ئه‌ڤرۆ نیۆز، سالار دۆسكى:
سترانبێژا شۆخ و شه‌نگ(كیژان ئیبراهیم خه‌یات) دیاركر كو ده‌مێ ئه‌وێ دادوه‌رى كه‌نالێ NRT 2دكر ل پرۆگرامێ خۆشترین ده‌نگ، ئه‌زموونه‌كا ب زحمه‌ت بوو ده‌ربازكر.
كیژانێ گۆت: ده‌مێ من داداوه‌رى وى پرۆگامى دكر و مه بریار دا، هنده‌ك شه‌ڤ هه‌بوون خه‌وا من نه‌دهاتن له‌وما ئه‌زموونه‌كا گه‌له‌ك بزحمه‌ت بوو مه تێپه‌راندى.
كیژانێ دیاركر ژى كو ژبه‌ر ئه‌ڤا بریارا نه بتنێ دلێ كه‌سه‌كى هێلابیت به‌لكو دێ كه‌س و كارێن وى ژى مابیت.
ئه‌ڤرۆ نیۆز، سالار دۆسكى:
سترانبێژێ گه‌نج هه‌ردى سه‌لاح دپه‌یچێ خوه‌یێ تایبه‌تێ جڤاكیێ فێسبووكى دا به‌لاڤ كریه كو شیاشیه 14 كیلۆیا ژ سه‌نگ خوه بینته خوار و ئه‌ڤه پشتى كو بۆ ماوێ دو هه‌یڤانه راهێنانێن وه‌رزشى كرین و هه‌تا نوكه به‌رده‌وامه.
هه‌ردى دهه‌مان نڤسینیا به‌لاڤه‌كرى دا ، كو باوه‌ریا مرۆڤى ب مرۆڤى ژ هه‌ر خاله‌كێ ب هێزتره و مرۆڤى دگه‌هینته ئارمانجێ و شیایه دو هه‌یڤان دا 14 كیلۆیان ژ سه‌نگا خوه بینته خوارێ.
جهێ ئاماژه‌كرنێ یه كو سترانبێژ هه‌ردى سه‌لاح به‌رى چه‌ند هه‌یڤان ده‌ست ژ ستران گۆتنێ به‌ردایه و به‌ر ب جیهانا سترانێن ئاینى چوویه و دیسان ژ كه‌نالێن راگه‌هاندنێ ژى خواست بوو كو ئێدى سترانێن وى نه‌هێنه به‌لاڤه
ئه‌ڤرۆ نیۆز:
سه‌رۆك وه‌زیرێن توركى ئه‌حمه‌د داود ئوگلو گۆت: به‌لا هنده‌ك چاڤه‌رێ نه‌بن كو وه‌لاتێ وى هێزێن خوه ره‌وانه‌یى كوبانێ بكه‌ت، دوپاتكر بتنێ به‌رهنگاریا سورى و هێزێن پێشمه‌رگه‌ێن كوردێن عیراقێ شیانێن قورتالكرنا باژێرێ كوبانێ ژ ده‌ستێن چه‌كدارێن داعشێ هه‌یه.
داود ئوگلوى هه‌روه‌سا گۆت: فرۆكێن ئه‌مریكى بۆ ده‌مێ چه‌ند حه‌فتیانه دربێن خوه دادوه‌شیننه چه‌كدارێن داعشێ نێزیكى كوبانێ، به‌لێ دربێن ئه‌سمانى بتنێ به‌س نینه بۆ راگرتنا هێرشێن داعشێ.
سه‌رۆك وه‌زیرێن توركى د هه‌ڤدیتنه‌كێ دا ل گه‌ل (BBC) دا ئاشكراكر، پێدڤیه كارێ هێرشه‌كا په‌یاده بۆ قورتالكرنا كوبانێ بهێته ئه‌نجامدان، به‌لێ داود ئوگلوى دیاركر، به‌لێ توركیا و هه‌ڤپه‌یمانێن رۆژئاڤا بكارێ وێ هێرشا په‌یاده رانابن.
