ئه‌ڤرۆ نيوز:
ب گۆره‌ى كۆڤارا فورێس يانا ريال مه‌دريد خودانا مه‌زنترين داهاته ل جيهانێ و ب ڤێ چه‌ندێ ژى چو پێ نه‌ڤێت دڤێت خودانا باشترين ياريگه‌هـ ژى بيت ل جيهانێ و بۆ ڤێ مه‌ره‌مێ كار د چێكرنا ياريگه‌هه‌كا نوو دا دكه‌ت كو ب كۆژمێ 500 مليۆن ديناران دێ هێته چێكرن و هه‌ر دێ ب ناڤێ “Santiago Bernabeu” بيت.
ئەڤرۆ، سەرجان مەحمود:
ھەڤسەرۆکێ پارتا دیمۆکراسیا گەلان (HDP) د داخویانیەکی دا راگەھاند کۆ ئەو رێککەڤتنا ل دھۆکێ یا د ناڤبەرا ئالیێن رۆژئاڤا دا گەلەک گرنگ دبینن و یەکگرتنا کوردان سەرکەڤتنێ و ئازادیێ گەرەنتی دکەت و بەرخوەدانا ل کۆبانێ و شنگالێ بۆ جیھانێ سەلماند کو گەلێ کورد ئێدی ژ بلی ژیانەکا ئازاد و ب رومەت چ تشتەکا دی قەبوول ناکەت.
سەلاحەدین دەمیرتاش ھەڤسەرۆکێ پارتا دیمۆکراسیا گەلان (HDP) د ھەڤپەیڤینەکی دا تایبەت بۆ رۆژناما ئەڤرۆ ل سەر کۆمبوون و رێککەڤتنا دھۆکێ یا د ناڤبەرا ئالیێن رۆژئاڤایێ کوردستانێ دا، شەرێ ل کۆبانێ و قۆناغا ئاشتیێ ل باکورێ کوردستانێ و تورکیا داخۆیانیێن گرنگ دان و راگەھاند کو گەلێ کورد تێکۆشینا ئازادیێ و پاراستنا دەستکەڤت و پیرۆزیێن خوە دکەت و تێکۆشینەکا ب رومەت و دیرۆکیە و دڤێت د دەستپێکێ دا تورکیا و ھەموو وەلاتێن جیھان ئێدی ماف و راستیا کوردان ل رۆژھەلاتا ناڤین قەبوول بکەن.
دەمیرتاش سەبارەت ب کۆمبوونا دھۆکێ یا ب دەستپێشخەریا بەرێز مەسعود بارزانی سەرۆکێ ھەرێما کوردستانێ د ناڤبەرا ئالیێن سیاسیێن رۆژئاڤایێ کوردستانێ دا ھاتە پێکئینان و د ئەنجامدا ھەر دو ئالی گەھشتنە رێککەڤتنەکی، راگەھاند کو ئەو رێککەڤتنا دھۆکێ ل ھەڤھاتنەکا دیرۆکی دبینن و گۆت: (رێککەڤتنا دھۆکێ دلێ ھەموو کوردان خوەش کر و د دەمەکی ھەری گرنگ دا بو پشتەڤانەکا مەزن بۆ بەرخوەدانا کۆبانێ و تێکۆشینا ئازادیا کوردان و دڤێت ئەڤ رێککەڤتن ئێدی ببیتە بنگەھێ رێککەڤتنا مەزنا نەتەوا کورد و ئەز باوەر دکەم ژ ھەر دەمی زێدەتر باوەریا ب ئازادیێ و یەکگرتنێ د ناڤ گەلێ کورد دا زێدە بوویە و دل و روحێ بەرخوەدانڤانێن کۆبانێ و شنگالێ شاد کریە و ھێز و شیانا بەرخوەدانێ بلند کریە).
