ئه‌ڤرۆ نیۆز، سالار دۆسكى:

ئه‌ندامه‌كا په‌رله‌مانێ كوردستانێ كو خه‌لكا زاخۆیه‌ بو ئه‌ڤرۆ نیۆز دیاركر، دێ یاداشته‌كێ پێشكێشى سه‌رۆكاتیا په‌رله‌مانێ كوردستانێ كه‌ن، تێدا دێ داخاز كه‌ن وه‌زیرێ په‌روه‌ردێ د.پیشیوان سادق بۆ جارا دوێ بهێته‌ په‌رله‌مانى و هاتنا وى یا تایبه‌ت بیت ب ره‌وشا پارێزگه‌ها دهۆكێ ڤه‌ بیت.
د.شرین حسنى ئه‌نداما لیژنا په‌روه‌ردێ ژ فراكسیۆنا زه‌ر ل په‌رله‌مانێ كوردستانێ دیاركر، ب مخابنى ڤه‌ ل گه‌ل خواندنا راپورتا وه‌زیرێ په‌روه‌ردێ په‌رله‌مانێ كوردستانێ بۆ جهێ ره‌خنا ئه‌ندامێن په‌رله‌مانێ كوردستانێ تایبه‌ت یێن پارێزگه‌ها دهۆكێ چونكه‌ راپورتا وى بگشتى ل سه‌ر هه‌رێمێ بوویه‌ و تایبه‌ت نه‌بوو ب ره‌وشا دهۆكێ ڤه‌ و تایبه‌ت كاودانێن ئاواران و 147 قوتابخانه‌ ل زاخۆ نه‌ و هه‌ر هه‌موو د تژى نه‌ و هه‌تا نوكه‌ ده‌وام تێدا نه‌هاتینه‌كرن
د.شرین حسنى، ئه‌ندامێ په‌رله‌مانێ كوردستانێ زێده‌تر گۆت: وه‌زیرێ په‌روه‌ردێ كاودانێن دهۆكێ چ گرنگى پێ نه‌دا و ئه‌ندامێن په‌رله‌مانى یێن هه‌ولێر و سلێمانیێ پشت گریا مه‌ نه‌كر..
د.شرین هێشتا ژى گۆت: پشتى مه‌ ئه‌ندامێن په‌رله‌مانێ كوردستانێ یێن دهۆك ره‌خنه‌لێ گرتین و مه‌ ل به‌ره‌ راپورته‌كێ بۆ سه‌رۆكاتیا په‌رله‌مانى كوردستانى َ بلندكه‌ین و داخاز كه‌ین كو جاه‌كا دى وه‌زیر بهێته‌ گازیكرن و هاتنا وى یا تایبه‌ت بیت ب كاودانێن دهۆكێ ڤه‌ و چاره‌كا بله‌ز بۆ بابه‌تى بهێته‌ دیتن.

ئه‌ڤرۆ نیۆز، قائید میرۆ:
وه‌زاره‌تا پێشمه‌رگه‌ی یا حوكمه‌تا هه‌رێما كوردستانێ ته‌كه‌زكر، كو شه‌ڕۆ پێكدادان ل چیایێ شنگالێ دنێڤبه‌را هێزێن پێشمه‌رگه‌ی و چه‌كدارێن داعش یێ به‌رده‌وامه‌ و چه‌ك گه‌هشتیه‌ ده‌ستێ هێزێن پێشمه‌رگه‌ی.
عه‌مید هه‌لگۆرد حیكمه‌ت، رێڤه‌به‌رێ گشتیێ راگه‌هاندنا وه‌زاره‌تا پێشمه‌رگه‌ی بۆ ئه‌ڤرۆ نیۆز دیاركر، كو پێشمه‌رگه‌ ل به‌رسینگرتنا تیرۆرستێن داعش ل چیایێ شنگالێ به‌رده‌وامن و چه‌ك و پێدڤیێن سه‌ربازی بۆ چیایێ شنگالێ هاتینه‌ هنارتن، چونكو ئه‌ڤێ هێزا پێشمه‌رگه‌ی یا شنگالێ پێدڤی ب چه‌كی هه‌یه‌ و ئه‌ڤه‌ دوو رۆژه‌ شه‌ڕ یێ به‌رده‌وامه‌، مه‌ژی وه‌كی وه‌زاره‌ت چه‌ك هنارتیه‌.
عه‌مید هه‌لگۆردی گۆتژی” ئه‌ڤ چه‌ند راست نینه‌ ده‌مێ دبێژن، مه‌ترسی ل دۆر كۆنتڕۆلكرنا چیایێ شنگالێ هه‌یه‌ ژلایێ داعش بهێته‌ كۆنتڕۆلكرن، دوهی چه‌كدارێن داعش هاتبوونه‌ پێش، به‌لێ هاتینه‌ شكاندن و شه‌ڕ یێ به‌رده‌وامه‌ ل چیایێ شنگالێ.

