ئەڤرۆ نیۆز، قائید میرۆ
ئەنجامێ تۆپبارانا ھێزێن پێشمەرگەی و فڕۆکەیێن شەڕکەرێن ھەڤپەیمانان ل دەڤەرا باشیک سەرکردەکێ داعش ب پلەیا ئەمیر ھاتە کوشتن و سەرپەشتیا ھێزێن داعش دکر ل دەشتا نەینەوا.
ژێدەرەکی ژ ھێزا پێشمەرگەی ل میحوەری باشیک ب ئەڤرۆ نیۆز راگەھاند، پشتی بۆ چەندین جارا چەکدارێن داعش بۆردۆمانا ھێزێن پێشمەرگەی کریە، دوھی ھێزێن پێشمەرگەی ب ھەڤکاریا فڕۆکەیێن ھەڤپەیمانان بنگەھێن داعش بۆردۆمانکرن و زیانێن مەزن گەھاندن چەکدارێن داعش.
ژێدەری گۆتژی” د ئەنجامێ تۆپبارانا پێشمەرگەی و بۆردۆمانا فڕۆکەیێن ھەڤپەیمان بۆ سەر چەکدارێن داعش ل میحوەری باشیک، ھژمارەکا تیرۆرستان ھاتنە کوشتن کو ئێک ژوانا ئەمیرێ چەکدارێن وانە ل دەشتا نەینەوا بناڤێ یاسین ئەبو تەحسین و سەرپەرشتیا ھێزێن داعش دکر ل باشیک و دەشتا نەینەوا.

ئەڤرۆ نیۆز، قائید میرۆ:

پەرلەمانتارەکێ کورد ل رۆسیا ھەڤکاریێن مەزن گەھاندینە ھەرێما کوردستانێ و دبێژیت، چو جارا رۆلێ سەرۆک بارزانی ناھێتە ژبیرکرن، چونکە سۆزدایە ھەتا ھەموو دەڤەر نەھێنە رزگارکرن، ڤەناگەڕیت مالا خوە.

زەلیمخان، پەرلەمانتارێ کورد ل پەرلەمانێ رۆسیا د داخویانیەکا رۆژنامەڤانی دا کو پەیامنێرێ ئەڤرۆ نیۆز تێدا بەرھەڤبوو بەحسێ  سەرە دانا خوە بۆ ھەرێما کوردستانێ  کرو گۆت” ئەڤە بۆ جارا دویێ یە سەرەدانا ھەرێما کوردستانێ دکەم و دگەل سەرۆک بارزانی ل دۆر ڤێ رەوشێ کۆمبوویمە، ب راستی چو جارا رۆلێ سەرۆک بارزانی ناھێتە ژبیرکرن، چونکو دەمێ ل رۆژێن چویی من سەرەدانا بارزانی کری ل پارێزگەھا دھۆکێ من پرسیار لێ کر، جھێتە ل ھەولێرێ یە بۆچی تو نوکە ل دھۆکێ ناچیەڤە، سەرۆک بارزانی د بەرسیڤامندا گۆت” ھەتا بستەکا خاکا کوردستانێ بن دەستێ دوژمنا مابیت دێ ل ڤێرێ مینم و ئەڤە جھێ منە” لەوڕا  ئەف خەبات و رۆلێ مەردانەیێ سەرۆک بارزانی قەناھێتە ژبیرکرن.

ل دۆر ھاریکاریێن ئاوارەیانژی زەلیماخانی گۆت” حوکمەتا رۆسیا ٨٠ تەنێن ھەڤکاریان گەھاندینە ھەرێما کوردستانێ بۆ ئاوارەیان و ٤٠ تەن ژوان بۆ عێراقێ و ٤٠ بۆ ھەرێما کوردستانێ، ھەروەسا من و مالباتا خوە بتنێ ب بھایێ نیف ملیۆن دۆلاران ھەڤکاری ئیناینە بۆ ھەرێما کوردستانێ وەکی کەل و پەل، دگەل گوژمێ ئێک ملیۆن دۆلارێن ئەمریکی، ھەموو ھەڤکاریژی ب رێیا دەزگەھێ خێرخوازیێ بارزانی ھاتینە بەلافکرن، داخوازێ ل ھەموو کوردەکی دکەم، ھەڤکاریا ئاوارەیان بکەن، چونکە وەرزێ زڤستانێ دھێت و پێدڤی ب ھەکاریا پتر ھەیە.