ھەڤسەرۆکێ HDP ل سەر رەوشا کۆبانێ و ھێرشێن داعشێ ژی راگەھاند کو رۆژ ب رۆژێ بەرخوەدانا کۆبانێ مەزنتر دبیت و پەیوەندیێن مە بەردەوام ل گەل بەرپرسێن کانتۆنا کۆبانێ ھەنە و ب وان را د ناڤ گەنگەشێ داینە و گۆت: (ب تایبەت پشتی گەھشتنا چەکێن باشورێ کوردستانێ ب رێیا فرۆکێن ئەمریکا ورەیا شەرڤانێن یەکینەیێن پاراستنا گەل و خەلکێ باکور و رۆژئاڤا گەلەک ب ھێزتر کریە و بەرپرسێن کۆبانێ بەرھەڤن ب رەنگەکی گەرم پێشوازیێ ل ھێزێن پێشمەرگە یێن کوردستانێ بکەن و چوونا پێشمەرگەیان دێ ھێزا شەری مەزنتر بکەت و دێ روحیا تیرۆرستان تێک شکینیت، چاوا یەکینەیێن پاراستنا گەل ل گەل برایێن خوە یێن پێشمەرگە ل کەرکووک، شنگال، مەخمور و رەبیعە شەرێ تیرۆرست و داگیرکەران کرن، ب ھەمان رەنگی ل کۆبانێ ژی بەرخوەدانا پێکڤە یا پێشمەرگە و شەرڤانێن کورد دێ سەرکەڤتنێ گەرەنتی بکەت).
سەلاحەدین دەمیرتاش ل سەر رەوشا قۆناغا ئاشتیێ ل تورکیا و باکورێ کوردستانێ ژی راگەھاند کو قۆناغا ئاشتیێ د رەوشەکا ھەستیار دایە و ھەتا نھا ژی حوکمەتا تورکیا نەخشا چارەکرنا پرسا کوردی و ئاشتیێ زەلال نەکریە و گۆت: (ئەز دشێم ب رحەتی بێژم کو حوکمەتا تورکیا نھا بەرھەڤیێ بۆ ھەلبژارتنێن بھێت یێن پەرلەمانێ دکەت و ھەموو ئاخڤتن و کریارێن حوکمەتێ نھا ل دژی پارتا مە یە و پرۆپگاندا رەشکرنا من و پارتیا مە برێڤە دبەن و سیاسەتا خاپاندنێ یا حوکمەتێ بەردەوام دکەت، ئەز ژ بەر ڤێ چەندێ جارەکا دی ژی بۆ حوکمەتێ دبێژم کو کریار و ئاخڤتن و سیاسەتا ھەوە قۆناغا ئاشتیێ دخیتە مەترسیێ و رێکا دەستپێکرنا شەری ڤەدکەت).
دەمیرتاش د دووماھیا ئاخڤتنا خوە دا ژی راگەھاند کو حوکمەتا تورکیا ئەڤ نێزیکی دو ھەیڤن ھەموو سیاسەت و بەرھەڤیێن خوە ل گۆر بنکەڤتنا کوردان ل شنگال و کۆبانێ دروست کریە و دخواستن کو کۆبانێ بکەڤیتە دەستێ داعشێ و دەستکەڤتێن گەلێ کورد ل رۆژئاڤایێ کوردستانێ ژناڤ بچیت، لێ بەرخوەدانا شەرڤانێن کورد و خەلکێ کۆبانێ ھەموو بەرھەڤی و سیاسەتا تورکیا یا ل دژی کۆبانێ و شنگالێ ڤالا دەرخستیە و گۆت: (پشتی پلانا حوکمەتا تورکیا ل کۆبانێ ڤالا دەرکەڤت نھا ژی دخوازیت ب ئاستەنگیێن گەھاندنا ھاریکاریا بۆ کۆبانێ تۆلا خوە ژ بەرخوەدانڤانێن کۆبانێ ڤەکەت و ل دووڤ پلانەکا نوو کەڤتیە و ئەو پلان ژی دەربازکرنا ١٣٠٠ چەکدارێن سوپایێ ئازاد یێن ل حەلەبێ بۆ کۆبانێیە و دخوازیت ب ئینانا سوپایێ ئازاد ل ژێر ناڤێ ھەڤکاریا بەرخوەدانا کۆبانێ بەرخوەدانا کوردان ژ پشتڤە بشکینیت، لێ ئەڤ پلانا وێ ژی ئاشکرا بوویە و ئەز باوەر دکەم ھەموو جیھان ژی ئێدی ژ فێل و یاریێن تورکیا بێزار بووینە. دیسان ھەر دەمێ پێدڤی بوو ھێزێن پێشمەرگە دشێن دەربازی کۆبانێ ببن و ھاریکاریا برایێن خوە بکەن و پێدڤی ب ھێزەکا دی نینە و ژ خوە چەند کۆمێن سەر ب سوپایێ ئازاد یێ سووریێ ل ژێر بورکان فرات ل گەل شەرڤانێن کورد شەرێ تیرۆرستان دکەن و ل دووماھیێ ژی ئەز ب ھیڤیەکا مەزن دبێژم سەرکەڤتن یا کۆبانێ و ھەموو گەلێ کوردستانێیە).
