ئه‌ڤرۆ نیۆز، قائید میرۆ
رۆژنامه‌ڤانه‌كێ باژێڕێ هه‌ولێرێ ب ئه‌گه‌رێ ڤێ چه‌ندێ لقا هه‌ولێر یا كۆمپانیا نۆكیا نه‌شیایه‌ گه‌ره‌نتیا مۆبایلا خوه‌ بجه بینیت دێ كۆمپانیا نۆكیا به‌ته‌ دادگه‌هێ.
رۆژنامه‌ڤان ئومێد پشده‌ری بۆ ئه‌ڤرۆ نیۆز گۆت” ئه‌ڤه‌ بۆده‌مێ دو هه‌یڤانه‌ من مۆبایلا خوه‌ ژ جۆرێ نۆكیا ئێكس ئێل كڕیه‌ و ده‌مێ ئه‌پده‌یتكرنێ دا راوه‌ستیایه‌ و نوكه‌ لقا هه‌ولێر یا كۆمپانیا نۆكیا و شه‌هره‌زایێن مۆبایلێ نه‌شێت چاره‌سه‌ربكه‌ن.
پشده‌ری خویاژیكر، مۆبایلا من كڕ ئێك سال گه‌ره‌نتی دگه‌لدایه‌ و ئه‌ركێ كۆمپانیا نۆكیایه‌ سه‌خبێریێ بكه‌ت، له‌وڕا رۆژا ئێك شه‌مبیا بهێت دێ سكالایه‌كێ لسه‌ر كۆمپانیا نافهاتی تۆماركه‌م.

ئه‌ڤرۆ نیۆز، سالار دۆسكى:
چوونا خانم ڤیان عه‌باس ئه‌نداما په‌رله‌مانێ كوردستانێ بۆ پرۆگرامێ ئه‌ره‌ب ئایدال ل كه‌نالێ mbc دناڤا تورێن جڤاكیێن فێسبووكى كارڤه‌ندان جودا جودا ل پشت خوه‌ هێلان، ڤیان عه‌باس كه‌فته‌ به‌ر پێله‌كا ره‌خه‌نان، تایبه‌ت چوونا وێ دناڤا ئه‌ڤان كاودانان دا و یا ژ هه‌موویان دژوارتر، د.سه‌روه‌ر عه‌بدورحمان ئه‌ندامێ به‌رێ یێ په‌رله‌مانێ كوردستانێ د په‌یچێ خوه‌یێ تایبه‌تێ فێسبووكى دا، ب زمانه‌كى دیاركریه‌ كو ئه‌ڤ ئه‌ندام په‌رله‌مانه‌ چوویه‌ هاریكاریا پێشمه‌رگه‌ى و شه‌رڤانان بكه‌ت دژى چه‌كدار و تیرورستێن داعش.
هه‌ڤده‌م تریفه‌ عه‌لى هه‌له‌بستڤان دپه‌یچێ خوه‌یێ تایبه‌تێ فێسبووكى دا چه‌ند وێن خانم ڤیان عه‌باس ئه‌ندامێ په‌رله‌مانێ كوردستانێ به‌لاڤ كرینه‌ و دیسا دگه‌ل دا نڤیسه‌رێ كورد كیفاح سنجارى، تریفه‌ دیاركریه‌ كو شیاینه‌ بۆ كوبانێ كاربكه‌ن و چووینه‌ لوبنان و ئاشكراكریه‌ كو لده‌نگێن خوه‌ شه‌رمه‌ و ئه‌ڤه‌ژى ژنن و ئه‌م ژى دبێژین ئه‌م ژنین.
به‌رامبه‌ر خانم نه‌جیبه‌ له‌تیف ئه‌حمه‌د بریارده‌را لیژنا ده‌ست پاكییێ (نه‌زاهێ) ل په‌رله‌مانێ كوردستانێ بۆ مالپه‌رێ ئه‌ڤرۆ نیۆز دیاركر كو ڤیان عه‌باس یا ئازاده‌ وه‌ك كه‌سه‌ك بچیته‌ پرۆگرامه‌كى ته‌له‌ڤزیۆنى، باوه‌رناكه‌م ئه‌ڤه‌ كارێ په‌رله‌مانى بیت وه‌ك نوونه‌ر چوبیته‌ پرۆگرامه‌كێ هونه‌رى…دیاركر ژى كو خانم ڤیان عه‌باس ئه‌نداما لیژنا ره‌وشه‌نبیرى و راگه‌هاندنێ یا ئازاده‌ وه‌ك تاكه‌ كه‌س و دیارنینه‌ و ئاگه‌هدارنین كو چه‌وا چوویه‌ پرۆگرامێ ناڤبرى.

