ئه‌ڤرۆ نيوز:

حوكمه‌تا به‌غدا پێشنياز دكه‌ت هه‌رێم رۆژانه‌ 600 هزار به‌رميلێن په‌ترۆلێ ب رێيا هێلا كه‌ركووك و هه‌رێم بهنێريته‌ ژ ده‌رڤه‌ ل ژێر سه‌رپه‌رشتيا كۆمپانيا سۆمۆ.

رۆژناما سه‌باح يا عيراقى ژ زارێ عاليه‌ نسه‌يف ئه‌نداما جڤاتا نوونه‌رێن عيراقێ ژ ليستا هه‌ڤپه‌يمانيا نشتيمانى به‌لاڤكر كو پێشنيازه‌كا نوو به‌غدا بۆ هه‌رێما كوردستانێ هه‌يه‌ كو دبيت كێشێن دوسيا په‌ترۆلێ چاره‌ كه‌ت كو ئه‌و ژى هنارتنا 600 هزار به‌رميلێن په‌ترۆلێ يه‌ بۆ ژ ده‌رڤه‌ د رۆژه‌كێ دا كو ب رێيا هێلا كه‌ركووك و هه‌رێم ڤه‌ بهێته‌ گرێدان و پێدڤيه‌ ب رێيا كۆمپانيا سۆمۆ ژى بيت.

ب گۆتنێن عاليايێ وه‌لات نوكه‌ يێ د كاودانه‌كێ نه‌خۆش دا دبۆريت ژ به‌ر هاتنا داعش كو نوكه‌ هه‌موو لايه‌ن د ئێك سه‌نگه‌ر دانه‌ بۆ به‌ره‌ڤانيكرن ژ وه‌لاتى و ژ به‌ر هندێ ژى پێدڤيه‌ بزاڤ بهێنه‌ كرن دا كو كێشێن د ناڤبه‌را هه‌رێم و عيراقێ دا بهێنه‌ چاره‌كرن.

رۆژناما سه‌باخ يا عيراقى د نووچه‌كێ خوه‌ دا به‌لاڤكريه‌ كو سه‌رۆكاتيا وه‌زيرێن عيراقێ پێشنياز كريه‌ كو چاره‌سه‌ريا كێشا په‌ترۆلا هه‌رێم و به‌غدا بهێته‌ كرن ب ره‌نگه‌كى هه‌رێم 600 هزار به‌رميلێن په‌ترۆلێ بهنێريته‌ ژ ده‌رڤه‌ ب رێيا گرێدانا هێلا كه‌ركووك و هه‌رێما كوردستانێ ل ژێر سه‌رپه‌رشتيا كۆمپانيا سۆمۆ.

ئەڤرۆ نیوز، لەزگین جۆقی:
بەرپرسێ لقێ 17 یێ پارتی دیموکراتی کوردستان بۆ ئەڤرۆ نیوز دیارکر کو ئەڤرۆ سپێدی 12 تەتێن خوارن و ڤەخوارنێ و پێدڤین وەلاتیان ب ھەڤکاریا دەزگەھێ خێرخوازی یێ بارزانی گەھشتنە چیایێ شنگال.
سەعید شنگالی بەرپرسێ لقێ 17 یێ پارتی دیموکراتی کوردستان دیارکر کو ئەڤرۆ سپێدێ فرۆکەکێ ب دو گەران 12 تەنێن ھاریکاریێن دەزگەھێ خێرخوازی یێ بارزانی گەھاندنە چیایێ شنگال ل چادرگەھێن سەردەشتێ و چیایێ شنگال.
ناڤبری ئەو ژی خۆیا کر کو ئەڤە چەند رۆژ بوون ھاریکاری وەکو پێدڤی نەگەھشتبوونە وەلاتیێن چیایێ شنگال و گۆت: “نوکە ئەم ب ھیڤینە بەردەوام ھاریکاری بگەھن”.

ل ڤێ داویێ ھەژمارەکا زۆرا وەلاتیان ل سنورێ ناحیێن دێرەلۆک و شێلادزێ ب مەبەستا گرتنا ماسیان قەستا سەر رووبارێ زێ دکەن و ژ وان ژی ھندەک ھەنە ب تنێ بۆ بوراندنا دەمی یە، ل سالێن بوری رۆژ ھەبوو نێچیرڤانان ٤٠ کیلویێن ماسیان دگرتن لێ ئەڤ سالە نەشێن ١٠ کیلویان ژی بگرن و نھا ل بازاری ژی ماسی گەلەک گران بوویە و ھەر ئێک کێلو دناڤبەرا ١٠ بۆ ١٥ ھزار دیناران دھێتە فروتن.

