نها ل تلسقف شه‌روپێكدادانه‌ د ناڤبه‌را پێشمه‌رگه‌ و داعشێ دا

20/10/2014 01:14

ئه‌ڤرۆ نیۆز، بارزان مزوورى:
ژێده‌ره‌كێ ئاگه‌هدار بۆ ئه‌ڤرۆ نیۆز راگه‌هاند،نوكه‌ ل میحوه‌رێ تلسقف شه‌رۆپێكدادانێن دژوار د ناڤبه‌را پێشمه‌رگه‌ى و چه‌كدارێن داعشێ هه‌نه‌ و چه‌كدراێن داعشێ ب توپان هێرشكرنه‌ به‌روكێن شه‌رى، به‌لێ پێشمه‌رگه‌ێ هه‌رێما كوردستانێ به‌ره‌ڤانیه‌كا دلێرانه‌ كریه‌ و نوكه‌ پێشمه‌رگه‌ د پێشڤه‌چوونێ دایه‌ داكو وێ ده‌ڤه‌رێ ب ته‌مامى ژ داعشیان رامالن.
ژ ئالیه‌كێ دیڤه‌ پشتى بارینا بارانێ ل ده‌ڤه‌را تلسقف كو بۆ یه‌ سه‌ده‌ما په‌قینا وان (TNT) یێن داعشێ دانیان، د ئه‌نجامێ وان په‌قینان دا 2 چه‌كدارێن داعشێ هاتن كوشتن و برینداركرن.

رێڤه‌به‌ریا گشتى یا ره‌وشه‌نبیرى دێ پشته‌ڤانیا عه‌مار كوفى كه‌ت

19/10/2014 23:29

124

ئه‌ڤرۆ نیۆز، سالار دۆسكى:

رێڤه‌به‌ریا هونه‌رێ مۆزیكێ ل دهۆكێ سه‌ر ب رێڤه‌به‌ریا گشتى یا ره‌وشه‌نبیرى و هونه‌رى ڤه‌، به‌رده‌وام په‌یوه‌ندى دگه‌ل عه‌مار كوفى هه‌یه‌ كو خه‌لكێ باژێرێ زاخۆیه‌، ژڤانه‌ چه‌ندین بزاڤا ب كه‌ت وه‌ك پشته‌ڤانى بۆ ڤێ گه‌نجێ كورد ل پرۆگرامێ ئه‌رب ئایدل ل كه‌نالێ mbc
سه‌مه‌دار مایى رێڤه‌به‌رێ هونه‌رێ مۆزیكێ دهۆكێ بۆ ئه‌ڤرۆ نیوز دیاركر كو رێڤه‌به‌ریا گشتى یا ره‌وشه‌نبیرى و هونه‌رى دهۆكێ رێڤه‌به‌ریا هونه‌رێ مۆزیكێ دێ پشته‌ڤانییڤێ ڤى گه‌نجێ خودان شیان كه‌ت و به‌رده‌وام په‌یوه‌ندیێن مه‌ دگه‌ل هه‌نه‌ و پێدڤى هه‌ر هاریكاریه‌كێ بیت د ئاماده‌ینه‌….
سه‌مه‌دار هۆكارێن ده‌نگۆتنا سترانێن كوردى ژى پرۆگرامێ ئه‌رب ئایدل ژى گۆت: عه‌مار كوفى ئاشكراكر یه‌ كو كه‌نالى خواستیه‌ سترانێن عه‌ربى بێژیت چونكه‌ گه‌نجه‌كێ شیانه‌ و ده‌نگه‌كێ خوش هه‌یه‌ و دا وه‌لاتێن عه‌ره‌بى پشته‌ڤانیێ ل وى بكه‌ن ب هنارتنا sms و ژڤانه‌ قوناغێن بهێت سترانێن كوردى ژى بێژیت.
سه‌مه‌دار مایى كو هه‌ڤده‌م مۆزیكژه‌نه‌ ده‌نگێ عه‌مار كوفى ب ده‌نگه‌كێ گه‌له‌ك خوش قه‌دا و خواست خه‌لكێ دهۆكێ پشته‌ڤانیا ڤى كورێ كورد بكه‌ن و sms بۆ هه‌ژماره‌(21) فرێكه‌ن دا بشێن ب سه‌ركه‌ڤیت.
رێڤه‌به‌رێ هونه‌رێ مۆزیكێ ل دهۆكێ دیاركر ژى كو به‌رده‌وام په‌یوه‌ندى دگه‌ل هه‌نه‌ و عه‌مار كوفى سلاف بۆ هه‌موو خه‌لكێ كوردستانێ و دهۆكێ هه‌نه‌ و سترانێن كوردى به‌رهه‌ڤ كرینه‌ و ژڤانه‌ قوناغێن بهێت دا سترانا بێژیت.
ناڤبرى ئه‌وچه‌نده‌ژى گۆت: بژڤانین وه‌ك پشته‌ڤانى بۆ ئه‌ڤى گه‌نجێ خودان شیان رابین ب چێكرنا پوسته‌ران و ه‌ك پشته‌ڤانى بۆ ڤى گه‌نجى و هونه‌ر و سترانا كوردى.

