شەرێ ل ھەمبەر داعشێ نھا بوویە رۆژەڤا سەرەکی یا ھەموو ھێزێن جیھانێ و کوردان پتر ژ ھەر خەلکەکێ دی شەرێ داعشێ کریە و گەلەک قوربانی ژی داینە و یا راست نھا پرانیا شەرێ داعشێ ژی ل سەر ئاخا کوردان دھێتە کرن و ل کوردستانا سووریێ و عیراقێ کورد شەرێ داعشێ دکەن و کوردێن ئیران و تورکیا ژی ھاریکاریا برایێن خوە ل وی شەری دا دکەن و گەلەک دەزگەھێن راگەھاندنێ ژی دیار کرن کو کوردێن ئیران و تورکیا د شەرێ ل دژی داعشێ جھێ خوە گرتینە و ھندەک ژ وان جانێ خوە ژ دەست داینە، ژ بەر وی شەری و سەرکەڤتنا کوردان ھەموو ھێزێن جیھانێ بەرا خوە دانە و بۆ وان ھاتە سەلماندن کو کورد فاکتەرێ سەرەکی یێ ئارامی و دیموکراسیا ھەرێمێ نە و بەرۆڤاژی گۆتنێن ھەتا نھا ل دژی کوردان دھاتنە کرن کوردان بۆ جیھانێ نیشا دان ئەو گەلەک ئاشتیخوازن و دژی شەر و توندوتیژیێ نە.
ئەمریکا نھا ب رەنگەکێ راستەخوە ھەڤدیتنێ ل گەل پارتیا ئێکەتیا دیموکراتیک ل سووریێ دکەت کو ئەم دزانین ئەو پارتە ژی لقەکە ژ پارتیا کرێکارێن کوردستانێ و ئەوە ژی نیشا ددەت کو ئەمریکا ڤێجارێ دڤێت ل گەل ھەموو ھێزێن کوردی ھەڤپەیمانیێ دروست بکەت، چونکو شاندەک ژ پارتێن کوردی یێن ئیرانێ ژی سەرەدانا وەزارەتا دەرڤە یا یا ئەمریکا کرینە و ئەوە ژی ل سەر داخوازیا ئەمریکا بوویە و ئەوە ژی نیشا ددەت کو ئەمریکا نھا پتر ژ ھەر دەمەکێ گرنگیێ ددەتە رۆلێ کوردان بێگومان ئەوە ژی نیشا ددەت کو نھا د شەر و ئالۆزیێن کو ل ھەرێما رۆژھەلاتا ناڤین روو ددەن کورد مفادارێ ئێکێ نە و دشێن ژ وان دەلیڤان مفادار بن و ببنە ھێزەکا مەزن و چارەنڤیسێ خوە ژی ب خوە دیار بکەن.
داعش بوویە مەترسیەکا مەزن ل ھەمبەر مرۆڤاھیێ و ژ بەر وێ یەکێ ژی یێن کو شەرێ داعشێ بکەن ل دەف جڤاکێ نێڤدەولەتی وەک قارەمان دھێنە دیتن و ئەڤرۆکە چەکدارێن کورد بووینە قارەمان و ل ھەموو جیھانێ بەحسێ وان دھێتە کرن، ب تایبەتی ژی ھەر کەس بەحسێ قارەمانیا ژنێن کورد ل کۆبانێ دکەن و ئەوە ژی وەسا کریە کو ھێزێن جیھانێ سیاسەتا خوە ل ھەمبەر کوردان بدەنە گوھۆرین و ژ بەر وێ یەکێ دەلیڤەکا مەزن بۆ کوردان ھاتیە پێش و کورد مفادارێ ئێکێ یێ شەرێ ل ھەمبەر تیرۆرێ نە.
