ئەڤرۆ نیوز، زنار:
یانا واتفورد بەری دەمەکێ کێم حنێرەکا مەزن د خولا ئنگلیزی دا تومارکر پشتی سەرکەفتن ل سەر یانا لێڤەرپول سەرکێشا خولێ تومارکری ب سێ گولان بێ بەرامبەر د یاریێن گەرا ۲۹ دا.
ئەڤە دبیتە خوسارەتیا ئێکێ یا یانا لێڤەرپوول تووش دبیت ل ڤی وەرزی لێ سەرەرای ڤێ خوسارەتیێ جهێ وێ ل سەرکێشا خولێ پاراستیە ب ۷۹ خالانب جوداهیا ۱۰ خالان ژ نێزیکترین هەڤرکا خوە.
ئەڤرۆ نیوز:
وەزارەتا نافخۆ یا عیراق، كاروبارێ رێڤەبەریێن (ڕەگەزناما باری شارستانی و پاسپۆرتێ و ئاکنجیبوونێ) دێ بۆ ماوێ حەفتیەکێ راگریت.
لدووڤ راگەهاندنەکا وەزارەتا ناوخۆیا عێراقێ، ب مەبەستا خۆپاراستنێ و سلامەتیا ئەفسەران و کارمەندێن وەزارەتا نافخۆ ل سەرانسەری عیراق و بۆ زال بوون ل سەر بەلاڤبوونا ڤایرۆسێ (کۆرۆنا) بڕیار ایە ل رۆژا ئێكشەمبی ( ۱-۳-۲۰۲۰) سەرجەم كارێن دەركرنا بەلگەنامان ل فەرمانگەهێن بەغدا و هەموو پارێزگەهێن دیتر یێن عێراق بۆ ماوێ حەفتیەکێ رابگریت و ئەو ژی پێکهاتینە ژ:
– راگرتنا کارێن ھەردوو رێڤەبەریێن ( ڕەگەزناما بارێ شارستانی و پاسپۆرتی و نشینگەهێ) و (رێڤەبەریا ھاتنوچوونێ ).
– راگرتنا ئەوان خولان کو بۆ ماوێ (١٥) ڕۆژان ب مەرجەکێ پشتی تەمامبوونا وی دەمی دێ دەست پێ کەن.
– سەرجەم یەکێن ڕاھێنانێ بهێنە ئاگەهدارکرن بهێنە چۆڵ کرن ژ خویندکاران د ماوێ ( ٢٠٢٠/٢/٢٧ هەتا ٢٠٢٠/٣/٧) .
– ئاگەهدارکرنا سەرکردایەتیا پشکان سەبارەت خولێن ڕاھێنانێ ل گەل ھەفپەیمانیا نێڤدەولەتی وان ڕێکخراوێن پاڵپشتیا وەزارەتێ دکەن ل نافخۆیا عیراقێ.
– قەدەغەکرنا کۆمبوونێن سەرجەم فەرمانگەهێن سەر ب وەزارەتا نافخۆ ڤە.
– ڕاگرتنا لیژنێن نۆشداری ل رێڤەبەریێن خزمەتگوزاریا نۆشداری ل ماوێ ( ٢٠٢٠/٢/٢٧ تا ٢٠٢٠/٣/٧).
ئەڤرۆ نیۆز، قائید میرۆ:
پشتی پاشخستنا کۆمبوونا ئەڤرۆیا پەرلەمانی بۆ سوبەی رۆژا ئێک شەمبی پەرلەمانتارەکێ کورد ئاشکراکر، دانوستان د بەردەوامنن بۆ گەھشتن ب رێکەفتنێ و دبێژیت، پێدڤیە تەوافووق ھەبیت بۆ پێک ئینانا حوکمەتا عێراقێ.
ناسر ھەرکی، پەرلەمانتارێ فڕاکسیۆنا پارتی لپەرلەمانێ عێراقێ بۆ ئەڤرۆ نیۆز دیارکر” لسەر دخوازا محەمەد تەوفیق عەلاوی کۆمبوونا ئەڤرۆیا پەرلەمانێ عێراقێ ھاتیە پاشخستن بۆ سوبەی رۆژا ئێک شەمبی و کۆمبوونژی د بەردەوامن بۆ گەھشتن ب رێکەفتنێ لدۆر چاوانیا پێک ئینانا کابینا نوویا حوکمەتا عێراقێ.
