ئه‌ڤرۆ نیوز:
سه‌رۆك مه‌سعود بارزانی ل سه‌لاحه‌دین پێشوازی ل عوسمان بایده‌میر كه‌سایه‌تی و سیاسه‌تمه‌دارێ كورد كر.
ئه‌ڤرۆ 19/2/2020 ل سه‌لاحه‌دین سه‌رۆك بارزانی پێشوازی ل عوسمان بایده‌میری كر و د وێ دیدارێ دا ره‌وشا گشتی یا ده‌ڤه‌رێ و دوماهی گوهورین و پێشهاتێن سیاسی هه‌لسه‌نگاندن، بیرورا ل سه‌ر كاودانێن گه‌لی كورد ل رۆژهه‌لاتا ناڤین ل هه‌ڤ گۆهارتن.
هه‌ر دوێ روونشتنێ دا ته‌ئكید ل سه‌ر په‌یاما ئاشتیا گه‌لی كورد و ریكا دیالوك لێك تێگه‌هشتنێ بۆ چاره‌سه‌ركرنا ئاریشان هاته‌كرن.
ئه‌ڤرۆ نیوز:
ئه‌ڤرۆ 19/2/2020 شاندێ هه‌رێما كوردستانێ ل گه‌ل محه‌مه‌د توفیق عهلاوی راسپاردی بۆ پێك ئینانا حكومه‌تا نوو یا عیراقێ كۆم دبن.
محه‌مه‌د ئیلخانی ئه‌ندامێ شاندێ دانوستانكارێ هه‌رێما كوردستانێ راگه‌هاند: بۆ رۆژا دوێ شاندێ هه‌رێما كوردستانێ ل به‌غدا دبن و بریاره ئه‌ڤرۆ ل گه‌ل محه‌مه‌د توفیق عهلاوی راسپاردی بۆ پێك ئینانا حكومه‌تا نوویا عیراقێ كۆمبن و دڤێ كۆمبوونێ دا شاندێ دانوستانكار دێ مه‌رجێن هه‌رێما كوردستانێ بۆ پشكداربوونێ ل كابینا نوویا حكومه‌تێ گه‌هینه عهلاوی.
ناڤبری ئه‌و چه‌ندژی دیاركر كۆ هه‌رێما كوردستانێ بخۆ دێ وه‌زیرێن خۆ دیاری كه‌ت، بودجه و مووچه و پترۆل و ده‌ڤه‌رێن كوردستانی و ئاریشه‌یێن دی مه‌رجێن هه‌رێمێ نه بۆ پشكداریكرنێ د كابینا نوودا، شاندێ دانوستانكار ژ لایه‌نێن سیاسی پێكهاتیه و ئێك هه‌لویستن و ئه‌ڤه ژی وه‌دكه‌ت شاند ده‌ستكه‌ڤتنێن مه‌زن بده‌ستڤه بینیت.
ئه‌ڤرۆ نیوز:
هێزێن سوریا دیموكرات شكه‌ستن ب چه‌كدارێن سه‌ر ب توركیا ڤه ئینان راگه‌هاند د ده‌مێ هێرشێن وان دا مانوره‌كا سه‌ربازی یا هیزێن روسیا ب ئارمانج كر بوو.
ناڤه‌ندا راگه‌هاندنا هێزێن دیموكرات هه‌سه‌ده راگه‌هاند سوپایێ توركیا و چه‌كدارێن نێزیك ل توركیا هێرشێن خۆ دژوار كرینه بۆ سه‌ر ده‌ڤه‌رێن باكور و رۆژهه‌لاتێ فوراتێ و شه‌رڤان ژی لگۆری شیانان به‌رسڤا ئه‌وان هێرشان دده‌ن.
لگۆری ئه‌وێ راگه‌هاندنا هاتیه به‌لاڤكرن، هێرشێن بۆ سه‌ر ده‌ڤه‌رێن سه‌رێ كانیێ و گرێ سپێێ هاتینه ئه‌نجامدان ب رێكا بكار ئینانا چه‌كێ گران و مووشه‌كان بو ل ده‌مه‌كی دا 15 ئه‌ڤێ هه‌یڤێ هێرشه‌ك كرنه سه‌ر باژێرێ ته‌ل ته‌مر لێ شه‌رڤانان به‌رسڤا وان دا و چار میلیشیا و چه‌كدارێن ئوپوزسیونێ كۆشتن.
هه‌ر لگۆری راگه‌هاندنێ، چه‌كدارێن سوریا سه‌ر ب توركیا 16 ئه‌ڤێ هه‌یڤێ ب شیوه‌یه‌كێ دژوار گۆندێن سه‌ر ب عه‌ین عیسا بوردومانكرن و ل وی جهێ بوردومانكرنێ مانوره‌كا سه‌ربازی یا روسیا هه‌بوو ل نێزیك گۆندێ كۆبرلیك ب وێ چه‌ندێ و ب نه‌چاری مانورا سه‌ربازی ئه‌وێ دڤه‌رێ بجهێلان.