هه‌روه‌سا ئوگلوى خوه‌یاكر، هه‌كه هێزێن هه‌ڤپه‌یمانان نه‌ڤێت هێزێن په‌یاده یێن خوه بۆ كوبانێ ب هنێرن ئه‌و چه‌وا دێ وێ داخوازێ ژ توركیا كه‌ن.
ئه‌ڤرۆ نیۆز، عه‌دنان رێكانى:
ژێده‌ره‌كێ به‌رپرس ژ پێشمه‌رگه‌ى تایبه‌ت بۆ ئه‌ڤرۆ نیۆز ئاشكراكر، خه‌لیفێ داعشێ ئه‌بو به‌كر به‌غدادى د هێرشێن ئه‌سمانى یێن هێزێن هه‌ڤپه‌یمانان ل سه‌ر باژێرێ مووسل هاتیه بریندار كرن.
به‌رپرسێ راگه‌هاندنا لقا مووسل یا پارتى دیموكراتى كوردستان سه‌عید مه‌موزینى دداخوه‌یانیه‌كێ بۆ ئه‌ڤرۆ نیۆز گۆت: ل گۆڕ پێزانێن مه یێن د ناڤه‌ندا باژێرێ مووسل هێرشێن ئه‌سمانى یێن ل سه‌ر ده‌زگه‌هێ كندى هاتینه ئه‌نجامدان ئه‌بو به‌كر به‌غدادى دوان هێرشان دا بریندار بوویه ب مه‌ره‌ما چاه‌ركرنێ و بۆ جهه‌كێ نه‌دیار هاتیه ڤه‌گوهاشتن.
سه‌عید مه‌موزینى هه‌روه‌سا خوه‌یاكر، چه‌كدارێن داعشێ پشتى بریندار بوونا خه‌لیفێ وان تووشى بێ ئومێدیێ بووینه نه‌خاسمه شكه‌ستنێن ئێك ل دووڤ ئێك یێن مه‌یدانا شه‌رى ژى هه‌نه و یا ژ هه‌موو یان مه‌زنتر ئازدكرنا ناحیا زومار بوویه، كو ئه‌جامێ وى شه‌رى ب سه‌ده‌هان كوشتى و بریندار ژ چه‌كدارێن داعشێ هه‌بوون، یێن مایى ژى تووشى ترس ه له‌زه‌كا مه‌زن بووینه ژ دربێن پێشمه‌رگه‌هێ قاره‌مان.
ئه‌ڤرۆ نیۆز:
سه‌رۆكێ ئه‌كادیمى یا كوردى یا زمانان د. نورى تاله‌بانى دوپاتكر، په‌سه‌ندكرنا قانوونا زمانان ل هه‌رێما كوردستانێ ژ ئالیێ په‌رله‌مانێ هه‌رێمێ ڤه كاراكرنا مادێ 4 یێ دستورێ عیراقێ یه ل هه‌رێمێ ب شێوه‌كێ پراكتیتكى.
دكتور نورى هه‌روه‌سا گۆت: ل گۆڕ مادێ چار یێ دستورێ عیراقێ هه‌ردو مانێن كوردى و عه‌ره‌بى زمانێن سه‌ره‌كى یێن عیراقێ نه ل گه‌ل زمانێ دى یێن توركمانى و سریانى.
زێده‌بارى وێ نورى تاله‌بانى دیاركر، مه‌ره‌م ژ به‌رهه‌ڤكرن و په‌سه‌ندكرنا قانوونا زمانان ل هه‌رێما كوردستانێ ژ ئالیێ په‌رله‌مانێ هه‌رێمێ ڤه بتنێ كاراكرنا مادێ 4 یێ دستورێ عیراقێ یه وبجهئینانا وێ بشێوه‌كێ دورهێلى ل هه‌رێما كوردستانێ.