نڤیسەرێ ناڤدار یێ ئیرانێ
نووترين نووچه
- سەرۆك بارزانی و نێچیرڤان بارزانی و مەسرور بارزانی سەرەخوەشیێ ل قوربانیێن ئاگرێ توركیا دكەن
- نێچیرڤان بارزانی دوپاتیێ ل پێشڤەبرنا پەیوەندییان ل گەل هۆلەندا دكەت
- سەرۆكێ حوكمەتا هەرێمێ ل گەل چەندین سەركردە و بەرپرسێن وەلاتێن جیهانێ ل داڤۆسێ كۆم دبیت
- شاندێ هەولێرێ و بەغدایێ دوپاتیێ ل چارەسەركرنا كێشەیا مووچەیێ فەرمانبەرێن هەرێمێ دكەن
- هەلوەشاندنا بڕیارێن ڕژێما بەعسا ژناڤچووی پێنگاڤەكا گرنگ و پێدڤی بوو
- سەرۆک بارزانی داخواز کر کو ئاستەنگێن د ناڤبەرا مە و هەسەدێ دا نەهێلین
- سەرۆك بارزانی دوپاتیێ ل ئێكڕێزییا كوردان ل سووریێ دكەت
- قونسلێ ئیتالیا بۆ نێچیرڤان بارزانی: گرنگییێ ب پەیوەندیێن خوە ل گەل هەرێما كوردستانێ د دەین
- ئارمانجا مە پێشئێخستنا ژێرخانەیا ئابوورییا هەرێما كوردستانێ یە
- دیدار و كۆمبوونێن سەرۆكێ حوكمەتا هەرێما كوردستانێ ل داڤۆس
سهرهكى Facebook
ئه‌فسه‌ر و به‌ربژارێ مسرێ خوه ل عیراقێ په‌قاند
ئه‌ڤرو نیۆز:
مالپه‌رێن چه‌كدارێن داعشێ ل سه‌ر توڕا تویته‌رى به‌لاڤكریه، به‌ربژار ێ به‌رێ یێ جڤاتا مللى یێ مسرى حه‌مه‌د ئه‌لدروی كو به‌رى نها ئه‌فسه‌ره‌كێ هێزا ناڤخوه‌یا مسرى ژى بوو كریاره‌كا تیرۆرى ل عیراقێ ئه‌نجام دایه.
مالپه‌رێ تیرۆرستان وێنه‌كێ حه‌مه‌د ئه‌لدروى ب جلوبه‌رگێن ئه‌فغانیان و چكێ وى دده‌ستان دایه به‌لاڤكرن.
ئه‌لدروى ژ دایكبویێ سالا 1978 یه و سالا 2012 به‌ربژارێ میحوه‌رێ دائیرا حه‌لوه‌ان و مه‌عادی و 15 مایو و ئه‌لتبین بوو، هه‌ڤده‌م مالپه‌رێ ناڤبرى جهێ بجهئینانا وێ كریارا خوه‌كوشتنێ یا تیرۆرى ده‌سنیشان نه‌كریه بتنێ وانا ئاشكراكر، ناڤبرى ئێك ژ سه‌ركردێن رێكسختنا داعشێ بوو.
سه‌كرده‌كێ PYD : واشنتۆن دێ چه‌كى بۆ كوردێن كوبانێ هنێریت
ئه‌ڤرۆ نیۆز:
په‌یڤدارێ ب ناڤێ پارتا ئێكه‌تیا دیموكراتى نه‌واف خه‌لیل ئاشكراكر، د دانوستاندنێن ڤێ داویێ ل پاریسێ د ناڤبه‌را سالح موسلم و شاندێ تایبه‌تێ ئه‌مریكى دانیال روبنشتاین به‌حسێ پڕچه‌كرنا كوردێن كوبانێ هاتیه كرن.
نه‌واف خه‌لیل بۆ رۆژناما شه‌رق ئه‌لئه‌وسه‌ت گۆت: دانوستاندێن پاریس، به‌حسێ كاراكرنا هه‌ماهنگیا له‌شكرى د ناڤبه‌را یه‌كینه‌یا پاراستنا گه‌ل و هه‌ڤپه‌یمانیا نێڤده‌ولى بۆ شه‌رێ دژى تیرۆرى هاتن كرن، زێده‌بارى ره‌ونه‌كرنا چه‌كى بۆ شه‌رڤانێن كوردان ل كوبانێ.
