ئه‌ڤرۆ نيوز، ناجی به‌ده‌ل:
ژ ئه‌ڤرۆ قوتابیێن ده‌رچووي ژ ئاماده‌یێ دشین ب رێيا مالپه‌رێ زانكۆ لاین داخوازیێن خوه پێشكێش بكه‌ن.
زانكۆ لاین كه‌فته كاری و قوتابی دشێن فرۆمێن زانكۆیێ داگرن
نووترين نووچه
- سەرۆك بارزانی و نێچیرڤان بارزانی و مەسرور بارزانی سەرەخوەشیێ ل قوربانیێن ئاگرێ توركیا دكەن
- نێچیرڤان بارزانی دوپاتیێ ل پێشڤەبرنا پەیوەندییان ل گەل هۆلەندا دكەت
- سەرۆكێ حوكمەتا هەرێمێ ل گەل چەندین سەركردە و بەرپرسێن وەلاتێن جیهانێ ل داڤۆسێ كۆم دبیت
- شاندێ هەولێرێ و بەغدایێ دوپاتیێ ل چارەسەركرنا كێشەیا مووچەیێ فەرمانبەرێن هەرێمێ دكەن
- هەلوەشاندنا بڕیارێن ڕژێما بەعسا ژناڤچووی پێنگاڤەكا گرنگ و پێدڤی بوو
- سەرۆک بارزانی داخواز کر کو ئاستەنگێن د ناڤبەرا مە و هەسەدێ دا نەهێلین
- سەرۆك بارزانی دوپاتیێ ل ئێكڕێزییا كوردان ل سووریێ دكەت
- قونسلێ ئیتالیا بۆ نێچیرڤان بارزانی: گرنگییێ ب پەیوەندیێن خوە ل گەل هەرێما كوردستانێ د دەین
- ئارمانجا مە پێشئێخستنا ژێرخانەیا ئابوورییا هەرێما كوردستانێ یە
- دیدار و كۆمبوونێن سەرۆكێ حوكمەتا هەرێما كوردستانێ ل داڤۆس
سه‌ره‌كى Facebook
سونە گەفێن ڤەکێشانێ ژ حوکمەتا عەبادی دکەن
ئەڤرۆ:
پەرلەمانتارەکا ھەڤپەیمانیا ئێکەتیا ھێزێن عیراقێ “ئالیێن سونی” راگەھاند ھەڤپەیمانیا وان دێ دەست ژ پۆستێن حکومی بەردەت ھەکە ئەو کارناما حکومەتێ یا ل سەر رێککەفتین د دەمەکێ دیارکری دا نەھێتە بجە ئینان.
ناھیدا ئەلداینی دیار کر کو ھژمارەکا پەرلەمانتارێن ھەڤەپەیمانیا وان گرۆپەک بۆ چاڤدێریکرنا کارناما حوکمەتێ یێ پێکئینای و ھەکە نەھێتە بجە ئینان، دێ خوە ژ حوکمەتا نوکە یا عیراقێ ڤەکێشن و گۆت:(ل بەرچاڤگرتنا شەرێ دژی داعش ھەست ب بجە نەئینانا کارنامێ دھێتە کرن).
زانکۆیا دھۆک دێ ئاھەنگا دەرچوونێ گێریت
ئەڤرۆ، رەمەزان رێکانی:
ھاریکارێ سەرۆکێ زانکۆیا دھۆک بۆ کاروبارێن کارگێری و دارایی د. لوقمان محەمەد سالح بۆ رۆژناما ئەڤرۆ دیارکر کو زانکۆیا دھۆک دێ ئاھەنگا دەرچوونا گەرا ١٩ یا قوتابیێن بەکالوریۆسێ ل رۆژێن ١٩ و ٢٠/١١/٢٠١٤ ل ھۆلا کۆنگران ل زانکۆیێ گێریت، کو دڤێ گەرێ دا دێ ٢٨٠٩ قوتابی باوەرناما بەکالوریۆسێ وەرگرن.
د. لوقمان محەمەد سالح گۆت ژی ل سەر پێشنیارا زانکۆیا دھۆک بوو قوتابیێن خولا دویێ ژی پشکداریێ د ئاھەنگا دەرچوونێ دا بکەن، لەورا ئاھەنگ بۆ پشتی ئەزموونێن خولا دویێ ھاتە پاشخستن، ئەو ژی دیارکر کو ژ بەر رەوشا نوکە یا دەڤەرێ و ب تایبەت یا باژێرێ دھۆکێ زانکۆیا دھۆک بریار دا کو وەکو سالێن بۆری چو ئاھەنگێن دەرچوونێ یێن مەزن ئەنجام نەدەن، بەلکو ھەر چەند فاکۆلتیان جودا ئاھەنگا دەرچوونا وان بھێتە گێران، و قوتابی ب تنێ پشکدار ببن بێی مالبات و کەس و کارێن وان، ئاھەنگ ب ڤی رەنگی د خزمەتا کاودانێن نوکە یێن دەڤەرێ دایە.