ئه‌ڤرۆ نیۆز:
ده‌زگه‌هێ خێر خوازى یێ بارزانى راگه‌هاند، په‌رله‌مانتاره‌كێ كوردێ روسى هاریكارى بۆ ئاوه‌رێن نها ل هه‌رێما كوردستانێ پێشكێشكرن، هه‌روه‌سا دیاركر ب كوژمێ ملیۆنه‌ك و 500 هه‌زار دۆلار بۆ هاریكاریا ئاوه‌ران كرینه‌ پێشكێشكر.
سه‌رۆكێ ده‌زگه‌هێ خێر خوازى عه‌زیز شێخ رزا ى دكونگره‌كێ رۆژنامه‌ڤانى دا گۆت: ده‌زگه‌هێ خێر خوازیێ بارزانى نوونه‌رێ كورد یێ روسى سه‌لیم خان هاته‌ پێشوازیكرن و ره‌وشا ئاواره‌یێن ل هه‌رێما كوردستانێ هاته‌ به‌حسكرن.
هه‌روه‌سا دوپاتكر، ده‌زگه‌هێ بارزانى یێ خیرَخزاى به‌رده‌وام هاریكارى و پشته‌ڤانیا مالباتا شێخ سه‌لیم و مالباتا ئه‌میرخان ل روسیا بۆ ئاواره‌یان پێشكێش دكه‌ت.
هه‌ڤده‌م جێگرێ سه‌رۆكێ ده‌زگه‌هى یێ خێرخوازى موسا ئه‌حمه‌د رێز و سوپاسى بۆ هه‌ر كورده‌كێ ل وه‌لاتێ روسیا پێشكێشكرن یێن به‌رده‌وام هاریكاریان بۆ هه‌رێمێ د هنێرن.

ئه‌ڤرۆ نیۆز:
ئه‌نداما جڤاتا نوونه‌رێن عیراقا فیدرال یا سه‌ر ب فراكسیۆنا هه‌ڤپه‌یمانیا كوردستانى ڤیان ده‌خیل دیاركر، ل ڤان نێزیكان دێ 1000 خانیێن به‌رهه‌ڤكرى بۆ ئاواره‌یان ل پارێزگه‌ها دهوكێ هێنه‌ دانان، هه‌ڤده‌م داخواز ژ جهێن ده‌ستهه‌لاتدار ل داهوكێ كر ب له‌ز ئه‌ر بۆ وان خانیان بهێته‌ به‌رهه‌ڤكرن و ده‌ست بكارێ چیچكرنا بناغه‌ى بۆ بكه‌ن.
ل گۆڕ داخویانیا نڤیسینگه‌ها نوونه‌را ناڤبریێ، نها ئه‌و په‌رله‌مانتارا كورد مژوولى په‌یوه‌ندیكرن و هه‌ڤدیتنێن تایبه‌ته‌ ل دۆر ره‌وشا ئاواره‌یان ب گشتى ل پارێزگه‌ها دهوكێ ب تایبه‌تى.
ڤیان ده‌خیل هه‌روه‌سا گۆت: 100 كه‌ره‌ڤان دڤێ حه‌فتیێ دا دێ گه‌هنه‌ پارێزگه‌ها دهوكێ و ل دووڤدا 1000 كه‌ره‌ڤانێن دى ژى دێ گه‌هن، هه‌ڤده‌م ئاشكراكر حوكمه‌تا به‌غدا ئه‌و حانیێن كه‌رڤان بۆ ئاوه‌ریان دابینكرینه‌ و كۆمپانیه‌كا توركى ب كارێ دورستكرنا وان رادبیت.
هه‌روه‌سا خوه‌یاكر، ئه‌و ئاوه‌ره‌یێن لبن دارا و د ناڤ هه‌یكه‌لێن ئاڤاهیان دا دژین دڤێت ئه‌و بهێنه‌ دناڤ خانیێن به‌رهه‌ڤكرى دا پاشى یێن دى.

