ئەڤرۆ نیوز:
ئەڤرۆ وەزارەتا ساخلەمیا عیراقێ سێ حالەتێن نوو یێن توشبوون ب کۆرۆنا یێ ڕاگەهاندن، کو دو ژوان ل کەرکوکێ نە و ئێکی دیتر ژی ل پارێزگەها واست بوویە.
سەیف بەدر، پەیڤدارێ وەزارەتا ساخلەمیا عیراقێ د پرێس کۆنفرانسەکێ دا راگەهاند، تیمێن ساخلەمیێ ب هووری چاڤدێریا وان توشبوویان دکەن یێن کو ئەڤرۆ هاتینە تۆمار کرن و هەموو بۆ جهێن دیارکری هاتینە رەوانەکرن.
ئەڤرۆ نیوز، رەزوان رۆژبەیانی:
سترانبێژێ باکورێ کوردستانێ سەرتاچ دلدا نووترین کلیپا خوە ب ناڤێ دلۆ بەلافکر.
د داخۆیانیەکێ دا سترانبیژێ گەنج سەرتاچ دلدا ل دۆر کلیپا خوە بناڤێ دلۆ بۆ ئەڤرۆ نیوز خویاکر، ئەڤ کلیپە کۆکتێلە و ژ پێنج سترانێین فلکلۆری پێک دهێت تنێ سترانبێژەک کوسترانێ راپێ دبێژیت ب ئێک ستران ل گەل من پشکدارە د کلیپێ دا ،گۆت ژی ژلایێ دەرهێنەر سەعید جەی ل باژاری ئەستەمبۆلێ و باژارێ ئاگری کارێ وێنە گرتن بۆ هاتیە کرن.
ئاشکراژی کرهەتا نوکە چوو سی دی تۆمار نەکرینە، تنێ ئەو سترانێن تەک تەک تۆمار و کلیپ دکەت و ئەف کلیپە دبیتەکلیپا هەشتێ کو دهێتە بەلاڤ کرن گوت نوکە حەفت سترانێن من ئامادەنە بۆ کلیپ کرنێ بەلێ هەموو پێکڤە ئەزکلیپ ناکەم من ل بەرە کو هەر هەیڤ ئێک ژێ کلیپ بکەم و بەلاڤ بکەم
ئەڤرۆ نیوز:
ل سەر سپاردە و رێنمایێن وەزارەتا ساخلەمیا عیراقێ، ژبەر بەلاڤبوونا کۆرۆنایێ، لێڤەگەرا کەربەلا بریار دا نڤێژا ئەینیێ برێڤە نەچیت.
د بەرسڤا داخوازیێن وەزارەتا ساخلەمیا عیراقێ بۆ لێڤەگەرێ و مەزارگەهێن ئیمام حسەینی، کو تێدا داخوازا راگرتنا نڤێژا ب کۆم و مەڕاسیمێن ئاینی کربوو، ئەڤرۆ لێڤەگەرا بلند یا شیعان ڕاگەهاندنەک بەلاڤکریە و راگەهاندیە، ژبەر داخوازیا وەزارەتا ساخلەمیێ، ئیدارا عەتەبات یا حسەینی ل کەربەلا بڕیار دایە مەڕاسیما نڤێژا ب کۆم یا ئەینێ سوبەهی ل کەربەلا بهێتە راگرتن.
هەروەسا گۆتیە، ئەڤ بڕیارە ژ پێخەمەت سلامەتی و بەرژەوەندیا گشتی و دەربازکرنا ڕەوشا نوکە یە کو نەشێین ژبەر بەلاڤبوونا کۆرۆنایێ نڤێژا ب کۆم بکەین.
ئەڤرۆ نیوز:
سەرۆکێ سووریا کێشا کوردان ل وەلاتێ خوە ب خەیال و درەوێ بناڤ دکەت و دەربارەی هێرشێن تورکیا ل ئدلب دبێژیت: ئەویێن بەیاننامێن تووند ل دژی تورکیا دەردکەن، بلا چەکداران بۆ مه بهنێرن، داکو پێکڤە شەرێ تورکیا بکەین.