ئەڤرۆ، ھەژار مەعروف:
لژنا بەریکانا یا ئێکەتیا تەپا پێ یا عیراقێ یاریێن گەرا شەشێ دیارکرن کو بریارە ل رۆژا چار شەمبیا بھێت دەستپێبکەن ب کرنا یاریا کەربەلا بەرامبەر زەورا ل یاریگەھا کەربەلا و ل رۆژا پێنچشەمبی ئێک یاری بھێتەکرن ئەوژێ کەھربا دێ مێڤانداریا ھەولێرێ کەت.
ل رۆژا ئەینیا بھێت دێ چار یاریێن دێ ژ ڤێ گەرێ دھێنەکرن، ل یاریگەھا دەلال تیما تەپا پێ یا زاخۆ دێ مێڤانداریا تیما نەفت ئەلجنوب کەت و جەویە ل یاریگەھا خوە بەرامبەر مەسافی و نەجەف ل یاریگەھا خوە دێ دگەل بەغدا کەت و مینا ل گەل تەلەبە ل یاریگەھا زوبێر.
رۆژا شەمبیا بھێت دێ دووماھی ب یاریێن ڤێ گەرێ ھێتە دان ب کرنا چوار یاریان کو دھۆک ل گەل نەفت میسان ل یاریگەھا لیمونە ل باژێرێ عەمارە و شورتە ل یاریگەھا شەعب دێ مێڤانداریا سلێمانیێ کەت و کەرخ ل گەل نەفت وەست و حدود ل گەل نەفت کەت.
ئەڤرۆ:
د بەردەوامیا کارێ تیمێن ساخلەمیێ دا بۆ دووڤچوونا جھێن گشتی ل پارێزگەھا دھۆکێ، ڤێ جارێ ساخلەمیێ جودا ژ جارێن بۆری دەستخۆشی ئاراستەی کارگەھەکێ کر ژ بەر پێگیریا وێ ب رێنما و بڕیارێن ساخلەمیێ.
د. سیروان محەمەد ئەسوەد رێڤەبەرێ کاروبارێن خۆپاراستنا ساخلەمیێ ل پارێزگەھا دھۆکێ راگەھاند د بەردەوامیا کارێ تیمێن زێرەڤانیا ساخلەمیێ دا ل جھێن گشتی ل پارێزگەھا دھۆکێ، ل دەستپێکا ڤێ مەھێ تا نھا تیمێن وان ٣٢ جھێن گشتی سزاداینە و داخستینە.
ئاماژە کر ژی کو ئەو جھێن ھاتینە سزادان و گرتن ژ بەر نەپێگریا رێنمایێن ساخلەمیێ و پیساتیا جھێن وان بوویە کو ژ خارنگەھـ، گازینۆ، داینگەھـ، تەزیاتی، نانپێژی و سەمۆنخانە، مارکێت، مەساج،جوانکاری، کارگەھـ و گەلەک جھێن دیێن گشتی پێک دھێن.