ھاریکارێ سەرۆکێ زانکۆیا دھۆک بۆ کاروبارێن کارگێری و دارایی ئاشکرا ژی کر کو دەرچوویێن ھەموو فاکۆلتیێن زانکۆیێ دێ ل دو رۆژان ل ھۆلا کۆنگران ل کەمپێ زانکۆیێ ئاھەنگێ گێرن، ھەر رۆژێ دو ئاھەنگ ئێک ل دانێ سپێدێ و ئێک ژی ل ئێڤاری دێ ھێنە گێران.
د. لوقمان محەمەد سالح ھەروەسا دیارکر کو ل رۆژا چارشەمبیێ ١٩/١١/٢٠١٤ رۆژا ئێکێ دێ دەرچوویێن فاکۆلتیێن زانستێن پزیشکی، ئەندازیاری، قانوون، چاندن ل دەمژمێر ١٠ی سپێدێ گێرن، ل دانێ ئێڤاری ژی ل دەمژمێر سێی ئێڤاری ل ھەمان رۆژ دێ ئاھەنگا دەرچوویێن فاکۆلتیا زانستێن مرۆڤایەتی ھێتە گێران، گۆت ژی ل رۆژا پێنج شەمبی ٢٠/١١/٢٠١٤ ل دەمژمێر ١٠ی سپێدێ فاکۆلتیێن ڤێتەرنەری، زانست، کارگێری و ئابووری دێ ئاھەنگێ گێرن، ل ھەمان رۆژ ل دەمژمێر سێی ئێڤاری ژی فاکۆلتیێن زانستێن پەروەردەی و فاکۆلتیا زانست و پەروەردا ئاکری دێ ئاھەنگا دەرچوونێ گێرن.
ھەروەسا گۆت ل ھەموو ئاھەنگان دێ جڤاتا زانکۆیێ بەرھەڤ بیت و رێ و رەسمێن دەرچوونێ ئاسایی ھێنە کرن و باوەرنامێن قوتابیان پێ ھێنە دان و فەرمانا زانکۆیێ پێ دەرچیت کو باوەرنامە وەرگرتیە و رێ و رەسمەکێ فەرمیە کو قوتابی ل بسپۆریا خوە باوەرنامێ وەربگریت، دیار ژی کر کو ھەلبژارتنا ڤان ھەردو رۆژان بۆ ئاھەنگا دەرچوونێ ب بریارا جڤاتا زانکۆیێ بوو.
ئەڤرۆ پەرلەمان دێ دانوستاندنێ ل دۆر سیاسەتا نەفتا ھەرێمێ کەت
ئەڤرۆ، ئازاد نسری:
پەیڤدارێ فراکسیۆنا زەر ل پەرلەمانێ کوردستانێ دیار کر کو جڤاتا بلند یا نەفت و غازێ ل ھەرێما کوردستانێ دێ د روونشتنا ئەڤرۆ یا پەرلەمانی دا بەرھەڤ بیت و دانوستاندن دێ ل دۆر سیاسەتا نەفتا ھەرێمێ ھێتە کرن.
محەمەد عەلی یاسین ئاشکرا ژی کر کو جڤاتا بلند یا نەفت و غازێ ل ھەرێمێ پێک دھێت ژ نێچیرڤان بارزانی سەرۆکێ حوکمەتێ و جێگرێ وی قوباد تالەبانی و ئاشتی ھەوارمی وەزیرێ سامانێن سروشتی، رێباز حەمەلان وەزیرێ دارایی و عەلی سندی وەزیرێ پلاندانانێ دێ گەنگەشێ ل دۆر سیاسەتا نەفتا ھەرێمێ کەن.
محەمەد عەلی دیار کر کو پەرلەمانتاران ھژمارەکا راسپاردە و پَشنیازیان ل دۆر بودجێ بۆ ئەندامێن شاندێ دانوستاندنان ل گەل بەغدا یێن ھەین و ئاشتی ھەوارمی و رێباز حەملان ھەر د پەیوەندیدارن ب ڤێ چەندێ ڤە و دێ وان راسپارد و پێشنیازان پێشکێشی وان کەن.