ب وێنه‌: ئه‌ڤرۆ نيوز ل سه‌ر سنورێ كۆبانێ

19/10/2014 23:19

1 of 12

ئه‌ڤرۆ نيوز، ڤه‌گێر سه‌عدولا:

کورد دەستێ خو د دەنە بەرچاڤێن خو و بەرێخودەنە ئاسمانی دەمێ کو دەنگێ فرۆکێن جەنگی دھێت. رۆژا سێشەمبییە 14ی ھەیڤا 10، ئەم یێ ل باکوورێ کوردستانێ/ باشوورێ تورکیا، ب تنێ دو کیلومەتران ژ سنورێ سوریێ/ رۆژاڤایێ کوردستانێ (باژێرکێ کوبانێ) د دوورین. فرۆکێن ئەمریکی و ھەڤپەیمانان یێ چەکدارێن تیروریستێن دەولەتا ئیسلامی بومبەباران دکەن یێن کو گەریلایێن کورد ژ چەند ئالیان ڤە دوورپێچکرین و ژل ایێ خو ڤە گەریلایێن کورد ژی بەرخودانێ دکەن دا کو بەرەڤانیێ ژ باژێرکی بکەن.

دەمێ دەنگێ فرۆکان ل ئاسمانی دھات ھندەک پەنابەران د گۆت “شێخێ مە ھات”، پەیڤا شێخ بۆ سەرکردێ خودان ھێز بکار دئینا و دگۆت “شێخ ئوباما ھات.”

جڤاتا پارێزگه‌هێ دێ كێشا گيرۆبوونا كه‌مپان گه‌نگه‌شه‌ كه‌ت

19/10/2014 23:03

ئەڤرۆ نیۆز ، سالار دۆسکی:

ژڤانە سۆباھی جڤاتا پارێزگەھا دھۆکێ ھەر ئێک ژ جێگرێن پارێزگەرێ دھۆکێ (ئيسماعیل محەمەد، کورد ئەسعەد و زیرەک دۆسکی بەرپەرسێ بەلندەرێن دھۆکێ و ئدریس نەبی رێڤەبەرێ کەمپان ل جڤاتێ مھێڤان بکەت و ئه‌گه‌رێن گیرۆبوونا کەمپان و رەوشا ئاواران ب گشتی ل پارێزگەھێ بھێتە شلوڤەکرن.

ئدریس ھەرکی بڕیاردەرێ جڤاتا پارێزگەھا دھۆکێ بۆ ئەڤرۆ نیۆز دیارکر کو ژڤانە سۆباھی 20\10\2014 دەمژمێر 11 سپێدێ دێ جڤاتا پارێزگەھا دھۆکێ مێھڤانداریا ھەر ئێک ژ جێگرێن پارێزگەرێ دھۆکێ ئيسماعیل محەمەد، کورد ئەسعەد و زیرەک دۆسکی بەرپەرسێ بەلندەرێن دھۆکێ و ئدریس نەبی رێڤەبەرێ کەمپان ل جڤاتێ کەت، ل سەر رەوشا ئاواران ب گشتی و ھۆکارێن گیربوونا کەمپان، کەنگی دێ ب دووماھی ھێن.

