ئه‌ڤرۆ نیۆز:
مالپه‌رێ ده‌نگۆباسێن ئیستقلال یێ عیراقێ بریندار بوونا په‌یامنێرێ كه‌نالێ ئه‌سمانیێ (ئه‌لعیراقیه)راگه‌هاند.
ل گۆڕ ده‌نكۆباسێن هاتینه به‌لاڤكرن په‌یامنێر حه‌یدر شكور دده‌مێ رامالین و ڤه‌گوهاستنا شه‌رێ دناڤبه‌را له‌شكرێ عیراقێ و چه‌كدارێن داعشێ ل باژیرێ بێجى هاتیه بریندار كرن، هه‌ڤه‌ده‌م ئاشكراكر ره‌وشا حه‌یده‌ر شكور یا باشه و نها بۆ چاكرنا برێن وى بۆ نه‌خوشخانێن به‌غدا هاتیه ڤه‌گوهاستن.
ئه‌ڤرۆ نیۆز:
فه‌رماندێ هێزا پێشمه‌رگه‌ى ل باژێرێ كوبانێ لیوا عه‌بدولقه‌هار مه‌جید حاجی دوپاتكر، گه‌را دوێ یا هنارتنا چه‌كێ بۆ پشته‌ڤانى و به‌ره‌ڤانیكرنا ژ باێرێ كوبانێ گه‌هشتیه كوبانێ، هه‌ڤده‌م ده‌نگۆباسێن ل دۆر رێگریا وه‌لاتێ توركیا هه‌مبه‌رى هنارتنێ چه‌كى ل ب رێا ئاخا توركیا ره‌تكرن.
فه‌رماندێ هێزێن پێشمه‌رگه‌ى ل كوبانێ گۆت: هێزێن پێشمه‌رگه‌ى و هێزێن یه‌كینه‌كا پاراستنا گه‌ل و گرۆپێن له‌شكرێ ئازادێ سورى پێشڤه‌چوون هه‌ره باش ل باژێرێ كوبانێ ب ده‌ستڤه‌ئینان و وڕه‌یێن هه‌موویان د بلندن، عه‌بدولقه‌هار مجید دوپاتكر، هێزێن پێشمه‌رگه‌ى به‌رده‌وام بنگه‌هێن داعشا تیرۆرست ل ده‌ورۆبه‌رێن كوبانێ توپباران دكه‌ن، و زیانێن مه‌زن ب چه‌كدارێن داعشێ گه‌هاندینه.
لیوا عه‌بدولقه‌هارى گۆت: هێزێن پێشمه‌رگه و یه‌كینه‌یا پاراستنا گه‌ل و له‌شكرێ ئازادێ سورى وه‌ك برا دژى داعشێ شه‌رى دكه‌ن، و ل نێزیك دێ مزگینیا ئازادیا كوبانێ راگه‌هینین.
ئه‌ڤرۆ نیۆز:
سه‌رۆكێ ئه‌مریكى باراك ئۆباما من ده‌ستهه‌لاتكا به‌رفره‌ه و تێروته‌سل بۆ روبروبوونا چه‌كدارێن داعشێ دڤێت،هه‌روه‌سا خوه‌یاكر، مه‌ره‌م ژ وێ ده‌ستهه‌لاتێ ئه‌وه كونگرێسێ ئه‌مریكى راسپاردنه‌كا دى ب ده‌ته من بۆ ب كائینانا هێزا له‌شكرى دژى چه‌كدارێن داعشێ و ئه‌و ده‌ستهه‌لات یا به‌رفه‌ره بیت بۆ به‌رهنگاربوون و سه‌ره‌ده‌ریا گه‌فێن نها ل ده‌ڤه‌رێ.
زێدبارى وێ چه‌ندێ ژى ئۆباماى داكوكى ل سه‌ر وه‌لاتێ سوریا كر و گۆت: بتنێ چاره به‌رهنگاربوونا توندره‌وان به‌س نینه به‌لكى دڤێت هنده‌ك ده‌ڤه‌رێن ڤه‌بڕى و قه‌ده‌غه‌كرى به‌رانبه‌رى چه‌كدارێن داعشێ و ریێن وانا بهێنه گرتن.
ئه‌ڤرۆنیوز، ئه‌میر ئه‌ترووشى:
ئاراز محه‌مه‌د مه‌مدوح رێڤه‌به‌رێ خانه‌نشینا دهۆكێ بۆ ئه‌ڤرۆنیوز دیار كر، هه‌تا نوكه مووچێ مه‌ها نه‌ه و 10 یێ خانه‌نشینان نه‌هاتیه خه‌رجكرن و ڤێ ژى گه‌له‌ك گازنده ل دووڤ خوه هێلاینه، چونكو پتریا خانه‌نشینان دانعه‌مرن و ژبلى مووچێ خانه‌نشینیێ چو داهات نینن ژیانا خوه پێ برێڤه‌ببه‌ن.