سترانا ئه‌زكوردم بجلكین له‌شكه‌رى ڤه ناهێته كلیپ كرن
ئه‌ڤرۆ نیۆز: هه‌رهین محه‌مه‌د:
سترانبێژى گه‌نج ئیڤان لبنان بۆ ئه‌ڤرۆ نیۆز دیاركر، كو نها مژوولى سترانه‌كێ یه بناڤێ(ئه‌زكوردم)، ژپه‌یڤێن نیوار ئه‌مین وئاواز یاوى بخوه‌یه دابه‌شكرنا موزیكى یا رۆژهات محه‌مه‌د َل ستودیویاm میوزیك هاتیه تۆماركرن ل ڤان نێزیكان دێ هێته كلیپ كرن.
هه‌روه‌سا ئاشكه‌راكر كوئه‌ڤ سترانه نه‌بتنێ ب پێشمه‌رگه‌ى ڤه گریدایه به‌لكو گریدایه ب حه‌ژیكرنا وه‌لاتى ڤه گۆتژى : سترانا ئه‌زكوردم بجلكین له‌شكه‌رى ڤه ناهێته كلیپ كرن به‌لكو دى بجلكێن كوردى هێته كلیپ كرن.
زاخۆ دانوستاندنێن نه‌هێنى ل گه‌ل یاریكه‌رێن به‌غدا دكه‌ت
ئه‌ڤرۆ نیوز، هه‌ژار مه‌عروف:
ده‌سته‌یا كارگێریا یانا زاخۆ ل ماوێ بورى ل گه‌ل گوهورینا راهێنه‌رێ خوه دانوستاندن ل گه‌ل چه‌ندین یاریكه‌رێن نوو كرى یه ژێده‌ره‌كێ نێزیك ژ یانا زاخۆ بۆ مالپه‌رێ ئه‌ڤرۆ نیوز دیاركر كارگێریا یانا زاخۆ په‌یوه‌ندى ب چه‌ندین یاریكه‌رێن نوو كرى یه نوكه ب نه‌هێنى دانوستاندن ل گه‌ل یاریكه‌رێن باژێرێ به‌غدا كرى نه.
هه‌مان ژێده‌رى ئه‌و چه‌نده ژێ دیاركر ئه‌و یاریكه‌رێن دانوستاندن ل گه‌ل هاتیه‌كرن به‌رى نوكه ل یانا زاخۆ یارى كرى یه ئه‌وژێ هه‌ر ئێك ژ یاریكه‌ران ئه‌حمه‌د ئیبراهیم ژ نه‌فت، حسێن جواد ژ زه‌ورا، ئه‌میر سه‌باح ژ یانا ئه‌مانه به‌غدا، حسێن عه‌لا ژ كلایند یا مالیزى و عه‌بدوله‌تیف به‌هدارى ژ یانا وه‌حدات یا ئوردونى.
201 چه‌كدارێن داعش ل مووسل چه‌كێ خو دانا وره‌ڤین
شێخان،بارزان سلێمان مزوورى
به‌رپرسێ نڤیسینگه‌ها ره‌وشه‌نبیرى و راگه‌هاندن لقا 14 مووسل ، سه‌عید مه‌موزینى ، بۆ ئه‌ڤرونیۆز دیاركر، دڤێ حه‌فتیا بوریدا ل ناڤ باژێرێ مووسل 201 چه‌كدارێن تیرورستێن داعش چه‌كێ خو دانایه ره‌ڤینه ژبۆ جهه‌كێ نه‌دیار ژبه‌ر خرابیا ره‌وشا داعش و فروكه‌یێن جه‌نگى یێن هه‌ڤپه‌یمانان پشتى ل وان روژێن بوریدا فروكه‌یێن جه‌نگى باره‌گایێن وان بوردومان كرین ل پارێزگه‌ها مووسل شكه‌ستن و ترس كه‌فته دناڤ چه‌كدارێن داعش روژ ب روژ چه‌كێ خو دانن و دره‌ڤن بۆ جهه‌كێ نه‌دیار.
ناڤبرى دیار كر كۆ پتریا وان كه‌سێن چه‌كێ خو داناین خه‌لكێ مووسلن به‌رى نوكه چوبونه دناڤ رێزێن داعش دا .
ده‌ست ژ كارێ راگه‌هاندنا كه‌نالێ ئه‌لعه‌ره‌بیه به‌ردا
ئه‌ڤرۆنیوز، سالار دۆسكى:
لدووڤ نوچه‌یێن هاتینه به‌لاڤه‌كرن، سوهه‌یر قه‌یس پێشكێشكه‌را و بێژه‌را بناڤ و ده‌نگا عیراقى ل كه‌نالێ ئه‌لعه‌ره‌بیه، ده‌ست ژ كارێ خوه ل كه‌نالێ ناڤبرى كێشایه.