ئامێدیێ، مەحمود نھێلی

ڤەھێل سەباح ئێک ژ وان کەسێن بەردەوام دچیتە ماسیان دبێژیت : ل ڤان سالێن بوری ئەم ل ڤی دەمێ سالێ دچووینە ماسیان ل سەر رووبارێ زێ و ھەژمارەکا زۆرا ماسیان مە دگرتن و گۆت: “ئەڤ سالە گرتنا ماسیان کێم بوویە و ھەژمارەکا زۆرا وەلاتیان ژی دھێنە سەر رووباری ژبۆ بوراندنا دەمی ب نێکێ و ب توران ماسیان دگرن ئەڤێ ژی کاتێکرن ل سەر کارێ مە کریە”.

ناڤبری خویاکر، کو ل ڤان سالێن بوری رۆژ ھەبوو وان ٤٠ کیلویێن ماسیان دگرتن لێ ئەڤ سالە نەشێن ١٠ کیلویان ژی بگرن و نھا بۆ بازاری ژی ماسی گەلەک گران بوویە و ھەر ئێک کێلو دناڤبەرا ١٠ بۆ١٥  ھزار دیناران دھێتە کرین و فروتن ژ بەر کو ماسیا رووبارێ زێ یێ بناڤ و دەنگە و تاما وی ژی یا جودایە.

وەلاتیەکی دی ب ناڤێ شەوکەت کو ژ بۆ بوراندنا دەمی ل سەر رووباری بۆ دیارکر، گەلەک جاران ئەو بێزار دبیت ل مال ژ بەر وێ یەکێ ئەو قەستا سەر رووباری دکەت و گۆت: “رۆژ ھەیە ئەز کێلویەکا ماسیان دگرم و رۆژ ژی ھەیە چ ماسیان ناگرم  ب تنێ من دڤێت دەمی خو ل سەر رووباری و ب زەوق ب بورینم”، و ئاشکراکر، کو نھا ھەژمارەکا زۆرا خەلکی ل بەر ماسیانە و ماسی ژی گەلەک کێم بوویە.

نێچیرڤانەکی ماسیان کو ھەر دکەڤندا ئەڤ کارە ئەنجام ددا دیارکر، کو ئەو ئەڤە چەندین سالە ب کارێ گرتنا ماسیان رادبیت و گۆت: “بەری نھا ب تنێ ب نێکێ و ب توران ئەم دچووینە ماسیان و مە گەلەک دگرتن و زۆر جاران مە د فروتن و پارەکێ باش ب دەست مە دکەڤت لێ نھا وەکوو بەرێ نێنە و ماسی گەلەک کێم بوویە”.

ناڤبری ئاشکراکر، کو نھا چەندین رەنگێن دیتر یێن گرتنا ماسیان دەرکەفتینە و ئەڤ رەنگێن ماسیان ژی ھەرچەندە نەیێن قەدغەنە بەلێ دشێن ھەژمارەکا زۆرا ماسیان ب ئێکجار بگریت ئەڤە ژی دبیتە ئەگەرێ کێمبوونا رێژەیا ماسیان د ناڤ رووباری دا و گۆت: “نھا ماسی گەلەک ناھێتە رووباری و بەری نھا ل دەریایێ دھات بەلێ ژ بەر چێکرنا سکران ل سەر رووباری ماسی گەلەک ژھەل ناھێت و بتنێ ئەو ماسی دمینیت یا کو د ناڤ رووباری دا خەرزی دکەت ئەڤە ژی نابیتە زێدەبوونا ماسیان دناڤ رووباری دا ژ بەرکو ئاڤا رووبارێ زێ گەلەکا رژدە و دبیتە ئەگەرێ پیچبوونا بەھرا پتر یا خەرزی”.

ژلایەکی دیڤە ژی ل دووڤ ئاخفتنا لایەنێن پەیوەندیدار نەبوونا پروژەیێن خودانکرنا ماسیان ل دەڤەرێ دبیتە ئەگەرێ ھندێ خوە وەلاتی پەنایێ ببەتە بەر گرتنا ماسیان ل سەر رووباری ئەڤە ژی کارتێکرنێن خراب دکەتە سەر ژینگەھێ و سامانێ ماسیان ئەو ژێدەر دیاردکەن کو گرتنا ماسیان ب رەنگێن جوداجودا درووبارێ زێ دا دبیتە ئەگەرێ کێم بوونا رێژەیان ماسیان د رووبارێ ناڤبری دا ژ  بەر کو ھەموو جورێن ماسیان دھێنە گرتن و بێ گرنگیێ ب جور و قەبارە و دەمی بھێتە کرن، تەکەز کر، کو ئەو نە دگەل گرتنا ماسیانە کو ب رەنگەکی ب ھەڤرا بھێنە گرتن و رێنمایی نەھێنە بەرچاڤکرن کو د پاشەرۆژێ دا کارتێکرن ل سەر رێژەیا وێ بھیـَتە کرن.