بەشار ئەسەدی، سەرۆکێ سووریێ د هەڤپەیڤینەکێدا ل گەل کەنالێ رووسیا 24 راگەهاند: ئەوێن بەیاننامێن تووند ل دژی تورکیا دەردکەن، لێ هەتا نوکە ئێک گولە ل دژی تورکیا نەتەقاندیە، ئەم ب تنێ شەڕی ل دژی تورکیا دکەین.
ئەڤرۆ نیوز:
د راگه‌هاندنەکا نوودا، وه‌زاره‌تا ساخلەمیا حكومه‌تا هه‌رێما كوردستانێ، سه‌رەدانا نه‌خۆشان ل نه‌خۆشخانان قه‌ده‌غه كر.
ئه‌ڤە ده‌قێ وێ راگەهاندنێ یە:
ژ پێخەمەت بەرژەوەندیا گشتی بۆ رێک گرتنێژ ترسا بەلاڤبوونا نەخۆشیا ڤایرۆسێ کۆرۆنا یێ (COVID-19) پشتی بڕیارێن رێڤەبەریێن گشتی یێن ساخلەمیا پارێزگەهان، مە بریار دا ب:
1- قەدەغەکرنا تەماما سەرەدانێن وەلاتیان بۆ نەخۆشخانان و سەنتەران ل کەرتێن گشتی و تایبەت (نەخۆشخانێن حکومی و ئەهلی).
2- دڤێت ل قاویشا نەخۆشخانان ب تنێ ئێک وەلاتی ل گەل نەخۆشی بیت، ل بەشێن چاڤدێریا چر پێدڤی ب هەبوونا کەسی ناکەت ل گەل نەخۆشی .
هیڤیدارین وەلاتی پابەندی بڕیار و رێنمایێن وەزارەتا ساخلەمیێ بن بۆ پالپشتیا هەموو لایەکێ ژ کۆنترۆلکرنا بەلاڤبوونا ڤێ نەخۆشیێ.
ل گەل رێزێن مە دا
وەزارەتا ساخلەمیێ یا حکومەتا هەرێما کوردستانێ
5 ئادارا 2020
ئەڤرۆ نیوز، زنار:
یاریزانێ یانا ریال مەدرید فرانچێسکو ئیسکو تووشی هنگافتنێ بوویە و د راهێنانێن ئەڤرۆ یێن یانێ دا پشکداری نەکریە.
رۆژناما مارکا یا ئسپانی ئاماژە دایە ڤی پەیامی و دیارکریە کو ئیسکو تووشی هنگافتنێ بویە و نەشیایە پشکداریێ د راهێنانێن ئەڤرۆ یێن کوم دگەل یاریزانان بکەت لێ هەتا نوکە نوشدارێن یانێ ئاماژە نەدایە جورێ ڤێ هنگافتنێ دیسان کا دێ چەند دورکەڤیت ژ تیمێ لێ پشکداریا ئیسکوی د گومانێ دایە ل یاریا بهێت یا یانێ ل رۆژا ئێکشەمبی بەرامبەر یانا ریال بتیس ژ هەڤرکیێن گەرا ۲۷ یا لیگا ئسپانی.
ئەڤرۆ نیوز:
بسپۆرێن سیاسی دیار دکەن کو ئالۆزیێن ل ئدلبێ نیشا ددەت کو ئیران وەکو جاران ل سووریێ خوەدان رۆل نینە و روسیا ژی رێ نادەت ئیران وەکو بەرێ ل سووریێ بزاڤان بکەت و ژ بەر هندێ ژی نها ل سووریێ هەری زێدە تورکیا و روسیا شەری بۆ بەرژەوەندیێن خوە دکەن.
بسپۆرێن سیاسی ئاماژە ب هندێ ژی دکەن کو روسیا پشتی کو شیا رۆلێ ئیرانێ ل سووریێ کێم بکەت نها ژی کار بۆ هندێ دکەت دووماهیێ ب رۆلێ تورکیا ژی بینیت و شەرێ نها ل ئدلبێ ژی نیشانێن هندێ نە.
