ئەڤرۆ نیوز:
رەجەب تەیب ئەردۆگان سەرۆک کۆمارێ تورکیا ئەڤرۆ راگەهاند کو دو سەربازێن تورکیا ل لیبیا هاتینە کوشتن.
ئەو یەک د دەمەکێ دایە کو هێزێن سەر ب خەلیفە حەفتەر فەرماندارێ لەشکرێ نشتیمانی یێ لیبیا دوهی راگەهاندن وان ١٦ سەربازێن تورکیا کوشتینە.
هندەک مالپەرێن ئۆپۆزسیۆنا تورکیا ژی ئەڤرۆ بەلاڤکرن کو فەرماندارێ گشتی یێن هێزێن تورکیا ل لیبیا هاتیە کوشتن.
ئەڤرۆ نیوز:
موراد ساریساچ ئەندامێ پەرلەمانێ تورکیا سەر ب فراکسیۆنا هەدەپێ راگەهاند کو پارتا وان چەند بارهەلگر هاریکاری بۆ خەلکێ دەڤەرا باشقالە یا سەر ب وانێ کۆمکرینە دا بگەهینە وان، چونکو بەری چەند رۆژان ژ بەر بیڤەلەرزێ زیان گەهشتبوو وەلاتیێن کورد یێن وێ دەڤەرێ، لێ ژ ئالیێ پۆلیسان ڤە ئاستەنگی هاتیە دروستکرن و رێ نەهاتیە دان هاریکاری بگەهیتە دەستی وەلاتیێن کورد.
بەرپرسەکێ پۆلیسێن وانێ ژی راگەهاند کو لیژنەک هاتیە ئاڤاکرن و دڤێت هەموو هاریکاری رادەستی وێ لیژنێ بهێتە کرن و نابیت هەر کەس ژ ئالیێ خوە ڤە هاریکاریان ببەتە وێ دەڤەرێ.
ئەڤرۆ نیوز:
دادگەها بلند یا ئەنقەرە ئەڤرۆ بریارا دەستەسەرکرنا ١٥ کەس ژ ئەندامێن لیژنا ئامادەکار یا کۆنگرێ چارێ یێ هەدەپێ دا و ئەڤرۆ ١٤ کەس هاتنە دەستەسەر کرن.
ل گۆر بریارا دادگەها ئەنقەرە ل کۆنگرێ هەدەپێ فلمەک ل سەر ژیانا عەبدوللا ئۆجەلان سەرۆکێ پەکەکێ هاتیە بەلاڤکرن و وێنێن وی ل گەلەک جهان هاتینە هەلاویستن و ئەو یەک ژی ل دژی قانوونێن تورکیا یە.
ئەڤرۆ نیوز:
جڤاتا وەزیران ب سەرپەرشتیا مەسرور بارزانی سەرۆکێ جڤاتا وەزیران و ب ئامادەبوونا جێگرێ سەرۆک وەزیر و وەزیرێن دی یێن حوکمەتێ کۆمبوو و چەندین بریارێن گرنگ بۆ پاراستنا وەلاتیان هاتنە دان.
ئێک: ل رۆژا ٢٦ ڤێ مەهێ هەتا رۆژا ١٠/٣/٢٠٢٠ ل هەموو قۆتابخانە و ناڤەندێن خواندنێ ببیتە بێهنڤەدانا فەرمی و ل رۆژا ١١/٣/٢٠٢٠ بێهنڤەدانا نەروزێ یا پەروەردێ دەستپێ دکەت هەتا ٢٣/٣/٢٠٢٠ و رۆژا دووڤدا دێ دەواما پەروەردێ دەستپێ کەت.
دو: هەکە پێدڤی نەبیت ل ناڤ هەرێما کوردستانێ ژی گەشت نەهێنە کرن و گەشتێن بۆ پارێزگەهێن دی یێن عیراقێ بهێنە سنوردارکرن و هەر سەرەدانەک ژی چێ بیت پێدڤیە پشکنینێن پێدڤی بۆ بهێنە کرن.
سێ: رێ ناهێنە دان بازرگان و کەسێن دی کەلوپەلان گران بکەن و هەکە کارەک وەسا ژ ئالیێ هندەک کەسان ژی بهێتە کرن دێ ب توندی سەرەدەری د گەل دا هێتە کرن.
چار: جڤاتا وەزیران وەزارەتا دارایی ئەرکدار کریە کو هەموو پێدڤیێن پارێزگەهان بۆ دابین بکەن، هەروەسا پێشنیازێن هەر دو وەزارەتێن ساخلەمیێ و ناڤخوە هاتینە پەسەند کرن و هەر دو وەزارەت هاتینە راسپاردن دا پێشنیازێن خوە بجه بینن.
ل دووماهیێ ژی جڤاتا وەزیران داخواز ژ هەموو وەلاتیان دکەت کو بۆ پاراستنا هەموو ئالیەکێ هاریکاریا دەم و دەزگەهێن حوکمەتێ و ئالیێن پەیوەندیار بکەن.