رێڤەبەرێ کاروبارێن خۆپاراستنا ساخلەمیێ دیار کر، کو نەبتنێ ئەو جھێن نەپێگیریێ ب رێنمایێن ھاتنوچوونێ دکەن سزا دکەن، بەلکو وان سوپاسنامە ژی بۆ وان جھان ھەنە یێن زۆر پاقژ بن و پێگیر بن ب رێنمایێن ساخلەمیێ، ل رۆژێن بۆری ژی رێڤەبەریا مە دەستخۆشی ئاراستەی کارگەھەکێ کر ژ بەر پێگیریا وێ ب وان رێنمایا.
ئەڤرۆ:
پەرلەمانتارەکێ عیراقی ل سەر لیستا پارتی دیموکراتی کوردستانێ دیارکر کو پێدڤیە ل ڤێ حەفتیێ پرۆژە قانوونا بودجا گشتی یا عیراقێ بگەھیتە پەرلەمانی چونکو ھەکە نەھاتە رەوانەکرن دێ پەسەند کرنا وێ پرۆژە قانوونێ چیتە سالا بھێت.
پەرلەمانتارێ پارتی ل بەغدا ئەردەلان نورەددین بۆ مالپەرێ فەرمیێ پارتی دیموکراتی کوردستان دیارکر کو ژ 1\11\2014 دێ بێنڤەدانا پەرلەمانێ عیراقێ دەست پێ کەت و ماوێ دو ھەیڤان دێ یا بەردەوان بیت، لەورا پێدڤیە بەری سەرێ ھەیڤێ پرۆژە قانوونا بودجا گشتی رەوانەی پەرلەمانی بھێتە کرن، چونکو ھەکە ژ لایێ حوکمەتێ ڤە ھاتە رەوانە کرن، پەرلەمان بێنڤەدانێ وەرناگریت ھەتا وێ پرۆژە قانوونێ پەسەند نەکەت.
ئەردەلان نورەددین گۆت ژی ئەڤرۆ پەرلەمانێ عیراقێ دێ کۆم بیت بەلێ ھەتا نوکە نە یا دیارە ئەو پرۆژە قانوون رەوانەکریە یان نە، چونکو ھەکە رەوانە نەکربیت و ھەتا دووماھیا ڤێ ھەیڤێ نەگەھشت پەرلەمان دێ بینڤەدانا خوە یا دو ھەیڤی وەرگریت.
ژێدەرەکێَ نێزیک ژ ئۆفیسا سەرۆکێ وەزیرێن عیراقێ حەیدەر عەبادی رادگەھاند کو عەبادی داخواز ژ سەرکردێن حزبا دەعوە یا ئیسلامی کریە ئەمیندارەکێ گشتی یێ نوو ب ھەلبژێرن ل شوونا سەرۆکێ لیستا دەولەتا قانوونێ و جێگرێ سەرۆکێ کۆمارێ نوری مالکی.
ژێدەرێ ناڤبری بۆ سایتێ (الیوم الپامن) یێ عیراقی گوت”عەبادی یێ رازی نینە ژ رەفتارێن مالکی ب تایبەتی پشتی پەیوەندیا مالکی ب ھندەک سەرکردێن حزبا دەعوە ل پارێزگەھان کری و تێدا داخوازا دەرکرنا ھندەک سەرکردێن حزبا ناڤبری کری ژ بەر کو وان باوەری دابو عەبادی د کومبوونا جڤاتا نوونەران دا یا تایبەت ب دانا باوەریێ بۆ حوکمەتا عەبادی” گوت ژی” چەندین سەرکردێن حزبا دەعوە پشتەڤانیێ ل ڤێ پێنگاڤا عەبادی دکەن”.
ئەڤرۆ:
تیرۆرستێن داعش دیار دکەن کو ئەو پەراشوتا فرۆکێن ئەمریکی ل کۆبانێ بەردایە ناڤ وان دا، ئەو خاپاندن.