ئەڤی پەرلەمانتارێ پارتی گۆت: (پێدڤیە عەلاوی بگەھیتە ئەڤێ باوەریێ خەلکێ عێراقێ ل ئاسمانی نەھاتیە و ئاگەھداری رەوشا عێراقێ یە، لەوڕا پێدڤیە بەربژێرێ راسپاردی بۆ پێک ئینانا کابینا حوکمەتا عێراقێ پێداچوونێ ب سیاسەتا خوە بکەت و سیاسەتەکا ساخلەمی دگەل ھەموو پێک ھاتێن عێراقێ بجە بینیت).
ناسر ھەرکی ئاماژەکر” پڕانیا کورد و عەرەبێن سونە دگەل پشکەکا عەرەبێن شیعە ل ئەدایێ محەمەد تەوفیق عەلاوی نەدڕازینە و ئەگەر بھێت و حوکمەتەکا ئێک ئالی بھێتە پێک ئینان دێ خەلکێ عێراقێ بیتە سووتەمەنی و قوربانیێ سیاسەتا شاش.
ئه‌ڤرۆ نیوز، عه‌لی حاجی:
ته‌رمێ هونه‌رمه‌ندێ روژئاڤایێ كوردستانێ سه‌عید یوسڤ د رێ و ره‌سمه‌كێ ژ هه‌ژی دا و ب ئاماده‌بوونا هژماره‌كا كه‌سایه‌تیێن كوردستانێ و رۆژئاڤایێ كوردستانێ ب رێیا ده‌ریێ سێماكا بۆ رۆژئاڤایێ كوردستانێ هێته ره‌وانه كرن.
مه‌هدی مه‌نیر به‌رپرسێ نڤێسینگه‌ها زاخۆ یا سه‌ندیكا هونه‌رمه‌ندێن كوردستانێ د داخویانیه‌كێ دا بۆ ئه‌ڤرۆ نیوز گوت: (دوهی رۆژا ئه‌ینیێ ل ده‌روازێ نێڤ ده‌وله‌تیێ ئیبراهیم خه‌لیل پێشوازی ل ته‌رمێ هونه‌رمه‌ندێ وه‌غه‌ر كری سه‌عید یوسڤی هاته كرن و ل دووڤ دا ل باژێرێ زاخۆ ل پرا ده‌لال رێ و ره‌سمێن تایبه‌ت ب ئاماده‌بوونا هژماره‌كا خه‌لكێ ده‌ڤه‌رێ هاتنه گێران و ل شه‌ڤا ده‌رباز بوویی ژی ته‌رمێ وی هونه‌رمه‌ندی ل باژێرێ زاخۆ مابوو و هه‌ر دیسان ئه‌ڤرۆ ب رێیا ده‌ریێ پیشابورێ ب رێ و ره‌سمێن تایبه‌ت ته‌رمێ وی هونه‌رمه‌ندێ وه‌غه‌ر كری هاته ره‌وانه كرن بۆ رۆژئاڤایێ كوردستانێ).
و گوت ژی وه‌كو نڤێسینگه‌ها زاخۆ یا سه‌ندیكا هونه‌رمه‌ندێن كوردستانێ رێ و ره‌سمێن تایبه‌ت بۆ پێشوازی كرن و ره‌وانه كرنا ته‌رمێ هونه‌رمه‌ند سه‌عید یوسڤ رێكخستبوو وه‌كو وه‌فادارییه‌ك بۆ خزمه‌تا وی هونه‌رمه‌ندی پێشكێشی هونه‌رێ كوردی كری، له‌ورا ئه‌م ب ئه‌رك دبینن لدویڤ شیانان بێ جیاوازی خزمه‌تا هه‌می هونه‌رمه‌ندێن كوردستانێ بكه‌ین.
ئه‌ڤرۆ نیوز، عه‌لی حاجی:
به‌رپرسێ نڤێسینگه‌ها زاخۆ یا ده‌زگایێ خێرخوازیێ بارزانیێ نه‌مر د داخویانیه‌كێ دا بۆ ئه‌ڤرۆ نیوز دیار كر ل حه‌فتیا بوری دا هه‌ژماره‌كا كورسیێن خودان پێدڤیێن تایبه‌ت ل زاخۆ و باتیفا هاتنه به‌لاڤ كرن.
