانسا ئه‌نازۆل خوه‌یاكر،هێزێن ئێمناهیا عیراقێ شیان دو بنگه‌هێن ڤه‌حه‌واندنا چه‌كدارێن داعشێ په‌قاندن و دو ترومبێلێن ژ جورێ كرێن كو چه‌كێ قورس پێ بار دكه‌ن هاتن سۆتن، هه‌ڤده‌م ئاماژه‌دا، هێزێن له‌شكرێ عیراقێ پێشڤه‌چوونا به‌ر ب باژێرێ فه‌لوجه‌ دچن و باژێر دورپێچكرینه‌ ژ چار ئالیان ڤه‌ بۆ هندێ چه‌كدارێن داعشێ ژێ ده‌رنه‌كه‌ڤن.