ئه‌ڤرۆ نیۆز:
ژێده‌ره‌كێ به‌پرسێ هێزێن پێشمه‌رگه‌ى كو نه‌ڤیایه‌ ناڤێ خوه‌ ئاشكرا بكه‌ت بۆ مالپه‌رێ پارتى دیموكراتى كوردستان گۆت: شه‌رۆپێكدانێن ل ناحیا قه‌ره‌ته‌په‌ هێزێن پێشمه‌رگه‌ى شیان گوندێ عه‌لى سه‌راى یێ سه‌ر ب ناحیا قه‌ره‌ته‌په‌ ڤه‌ ژ ده‌ستێن داعشێ ئازاد بكه‌ن.
ژێه‌رێ پێشمه‌رگه‌ى هه‌روه‌سا دیاركر، هێزێن پێشمه‌رگه‌ى د پێشڤه‌چوونێ دانه‌ و ده‌ستكه‌فتێن مه‌زن هه‌نه‌، هه‌روه‌سا خوه‌یاكر كو ئه‌و نها دناڤ گوندێ عه‌لى سه‌رایێ دانه‌ و هه‌موو ده‌وروبه‌رێن گوندى ناڤبرێ هاتیه‌ رمالین ژ تیرۆرستان و چه‌كدارێن داعشێ ل مه‌یدانا شه‌رى خوه‌ ناگرن و دره‌ڤه‌ن و ب ده‌هان ته‌رم و ترۆمبێلێن سووتى ل دووڤ خوه‌ هێلاینه‌.
ژێده‌رێ پێشمه‌رگه‌ خوه‌یاكر، چه‌كدارێن داعشێ نها ب دووراتیا 4 هه‌تا 5 كیلومه‌تران ژ ناڤه‌ندا گوندێ عه‌لى سه‌راى ژ وان دوورن و هێزێن پێشمه‌رگه‌ى ده‌ست ب توپبارنكرنا جهێن وان كریه‌، زێده‌بارى پێشڤه‌چوونا به‌ر ب گوندێ حه‌جى هادى و حه‌جى محه‌مه‌د و پشتى شه‌ره‌كێ دژوار پێشمه‌رگه‌ى هه‌ردو گوند ئازادكرن.

ئه‌ڤرۆ نیۆز:
ژێده‌ره‌كێ ئاسایشا خانه‌قین ل پارێزگه‌ها دیالا راگه‌هاند، هێزێن ئاسایشا هه‌رێما كوردستانێ ب سه‌ركه‌فتیانه‌ شانه‌كا تیرۆرستى یا سه‌ر ب چه‌كدارێن داعشێ ڤه‌ كو ده‌ست د كریارێن په‌قینێن تیرۆرى دا هه‌بوویه‌ ل قه‌زا خانه‌قین هاتن گرتن.
ژێده‌ره‌كێ ئاسایشێ دداخوه‌یانیه‌كێ دا كۆ مالپه‌رێ پارتى دیموكراتى كوردستان به‌لاڤكریه‌، هێزێن ئاسایشا 3 تیرۆرستێن كو ئاوه‌ره‌یێن ناحیا سه‌عدیه‌ هاتینه‌ گرتن، به‌ررپسێن كریارا تیرۆرى یا ل ده‌ڤه‌رێن خانقین بوون.
هه‌روه‌سا دانه‌ خوه‌یاكرن، دوماهیى كریارا تیرۆرى وان په‌قاندنا ترۆمبێله‌كێ بوویه‌ ل جادا نوشداران ل ناڤه‌ندا باژێرێ خانه‌قین ل دوماهیا ئه‌یلونا بورى كو هژماره‌ك وه‌لاتیان كوشتى و بریندار هه‌بون.
ژێده‌رێ ئاسایشێ گۆت:ئه‌و شانا تیرورى ژ 3 كه‌سان پێكدهێت و ئاوه‌ره‌یێن عه‌ره‌بێن ده‌ڤه‌رێن خانه‌قین و كه‌لارن كو پشتى هه‌یڤا بۆرى جه‌لولا و سه‌عدیه‌ كه‌فیتنه‌ دده‌ستێن داعشێ دا ئه‌و تیرۆرست هاتینه‌ د ناڤ خانه‌قین دا، دیاركر ژى، 2 ژوان تیرۆرستان خه‌لكێ ناحیا كولجو یا سه‌رب قه‌زا كه‌لارن و ئێكێ دى خه‌لكێ خانه‌قینه‌.
زێده‌بارى وێ گۆت: هه‌رسێ كه‌سان لبه‌ر بوو پلانه‌كا تیرۆرى یا مه‌زن ل قه‌زا خانه‌قین د رۆژێن جه‌ژنا قوربانێ دا ئه‌نجام بده‌ن، به‌لێ هێزێن ئاسایشێ پلانا وان ژ ناڤبر و ده‌سته‌سه‌ركرن.