زێده‌تر محه‌مه‌د مه‌هدی گوت: (ل پێنچ شه‌مبیا بوری دا ل ناحیا باتیفا پێنچ كورسیێن خودان پێدڤیێن تایبه‌ت و ل ناحیا باتیفا و چار كورسیێن دیتر ژی ل سەر 11 خودان پێدڤیێن تایبه‌ت هاتنه به‌لاڤكرن و هه‌ر دیسان ل ناحیێن باتیفا و ده‌ركارێ چار هزار لێترێن گازا سپی ل سه‌ر 100 هاولاتیێن هه‌ردو ناحیان هاتنه به‌لاڤ كۆن كوبو هه‌ر خێزانه‌كێ 40 لترێن گازا سپی به‌ردكه‌ڤت.
و گوت ژی ل سنورێ ده‌ڤه‌را زاخۆ ژلایێ ده‌زگایێ بارزانیێ نه‌مر ڤه به‌لاڤكرنا گازا سپی یا به‌رده‌وامه و دێ به‌رده‌وام بین ل سه‌ر گه‌هاندنا هاریكاریێن تایبه‌ت بۆ خه‌لكێ زاخۆ و ئاواره‌یان.
ئەڤرۆ نیوز، هۆشەنگ تاجر:
ژێدەرەکێ ژ باژێرێ مەریوان یێ رۆژهەلاتێ کوردستانێ بۆ ئەڤرۆ نیوز دیار کر کو پشتی ڤایرۆکا کۆرۆنا ل باژێرێ قوم یێ ئیرانێ بەلاڤبوویی مەلایێن وی باژێری ژ ترسا کۆرۆنا بەرێ خوە ددەنە دەڤەرێن دی یێن ئیرانێ کو ئێک ژ وان ژی دەڤەرا رۆژهەلاتێ کوردستانێ یە.
هەمان ژێدەری دیار کر کو چەندین مەلا ل هۆتێلێن باژێرێ مەریوان یێ رۆژهەلاتێ کوردستانێ هاتینە بجهکرن و خەلکێ باژێری ژی دژبەریا خوە ل هەمبەر هاتنا وان مەلایان دیار دکەن و دبێژن دڤێت پشکنین بۆ وان مەلایان بهێتە کرن چونکو هەکە هەلگرێ ڤایرۆسا کۆرۆنا بن دڤێت ژ باژێری بهێنە دەرخستن.
ئه‌ڤرۆ نیوز:
چیڤانوكا ته‌پا پێ یا هوله‌ندى و یاریزانێ به‌رێ میلان ماركو ڤان باستن به‌حس ل سه‌ر ئاست و به‌راوردکرنا ستێرا به‌رشه‌لۆنا لیونێل میسى و یێ یوڤانتوس كریستیانو رونالدو كر
زێده‌تر ڤان باستن بۆ رۆژناما موندو دیپورتیڤو دیاركر راسته رونالدو یاریزانه‌كێ گه‌له‌ك باشه و شیانێن مه‌زن هه‌یه لێ میسى تایبه‌تمه‌ندیێن خوه هه‌یه و باشترینێ جیهانێ یه ل ماوێ چه‌ندین سالێن بورى دا.
زێده‌تر ناڤبرى دیاركر ئه‌و كه‌سێن رونالدو ب هه‌مان ئاستێ میسى یان باشتر ژ میسى دبینن ئه‌و چ ژ یاریا ته‌پا پێ نزانیت ژبه‌ركو یاریزانێن مینا میسى د ته‌پا پێ دا كێمن و هه‌ر 50 سالان جاره‌كێ یاریزانه‌كێ وه‌كو وى دهێته دیتن.
ئەڤرۆ نیوز، زنار:
یاریزانێ سوسیری و یانا لێڤەرپوو یا ئنگلیزی شیردان شاکیری دێ رێزێن یانا خوە بجه هێلیت پشتی نەشیای راهێنەرێ خوە ژ ئاستێ خوە رازی بیت.
روژناما زە سەن یا برێتانی ئاشکرا کر ژبەرکو هێرشبەرێ یانا لێڤەرپوول شێردان شاکیری بشێوەکێ سەرەکی یاریێ ناکەت و جهێ وی د پێکهاتیێ سەرەکی یێ راهێنەرێ یانا ئنگلیزی یورگن کلوب دا نینە نەچار بوویە یانێ ل دووماهیا ڤی وەرزی بهێلیت و بەر ب یانەکا بچیت داکو یاریێ بشێوەیەکێ سەرەکی بکەت و ئاستێ خوە دوبارە پێش بێخیت.
نيشاندان