ئه‌ڤرۆ نیۆز،بارزان مزوورى:
ژێده‌ره‌ك ژ رێكخراوا چه‌كدارێن ئازاد ل ناڤ باژێرێ مووسل ،بۆ روژناما ئه‌ڤرۆ نیۆز دیار كر كو ئه‌ڤرو 11/10 چه‌كدارێن تیرورستێن داعش بریاردا كو بنزینخانێن ل ناڤ باژێرێ مووسل لترا بنزینێ ل بنزیخانه‌یا ب 1400 دینارا بهێت فروتن،هه‌ركه‌سێ بڤى بهایى نه فروشیت ژلایێ داعش ڤه دهێته سزادان و بنزینخانا وى ده‌رێ وێ دگرن موله‌تا فروتنا بنزینێ دێ ژێ هێته ژێستاندن .
ناڤبری دیار كر كو ئه‌و بنزین بكێر ب ترومبێلێن گێر ئوتوماتیك ناهێت ده‌مێ دكه‌نه ب رێكێ ناچیت به‌س بكێر ترومبێلێن گێر عادى دهێت، خودانێن ترومبێلێن گێر عادى ترومبێلێن خو راوه‌ستاندینه ژبه‌ر نه‌بوونا بنزینا پاقژ ل بنزینخانێن مووسل.
ناڤبرى دیار كر كو ئه‌و بنزیخانێن بنزین لێ دهێته فرۆشتن یێن ئه‌هلى داعش و خودانێ بنزینخانێ شریكێن ئێكن ب هه‌ڤرا دفرۆشن خه‌لك نه‌شێت گازندێ ل خودانێ بنزینخانێ بكه‌ت، ژبه‌ر گرانیا بهایێ وێ ژبه‌ر داعش نه‌چارن ترومبێلێن خو فول بكه‌ن ،ئه‌و بنزینا بۆ ڤان بنزینخانا دهێت داعش دئینیت.
ئەڤرۆ نیوز، سالار دۆسکی:
دھێتە چاڤەرکرن ئەڤرۆ 12\10\2014 ل ئێڤارەکا درەنگ کاروانێ ئێكێ يێ حەجیێن پارێزگەھا دھۆکێ ب رێیا فرۆکخانا ھەولێرێ گەھیتە پارێزگەھێ، ژڤانە دو کاروانێن دی ژی بگەھن.
مالک رەمەزان رێڤەبەرێ پەیوەندی و راگەھاندنێ رێڤەبەریا ئەوقافا پارێزگەھا دھۆکێ بۆ مالپەرێ ئەڤرۆ نیۆز گۆت: ژڤانە ئەڤ شەڤە 12\10 ل دەمژمێر 8:00 کاروانێ ئێكێ يێ حەجیێن پارێزگەھا دھۆکێ بگەھیت کو پێک ھاتینە ژ 420 حەجێن ھەولێر و دھۆکێ و دەردوران و ئەڤە دێ ب رێیا فرۆکخانا ھەولێرێ بیت کو ژڤێ ھەژمارێ 359 حەجیێن دھۆکێ نە و ئەڤێن دیێن پارێزگەھا ھەولێرێ نە.
مالکی ئاشکراکر ژی کو ھێشتا دو کاروانێن حەجیا دێ مینن و ژڤانە رۆژا چارشەمبی کاروانێ دویێ بگەھیت و دیسا حەفتیا بھێت دووماھی کاروانێ حەجێن پارێزگەھا دھۆکێ ب گەھیت.
رێڤەبەرێ پەیوەندی و راگەھاندنێ رێڤەبەریا ئەوقافا پارێزگەھا دھۆکێ، نەڤەشارت و گۆتژی: ئەڤ سالە چار حەجێن کوردستانێ مەکھا پیرۆز وەغەرکربوون کو سێ ژوانا خەلکێ دھۆکێ بووینە.