هه‌روه‌سا خوه‌یاكر، په‌یوه‌ندییێن دناڤبه‌را هه‌ردو ئالیان دا به‌رى دو سالان ده‌ستپێكرینه و نه‌یێن ڤێ داویێ نه، به‌لێ واشنتۆن نه‌ڤیایه به‌لاڤ بكه‌ت، ژبه‌ر توڕه‌بوونا وه‌لاتێ توركیا، هه‌روه‌سا دیاركر هه‌مان په‌یوه‌ندى مه ل گه‌ل به‌رپرسێن وه‌لاتێن ئه‌ورۆپا ژى هه‌نه، نه‌واف خه‌لیلى گۆت: دانوستاندنێن ئه‌ورۆپا و ئه‌مریكى ل گه‌ل كوردان كارڤه‌دانێن ئه‌رێنى ل سه‌ر ئاستێ وه‌لاتێ توركیا و ره‌وشا نها كرینه.
چه‌كدارێن ئازادى یا كوردستانێ د به‌رهه‌ڤن به‌ره‌ڤانیێ ژ كوبانێ بكه‌ن
ئه‌ڤرۆ نیۆز:
سه‌رۆكێ پاراتا ئازادى یا كوردستانێ حسێن یه‌زدان ئاشكراكر، 400 چه‌كدارێن پارتا ئازى یا كوردستانێ ل به‌روكێن شه‌رێ دژى داعشێ ل ده‌ڤه‌رێن جودا جودا یێن هه‌رێما كوردستانێ هه‌نه، هه‌ڤده‌م دیاركر، 100 چه‌كدارێن دى ژى د ئاماده‌نه بۆ به‌ره‌ڤانیكرنا ژ باژێرێ كوبانێ ل كوردستانا رۆژئاڤا.
یه‌زدان د كونگره‌كێ رۆژنامه‌ڤانى پشكداریا هێزێن پێشمه‌رگێ كوردستانا رۆژهه‌لات مل بملێ پێشمه‌رگێ هه‌رێما كوردستانێ د سه‌نگه‌رێن به‌رخوه‌دانا دژى چه‌كدارێن تیرۆرستێن داعشێ دوپاتكر، ئاماژه‌دا هندێ ژى، نێزیكى 400 پێشمه‌رگه ژ پارتا ئازادیا كوردسانێ هه‌ڤ چه‌په‌رێن برایێن خوه پێشمه‌رگێن هه‌رێما كوردستانێ نه ل ده‌ڤه‌رێن جودا جودا هاتینه به‌لاڤكرن.
سه‌باره‌ت ره‌وشا كوبانێ ژى یه‌زدان گۆت: ئه‌م د به‌رهه‌ڤین بۆ هنارتنا هێزێن پێشمه‌رگه‌ى بۆ به‌ره‌ڤانیا كوبانێ و نوكه 100 پێشمه‌رگه یێ ئاماده‌یه بۆ وێ مه‌ره‌مێ به‌ر ب كوبانێ بهێته هنارتن.
رۆیته‌رز: ل شه‌روپێكدانانێن دژوارێن كوبانێ 70 داعشى هاتن كوشتن
ئه‌ڤرۆ نیۆز:
ژێده‌ره‌ێن ئاگه‌هادار ل باژێرێ كوبانێ دیاركرن، ل شه‌ڤا بۆرى شه‌رۆپێكدادانێن دژوار د ناڤبه‌را شه‌رڤانێن یه‌كینه‌یا پاراستنا گه‌ل و چه‌كدارێن تیرۆرستێن داعشێ هاتنه روودان كو داعشێ ل پێنچ ئالیان ڤه بزاڤێن هیرَشكرنێ ب مووشه‌ك و ترۆمبێلێن مینرێژكرى كرینه ل سه‌ر كوبانێ به‌لێ هه‌موو دبێ مفا بوون.
چاڤدێریا مافێ مرۆڤى ل سوریێ یا بنگه‌هێ وى ل وه‌لاتێ به‌ریتانیا گۆت: ده‌وله‌تا ئیسلامى ل عسراق و شامێ داعش 44 مووشه‌كێن مورتور به‌ردانه سه‌ر ده‌ڤه‌رێن كوراد ل كوبانێ و هنده‌ك ژوان مووشه‌كان ده‌ربازى ئاخا توركیا بووینه.
