ئه‌ڤرۆ نیۆز:
چه‌كداره‌كێ كورد بۆ رۆژنامه‌كا ئه‌مریكى راگه‌هاند، سه‌ركردێن داعشێ په‌یوه‌ندیێن موكم ل گه‌ل سه‌ركردێن وه‌لاتێ توركیا هه‌نه، ئه‌ندامه‌َ چه‌كدارێن داعشێ كو به‌رى هه‌یامه‌كێ رێزێن داعشیان بجه هێلان و ناڤێ وى (شێركو عومه‌ر) و خه‌لكێ هه‌رێما كوردستانێ یه‌گۆت: ئه‌و چوویه وه‌لاتێ سوریا ب ئارمانجا هاریكاریا له‌شكرێ سورێ ئازاد بكه‌ت و شه‌رى دناڤ رێزێن وان دا بكه‌ت، به‌لێ ژ نشكه‌كێ ڤه وى خوه دناڤ رێزێن چه‌كدارێن داعشێ دا دیت.
شێركو عومه‌رى هه‌روه‌سا گۆت: سه‌رانێن داعشێ هه‌رده‌م ئه‌و پشت راستكرینه كو چو جاره‌كێ نه‌ترسن چونكى وان په‌یوه‌ندیێن باش ل گه‌ل توركیا هه‌نه، دیاركر به‌رژوه‌ندیێن توركیا ل گه‌ل به‌رژه‌وه‌ندیێن داعشێ هه‌ڤدو دگرن بتایبه‌تى ل دۆر دژاتیا هه‌ڤپشك ل گه‌ل ملله‌تێ كورد.
تیرۆرستێ به‌رێ دناڤ رێزێن داعشێ ئاماژه‌دا هندێ چه‌كدارێن داعشێ پێدڤى ب بكارئینانا سنۆرێ توركیا هه‌یه چونكى تاكه رێ یه بۆ گه‌هاندنا چه‌كداران دناڤ وه‌لاتێ سوریا دا و ده‌ربازكرنا وان بۆ ده‌ڤه‌رێن كوردان، ئه‌و چه‌نده ژى ئاشكراكر كو وى چه‌ندین جارا گوهداریا په‌یوه‌ندیێن تێله‌فونى د ناڤبه‌را سه‌ركردێن داعشێ و سه‌ركردێن توركیا دا كریه.
داعشه‌كێ كورد: سه‌ركردێن داعشێ په‌یوه‌ندیێن موكم ل گه‌ل توركیا هه‌نه
نيشاندان