ئه‌ڤرۆ نيوز:
هه‌ردو سنێلێن ناڤا داعش يێن نه‌مساوى سبينا سليموبيك يا 15 سالى و سامرا كسينوبيك يا 17 سالى ل نيسانا بۆرى چووينه توركيا ژ وێرێ ژى بۆ سوريا.
ئه‌ڤان هه‌ردو سنێلان ئاماژه ب وێ چه‌ندێ كريه كو ئه‌وان خه‌له‌تيه‌كا مه‌زن كريه ده‌ما چووينه ناڤا داعش و نوكه گه‌له‌ك حه‌ز دكه‌ن ڤه‌گه‌رنا وه‌لاتێ خوه و ئاماژێ ب وێ چه‌ندێ ژى دكه‌ن كو نوكه هه‌ردو د دوگيانن.
رۆژناما ده‌يلى ميل يا بريتانى د ئێك ژ راپۆرتێن خوه دا دياركر كو هه‌ردو سنێلێن نه‌مساوى سبينا سليموبيك يا 15 سالى و سامرا كسينوبيك يا 17 سالى ل نيسانا بۆرى چووبوونه توركيا و ژ وێرێ ژى چووينه سوريا و پاشان ژى په‌يوه‌ندى ب رێزێن داعش كرينه و پشتى چه‌ند رۆژان وێنێن خوه يێن ب چه‌ك ڤه به‌لاڤ كرن يێن د ناڤا چه‌كدارێن داعش دا.
ڤێ رۆژنامێ ئاماژه ب وێ چه‌ندێ ژى كريه كو ل ڤێ دووماهيێ ڤان هه‌ردو سنێلان په‌يوه‌ندى ب خێزانێن خوه كرينه و گه‌له‌ك حه‌ز دكه‌ن ڤه‌گه‌رنه وه‌لاتێ خوه ب به‌هانه‌يا وێ چه‌ندێ كو خه‌له‌تيه‌كا گه‌له‌ك مه‌زن كريه ده‌ما چووينه ناڤا ژيانا تيرۆرستى و نه‌مرۆڤايه‌تى ئه‌وا نوكه ل ناڤا داعش ل سوريا هه‌يى.
رۆژنامێ به‌حس ل وێ چه‌ندێ ژى كريه كو به‌رى نوكه ژێده‌رێن رۆژنامه‌ڤانى ئاماژه ب وێ چه‌ندێ ژى كربوو كو به‌رى نوكه ڤان هه‌ردو سنێلان شوو ب دو چه‌كدارێن ناڤا ڤێ رێكخراوا تيرۆرستى كربوو، ئه‌ڤ كچه بۆ هاندانا كوڕ و كچان بۆ ناڤا رێزێن داعش دهاتنه ب كارئينان ب رێيا به‌لاڤكرنا وێنه‌يان ل سه‌ر تۆڕين جڤاكى يێن ئه‌نترنێتێ.
ئه‌ڤرۆ نيوز، نيوار محه‌مه‌د سه‌ليم:
پشتى ب دووماهى هاتنا كۆمبوونا پارتى ديموكراتى كوردستان و ئێكه‌تى نشتيمانى كوردستان، هه‌ر ئێك ژ نێچيرڤان بارزانى جێگرێ سه‌رۆك پارتى ديموكراتى كوردستان و مه‌لا به‌ختيار ئه‌ندامێ سه‌ركرداتيا ئێكه‌تى نشتيمانى كوردستان كۆنگره‌كێ رۆژنامه‌ڤانى گێرا و تێدا هه‌ر دو لا ئاشكه‌را كر كو ته‌وه‌رێن كۆمبوونێ گه‌له‌ك ب دلێ هه‌ردو لايان بوون.
مه‌لا به‌ختيار گۆت: “كۆمبوون ب دلێ مه بوو، ته‌وه‌رێن گرنگ و چاره‌نڤيس سازبوون و ل سه‌ر رێكه‌فتين، لژنه‌ك ژى دێ هێته پێكئينان ب سه‌رپه‌رشتيا نێچيرڤان بارزانى وه‌كو نوونه‌رێ پارتى و ئێكه‌تى”.