ئێك ژ رۆژنامه‌ڤانێن كوبانى ب ناڤێ عه‌بدولره‌حمان جوك خوه‌یاكر، شه‌رێ شڤێدى شه‌ره‌كێ گران بوو، چه‌كدراێن داعشێ ژ پێنچ ئالیان ڤه هێرشكرنه سه‌ر كوبانێ ب تایبه‌تى ژ ئالیێ ئاڤاهیا باژێرڤانیا كوبانێ و بازارێ گشتى ڤه، و شه‌روپێكدادان د به‌رده‌وام بوون هه‌تا سوحارا ئه‌ڤرۆ.
هه‌روه‌سا شه‌رڤانه‌كا یه‌كینه‌یا پاراستنا گه‌ل كو نه‌ڤیا ناڤێ خوه ئاشكرا بكه‌ت گۆت: چه‌كدار و شه‌رڤانێن كورد دو ترۆمبێلێن مینرێژكرى په‌قاندن به‌رى بگه‌هه‌نه ئارمانجا خوه.
چاڤدێریا مافێ مرۆڤى ل سوریا دوپاتكر، ل گۆڕ ژێده‌رێن نه‌خوشخانا (گرسپێى) یا نێزیكى كوبانێ 70 ته‌رمێن چه‌كدراێن داعشێ هه‌نه.
ژئالیه‌كێ دیڤه گۆت: هنده‌ك چه‌كدارێن سورى ژ لیوا شۆره‌شا ره‌قا كو ل گه‌ل كوردان شه‌رێ داعشێ دكه‌ن، 2 چه‌كدارێن داعشێ سێداره‌دان كو ئێك ژوان ژیێ وى 15 سال بوو.
ده‌وله‌مه‌نده‌كێ قه‌ته‌رى ل سه‌رێ لیستا تیرۆرا به‌ریتانیا هات
ئه‌ڤرۆ نیۆز:
ب گۆمانا پشه‌ڤانى و هاریكاریا گرۆپێن توند ره‌و، حوكمه‌تا به‌ریتانیا ناڤێ وه‌لاتیێ قه‌ته‌رى عه‌بدولره‌حمان بن عومه‌یر ئه‌لنعیمى ل سه‌رێ لیستا سزایێن وه‌لاتێ خوه دانا.
یڕیارا وه‌لاتێ به‌ریتانیا پشتى بۆرینا 10 رۆژان ل سه‌ر ده‌ركه‌فتنا لیستا سزایێن وه‌لاتێ ئه‌مریكا هات، واشنتۆن عه‌بدولره‌حمان نعێمى ب مه‌زنترین هاریكار و پشته‌ڤانێ دارایى یێن توندره‌وێن وه‌لاتێ سوریا و عیراقێ و سومال و یه‌مه‌نێ ناساند كو پتر ژ 10 سالایه ئه‌و پشته‌ڤانیا گرۆپێن توندره‌و دكه‌ت.
وه‌زاره‌تا گه‌نجینا ئه‌مریكى گۆت: عه‌بدولره‌حمان گرنگترین پشته‌ڤانێ توندره‌وێن سونى یه ل عیراقێ ل وه‌لاتێ قه‌ته‌ر، ل گۆڕ باوه‌ریا وان وه‌لاتیێ قه‌ته‌رى پتر ژ 2 ملیۆن دۆلاران هه‌یڤانه بۆ رێكخستنا قاعیده ل عیراقێ ئه‌و ره‌وانه دكه‌ت.
رۆژناما به‌ریتانى (سانده‌ى تیلگراف) گۆت: بڕیارا وى كه‌سى به‌ربه‌ستكرنا هه‌موو ژێده‌رێن دارایێن نعێمى ل وه‌لاتێ به‌ریتانیا ڤه دگریت و هه‌موو لقێن بانگێن به‌ریتانیا نابیت سه‌ره‌ده‌ریێ ل گه‌ل بكه‌ن.
