ئەڤرۆ نیوز:
ل سەر داخوازا محەمەد تۆفیق عەلاوی راسپاردیێ پێکئینانا حوکمەتا نوویا عیراقێ، روونشتنا سوبەهی شەمبیێ یا پەرلەمانێ عێراقێ بۆ ئێکشەمبیێ هاتە پاشخستن.
بەشیر حەداد جێگرێ سەرۆکێ پەرلەمانێ عێراقێ بۆ راگەهاند، ل سەر داخواز عەلاوی روونشتنا سوبەهی یا پەرلەمانی دەربارەی باوەری پێدان ب کابینا نوویا حکومەتا عیراقێ بۆ رۆژا ئێکشەمبیا بهێت هاتیە پاشخستن.
ئەڤرۆ نیوز، نەوزاد هلۆری:
گەنجەکی هەولێرێ ل دەڤەرا کواشێ کەفتە دناڤ تانکەکێ گازوایلێ، ژ ئەگەرێ بێهنتەنگیێ گیانێ خوە ژ دەست دا.
بێوار عەبدولعەزیز، بەرپرسێ راگەهاندنا بەرەڤانیا باژێری بۆ ئەڤرۆنیوز گۆت: ئەڤرۆ ل دەڤەرا کواشێ یا سەر ب قەزا سێمێلێ ل سنورێ پارێزگەها دهۆکێ، گەنجەک کەفتە دناڤ تانکەکێ ترۆمبێلەکا بارهەلگر یا گازوایلێ و ژ ئەگەرێ بهێن تەنگیێ گیانی خو ژ دەست دا، تیمێن بنگەهێ بەرەڤانیا باژێری ل سێمێلێ ب زورترین دەم ل جهێ رویدانێ بەرهەڤبوون و شیان لەشی ئەوی گەنجێ ژناڤ تانکی بینن ئینادەرێ و پاشی رەوانەیێ نوژداریا داد ل دهوکێ بکەن.
زێدەتر گۆت: ناڤێ ئەوی گەنجی “ا.ش.ق” و خەلکێ هەولێرێ یە و ژیێ وی 14 سالن.
ئەڤرۆ نیوز:
تیروپشکا قۆناغا 16 یا یۆرۆپالیگێ هاتە راکێشان و ئەرکێ یانێن مەزن یێ قورس نینە.
یاریا ئێکێ دێ ل تورکیا بیت دناڤبەرا هەردو یانێن ئیستەنبول باشاکشەهیر و کۆپێنهاگن یا دانیمارکی.
ئۆلمپیاکۆس دێ روو ب روو یانا ولڤەرهامتۆنا ئنگلیزی بیت.
گلاسکۆ ریێنجەرز یا سکۆتلەندی دێ بەرامبەر یانا بایەرلیڤەرکوزن یاریێ کەت، ڤۆڵفسبورگ و شاختار دێ بەرامبەر ئێک یاریێ کەن.
یانا ئینتەرمیلان یا ئیتالی دێ ل گەل خیتافێ یاریێ کەت، سیڤییا دێ روو ب روو رۆما ئیتالی بیت.
سەرکەفتیێ یاریا دناڤبەرا ئینتراخت فرانکفورت یان رێد بول سالزبورگ دێ ل گەل بازل یاریێ کەت، لاسک دێ مێهڤانداریا یانا مانچستەر یونایتد کەت.
یاریێن چوونێ دێ ل رۆژا 12 هایڤا بهێت هێنە کرن و یاریێن ڤەگەریانێ دێ ل 19 هەمان هەیڤ دا هێنە کرن
ئەڤرۆ نیوز:
وەزیرێ بەرگریا توركیا راگەهاند، مە پێنج ھێلیكۆپتەر و ب دەهان تانك و زرێپۆشێن سوپایێ سووریێ تێكشكاندینە.
خولۆسی ئاكار، وه‌زیرێ به‌رگریا توركیا راگەهاند، پشتی ھێرشا دوهی بۆ سەر ھێزێن مە ل ئدلب، مە پتری 2 ھزار ئارمانجێن سووریێ پێكاینە و پێنج ھێلیكۆپتەر و ب دەهان تانك و زرێپۆشێن سوپایێ سووریێ تێكشكاندینە.
لگورەی میدیایێن رووسیا، وەلاتێ وان دو کەشتی یێن شەری یێن هەلگرێ مووشەکێن کالیبر ل دەریا رەشڤە رەوانەی کەنارێن سووریێ کرینە.
ئەڤرۆ نیوز:
پشتی سەرۆکێ وەلاتێ مەنگولیا ژ ولاتێ چینێ ڤەگەریای وەک ئێکەم سەرۆک وەلات ئێخستیە دبن چاڤدێریا ساخلەمیێ ب گومانا توشبوونێ ب ڤایرۆسێ کۆرۆنا.