ئەڤرۆ نیوز:
رۆژناما یێنی شەفەق یا سەر ب ئاکپارتیێ د هژمارا خوە یا ئەڤرۆ دا ب توندی هێرشی سەرۆکێ پارتا کۆماریا گەل کەمال کلچدار ئوگلۆ کریە و دیار کریە کو ئەو خایینە، بێ بهایە و بێ شەرەفە. ل کەلتورێ تورکیا دا ئەو هەر سێ گۆتن دژوارترین سڤکاتینە کو ب کەسەکێ بهێتە کرن، ژ بەر هندێ ژی نها ئەو رۆژنامە د رۆژەڤا تورکیا دایە و هەموو رەوشەنبیرێن تورکیا بەحسێ بابەتێن وێ رۆژنامێ دکەن.
ئه‌ڤرۆ نیۆز، عه‌زیز هه‌ورامی:
له هه‌ڵه‌بجه 121 گه‌راوه‌ی ئێران له كه‌ره‌نتینه‌كانن ئێواره‌ی ئه‌مڕۆ پاش پشكنین بۆ 29 كه‌سیان 14 ڕۆژه‌كه‌ی خۆیان ته‌واوكردووه، ئه‌گه‌ر هیچ نیشانه‌یه‌كی ڤایرۆسی كۆرۆنایان نه‌بێت ئه‌وه ڕه‌وانه‌ی ماڵه‌وه ده‌كرێنه‌وه.
ئازاد مسته‌فا به‌ڕێوه‌به‌ری گشتی ته‌ندروستی پارێزگای هه‌ڵه‌بجه، به ئه‌ڤرۆ نیۆزی ڕاگه‌یاند: ” ئه‌مڕۆ پشكنینی دووه‌م بۆ 29 هاوڵاتی له كه‌ره‌نتینه‌كانن ده‌كه‌ین 14 ڕۆژی خۆیان ته‌واو كردووه، ئه‌گه‌ر هیچ نیشانه‌یه‌كی ڤایرۆسی كۆرۆنایان نه‌بێت ئه‌وه ده‌نێردرێنه‌وه بۆ ناوماڵ و منداڵه‌كانیان.
ئازاد مسته‌فا گوتیشی له سنووری هه‌ڵه‌بجه، دوو كه‌ره‌نتینه مان هه‌یه 121 هاوڵاتی گه‌راوه له وڵاتی ئێران میوانن لامان ده‌بێت بۆ ماوه‌ی 14 ڕۆژ بمێننه‌وه به‌رده‌وام پزیشكیان لایه و ئاگایان له ته‌ندروستییانه.
هه‌روه‌ها ئاماژه‌ی بۆ ئه‌وه‌شكرد، نه‌خۆشخانه‌یه‌كی 24 كاتژمێریمان له هه‌ڵه‌بجه كردووه‌ته‌وه، بۆ ئه‌وكه‌سانه‌ی هه‌ست ده‌كه‌ن نیشانه‌كانی ڤایرۆسی كۆرۆنایان هه‌یه وه‌ك هه‌ناسه‌توندی و پژمه و كۆكه، داوایان لێده‌كه‌ین ڕو له هیچ نه‌خۆشخانه‌یه‌كی ترنه‌كه‌ن جگه له‌و نه‌خۆشخانه‌ی تایبه‌تمانكردووه به‌و جۆره حاڵه‌تانه، له ناو نه‌خۆشخانه‌ی گشتی به‌ركه‌وتوانی چه‌كی كیمیاوی كردوومانه‌ته‌وه له ناوه‌ندی پارێزگای هه‌ڵه‌بجه، پزیشكی پسپۆڕ و كامه‌ندی ته‌ندروستی پێشوازی و تاقیگه‌ی بۆ دابینكراوه.
هه‌روه‌ها ئاماژه‌ی بۆ ئه‌وه‌كرد، له سه‌ر بودجه‌ی پارێزگای هه‌ڵه‌بجه ئامێری ئاشكراكردن و ده‌ستنیشانكردنی حاڵه‌ته‌كانی توشبوی ڤایرۆسی كۆرۆنا دابینده‌كه‌ین نرخه‌كه‌ی نزیكه‌ی 100 ملیۆن دیناره.
نيشاندان