چه‌كدارێن ئێزدى دو هێرشێن ترۆرستێن داعشێ ل شنگال تێكشكناندن
ئه‌ڤرۆ نیۆز:
ژێده‌ره‌كێ ئێمناهیێ ل باژێرێ مووسل ئاشكراكر، تیرۆرستێن داعشێ دو هێرشێن ئێك ل دوڤ ئێك كرنه سه‌ر ده‌روه‌زه‌یێ باشورێ رۆژئاڤا یا شنگالێ، هه‌ڤده‌م یاركر چه‌كدارێن كوردێن ئێزدى هه‌ردو هێرشێن وان تێكشاندن و زیانێن مه‌زن ب داعشێ كه‌فتن.
ژێده‌رێ نه‌ڤیاى ناڤێ خوه ئاشكرا بكه‌ت، خوه‌یاكر چه‌كدارێن كوردێن ئێزدى هه‌ر دو هێرشێن ل سه‌ر ده‌روازێ شلو یێ ستراتیجى كو 12 كیلومه‌تران ل رۆژئاڤایا شنگالێ یه، ب ده‌هان ته‌رمێن كوشتى و بریندار ژ چه‌كدارێن داعشێ ل مه‌یدانا شه‌رى بجه ماینه.
سوبه‌هى حه‌یده‌ر عه‌بادى دى ل ته‌هران بیت
ئه‌ڤرۆ نیۆز:
دسه‌ره‌دانا خوه‌یا ئێكێ دا وه‌ك سه‌رۆك وه‌زیرێن عیراقێ سوبه‌هى حه‌یده‌ر عه‌بادى دى چیته ته‌هران، ئارمانح ژ وێ سه‌ره‌دانێ هه‌ڤگرتنا بزاڤێن دژى شه‌رێ ده‌وله‌تا ئیسلامى داعشێ یه، ل گۆڕ به‌یانناما نڤیسینگه‌ها سه‌رۆك وه‌زیران.
ئاژانسا فرانس پرێس ئه‌و ده‌نگوباس به‌لاڤكریه، كو سه‌رۆك وه‌زیرێن عیراقێ ب سه‌رۆكاتیا شانده‌كێ عیراقێ بۆ ده‌مێ رۆژه‌كێ دێ سه‌را وه‌لاتێ ئیرانێ ده‌تن، هه‌روه‌سا دیاركر، ئه‌و سه‌ره‌دان ب مه‌ره‌ما ئێكگرتن و ئێكرێزیا ل هه‌مبه‌رى شه‌رێ دژى داعشێ دهێت، هه‌ڤده‌م هێزێن هه‌ڤپه‌یمانێن نێڤده‌ولى ب سه‌ركێشا ئه‌مریكا هێرشێن ئه‌سمانى ب به‌رده‌وامى ل سه‌ر بنگه‌هێن داعشێ دكه‌ن، بتنێ وه‌لاتێ ئیرانێ مایه كو وه‌ك ئالى گره‌كا نێزیكى حوكمه‌تا عیراقێ كو ب سه‌رۆكاتیا سیاسه‌تا شیعان دهێته ب ناڤكرن ژ ده‌رڤه‌ى وێ هه‌ڤپه‌یمانیێ یه.
هه‌ر چه‌نده ته‌رهان هه‌تا نوكه ب فه‌رمى چو بڕیارێن شه‌رى دژى داعشێ نه‌داینه، به‌لێ ل وارگه‌هێ راستیدا هێزێن له‌شكرێ ئیرانى ته‌ڤلى شه‌رێ داعشێ بووینه و سیاسه‌تا عیراقێ ئه‌و برێڤه دبه‌ن، هه‌ڤده‌م هێزێن وه‌لاتێ ئیرانێ ل سه‌ر سنۆرێن باشورێ وه‌لاتى و به‌ر ب هه‌رێما كوردستانى د ئاماده‌باشیێ دانه و به‌لاڤكرینه.