ئاژانسا نووچەیێن مەنگولیا بەلاڤکریە، خالتما باتولغا، سەرۆکێ مەنگولیا پشتى رۆژەکێ ژ سەرەدانا خوە یا ل وەلاتێ چینێ و هەڤدیتن ل گەل سەرۆکێ وى ولاتی، ل گەل شاندێ ل گەل دا ئێخستنە دبن چاڤدێریا نۆشداران دا بۆ پشتراستبوون و بزانن توشبوویە یان نە.
ئەڤرۆ نیوز:
پشتى ڤەکرنا سنورێن خوە یێن هشکاتى و ئاڤی ل هەمبەری کۆچبەران بۆ ئورۆپا، ئەڤرۆ ب هزاران کوچبەر ژ وێ رێکێ بەرەڤ یونان برێکەفتینە کو پشکەک ژ وان ژى عێراقی نە.
لگوری میدیایێن تورکیا ب هزاران کوچبەرێن کو ژن و زارۆک ژى د ناڤ دانە ل نیڤ شەڤێ بەرەڤ پارێزگەها ئەدێرنە و چەند جهێن دی ب پیان ئەو ب کەلوپەلێن خۆ ڤە بەرەڤ یونانێ برێکەفتینە.
دایە دیار کرن ژى، چەند کوچبەرێن دی ژى ل سنورێن هشکاتی یێن ئیدرنە بۆ یۆنان و بەرئاڤێن چانەکالی و ئیزمیر بۆ کوچبەران بەرهەڤکرینە.
ئەڤرۆ نیوز:
رێڤەبەریا گشتی یا سەقاناسی و ئەردهەژان ل هەرێما کوردستانێ پێشبینیێن سەقای بەلاڤکرن و راگەهاند، لگورەی پێشبینیان ئەڤرۆ ئەسمان دێ د ناڤبەرا نیڤ عەور و عەورێن تەمام دا بیت، سوبەهی دێ ئەسمان عەور بیت ل گەل باران بارینێ ل دەڤەرێ جۆدا و ئێڤاری ژى دێ بارانەکا ب هێز باریت ل گەل هەبوونا بریسیان.
لگۆرەی پێشبینیێن سەقاناسیێ، ئەڤرۆ بلندترین پلا گەرمێ ل هەولێر ١٧ پلە و نزمترین پلە ژى ٨ پلە دبیت، هەروەسا ل سلێمانیێ ١٦ ب ٧ پلە ، دهۆک ١٧ ب ٧ پلە دبیت، کەرکوک ١٩ ب ١٠ پلە دبیت.
هەڤدەم سەقاناسیا هەرێمێ دازانین، سوبەهی بلندترین پلەیا گەرمێ ل هەولێر ١٧ پلە ب ٧ پلە دبیت، هەروەسا ل سلێمانیێ ١٧ پلە ب ٨ پلە دبیت، دهۆک ١٥ ب ٧ پلە و کەرکوک ژی ١٨ ب ٩ پلە دبیت.
ئەڤرۆ نیوز ، زنار تۆڤی:
دەرهێنەرێ کورد عەدنان ئۆسمان شاناز، بۆ ئەڤرۆ نیوز دیار کر: کو ئەڤ سالە گەرا پێنجێ یا فیستەڤالا سینەمایی یا دژە تیرۆرێ ل هەولێرێ ل 25 شواتا 2020 هاتە گێران و بۆ دەمێ چار رۆژان یا بەردەوام بوو، پشتی فیستەڤال ب دووماهی هاتی خەلات ل سەر فلمێن سەرکەفتی هاتنە دابەش کرن.
ناڤهاتی گۆت ژی: د ڤێ فیستەڤالێ دا وی خەلاتێ باشترین دەرهێنان ل گەرا پێنجێ یا ڤیستەڤالا سینەمایی یا دژی تیرۆرێ ل هەولێرێ، د کورتە فلمێ بەفرا گەرم دا وەرگرت، کو سێ ئەکتەرێن سەرەکی پشکداری دڤی فلمی دا کریە و 30 خۆلەکان یێ درێژە و ئەڤ فلمە ل هەولێرێ و چۆمان و حاجی ئۆمەران هاتیە وێنەکرن.
هەروەسا گۆت ژی: ناڤەرۆکا ڤی فلمی بەحسێ هونەرمەندەکێ شێوەکار دکەت کو چاوا بۆ رزگار کرنا خوە و خێزانا خوە و کەڤالێن خوە، رێیەکا سەخت و پر ئێش و ئازار هەلدبژێریت، پشتی کو بۆ روون دبیت ل ناڤ باژێری و ل ژێر حوکومرانیا داعشێ هونەری چ بهایێ خوە نینە.
نيشاندان