ژ لايێ خوه ڤه ژى نێچيرڤان بارزانى، جێگرێ پارتى ديموكراتى كوردستان ژى سۆپاسيا سه‌ركرداتيا ئێكه‌تى كر ژ بوو پێشوازيا وان بۆ شاندێ پارتى و گۆت: “كۆمبوونه‌كا وازح و باش بوو ل سه‌ر ته‌وه‌رێن ئه‌ڤرۆ يێن كوردستانێ بوو، نوكه ژى دڤێت هه‌موو لايه‌نان په‌يوه‌نديێن باش د گه‌ل هه‌ڤدو هه‌بن بۆ به‌ژه‌وه‌ندا ملله‌تى”.
د به‌رسڤا پرسيارێن رۆژنامه‌ڤانان ژى دا مه‌لا به‌ختيار ئه‌ندامێ سه‌ركرداتيا ئێكه‌تى دا زانين كو هێشتا پارتى و ئێكه‌تى ب رێكه‌فتنناما ستراتيژى د پابه‌ندن و گۆت: “بۆ ئه‌ڤ هه‌لومه‌رجێن نوكه ل كوردستانێ هه‌ين، دڤێت ئه‌م هه‌موو ئێك بين و به‌رسينگێ ڤان هه‌لۆمه‌رجان بگرين”.
نێچيرڤان بارزانى ژى دا زانين كو ئه‌وله‌ويه‌تا هه‌رێمێ ئه‌وه ب ره‌نگه‌كێ هێمنانه هه‌موو كێشێن د ناڤبه‌را خوه و به‌غدا دا هه‌ين چاره كه‌ت و نه‌هێلن، سه‌ره‌راى نووياتيا حوكمه‌تا عيراقێ ژ هه‌موو لايان ڤه.
ل دۆر په‌ترۆلێ ژى گۆت: “حوكمه‌تا هه‌رێما كوردستانێ يا ئاماده ب شه‌فافيه‌ت هه‌ر تشتێ گرێداى په‌ترۆلێ بۆ عيراقێ و جيهانێ هه‌موويێ بده‌ته ئاشكه‌را كرن، كێشه كۆنترۆله نه فرۆتنه، ده‌رباره‌ى فرۆتنێ دڤێت به‌غدا بزانيت چاوا دهێته فرۆتن”.
ده‌رباره‌ى كۆبانێ ژى جێگرێ پارتى گۆت: “كۆبانێ گرێداى هه‌موو لايانه و يا د شيانێن مه دا، مه يا كرى، دڤێت واقعيانه ته‌ماشه بكه‌ين، ژ لايێ جۆگرافى ڤه يا دووره ژ مه و نه‌شێين هێزێ بهنێرينه كۆبانێ، به‌لێ وه‌كو دى يا پێدڤى مه يا كرى و ته‌نسيقا لێدانا داعش ژ لايێ ئه‌مريكا ڤه ب ده‌سپێشخه‌ريا هه‌رێما كوردستانێ بوويه و چه‌ك ژى مه بۆ كۆبانێ هنارتيه، تشتێ ژ مه هاتى مه يا كرى و نوكه ده‌رگه‌هێ سنورى ژى مه يێ ڤه‌كرى بۆ ئه‌وێن ژ كۆبانێ دچنه توركيا و ل وێرێ هه‌كه بڤێت بهێنه هه‌رێما كوردستانێ”.
گۆتژى: “دێ سه‌ره‌دانا به‌غدا كه‌ين و ل وێرێ مينين و دێ بزاڤێ كه‌ين وان كێشا چاره كه‌ين، به‌لێ هێشتا ديار نه‌بوويه كه‌نگى دێ چين”.