رێڤه‌به‌رێ خانه‌نشینا دهۆكێ دیاركر كو نها دۆرێن 22 هزار خانه‌نشینێن فه‌رمانبه‌ر ل گشت پارێزگه‌ها دهۆكێ هه‌نه، ژ بلى خانه‌نشینێن پێشمه‌رگه كو ئه‌و نه سه‌ر ب رێڤه‌به‌ریا مه‌ڤه‌نه و گۆت ژى: رێژه‌یا خانه‌نشینێ سالانه ل دووڤ ژیێ قانوونى یێ فه‌رمانبه‌رانه و نه مه‌رجه سالانه هژماره‌كا نیشانكرى بهێنه خانه‌نشینكرن، چونكو ل سالا 2010ێ پتر ژ 2500 فه‌رمانبه‌ران هاتبوونه خانه‌نشینكرن، به‌لێ ل سالا 2009ێ ب تنێ 400 فه‌رمانبه‌ربوون و گۆت: (هه‌ر فه‌رمانبه‌ره‌كى بگه‌هیته ژیێ 63 سالیێ دێ هێته خانه‌نشینكرن، یان ژى هه‌كه خزمه‌تا وى بوونه 15 سال، وى ماف هه‌یه داخوازا خانه‌نشینیێ بكه‌ت).
رێڤه‌به‌رێ خانه‌نشینا دهۆكێ ئاماژه دا وێ چه‌ندێ كو ل پارێزگه‌ها دهۆكێ فه‌رمانبه‌ر گه‌له‌ك كێم دبن ژیێ قانوونى دا داخوازا خانه‌نشینیێ دكه‌ن و هه‌تا نه‌گه‌هنه 63 سالیێ خوه خانه‌نشین ناكه‌ن.
مه‌مدوح دیار كر كو ل جیهانێ هه‌موویێ هه‌تا فه‌رمانبه‌ر نه‌گه‌هیته ژیێ 63 سالیێ نابیت بهێته خانه‌نشینكرن، به‌لێ ل كوردستانێ ئه‌ڤه بوویه تشته‌كێ نورمال و ئه‌و ب خۆ چێنابیت و گۆت: (ل گشت وه‌لاتێن جیهانێ هه‌كه كه‌سه‌ك دبن ژیێ قانوونى دا داخوازا خانه‌نشینیێ بكه‌ت، دێ كه‌ڤیته به‌ر ڤه‌كۆلینان و ره‌نگه نه‌هێته قه‌بوولكرن ژى).
ئه‌ڤرۆ نیۆز، قائید میرۆ
فه‌رمانده‌كێ پێشمه‌رگه‌ی ل میحوه‌رێ خازر ئاماژه بڤێ چه‌ندێ دكه‌ت، هه‌تا نوكه هژماره‌كا زۆرا چه‌كدارێن داعش ب ده‌ستێ نه‌یارێن وان دناڤ باژێڕێ مووسل هاتینه كوشتن و داعش بڕیاردایه، ده‌مێ هاتن وچوونێ دكه‌ن سه‌روچاڤێن نه‌گرن هه‌تا نه‌هێنه نیاسین.
عه‌مید مه‌غدید هه‌ركی، فه‌رماندی هێزا زێره‌ڤانی ل میحوه‌رێ خازر ب ئه‌ڤرۆ نیۆز راگه‌هاند، كو لڤینێن داعش ل سنورێ مووسڵ كێمبووینه و پشتی كو نه‌یارێن داعش زێده‌بووی، هه‌تا نوكه چه‌ندین چه‌كدارێن داعش ژلایێ كه‌سێن نه‌نیاس هاتینه كوشتن و رۆژ بۆ رۆژێ مه‌ترسی بۆسه‌ر چه‌كدارێن وان زێده دبیت.
هه‌ركی گۆتژی: رێكخراوا تیرۆرستیا داعش بڕیاره‌ك بۆ چه‌كدارێن خوه ده‌ركریه، كو هاتن وچوونا خوه كێم بكه‌ن و ده‌مێ هاتن وچوونێ ژی دكه‌ن،سه‌رۆچاڤێن خوه نه‌گرن وه‌كی به‌رێ، چونكو تێنه نیاسین و دبنه ئارمانجا چه‌كدارێن نه‌نیاس.