ئه‌ڤرۆ نیوز:
هێزێن ئه‌منی یێن توركیا به‌رپرسه‌كێ مه‌زنێ داعشێ ل باژێرێ ئیناگولی سه‌ر ب بورسه‌یا رۆژئاڤایا توركیا گرتن.
ئه‌ڤرۆ ئاژانسا ئه‌نادولێ یا توركیا به‌لاڤكریه كۆ هێزێن ئه‌منی ب هه‌ماهه‌نگی ل گه‌ل پشكا دژه تیرۆرێ ئه‌بو ته‌قی شامی وه‌لاتیێ سوری ده‌سته‌سه‌ركر كۆ به‌رپرسێ چالاكیێن هه‌والگریا رێكخراوا داعشێ بوو.
هێزێن ئه‌منی 3 كه‌س ده‌سته‌سه‌ركرن كۆ دئوپراسیونه‌كێ دا كۆ گۆمانا ئه‌وێ چه‌ندێ ژێ دهاته‌كرن سه‌ر بداعشێ بن، به‌لێ ئه‌بو ته‌قی شامی یێ 50 سالی به‌رپرسێ بلندێ داعشێ بوو ل ده‌ڤه‌را مه‌یادین و ئه‌لبوكه‌مال و دێره‌زوور ل رۆژهه‌لاتا سوریا ، كۆ ل باژێرێ ئیناگول هاته‌گرتن و كارێ وه‌ستایا چێكرنا غازا مالان ل وێ ده‌ڤه‌رێ دكر.
ئه‌ڤرۆ نیوز:
جێگرێ سه‌رۆكێ به‌رێ یێ په‌رله‌مانێ كوردستانێ د بیته سه‌رۆكێ بوردا راوێژكاری ل سه‌رۆكاتیا هه‌رێما كوردستانێ د وی چارچوڤه‌ی دا داخازا كارێ هه‌ڤپشك ژ سه‌رۆكا په‌رله‌مانێ كوردستانێ دكه‌ت.
لگۆری راگه‌هاندنه‌كا په‌رله‌مانێ كوردستانێ، ئه‌ڤرۆ د.رێواس فایه‌ق سه‌رۆكا په‌رله‌مانێ كوردستانێ پێشوازی ل د.جه‌عفه‌ر ئێمینكی سه‌رۆكێ بوردا راوێژكاری ل سه‌رۆكاتیا هه‌رێمێ و جێگرێ سه‌رۆكێ په‌رله‌مانی ل خۆلا چارێ بوویه كر، ب مه‌به‌ستا هه‌ماهه‌نگی و كارێ هه‌ڤپشك دناڤبه‌را هه‌ردو سه‌رۆكاتیێن په‌رله‌مانی و سه‌رۆكاتیا هه‌رێمێ سه‌ره‌دانا په‌رله‌مانێ كوردستانێ كربوو.
هه‌ر ل گۆری ئه‌وێ راگه‌هاندنێ یا ژلایێ په‌رله‌مانێ كوردستانێ ده‌ركه‌تی، كۆ دوێ دیدارا جه‌عفه‌ر ئێمینكی سه‌رۆكێ بوردا راوێژكاری ل سه‌رۆكاتیا هه‌رێمێ و رێواس فایه‌ق سه‌رۆكا په‌رله‌مانێ كوردستانێ به‌حسا هه‌لومه‌رجێن نها یێن عیراقێ و كوردستانێ و دوماهی پێشهاتێن سیاسی و دروستبوونا كابینه‌یا نوو یا حكومه‌تا عیراقێ كرن و هه‌ردو ئالیان ته‌ئكید ل سه‌ر كارێ هه‌ڤپشك و خۆ سازدان بۆ هه‌ر پێشهاته‌كا سیاسی ل عیراقێ و ده‌ڤه‌رێ روو دده‌ن كر .
ئه‌ڤرۆ نیوز:
حكومه‌تا هه‌رێما كوردستانێ ریكارێن نوو بۆ ڤه‌گه‌راندنا ئه‌وان قه‌ران بده‌ر دئێخیت كۆ ئه‌وان قه‌ران خوڤه‌دگریت یێن هاتینه دان ب بازرگان و سه‌رمایداران.