ناڤبری گۆتژی: “دڤێت لەز د چێکرنا کەمپان بھێتەکرن و ئایا دێ دەمێن خوە دا ب دووماھی ھێن یان و بەری سالا نوو دڤێت قوتابی دەواما خوە بکەن و ھەکە دەوام کەفتە پشتی 1\1\2015 ئه‌ڤە سالەک ژ قوتابیان چوو و باورەنامە ژ لایێ رێکخراوا یوئێن ڤە نەیا باروەر پێکریە.

كه‌مپا خانكێ ئاگر به‌ربو خیڤه‌ته‌كێ و 9 كه‌س بونه‌ قوربانى

19/10/2014 22:33

111

ئه‌ڤرو نیوز، به‌ره‌ڤان ده‌رگه‌لى:

به‌رى ده‌مه‌ك كێم ئاگر به‌ربو خیڤه‌ته‌كا په‌نابه‌رێن شنگالێ ل كه‌مپا خانكێ دوو زارویان گیانێ خو ژ ده‌ست دا و یه‌كێ دى ب دژوارى هاتیه‌ سوتن

پیر ده‌یان به‌رپرسێ كه‌مپا خانكێ تایبه‌ت بو ئه‌ڤرو نیوز دیاركر:پشتى دایك و بابێن زاروكان چوینه‌ شه‌فبێریه‌كێ و ئه‌و بتنێ د خیڤه‌تێ ڤه‌ نفستن و شه‌مالكه‌ك هیلا هه‌لكرى ،ئاگر ژ شه‌مالكێ ده‌ست پێكریه‌ ب خیڤه‌تێ كه‌تیه‌ بۆ ئه‌گه‌رێ سوتنا سێ زاروكان و دوو ژ وان گیانێ خو ژده‌ست دایه‌،زێده‌تر ناڤبرى گوتژى:
ئه‌ف روودان ب خه‌مساریا دایك و بابا دزڤریت چنكۆ زاروك بتنێ هیلان وتنێ ئه‌ڤ زاروكه‌ هه‌بوون ئێك ژوان ئێك سالى بو ویى دى چوار سالى بۆ.

بارانێ TNT یێن داعش ل میحوه‌رێ تلسقوف په‌قاندن

19/10/2014 22:26

121

شێخان،بارزان سلێمان مزورى
ژێده‌ره‌ك ژ هێزێن پێشمه‌رگه‌یێ كوردستانێ ل میحوه‌رێ تلسقوف ،بۆ ئه‌ڤرو نیوز دیار كر، كو ئه‌ڤ شه‌ڤه‌ ده‌مژمێر 8 شه‌ڤ 19/10 ل نێزیك میحوه‌رێ تلسقوف ژبه‌ر هاتنا بارانه‌كا بهێز TNT چه‌كدارێن تیرورست داعش ئه‌وێن بۆ پێشمه‌رگه‌ى داناین ئێك ل دوڤ ئێك په‌قین، ئه‌وێن ل نێزیك ئێك داناین ب داعش ڤه‌ په‌قین زیانێن گیانى و مادى گه‌هاندینه‌ وان ،
ناڤبرى دیار كر كو ل میحوه‌رێ تلسقوف پێشمه‌رگه‌ د ئاماده‌باشیێ دایه‌ بۆ هێرش كرنێ ل سه‌ر وان ده‌ڤه‌رێن لبن كونترولا داعش ل ڤان نێزیكان دهێنه‌ پاقژكرن ژ چه‌كدارێن تیرورستێن داعش .