د به‌رسڤا رۆژنامه‌ڤانه‌كى ژى دا ل دۆر گرتيێن د ده‌ستێ داعش دا به‌رسڤا رۆژنامه‌ڤانى دا و گۆت: “ئه‌م دشێين چ بكه‌ين بۆ رزگاركرنا وان گرتيێن ل لايێ داعش. ئه‌و تيرۆرستن و ئه‌م دانوستاندنێ ل گه‌ل تيرۆرێ ناكه‌ين و نه‌يا دروسته و مه ئه‌و يا ره‌تكرى. دڤێت ئه‌م ل هه‌رێما كوردستانێ ب هه‌موو ده‌نگان ب هه‌موو ره‌نگان دژى وان ب راوه‌ستينين”.
ل دۆر هه‌ڤكاريا توركيا ژى گۆت: “ئه‌ز كارمه‌ندێ حوكمه‌تا توركيا نيننم و په‌يوه‌نديێن مه يێن هه‌رێمێ نه و نه‌يێن كه‌سى يان پارتى نه، يا سرۆشتيه مه بزاڤ يا كرى ل گه‌ل توركيا و ئيران په‌يوه‌نديێن مه يێن باش بووين”.
مه‌لا به‌ختيار د ته‌وه‌ره‌كێ دى دا ل دۆر مه‌ترسا داعش بۆ سه‌ر به‌غدا دياركر كو مه‌ترسيا داعش بۆ هه‌ر تشته‌كى ب مه‌زن دده‌ينه زانين نه ب تنێ بۆ سه‌ر به‌غدا، به‌لكو بۆ هه‌ر جهه‌كى ل سه‌ر دونيايێ.
نێچيرڤان بارزانى دا زانين ژى كو سوبه‌هى ژى دێ كۆمبوونا پێنجقولى هێته كرن كرن و تێدا دێ ل سه‌ر چوونا شاندێ هه‌رێمێ بۆ به‌غدا ژى دانوستاندنێ كه‌ين
ئەڤرۆ، سالار دۆسکی:
وەزارەتا بازرگانی ل حوکمەتا ھەرێما کوردستانێ دیارکر کو پارێ قەربووکرنا وەلاتیان یا ژ پێش پشکا خوارنێ یێ کو ب دورستی نەگەھشتیە وەلاتیان گەھشتیە ھەرێما کوردستانێ و ژڤانە ل رۆژێن بھێت بھێتە بەلاڤکرن.
رێڤەبەرێ گشتی ل وەزارەتا بازرگانی یا ھەرێما کوردستانێ عەزیز ئیبراھیم ھەروەسا گۆت لدووڤ بریارا وەزارەتا بازرگانی پارێ ژ پێش ئەرزاقی ڤە گەھشتیە کو بۆ ھەر وەلاتیەکی 17 ھزار دینار ھاتینە تەرخانکرن و ژ 1\1\2014 ھەتا 30\6\2014 ئانکو ب تنێ یێ شەش ھەیڤانە.
عەزیز ئیبراھیم ھەروەسا گۆت نوکە پارە گەھشتیە بانکێن ھەرێما کوردستانێ و ژڤانە پشتی بێنڤەدانا جەژنێ ب دووماھی دھێت ل سەر وەلاتیان بھێتە بەلاڤکرن و و ھەر وەلاتیەکی 17 ھزار دینار دگەھنێ، ھەڤدەم و ل دووڤ زانیاریان کو وەزارەتا بازرگانیا عیراقێ بەلاڤ کرینە کو بھایێ 500 ملیار دینار ھاتینە تەرخانکرن بۆ قەرەبووکرنا ھەیڤانە بۆ وەلاتیان پێش خوارنێ ڤە کو ئەو کەرەستێن نەگەھشتینە وەلاتیان.
ئه‌ڤرۆ نيوز:
وه‌سان دياره كو بابه‌تێ ره‌ڤين ژ كێشا باجێ دێ د ناڤبه‌را به‌رشه‌لۆنا و حوكمه‌تا ئسپانيا دا ئاڤێ گه‌له‌ك ڤه‌خوت.