كازم نامق رێڤه‌به‌رێ گشتی یێ به‌نكێن بازرگانیێن هه‌رێما كوردستانێ راگه‌هاند: ده‌مه‌ك هاتیه دانان بۆ ڤه‌گه‌راندنا قه‌رێن بازرگانان، پشتی ئه‌وان شه‌ش هه‌یڤێن هاتینه دانان قه‌ر نه‌هاتنه ڤه‌گه‌راندن ئه‌وی ده‌می دێ بتنێ سێ هه‌یڤێن دی وه‌ك ده‌لیڤه پێ هێته دان،ئه‌و سێ هه‌یڤ ژ هه‌یڤا دو یا ئیسال ده‌ست پێكریه و پشتی ئه‌وی ده‌می هه‌ر بازرگان و كۆمپانیه‌ك قه‌رێن خۆ نه‌ڤه‌گه‌راند بیت ئه‌ڤه دێ لێپێچینل گه‌ل هێته‌كرن دێ ئه‌و كه‌فنه ل لیستا ره‌ش دا، پرۆژه پێ ناهێنه‌دان و كۆمه‌كا رێكارێن تود ل دژی ئه‌وان هێنه بكار ئینان.
ئه‌ڤرۆ نیوز:
محه‌مه‌د توفیق عهلاوی سه‌رۆك وه‌زیرێ راسپاردی یێ عیراقێ ناراسته‌خو گه‌ف ل لایه‌نێن سیاسی یێن ده‌سه‌لاتدارێن وه‌لاتی كر، كۆ هه‌كه حكومه‌تا وی شكه‌ستنێ بینیت دێ سیسته‌مێ سیاسی یێ عیراقێ ژناڤ چیت.
عهلاوی ل ده‌مێ دانوستاندنێ ل گه‌ل لایه‌نێن شیعه‌یێن ده‌سه‌لاتدارێن عیراقێ، هوشداری پێداینه ژ وێ چه‌ندێ هه‌كه حكومه‌تا وی شكه‌ستنێ بینیت ئه‌ڤه دێ سیسته‌مێ سیاسی یێ پشتی 2003 یێ عیراقێ هاتیه دامه‌زراندن، ب ته‌ڤایی دێ ژناڤچیت و ده‌ستێوه‌ردانێن وه‌لاتێن ده‌رڤه ل كارۆبارێن ناڤخویا عیراقێ زێده‌تر لێ هێت.
ئەڤرۆ نیوز،عەلی حاجی:
ئەمیر عەلی بەرپرسێ راگەهاندنا ساخلەمیا زاخۆ د داخویانیەکێ دا بۆ ئەڤرۆ نیوز دیار کر گەنجەکی ل تاخه‌كێ زاخۆ ژ ئەگەرەکێ نەدیار ب گولەیەکا دەبانجێ داویێ ب ژیانا خوە دئینیت.
زێدەتر ناڤهاتی گۆت: ئەو گەنج بناڤێ (م،م) ل تاخێ شەهیدان ل دەمژمێر ٥:٠٠ێ ئێڤاری گولەیەکێ ل سینگێ خوە ددەت و ئێکسەر ژیانا خوە ژ دەست ددەت و هەژی گۆتنێ یە ئەو گەنج دژیێ ١٨ سالیێ دا بوو بەلێ هەتا نوکە ئەگەرێن ڤێ روودانێ نەهاتیە زانین و نوکە دا تەرمێ وی گەنجی بۆ پزیشکیا داد ل باژێرێ دهۆکێ هاتیە رەوانە کرن و د ڤێ دەربارێ دا پۆلیسان دەست ب ڤەکۆلینان کر،ل گورەی ئاخڤتنێن کەس و کارێن وی گەنجی وی گەنجی چو کێشەیەک نەبوویە.
ئەڤرۆ نیۆز، عەزیز هەورامی:
ناوەندی باڵای هەڵەبجەی یەکێتیی لاوانی دیموکراتی کوردستان، بەبۆنەی ٦۷ساڵەی دامەزراندنی یەکێتی لاوان، چالاکی ڕۆشنبیری وشیاری، کتێبێک بەدیاری وەربگرە و شتێکی زیان بەخش دانێ ئەنجامدا.
عومەر فارس بەرپرسی ناوەندی باڵای هەڵەبجە، بە ئەڤرۆ نیۆزی ڕاگەیاند:” ئێمە وەک ناوەندی باڵای هەڵەبجەیی یەکێتی لاوان چالاکی ڕۆشنبیری وشیاری ناوازەمان لە ناوەندی بازاڕی پارێزگای هەڵەبجە بە بەخشنیی کتێب بەرامبەر ئەوەی لاوان ئەو کەرەستە زیان بەخشەی پێیانە دای بنێن.
فارس دەڵێ، دەمانەوێت لاوان هۆشیار بکەینەوە لەو کەرەستە زیان بەخشانەی ڕۆژانە بەکاریان دەهێنن و لێیان دووربکەونەوە بەدیلیشی کتێب دەکەین بە دیاری بۆیان.
وتیشی، کوردستان پێویستی بە لاوانی وشیار و ڕۆشنبیر هەیە بۆیە ئەرکی ئێمەشە وەک ڕێکخراوێکی لاوان، هەموو چالاکییەکی نەوعی ئەنجامبدەین بۆ پێگەیاندنی لاوانی سەرکردە.
نيشاندان