ل دۆزخورماتوو 2 پێشمه‌رگه‌ شه‌هید بوون

19/10/2014 19:44

131

ئه‌ڤرۆ نیۆز:
به‌رپرسه‌كێ ل قه‌زا دۆز خورماتوو راگه‌هاند، د ئه‌نجامێ په‌قینا بۆمبه‌كا چاندى ل رۆژئاڤا قه‌زا دۆز خورماتوو 2 پێشمه‌رگه‌ شه‌هید بوون.
شه‌لال عه‌بدول قائیقامێ قه‌زا ناڤبرى د داخویانیه‌كا رۆژنامه‌ڤانى دا گۆت: بومبه‌كا چاندى ل نیڤا ده‌ڤه‌را یه‌نكچا ل رۆژئاڤایا دۆزخورماتوو په‌قى و ئه‌جامێ وێ په‌قینێ 2 پێشمه‌رگه‌ شه‌هیدبوون و كو سه‌ر ب هێز پۆلیسێن پاراستنا په‌ترۆل و غازا هه‌رێمێ نه‌.
هه‌ژى كۆتنێ یه‌ كو هێزێن پێشمه‌رگه‌ى و چه‌كدارێن ملیتانێن شیعى به‌رى حه‌فتیه‌كێ قه‌زا دۆزخورماتوو ژ ده‌ستێن داعشێ رزگار كریه‌.

وێنه‌ى: دهۆك 1-1 به‌غدا

19/10/2014 19:09

112

1 of 12

ئه‌ڤرۆ نيوز، هه‌ژار مه‌عرۆف:

د ياريه‌كا گه‌را چارێ يا كۆما دويێ دا، ئه‌ڤرۆ ل ياريگه‌ها دهۆك، تيما ته‌پا پێ يا يانا دهۆك وه‌كهه‌ڤبوو ل گه‌ل تيما ته‌پا پێ يا به‌غدا.

گۆلا ئێكێ تيما به‌غدا ب رێيا ياريكه‌رێ خوه‌، ئه‌حمه‌تا مسته‌فا ل ده‌قيقا 28 تۆماركر و گۆلا دهۆك ژ لايێ ياريكه‌رێ وێ ئه‌حمه‌د دونى ل ده‌قيقا 58 هاته‌ تۆماركرن.

نوكه‌ دهۆك ژ سێ ياريان حه‌فت خال هه‌نه‌ و به‌غدا ژ دو ياريان چار خال يێن هه‌ين.

به‌رپرسه‌كێ ئه‌مریكى: مه‌ترسیا داعش ل سه‌ر ئه‌مریكا نینه‌

19/10/2014 18:55

546

ئه‌ڤرۆ نیۆز:
رێكخه‌رێ به‌رێ یێ كاروبارێن ترۆرێ ل وه‌زاره‌تا ده‌رڤه‌یا ئه‌مریكى دانیال بنجامێن گۆت: داعشێ چوو مه‌ترسى ل سه‌ر ئه‌مریكا و رۆژئاڤا نابن، به‌لێ بابه‌تێ گه‌فكرنا وان گه‌له‌ك هاتیه‌ مه‌زنكرن، زێده‌بارى وێ ژى، هه‌تا نوكه‌ ئه‌و رێكخستن نه‌ گرۆپه‌كێ ترۆرستى یه‌ وه‌كو دهێته‌ به‌حسكرن، به‌لكى بتنێ بزاڤه‌كا چه‌كداریا پشته‌رێیه‌ د چارچۆڤێ هه‌ڤڕكیا د ناڤبه‌را سونى و شیعان دا.
د هه‌ڤدیتنه‌كێ دا ل كه‌نالێ CNN دا، بنجامێنى گۆت: گه‌له‌ك سوحبه‌تا داعشێ یا هاتیه‌ مه‌زنكرن، بنگه‌هێن ته‌ناهى یێن وێ رێكخستنێ ل وه‌لاتێ سوریا و عیراقێ په‌یداكرین دبیت ل پاشه‌رۆژه‌كا دوور ب بیته‌ مه‌ترسى ل سه‌ر ئه‌مریكا نه‌ك نها چونكى هه‌ڤڕكى د ناڤبه‌را شیعه‌ و سونیان دایه‌.
هه‌روه‌سا بنجامێن پێداچوو و خوه‌یاكر، ئه‌م نوكه‌ ل هه‌مبه‌رى هێزه‌كا پشته‌رێ ینه‌ نه‌ك هێزه‌كا تیرۆرى دا، سه‌ره‌راى بكارئینانا شێوازێن تیرۆرى دژى هه‌ڤڕكێن وانا كو ئه‌و بكاردئینن.
ناڤبرى دیسان دیاركر، ده‌ستهه‌لاتا ئه‌مریكى چو ل بنگه‌هێن به‌رهنگاربوونا تیرۆرێ یان وه‌زاره‌تا ناڤخوه‌ى یان نڤیسینگه‌ها ڤوكولینا فیدرالى ئه‌ڤ چه‌نده‌ دوپاتكرن كو هه‌تا نها چو پلانێن تیرۆرى دژى ئه‌مریكا نینه‌.