ئه‌ڤرۆ نیۆز:
ئه‌ڤرۆ وه‌زاره‌تا به‌ره‌ڤانیا وه‌لاتێ ئه‌لمانیا راگه‌هاند، باره‌كێ دى یێ چه‌كێ پێدڤى گه‌هشته هه‌ولێرا پایته‌خت، هه‌ڤده‌م خوه‌یاكر، نها پێشمه‌رگێ هه‌رێما كوردستانێ چه‌كه‌كێ باش هه‌یه كو نێزیكى 16 هه‌زار كلاشینكۆف و 30 هه‌زار چه‌كێ دژه تانك ژ جورێ میلان ل گه‌ل 500 موشه‌كان و 240 پارچه چه‌كێ بازۆكان( بانزرفاوست) و 10 هه‌زار نارنجوكێن ده‌ستى.
هه‌روه‌سا وه‌زاره‌تا به‌ره‌ڤانیا ئه‌لمانى دیاركر، كو ل رۆژا سێشه‌مبیا بۆرى ئه‌و چه‌ك هاتیه ره‌وانكرن بۆ هه‌ولێرێ، كو ژمارا بارێن ڤه‌گوهاستنا كه‌لوپه‌لێن له‌شكرێ ژ وه‌لاتێ ئه‌لمانیا بۆ هه‌رێمێ گه‌هشتیه 1365 ته‌نان و دناڤ كه‌لوپه‌لێن له‌شكرى ترۆمبێلێن ژى هه‌نه و ترۆمبێلینَ بارهلگر و لێنانگه‌هێن له‌شكرى یێن گه‌رۆك ژى هاتینه هنارتن.
هه‌ژى گۆتنێ یه كو ئه‌ركێ هاریكاریا وه‌لاتێ ئه‌لمانى بتنێ پرَ چه‌ككرنا پێشمه‌رگه‌ى نینه، به‌لكى بكارێن مه‌شق و راهێنانێن هێزێن پێشمه‌رگه‌ى ل هه‌ولێرێ ژى رادبیت.
ئەڤرۆ:
رێڤەبەرێ گشتی یێ ئاڤ و سولینان ل ھەرێما کوردستانێ راگەھاند کو پرۆژێ دانانا پیڤەرێن میکانیکی یێن ئاڤێ بۆ ملیۆن مالان ل سەر ئاستێ ھەرێما کوردستانێ جێبەجێ دکەن، گۆت ژی ھەر مالەکا ڤی پیڤەری نەدانیت دێ ھەر دێ ھەیڤێ ب 100 ھزار دیناران ھێتە غرامەکرن.
سەھەند سیروان رێڤەبەرێ گشتی یێ ئاڤ و سولینان ل ھەرێما کوردستانێ ئەو ژی دیارکر کو د ماوێ 40 رۆژان دا دێ ئەو پیڤەرێن میکانیکی ھێنە دانان کو د تایبەتن ب قەبارێ وێ ئاڤا دھێتە ب کارئینان بۆ ملیۆن مالان ل سەر ئاستێ ھەرێما کوردستانێ، گۆت ژی سێ مۆدێلێن پیڤەران یێن ھەین و ھەر ئێک ب بھایەکێ جودایە و وەلاتی د ئازادن کیژی ب دانن، ل بەرامبەری وێ وەلاتی دێ ھێنە بەخشین ژ پێدانا کریا بکارئینانا ئاڤێ بۆ ماوێ چار ھەیڤان ب مەرجەکی رێژا ب کارئینانێ ژ 160 مترێن سێجا بۆ ھەیڤەکی پتر نەبیت.
رێڤەبەرێ گشتی یێ ئاڤ و سولینان ل ھەرێما کوردستانێ گۆت ژی ھەکە ھەر مالەک وان پیڤەران نەدانیت ل وی دەمی بۆ ھەر ھەیڤەکێ دێ سەد ھزار دیناران وەکو سزا دەت.
ئەڤرۆ نیوز:
رێڤەبەریا گشتیا کەشناسی و بیڤەلەرزێ ل ھەرێما کوردستانآ رەوشا کەشوھەوایێ سوبەھی رێکەفتی 7\11 راگەھاند و ئاشکەرا کر کو پێشبینی دھێتە کرن، ئەسمان ساھی بیت.
رێڤەبەریا گشتیا کەشناسی و بیڤەلەرزێ ل ھەرێما کوردستانآ دا زانین ژی کو پلا بەرز دێ پیچەکێ چیتە سەری، ئانکو بلند بیت و نزمترین پلە ژی دێ وەکو ئەڤرۆ و رۆژێن بەری وێ بیت.
دەربارەی ئاراستەیێ بای و لەزاتیا وێ ژی ئاشکەرا کریە کو دێ بایێ باکوورێ رۆژھەلات بیت و دێ یێ ل سەر خۆ بیت ب رەنگەکی کو ژ پێنج ھەتا 20 کلیۆمەتران د دەمژمێرەکێ دا.
دەربارەی پلێن گەرمێ ژی بەلاڤ کریە کو بلندترین پلە دێ 15 بیت و نزمەترین پلە ژی دێ پێنج بیت.
نيشاندان