ئه‌ڤرۆ نیوز، بارزان مزووری:
د رێوره‌سمه‌كێ دا ئه‌ڤرۆ نیڤرۆ رێكه‌فتی 25/2/2020 ب به‌شداریا قائیمقامێ قه‌زا شێخان و رێڤه‌به‌رێ پولیسێن قه‌زا شێخان دگه‌ل هه‌موو ئه‌فسه‌رێن سه‌ر ب پولیسێن شێخان ڤه خه‌لاتێ رێزلێنانێ پێشكێشی پولیسێن شێخان هات كرن.
سه‌ردار یه‌حیا عبدالعزیز، قائیمقامێ قه‌زا شێخان بۆ ئه‌ڤرۆ نیوز گۆت:ل رێكه‌فتی 17/2/2020 مه‌فره‌زێن پولیسێن شێخان ب هه‌ڤكاری دگه‌ل پولیسێن ئاكرێ د ئوپه‌راسیونه‌كێ دا شیان بانده‌كێ مه‌ترسی ده‌سته‌سه‌ربكه‌ن كۆ سێ تاوانبارا پێك دهاتن دانپێدان كریه ل سه‌ر چه‌ند محاویلێن كاره‌بێ یێن جوتیارا ژبه‌ر رۆلێ وان یێ به‌رچاڤ ژبۆ پاراستنا ئاسایشا ده‌ڤه‌رێ خه‌لاتێ رێزلێنانێ پێشكێشی وان هات كرن.
ناڤهاتی خویاكر وی باندێ تاوانبارا زێده‌تری 48 محاویلێن كاره‌بێ ل سنورێن قه‌زایێن شێخان و به‌رده‌ره‌ش و ئاكرێ دزی بن به‌رده‌وام ژی بن ل سه‌ر كارێ خۆ به‌لێ هاتن ده‌سته‌سه‌ركرن.
ئەڤرۆ نیوز:
پشتی کو سەرۆک کۆمارێ تورکیا راگەهاند دێ ل گەل روسیا، ئەلمانیا و فرەنسا کۆمبن دا چارەسەریەکا گونجای بۆ رەوشا ئدلبێ پەیدا بکەن ئەو یەک ژ ئالیێ روسیا ڤە ب توندی هاتە رەتکرن.
پەیڤدارێ سەرۆکێ روسیا دیمیتری پیسکۆڤ راگەهاند کو چو کۆمبوونێن چار قولی د رۆژەڤا روسیا دا نینە و دڤێت ئدلب ب تەمامی ژ تیرۆرستان بهێتە پاقژ کرن.
ئه‌ڤرۆ نیۆز، عه‌زیز هه‌ورامی:
سه‌رۆكی فڕاكسیۆنی پارتی له ئه‌نجوومه‌نی پارێزگای سلێمانی ده‌ڵێ، به 14 ده‌نگ ئه‌نجوومه‌نی پارێزگای سلێمانی بڕیاریدا، له به‌یانییه‌وه پشووده‌بێت تاوه‌كوو 24/4/2020 له ته‌واوی ناوه‌نده‌كانی خوێندن.
زیاد كاكه ڕه‌زا سه‌رۆكی فڕاكسیۆنی پارتی له ئه‌نجوومه‌نی پارێزگای سلێمانی، بۆ ئه‌ڤرۆ نیۆز ده‌ڵێ، ئه‌مڕۆ له كۆبوونه‌وه‌ی ئه‌نجوومه‌نی پارێزگای سلێمانی، پێشنیاری ڕاگرتنی خوێندن له خوێندنگاكان به‌هۆی مه‌ترسی نه‌خۆشی كۆرۆنا په‌سه‌ندكراو بووبه‌بڕیار له به‌یانی 26ی شوباته‌وه تاوه‌كو 24/3/2020 پشووی خوێندنگاكان ده‌بێت.
زیاد كاكه ڕه‌زا وتیشی، پێشنیاری ڕاگرتنی خوێندن له خوێندنگاكان ئه‌نجوومه‌نی پارێزگای كردبوو به دووبه‌شه‌وه به‌وه‌ی به‌شێك له‌گه‌ڵ ئه‌وه‌بوون ئه‌م پێشنیاری ڕاگرتنی خوێندن به‌رز بكرێته‌وه بۆ وه‌زاره‌تی په‌روه‌رده و ئه‌نجوومه‌نی وه‌زیران به‌ڵام زۆرینه كه 14 ئه‌ندامی ئه‌نجوومه‌ن بوون، له‌گه‌ڵ ئه‌وه‌بوون ده‌نگی له‌سه‌ر بدرێت و ئه‌نجوومه‌ن خۆی بڕیار له ڕاگرتنی خوێندن له‌ناوه‌نده‌كانی خوێندن بدات پێشنیاره‌كه خرایه ده‌نگدان و به 14 ده‌نگ بڕیاردرا پڕۆسه‌ی خوێندن ڕابگیردرێت.
ناوبراو زیاتر وتی، مه‌ترسی ڤایرۆزی كۆرۆنا بوونی له عێراق و وڵاتانی ده‌وروبه‌ر ئه‌و بڕیاره‌دراوه،تاوه‌كو هه‌موولایه‌ك دووربن له هه‌ر نه‌خۆشیه‌ك.
نيشاندان