وينه‌ى: ئالين چاوان پشته‌ڤانيا دايكێ دكه‌ت؟

19/10/2014 18:46

2714

1 of 16

ئه‌ڤرۆ نيوز:

دايك ناڤێ نووترين به‌رهه‌مێ سترانێن هۆنه‌رمه‌ندا رۆژئاڤايێ كوردستانێ “ئالين”ێ يه‌ كو نوكه‌ ل ئه‌ورۆپا و باكوور و باشوورێ كوردستانێ به‌رهه‌مێ وێ به‌لاڤ بوويه‌ و ئێك ژ سترانێن ڤى به‌رهه‌مى ب كيلپ به‌لاڤ كريه‌.

ده‌رباره‌ى ڤى كارى ئالينێ گۆت: “ئه‌ڤه‌ ئه‌لبۆما من يا سيێ يه‌ و ژ 13 سترانێن ب شێوازێن جودا پێك دهێت”.

دایك، كەیفا من ژ تەرە تێن، بلبلێ دلشاد، لە رێگایە (ب زارڤێ سۆرانی)، ئەز ژ ڤان گەوران حەز دكەم، ئەڤینی، خەم و خەیاڵ، عەفرین، هۆنلی ( ب زمانێ سریانی)، هەی بیلم، ئەزێ هەرم ناڤ باخچێ گولا، خالخالوك، ناڤێ سترانێن ڤى به‌رهه‌مى نه‌.

ده‌رباره‌ى سترانا سريانى د ناڤ ڤێ ئه‌لبۆمێ دا گۆت: “زۆر جاران پرسيار ژ من دهێته‌ كر و ئه‌ز ڤى كارى بۆ دو ئه‌گه‌ران ڤه‌دگه‌رينم؛ ملله‌تێ مه‌ هه‌موو وه‌كو ئێك يێ روو ب رووى تيرۆرێ بووى و ديسا من ڤيا گيانێ به‌رگرى و حه‌ماسى د ناڤ خه‌لكێ مه‌ دا په‌يدا كه‌م كو نوكه‌ گه‌له‌ك يا پێدڤى يه‌”.

ئاشكه‌را ژى كر كو يا ب نيازه‌ به‌رهه‌مه‌كى ب چه‌ند زمانێن بيانى ژى به‌لاڤ بكه‌ت و گۆت: “نوكه‌ پتريا وى كارى ب دووماهى هاتيه‌، ژ به‌ر هندێ ژى ئه‌لبۆما من يا چارێ دێ ژ چه‌ند زمانان پێك هێت، ئه‌ڤ ئه‌لبۆمه‌ ژى دێ گه‌له‌ك ل گه‌ل يێن دى يا جودا بيت و من بڕيار دايه‌ ل دووماهيا 2015 وى به‌رهه‌مى به‌لاڤ بكه‌م”.

ل دووماهيێ ژى گۆت: “ئه‌ڤ ئه‌لبۆما من وه‌كو هه‌موو كارێن من يێن دى، پێشكێشه‌ بۆ پێشمه‌رگه‌يێ خوراگرێ كوردستانێ و گه‌لێ من ل شنگال و كۆبانێ”.

نيشاندان 1...2,560 3,560 4,560 4,5644,5654,566...4,617 زێده‌تر

لاپه‌ر 4,565 ژ 4,617