ئه‌ڤرۆ نیۆز:
په‌یڤدارێ فه‌رمى یێ حوكمه‌تا هه‌رێما كوردستانێ سه‌فین دزه‌یى بۆ رۆژناما شه‌رق ئه‌لئه‌وسه‌ت دیاركر، هه‌رێما كوردستانێ چاڤه‌رێ به‌غدایه، كو ل ده‌مه‌كێ نێزیك دانوستاندن د ناڤبه‌را هه‌ردو ئالیان دا بهێنه ئه‌نجامدان، وه‌كى نیاز پاكیه‌ك و ئاڤكرنا باوه‌ریێ د ناڤبه‌را به‌غدا و هه‌ولێرێ دا و چاره‌كرنا هه‌موو قه‌یرانێن هه‌لاویستى.
سه‌فین دزه‌یى هه‌روه‌سا دوپاتكر، هه‌رێما كوردستانێ نها ل به‌رۆكێن شه‌رى دژى تیرۆرێ یه و پێدڤى ب چه‌كێ قورس و گران و پێشكه‌فتى هه‌یه، ئاماژه‌دا هندێ ژى، هێزێن هه‌ڤپه‌یمانان سۆز دایه كوردان، فرۆكێن جه‌نگى و تانكان بده‌نه كوردان.
په‌یڤدارێ فه‌رمیێ حوكمه‌تا هه‌رێمێ خوه‌یاكر، سۆزا هه‌ڤپه‌یمانان ب دانا تانك و فرۆكان ژ بۆ به‌ره‌ڤانیكرن و به‌رسینكگرتنا چه‌كدارێن داعشێ یه، كو هه‌تا نها نه‌شیایه باژێرێ كوبانێ ب هه‌موو شیانێن خوه كونترۆل بكه‌ت.
ئه‌ڤرۆ نیۆز:
وه‌زاره‌تا به‌ره‌ڤانیا ئه‌مریكى پنتاگۆن گۆت: بهایێ ناڤێنێ تێچویێ شه‌رێ دژى چه‌كدارێن تیرۆرى یێن داعشێ رۆژنه بلند بوویه بۆ (8،3) میلۆن دۆلاران و بهایێ گشتى یێ ژ رۆژا 8 هه‌یڤا ئوگستوس هه‌تا 16 چریا ئێكێ كوژمێ (580) ملیۆن دۆلارن.
بلندبوونا بهایێ هاتیه مه‌زاختن وێ ئێكێ ڤه‌دگوهێزیت كو پرۆسا له‌شكرى و كریارێن دژى داعشێ ژى پتر ل وه‌لاتێ سوریا و عیراقێ دهێنه بكارئینان.
وه‌زاره‌تا به‌ره‌ڤانیا ئه‌مریكى هه‌روه‌سا گۆت: به‌رى حه‌فتیه‌كێ بهایێ تێچوویان (7،6) ملیۆن دۆلار بوون و ب كوژمێ گشتى یێ وێ (424) ملیۆن دولار بوون.
ئه‌ڤرۆ نیۆز:
رۆیته‌رز: ل گۆڕ ده‌نگوباسێن ژێده‌ره‌ێن پشه‌سازیا په‌ترۆلێ و به‌رپرسان هاتیه ڤه‌گوهاستن، هه‌رێما كوردستانێ لبه‌ر قه‌بارێ هنارتنا په‌ترۆلێ ب رێیا بۆرێن په‌ترولێ بۆ وه‌لاتێ توركیا بۆ 700 هه‌زار به‌رمیلێن رۆژانه پشتى چاكسازیان زێده بكه‌ت.