ئه‌ڤرۆ نیۆز:
دده‌مێ دزه‌كرنا چه‌كدارێن داعشێ دناڤ چیایێ شنگالێ دا چه‌كدارێن كوردێن ئێزدى ل چیایى شنگالێ ب تایبه‌تى ل ده‌ڤه‌را مه‌هركان یا 4 كیلومه‌تران د كه‌ڤیته‌ رۆژهه‌لاتا شنگالێ شیان 4 چه‌كدارێن تیرۆرستێ داعشێ بكوژن و ده‌ست لسه‌ر چه‌كێ وانا دانن، كو ئێك ژوان چه‌كدارێن داعشێ ب پلا ئه‌میر بوویه‌ و ناڤێ وى ئه‌حمه‌د حامد متێوتى ئانكو ژ هۆزا متێوتیا عه‌ره‌بێن ده‌ڤه‌رێن دوروبه‌رێن شنگالێ یه‌.
ژئالیه‌كێ دیڤه‌ تیرۆرستێن داعشێ هاتینه‌ دناڤ بوسه‌كا چه‌كدارێن كوردێن ئیزدى ل چیایى شنگالێ و ژ هه‌موو ئالیه‌كى ڤتنه‌ به‌ر ده‌سترێژا كولله‌یان و 12 تیرۆرست هاتن كوشتن و ب نه‌چارى ڤه‌ هێزا خوه‌ ڤه‌كێشان.

ئه‌ڤرۆ نيوز، ناجی به‌ده‌ل:

دلێر مسته‌فا حه‌سه‌ن ئه‌ندامێ لیژنا كاروبارێن پێشمه‌رگه‌ و شه‌هیدان و قوربانیێن جینۆساید ل په‌رله‌مانێ كوردستانێ بۆ ئه‌ڤرۆ نیوز گۆت: “هزركرن ل دانانا هێزه‌كا ئاسمانی یا كوردی دهێته‌كرن، چونكو فرۆكه‌ڤانێن زۆر شاره‌زا مه‌ هه‌نه‌ و ژ لایێ به‌غدا ڤه‌ هاتینه‌ پشت گوهـ هاڤێتن”.

زێده‌تر گۆت: “د شيان دايه‌ مفاى ژ ئه‌وان فرۆكان ببينين و مل ب ملێ پێشمه‌رگه‌ى بۆ شه‌رى بكار بينين”.

خۆيا ژى كر كو رۆژا دوشه‌مبى وه‌زیرێ پێشمه‌رگه‌ی دێ بۆ چه‌ند پرسێن گرنگ هێته‌ لژنا ئابوورى يا په‌رله‌مانێ كوردستانێ و ل وێرێ دێ ل سه‌ر چاوانيا دانانا بنگه‌هێ سه‌ربازى يێ هێزێن هه‌ڤپه‌يمانان ل هه‌رێمێ و دروستكرنا هێزه‌كا ئه‌سمانى و چه‌ند پرسێن دى.

گۆتژى: “دێ به‌حس ل بابه‌تێ چێكرنا كارخانه‌كا دروستكرنا ته‌قه‌مه‌نيان ل هه‌رێمێ كه‌ين دا كو ئه‌و بارگرانيا دكه‌ڤيته‌ سه‌ر هه‌رێمێ د ڤى وارى دا كێم ببيت”.

ئه‌ڤى ئه‌ندامێ لژنا پێشمه‌رگه‌ ل دۆر هنارتنا چه‌كى بۆ كۆبانێ ئاشكه‌را كر كو كۆبانێ هند پێدڤى ب پێشمه‌رگه‌ى نينه‌ هندى پێدڤى ب چه‌كێ گران هه‌يى، ئه‌ڤجا ئه‌ڤ رێژا كێم و دياركرى ب چه‌كێ گران ڤه‌ دێ هاريكاريه‌كا باشا خه‌لكێ كۆبانێ و شه‌رڤانان كه‌ت.

ئه‌ڤرۆ نيوز، نيوار محه‌مه‌د سه‌ليم:

به‌رپرسێ راگه‌هاندنێ ل رێڤه‌به‌ريا پۆليسێن پارێزگه‌ها دهۆك راگه‌هاند كو گه‌نجه‌كێ 15 سالى ل خوه‌ خه‌ندقاند.

هێمن سلێمان به‌رپرسێ راگه‌هاندنێ ل رێڤه‌به‌ريا پۆليسێن پارێزگه‌ها دهۆك بۆ ئه‌ڤرۆ نيوز گۆت: “شڤێدى ده‌مژمێر 11 گه‌نجه‌كێ 15 سالى ل تاخێ سه‌رهلدان ل مالا خوه‌ دووماهى ب ژيانا خوه‌ ئينا”.

به‌رپرسێ راگه‌هاندنێ ل رێڤه‌به‌ريا پۆليسێن پارێزگه‌ها دهۆك ل دۆر ئه‌گه‌رێ روودانێ ژى ئاشكه‌را كر كو ئه‌ڤى كه‌نجى كێشه‌كا ده‌روونى هه‌بوويه‌.