ئه‌ڤرۆ نيوز، نيوار محه‌مه‌د سه‌ليم:

پشتى ل حه‌فتيا بۆرى ژ ئه‌نجامێ بارانێن زۆر وه‌لاتيه‌كێ خه‌ليفان ب ترۆمبێل ڤه‌ كه‌فتيه‌ ناڤا رووبارێ گه‌ليێ عه‌لى به‌گ، ئه‌ڤرۆ 25\10 ته‌رمێ وى هاته‌ ديتن.

ل 16\10 ژ ئه‌نجامێ بارينا بارانه‌كا زێده‌ ل ده‌ڤه‌را سۆران -گه‌ليێ عه‌لى به‌گ- ترۆمبێله‌كا تويوتا كرۆلا ره‌نگێ سپى كه‌فته‌ ناڤا رووبارى و ته‌رمێ وى نه‌هاتبوو ديتن.

ئه‌ڤرۆ 25\10 رێڤه‌به‌رێ به‌گرى شارستانيا سۆران، عه‌قيد عوسمان محه‌مه‌د، راگه‌هاند كو ته‌رمێ خۆرشيد ئه‌حمه‌د حسێن هاته‌ ديتن.

ئه‌ڤرۆ نيوز، نيوار محه‌مه‌د سه‌ليم:

ب گۆره‌ى ژێده‌ره‌كێ باوه‌رپێكرى ژ ناڤا پێشمه‌رگه‌يێ كوردستانێ، نوكه‌ ل زۆمار شه‌رێ كولانان يێ ده‌ستپێكرى.

ژێده‌ره‌كى ژ هێزێن پێشمه‌رگه‌يێ كوردستانێ بۆ ئه‌ڤرۆ نيوز دياركر كو نوكه‌ گۆندێن ده‌وروبه‌رێ زومار يێن هاتينه‌ كۆنترۆلكرن و گۆت: “نوكه‌ شه‌رێ كۆلانان ب ره‌نگه‌كێ گه‌له‌ك دژوار يێ دهێته‌ كرن”.

زێده‌تر گۆت: “هژماره‌كا زۆر ژ چه‌كدارێن داعش هاتينه‌ كوشتن و ژ هێزا پێشمه‌رگه‌يێ كوردستانێ ژى دو كه‌س شه‌هيد بووينه‌”.

ئه‌ڤرۆ نيوز، نيوار باشوورى:

ژێده‌ره‌كێ ئاگه‌هدار ئاشكه‌را كريه‌ كو بڕياره‌ سۆبه‌هى هێزا هه‌رێما كوردستانێ بۆ پشته‌ڤانيا كۆبانێ ب رێ بكه‌ڤيت و رێڤه‌به‌رێ راگه‌هاندن و هۆشياريێ ل وه‌زاره‌تا پێشمه‌رگه‌ى ژى ديار دكه‌ت كو هێشتا ژڤانێ چوونێ نه‌هاتيه‌ دياركرن.

عه‌ميد هه‌لگۆرد حكمه‌ت رێڤه‌به‌رێ راگه‌هاندن و هۆشياريێ ل وه‌زاره‌تا پێشمه‌رگه‌ى بۆ خه‌ندان راگه‌هاند كو هه‌موو ئه‌و كێشێن هۆنه‌رى يێن به‌رى نوكه‌ هاتينه‌ چاره‌كرن و گۆت: “نوكه‌ پێشمه‌رگه‌ بۆ چوونا كۆبانێ يێ ئاماده‌يه‌، نوكه‌ چاڤه‌رێ فه‌رمانا ده‌ركه‌فتنێ نه‌”. زێده‌تر گۆت: “ئه‌ڤ هێزا دێ نوكه‌ چيت، ب تنێ 155 كه‌سن”.

ده‌رباره‌ى وێ چه‌ندێ كو پێشتر دهاته‌ گۆتن دێ 200 كه‌س چن، عه‌ميد هه‌لگۆرد گۆت: “نه‌خێر هه‌ر ژ ده‌سپێكێ هژمارا وان 155 كه‌س بوون”.

ده‌رباره‌ى ده‌مێ چوونێ ژى ئاشكه‌را كر كو هێشتا ئه‌و ل سه‌ر ده‌مێ چوونا ڤێ هێزێ نه‌هاتينه‌ ئاگه‌هدار كرن، به‌لێ عه‌قيد ره‌مه‌زان ژ هێزا پشته‌ڤانيا ئێك بۆ رووداو راگه‌هاند كو بڕياره‌ ئه‌ڤ هێزه‌ سوبه‌هى 26\10 بچيته‌ باژێرێ كۆبانێ.