تیرۆرستێن داعش بەلاڤکریە کو خوارنا ژەھراوی و دەرمانێن کوژەک د ناڤ بارێ وێ پەراشوتێ دا بوون، ھەروەسا ئەو چەکێن د ناڤ وی باری دا ئامیرێن دیارکرنا جھان پێڤە بوون و جھێ ھەلگرێ چەکی ب ساناھی دیار دکر و ئەمریکا شاشی نەکریە، بەلکو بۆ مەرەمێن خوە یێن سیخۆری ئەو پەراشوتە یا بەردایە ناڤ چەکدارێن داعش.
ئه‌ڤرۆ نيوز:
شيرين عه‌بدولوه‌هاب ره‌تكر كو ئه‌و چو كۆمێنتان ل سه‌ر بڕيارا دادگه‌هێ ل دژى خوه بده‌ت پشتى بڕيار هاتيه دان و بهێته زيندانكرن و سزايێ دارايى ژى بده‌ت ژ ئه‌گه‌رێ ده‌ستدرێژيێ ل سه‌ر شه‌ريف مونير و كچێن وى.
ژ لايه‌كێ دى ڤه پارێزه‌رێ وێ، حه‌سام لوتفى، راگه‌هاند كو ئه‌و چاڤه‌رێ ده‌ركه‌فتنا ئه‌گه‌رێن بڕيارێ نه و دێ تانێ لێ ده‌ن و گۆت: “ئه‌زێ پشت راستم كو دێ ل دووماهيێ دێ بێ تاوان ده‌رچيت ژ ئه‌گه‌رێ نه‌بوونا چو به‌لگان ل دژى وێ”.
دوهى رۆژا دوشه‌مبى رێكه‌فتى 28\10 دادگه‌ها كه‌فتنێ بڕيارا زيندانيكرنێ ل سه‌ر شيرين عه‌بدولوه‌هاب بۆ ماوێ شه‌ش هه‌يڤان ده‌ركربوو ل گه‌ل سزادانا وێ ب كۆژمه‌كێ پاره‌ى.
پارێزەرەکێ دۆسیەیا بەڕەڤانیکرنێ ژ کارەساتا شنگالێ ئیماژە بڤێ چەندێ دکەت، ھەتا نوکە نێزیکی 40 سکالا ژلایێ وەلاتیانڤە لسەر ئەبوبەکر بەغدادی و رێکخراوا داعش ھاتینە تۆمارکرن و ھەمووژی ل سنورێ پارێزگەھا دھۆکێ بووینە، لەوڕ پێنج ژوان سکالایان ھاتینە ھنارتن بۆ دادگەھا تاوانێن نێڤدەولەتی.
ھەولێر، قائید میرۆ:
پارێزەر ئەیاد کاکەیی، ئەندامێ تیما بەڕەڤانیکرنێ ژ کارەستا شنگالێ و دەڤەرێن دی بۆ ئەڤرۆ دیارکر، کو سەندیکایێ سێ پارێزەرێن خۆ بەخش دەستنیشانکرینە و گۆت” رۆژا 4\0\2014ێ، ب بڕیارا جڤاتا سەندیکا پارێزەرێن کوردستانێ سێ پارێزە دێ بێ بەرامبەر کار بۆ بەڕەڤانیکرن ژ قوربانیێن ئەڤان کارەستان بکەن، یێن چەکدارێن داعش بسەر خەلکێ شنگالێ و ھەموو دەڤەرێن دیدا ئینای، ئەوژی پێکھاتینە ژ پارێزەران عەلی گوندەسۆری و ئەیاد کاکەیی ئەحمەد عەبدولا، ئەڤ سێ پارێزەرە دێ بریکارنامێ ژ کەسێن سکالا تۆمارکری وەرگرتی بکەن و دێ ل دادگەھێن نافخۆ دەرڤە کار تێدا بکەن، ئەم دگەل سەرۆکێ دادگەھا تێھەلچوون و لایەنێن پەیوەندار ل پارێزگەھا دھۆکێ کۆمبووینە و مە پارێزەرەک ل دھۆکێ دانایە و دگەل سەرۆکێ دەستەیا لێکۆلینێ مژۆلی رێکخستنا سکالایێن وەلاتیانە و ھەتا نوکە ھژمارەکا زۆرا سکالایان ھاتینە تۆمارکرن، بەلێ ئەڤا ھەتا نوکە بەردەستێ مە نێزیکی ٤٠ کەسان سکالا لسەر ئەبوبەکر بەغدادی سەرۆکێ رێکخراوا تیرۆرستیان داعش و ھەروەسا ئەف کەسێن ھەڤکاریا داعش دکەن”.