به‌یانناما سه‌رۆك وه‌زیران دیاركر، عه‌بادى لبه‌ره په‌یوه‌ندیێن عیراقێ ل گه‌ل وه‌لاتێن هه‌ڤسوو و ده‌ڤه‌رێ و جڤاكێ نێڤده‌ولى ب گشتى په‌یوه‌ندیێن هه‌ره‌باش هه‌بن، ل سه‌ر بنه‌مایێن رێزگرتن و به‌رژه‌وه‌ندیێن هه‌ڤپشك و ماتێنه‌كرنا كاروبارێن ناڤخوه‌یى زێده‌بارى رێزگرتنا ده‌ستهه‌لات و ئێكگرتنا ئاخا عیراقێ.
زێبارى: ل نێزیك چاڤه‌رێ به‌هه‌ڤكرنا بودجا 2014 بن پاشى 2015
ئه‌ڤرۆ نیۆز:
وه‌زیرێ دارایێ عیراقا فیدرال هوشیار زێبارى دوپاتكر، ل نێزیكترین ده‌م وه‌زاره‌تا دارایى ب له‌ز دێ بودجا سالا 2014 هێته به‌رهه‌ڤكرن و هنارتن بۆ جڤاتا وه‌زیران ب مه‌ره‌ما په‌سه‌ندكرنێ.
هوسیار زێبارى پشته سوند خوارنا قانوونى وه‌ك وه‌زیرێ داراى د حوكمه‌تا حه‌یده‌ر عه‌بادى دا هه‌روه‌سا گۆت: ده‌م هات كو ده‌ستبكارى بكه‌ین پشتى حوكمه‌تا سه‌رۆك وه‌زیران ته‌ام بووى، زێبارى خوه‌یاكر، ره‌وشا داراى و ئابورى یا هه‌ر وه‌لاته‌كى بناغێ كارێ هه‌ر حوكمه‌ته‌كێ یه كو بڤێت ره‌وشا وه‌لاتى باش بكه‌ت، له‌ورا ب هه‌ڤرا دێ كارێ په‌سه‌ندكرنا بودجێ كه‌ین.
وه‌زیرێ داراى زێده‌بارى وێ گۆت: دێ كارى بۆ ته‌مامكرن و به‌رهه‌ڤكرنا بودجا سالا 2015 كه‌ین، به‌لێ پشتى بودجا ئه‌ڤ ساله یا 2014، بۆ هندێ داكو بودجا سالا بهێت گیرو نه‌بیت.
رێژا باران بارينى د 24 ده‌مژمێرێن بۆرى دا
ئه‌ڤرۆ نيوز:
رێڤه‌به‌ريا گشتيا كه‌شناسيێ و بيڤه‌له‌رزێ ل هه‌رێما كوردستانێ راگه‌هاند كو د ماوێ 24 ده‌مژمێرێن بۆرى دا ل هه‌رێما كوردستانێ ژ ئه‌نجامێ كه‌فتنه به‌ر شه‌پۆلێن بلند و نزم يێن باران بارينێ رێژه‌كا زێده يا بارانێ ل هنده‌ك ده‌ڤه‌ران باريه، ب ڤى ره‌نگێ ل خوارێ زێده‌تر رۆهن دبيت:
رێژێن باران بارينێ ل هه‌رێمێ ب ڤى ره‌نگى نه:
دهۆك 0.8 ملم، رێژا گشتى 64.2 ملم.
زاخۆ 5.5 ملم، رێژا گشتى 59.9 ملم.
ئاكرێ 9.4 ملم، رێژا گشتى 39.2 ملم.
مانگێشك 8.4 ملم، رێژا گشتى 79.2 ملم.
بامه‌رنێ 10.8 ملم، رێژا گشتى 87.2 ملم.
هه‌ولێر 03 ملم، رێژا گشتى 30.8 ملم.
پيرمام 28.9 ملم، رێژا گشتى 108.7 ملم.
سۆران 5.2 ملم، رێژا گشتى 86.8 ملم.
خه‌بات 0.8 ملم، رێژا گشتى 15.4 ملم.
سلێمانيێ 7.3 پله، رێژا گشتى 32 پله.
هه‌له‌بچه 3.6 پله، رێژا گشتى 33 پله.
كه‌ركووك 5 پله، رێژا گشتى 30 پله.
نيشاندان
WP Facebook Auto Publish Powered By : XYZScripts.com