سوهه‌یر قه‌یس ب دوستا كوردان هاتبوو نیاسین و چه‌ندین جاران سه‌ردانا كوردستانێ كریه و ب جلو به‌رگێن كوردى كریه وێنه‌گرتینه، هه‌ڤده‌م سوهه‌یر دناڤا مالپه‌رێ خوه‌یێ جڤاكیێ تایبه‌تێ فێسبووكى دا دیاركریه كو ژبه‌ر سیاسه‌تا وى كه‌نالى هه‌مبه‌ر عیراقێ ده‌ست ژ كاركێشانا خوه راگه‌هاندیه، ئه‌ڤه دهێت به‌رى چه‌ند رۆژان میدكارێ مسرى حافز میرازى ل هه‌مان كه‌نال ده‌ست ژ كاركێشانا خوه راگه‌هاند بوو.
یانه‌یێن كوردستانێ هه‌ڤڕكیا د لیگایێن توركیا دا خورتكرن
ئه‌ڤرۆ نیوز، هه‌ژار مه‌عروف:
ئه‌ڤرۆ یاریێن ڤێ حه‌فتیێ یێن لیگێن توركیا ژ سوپر لیگ هه‌تا ئاماتور لیگ ب دووماهى هاتن و ئه‌نجامێن نوێنه‌رێن كوردستانا باكور د ڤێ حه‌فتیێ دا ل ئاستێ پێدڤى بوون .
تیما ئورڤا سپور ئه‌وا دخولا پلا ئێك دا یارى دكه‌ت وه‌كهه‌ڤ بوو ژ ده‌رڤه‌ى یاریگه‌ها خوه لگه‌ل یانا سامسون سپور بێ گول خالێن خوه گه‌هاندنه 18 خالا رێزا سێ پاراست.
ژ یاریێن خولا پلا دوو د یاریێن كوما ئێكێ دا تیما یانى مالاتیا سپور سه‌ركه‌فتنه‌كا ب زحمه‌ت ل سه‌ر تیما ڤاتیا سپور توماركر ب گوله‌كێ بێ به‌رامبه‌ر گولا وێ ل دقیقا 93 ژلایێ یاریكه‌رێ وێ ره‌مه‌زان كه‌یا هاته توماركرن و ب ڤێ سه‌ركه‌فتنێ یانى مالاتیا سه‌رێ لیسته‌یا كوما ئێكێ پاراست ب 25 خالان و تیما ئامه‌د سپور به‌رده‌وامى دا ئه‌نجامێن خوه یێن لاواز ل وه‌رزێ ئه‌ڤ ساله پشتى خوساره‌ت بووى ل گه‌ل كیركله‌رى سپور ب سێ گولان به‌رامبه‌ر دو گولان و خالێن وى مان هه‌ر 11 خالان.
ژلایه‌كێ دووڤه ژ یاریێنن گه‌را 12 ژ خولا پلا سێ تیما دیاربه‌كر سپور مفا ژ جه‌ماوه‌ر یاریگه‌ها خوه نه‌دیت ده‌مێ وه‌كهه‌ڤ بووى ل گه‌ل یانا ده‌نیجر به‌لدیه سپور ب گوله‌كێ و تیما باتمان پترول ب سێ خالێن گرنگ ژ ده‌رڤه‌ى یاریگه‌ها خوه ڤه‌گه‌ریا پشتى ب سه‌ركه‌فتى ل سه‌ر تیما بویوز سپور ب سێ گولان بێ به‌رامبه‌ر ، تیما ڤان به‌لدیه سپور ژێ ب ئه‌نجامه‌كێ باش ژ ده‌رڤه‌ى یاریگه‌ها خوه ڤه‌گه‌ریا ده‌مێ وه‌كهه‌ڤ بووى ب گوله‌كێ ل گه‌ل یانا شه‌كیر سپور ب گوله‌كێ.
ژ یاریێن كوما ئێكێ بالگى لیگ تیما جزیره سپور سه‌ركه‌فتنا خوه یا شه‌شێ ل دووڤ ئێك توماركر ل وه‌رزێ ئه‌ڤ ساله ده‌مێ ب سه‌ركه‌فتى ل سه‌ر یوكسوفا به‌لدیه سپور ب گوله‌كێ ، د هه‌مان لیگ دا د یاریێن كوما چوارێ دا تیما دێرسم سپور به‌رده‌وامى دا سه‌ركه‌فتنێن خوه شیا سه‌ركه‌فتنا پێنجێ ل دوڤ ئێك توماربكه‌ت سه‌رێ لیسته‌یا كوما پێنجێ پاراست.
نهێنیا پاقژیا باژێرێ دهوكێ ب بینه
نيشاندان
WP Facebook Auto Publish Powered By : XYZScripts.com