رۆژناما ئاس يا ئسپانى دياركر كو ڤێ جارێ وان دو نووچه يێن بۆ جه‌ماوه‌رێ به‌رشه‌لۆنا هه‌ين، ئێك ژ وان يا خۆشه و ئێك ژى يا نه‌خۆشه.
ل دۆر نووچه‌يێ خۆش دياركر كو چو كه‌س ل دۆر ڤى بابه‌تێ نيمار يێ ره‌ڤين ژ دانا باجێ ناكه‌ڤنه د زيندانێ دا، نووچه‌يێ نه‌خۆش ژى بۆ وێ چه‌ندێ ڤه‌گه‌راند كو مه‌زاختيێن گرێبه‌ستا نيمار دێ زێده بن.
يانا به‌رشه‌لۆنا دێ 108.3 مليۆن يۆرۆيان وه‌كو باج ده‌ت ب گۆره‌ى داخۆيانيێن رۆژنامه‌ڤانى كو دبيت بهايێ گرێبه‌ستا نيمار بگه‌هيته 169 مليۆن يۆرۆيان، به‌لێ يانه دخوازيت ئه‌ڤ چه‌نده بهێته كێمكرن.
ناجی به‌ده‌ل
چاڤكانیین راگه‌هاندنێ یێن پولیسێن ئه‌نبار راگه‌هاندن: سپێده‌هیا ئه‌ڤرۆ لیوا رۆكن ئه‌حمه‌د سه‌داك دلێمی فه‌ر مانده‌یێ پولیسێن ئه‌نبار ژلایێ تیرۆریستێن داعشێ ڤه هاته كوشتن.
هنده‌ك تیرۆریستان بومبه‌كا چاندی ل تاخێ ئه‌بۆ ريشه ل روومادى ب كاروانێ ترۆمبێلین فه‌رمانده‌یێ پولیسێن ئه‌نبارڤه ته‌قاند و ده‌ملده‌ست ناڤبری هاته كوشتن.
هه‌تا نوكه ژى چو لايه‌نان به‌رپرساتيا خوه ژ ڤێ كريارێ رانه‌گه‌هاندى يه.
ئه‌ڤرۆ نيوز، ناجی به‌ده‌ل:
ل گه‌ل بریارا ڤه‌كرنا ده‌رگه‌هێن توخیبی ژ لایێ سه‌رۆكاتیا هه‌رێما كوردستانێ و هاتنا وان بۆ هه‌ریما كوردستانێ ، رێڤه‌به‌ریا ساخله‌میا پارێزگه‌ها دهۆكێ تیمێن تایبه‌ت بۆ چاره‌سه‌ریێ و ساخی و سلامه‌یتا خه‌لكێ كوبانێ ل سه‌ر خالا توخیبیا ئیبراهیم خه‌لیل هاتين ئاماده‌كرن.
رێڤه‌به‌رێ راگه‌هاندنا ساخله‌میا گشتی یا پاریزگه‌ها دهۆكێ، حه‌مزه ره‌زیكی، بۆ ئه‌ڤرۆ نیوز گۆت: “مه تیمێن چاره‌سه‌ریێ د ناڤ ئاواران دا پێك ئیناینه دا و به‌رده‌وام د ناڤ دا دگه‌ريێن، پیدڤی یێن ده‌رمانی و چاره‌سه‌ركریا ب له‌ز بۆ دهێته‌كرن”.
رێڤه‌به‌رێ راگه‌هاندنا ساخله‌میا دهۆكێ خۆيا ژى كر كو پشتی ئه‌و كوچبه‌ر دهێنه ڤه گوهاستن بۆ كه‌مپا گه‌ویلان ئه‌وان بنگه‌هێن سالخه‌میێ ل وێرێ ژی هه‌نه و هه‌موو زارۆیێن وان یێن د ناڤبه‌را ئێك رۆژی هه‌تا پێنج سالی و نه‌هـ هه‌یڤی هه‌تا پێنج سالی ب دژی نه‌خوشیێن سوركا و فالنجا زارۆكان دێ هێنه فاكسیندان.
نيشاندان