ئەیادی گۆتژی” چو دادگەھێن تایبەت بڤان کەیسان نینە، دێ بەلگەنامە ھێنە کۆمکرن ھەتا شاندێ حوکمەتا ھەرێما کوردستانێ ژ دەرڤە ڤەگەڕێن کوردستانێ و دادگەھا تاوانێن نێڤدەولەتی دەست ب ڤەکۆلینێن خوە دکەت، مە پێنج سکالا دگەل شاندێ ھەرێمێ ھنارتینە بۆ دادگەھا نێڤدەولەتی و داخوازکارێ گشتیێ جیھانێ، دادگەھا تاوانێن نێڤدەولەتی دێ دوڤچوونا ڤان پێنج سکالایان بکەت و ئەگەر وەرگرتن، ئەڤە داخوازکارێ گشتیێ جیھانی بخوە دێ سەرەدانا کوردستانێ کەت، راستە گورەی رێکەفتناما رۆما عێراق و ھەرێم تێدا ئەندام نینە، بەلێ ژبەرکو زۆربەیا کەسێن تۆمەتبار دگەل داعشدا رەگەزنامەیێن وان وەلاتان ھەنە یێن ئەندام ل دادگەھا نێڤدەولەتی”.
ئه‌ڤرۆ نیۆز، سالار دۆسكى:
په‌یڤدارێ وه‌زاره‌تا په‌روه‌ردێ یا حوكمه‌تا هه‌رێما كوردستانێ ئه‌ڤرۆ دراگه‌هانه‌كێ دا دیاركر كو ب چوو ره‌نگا نابیت ئێدى مه‌لزه‌مه بهێته بكارئینلن و خواست وه‌زاره‌تێن ره‌وشه‌نبیرى و نافخوه دگه‌ل هه‌فكار وهاریكاربن.
فاتح مه‌وله‌وى په‌یڤدارێ وه‌زاره‌تا په‌روه‌ردێ یا حوكمه‌تا هه‌رێما كوردستانێ بۆ ئه‌ڤرۆ نیۆز گۆت: داخاز ژ هه‌موو قوتابیان دكه‌ین كو بخوه ب مه‌له‌زه‌ما مژوول نه‌كه‌ن و ئێدى خوه نێزیك نه‌كه‌ن و هه‌ر ئه‌و دێ زه‌ره‌ر مه‌ندبن و پتر خوه نێزیكى ناڤه‌رۆكا په‌رتووكێن خوه بكه‌ن.
دیسا وه‌زاره‌تا په‌روه‌ردێ ب نڤێسار ژ وه‌زاره‌تا ره‌وشه‌نبیرى وه‌رزش و لاوان ژى خواست دهاریكاربن و ده‌زگه‌هێن چاپ و وه‌شاندنێ بهێنه هایداركرن كو ئێدى مه‌له‌زه‌مه نه‌هێنه چاپكرن و به‌لاڤه‌كرن.
هه‌مان ده‌م وه‌زاه‌رتا نافخوه ژى خواستیه كو دوڤچوونێ ل سه‌ر ئه‌وان كه‌سا بكه‌ن ئه‌وێن په‌رتووكان دفرۆشن و دیاركریه كو ئه‌و كه‌س دێ به‌رامبه‌ر قانوونێ به‌رپرسیاربن.
نيشاندان