هه‌روه‌سا خوه‌یاكر، ل دووماهیا ئه‌ڤ ساله دێ قه‌بارێ هنارتنا په‌رتۆلێ رۆژانه دێ گه‌هیته 400 هه‌زار به‌رمیلان ژ 280 به‌رمیلان كو نها دهێته هنارتن، ئه‌ڤه ژى دێ بیته گڤاشتنه‌ك ل سه‌ر بهایێ په‌رۆلێ ل بازارێن جیهانێ ل گۆڕ گوتنا رۆیته‌رز.
هه‌ر ل گۆڕ گۆتنا ژێده‌رێ پیشه‌سازى، نها كارێن پێشڤه‌برنا ته‌كنینكى دهێنه ئه‌نجامدان و ده‌مێ ب دووماهى دهێت هێزا هنارتنا په‌ترۆلێ ب رێیا هێلا هه‌رێما كوردستانێ رۆژانه دێ گه‌هیته 700 هه‌زار به‌رمیلان.
ئه‌ڤرۆ نیۆز:
ئێكه‌مین هێزا پێشمه‌رگه‌هێ هه‌رێما كوردستانێ برێیا فرۆكخانا نێڤده‌ولى یا هه‌ولێرێ به‌ر ب وه‌لاتێ توركیا بۆ به‌ره‌ڤانیكرنا ژ كوبانێ هاتن ره‌ونه‌كرن.
ل گۆڕ پێزانین رۆژنامه‌ڤانى یێن هاتیه به‌لاڤكرن، هێزه‌كا پێشمه‌رگه‌ى ژ فرۆكخانا هه‌ولێرێ بۆ فرۆكخانا سلوپى یا توركى ل باكورێ كوردستانێ هاتن ره‌ونه‌كرن، ئاماژه‌دانه وێ ئێكێ، ئه‌و هێزا پێشمه‌رگه‌ى ژ سلۆپیا ژبۆ به‌ره‌ڤانیكرنا ژ كوبانێ هه‌ڤكاریا هێزێن شه‌رڤانێن كوبانێ چوویه.
هه‌ژى گوتنێ یه په‌رله‌مانێ هه‌رێما كوردستانێ د روونشتنه‌كا جودا دا چوونا پێشمه‌رگه‌ى بۆ پشته‌ڤانى و به‌ره‌ڤانیكرنا ژ كوبانێ ب پڕانیا ده‌نگان ل رۆژا 22/10 / 2014 ب رێزگرتن و ده‌ستقوتان ڤه هاته په‌سه‌ندكرن.
ئه‌ڤرۆ نیۆز:
ژێده‌ره‌كێ نوشدارى ل باژێرێ (سروج) یێ سنورى ئاشكراكر، هوالگیریا توركى سه‌ركرده‌كێ شه‌رڤانێن یه‌كینه‌یا پاراستنا گه‌ل ل نه‌خوشخانا سورج ل باكورێ كوردستانێ به‌رى چه‌ند رۆژان ب تومه‌تا په‌یوه‌ندیا وى ل گه‌ل (PKK) ده‌سته‌سه‌ركرن.
ژێده‌رێ نوشدارى هه‌روه‌سا دوپاتكر، هه‌الگیریا توركى سه‌ركردێ شه‌رڤانان یێ ب ناڤێ (سه‌لاحه‌ددین ده‌لیك) ژ نه‌خوشخانا سروجێ ده‌رخستن كو ناڤبرى د شه‌رێ دژى داعشێ دا هاتبوو بریندار كرن و ب نهێنى مه‌ره‌ما چاره‌كرنێ بۆ نه‌خوشخانا سروجێ هاتبوو ڤه‌گوهاستن، به‌لێ هه‌والگیریا توركى ئه‌و نهێنى ئاشكراكر و سه‌ركردێ شه‌رڤان برنه جهه‌كێ نه‌دیار.
هه‌ژى گۆتنێ یه (سه‌لاحه‌ددین ده‌لیك) به‌رنیاسه بناڤێ (سۆفى) و ژدایكبوویێ باژێرێ مێردینێ یه یا كوردستانا باكور.
نيشاندان