ئه‌ڤرۆ نیۆز، قائید میرۆ
ده‌سته‌یا مافێ مرۆڤی لهه‌رێما كوردستانێ ئیماژه‌ بڤێ چه‌ندێ دكه‌ت، كو ئه‌و حه‌فت قوتابیێن ل ناحیا كه‌له‌ك سه‌رب قه‌زا به‌رده‌ڕه‌شژلایێ پۆلیسانڤه‌ هاتینه‌ ده‌سته‌سه‌ركرن هاتینه‌ ئازادكرن.
ده‌سته‌یا مافێ مرۆڤی دداخویانیه‌كێدا وێنه‌یه‌ك دایه‌ ئه‌ڤرۆ نیۆز و تێدا هاتیه‌” پشتی زانیاری ل دۆر ده‌سته‌سه‌ركرنا 7 قوتابیان ل ناحیا كه‌له‌ك گه‌شتینه‌ راگه‌هاندنا ده‌سته‌یا سه‌ربخۆیا مافێ مرۆڤی، كو دده‌مێ خۆنیشاندانا هاتبوونه‌ ده‌سته‌سه‌ركرن، له‌وڕا بۆ دوڤچوونا ڤێ پرسێ سه‌رۆكێ ده‌سته‌یێ زیا پترس سلێوه‌، رێڤه‌به‌رێ ده‌سته‌یێ راسپارد، بۆ دوڤچوونا ڤی نوچه‌ی.
ده‌سته‌یا مافێ مرۆڤی ئه‌ویه‌كژی راگه‌هاندیه‌” په‌یوه‌ندی ب رێڤه‌به‌رێ پۆلیسێن قه‌زا به‌رده‌ڕه‌ش هاته‌كرن و نافبری راگه‌هاند، ب فه‌رمانا دادوه‌ری ه‌و حه‌فت قوتابی هاتبوونه‌ ده‌سته‌سه‌ركرن و پشتی وه‌رگرتنا كه‌فاله‌تێ رۆژا 23/10/2014ێ هاتینه‌ ئازادركرن و ڤه‌گه‌ڕیانه‌ قوتابخانێ.

ئه‌ڤرۆ نیۆز:
ژێده‌ره‌كێ هێزێن پێشمه‌رگه‌ ل میحوه‌رێ جه‌لولا راگه‌هاند، رێخستنا تیرۆرى یا داعشێ هژماره‌كا زۆر یا چه‌كدارێن خوه‌ ل ناڤه‌ندا جه‌لولا كومكرینه‌، هه‌ده‌م دوپاتكر چه‌كدارێن تیرۆرى پشته‌ڤانیا چه‌كى ب رێیا فرۆكێن هێلیكوبته‌ر یێن نه‌به‌رنیاس بۆ دهێته‌ ئه‌نجامدان.
ژێده‌رێ نه‌ڤیاى ناڤێ خوه‌ ئاشكرا بكه‌ت گۆت: ل گۆڕ پێزانێن تایبه‌ت یێن ناڤه‌ندا جه‌لولا چه‌كدارێن داعشێ هێزێن خوه‌ ل جه‌لولا و ده‌وروبه‌رێن وێ زێده‌كرینه‌، دبیت به‌رهه‌ڤیێن هێرشه‌كێ ل سه‌ر پێشمه‌رگه‌ى بكه‌ن.
زێده‌بارى خوه‌یاكر، فرۆكێن هێلیكوبته‌ر یێن نه‌به‌رنیاس چه‌ك و ته‌قه‌مه‌نیان بۆ چه‌كدارێن داعشێ دئینن، هه‌روه‌سا دیاركر ژى، فرۆكا چه‌ك ئینایى ب رێیا په‌ره‌شوتان ئه‌و چه‌ك به‌ردانه‌ ده‌ڤه‌را (مهافیف ) ل باكۆرێ جه‌لولا.

ئه‌ڤرۆ نیۆز:
ژێده‌ره‌كێ ئێمناهیا باژێرێ شنگالێ راگه‌هاند، ناڤه‌ندا باژێرێ شنگالێ بۆ جارا ئێكێ یه‌ ژ ئالیێ هێزێن ئه‌سمانیا هه‌ڤپه‌یمانان ڤه‌ دهێته‌ توپبارانكرن.
ژێده‌رێ نه‌ڤیاى ناڤێ خوه‌ ئاشكرا بكه‌ت گۆت: باژێرێ شنگالێ هێرشه‌كا ئه‌سمانى هاته‌ هه‌ژاندن و ئارمانجا وێ هێرشا ئه‌سمانى كاروانه‌كێ ترۆمبێلێن بارهه‌لگرێن چه‌كدارێن داعشێ بوویه‌ كو هنده‌ك كه‌لوپه‌ل ڤه‌دگوهاستن، به‌لێ نه‌هایته‌ زانین كا بارێ وان ترۆمبیلان چ بوویه‌.
هه‌روه‌سا ژێده‌رێ ئێمناهیێ گۆت: ئه‌نجامێ هێرشا ئه‌سمانى 2 ترۆمبێلێن بار هه‌لگر و 4 ترۆمبێلێن كو چاڤدێریا كاروانى دكر هاتنه‌ سۆتن و ژناڤبرن ل گه‌ل چه‌كدارێن د وان ترومبێلان دا ژى هاتن كوشتن.