ئه‌ڤرۆ نیوز:

وه‌زاره‌تا به‌ره‌ڤانیا دانیماركێ ڤه‌گه‌ریانا سه‌ربازێن خۆ بۆ سه‌ربازگه‌ها عه‌ین ئه‌سه‌د ل پاریزگه‌ها ئه‌نبار راگه‌هاند: كۆ به‌ریا نوكه‌ ب ئه‌گه‌رێ ئالوزیێن دناڤبه‌را ئه‌مریكا و ئیرانێ سه‌ربازین دانیمارك ئه‌و بجهـ هێلا بوو.

ترین برامسن وه‌زیرێ به‌ره‌ڤانیا دانیمارك راگه‌هاند:هه‌یڤا مارس سه‌ربازێن مه‌ ب ئه‌گه‌رێ هێرشێن موشه‌كێن ئیرانێ ئه‌و سه‌ربازگه‌هه‌ بجهـ هێلا بوو نوكه‌ ڤه‌دگه‌رن بۆ سه‌ربازگه‌هێ عه‌ین ئه‌سه‌د به‌رده‌وام دبن ل سه‌ر مه‌شق و راهێنانێن ب هێزێن عیراقێ بۆ ریب ری بوونا تیرۆریستان.

برامسن وه‌زیرێ به‌ره‌ڤانیا دانیمارك ئه‌و چه‌نده‌ژی راگه‌هاند ره‌وشا ئه‌منی یا سه‌ربازگه‌هێ چ جوداهیه‌ك نینه‌ به‌ری هێرشا موشه‌كین ئیرانێ و چ مه‌ترسیه‌ك ل سه‌ر سه‌ربازین مه‌ نینه‌.

دانیماركێ 130 سه‌رباز و راهێنه‌ر و راوێژكار سه‌ر ب وه‌زاره‌تا به‌ره‌ڤانیا ئه‌وی وه‌لاتی ل ده‌ستێكا شه‌رێ داعشێ بۆ سه‌ر عیراقێ د چارچوڤه‌یێ هه‌ڤپه‌یمانیا نێڤ دوله‌تی دژی داعشێ مه‌شق و راهێنان ب هێزێ ئه‌منی یێن عیراقێ دكه‌ن.

 ئه‌ڤرۆ نیوز:

ده‌زگه‌هێ دژه‌ تیرۆرا عیراقێ راگه‌هاند: داتا و زانیاری ل سه‌ر پاشماوێن ریكخراوا داعشێ هه‌می لبه‌ر ده‌ستن.

سه‌باح نه‌عمان په‌یڤدارێ ده‌زگه‌هێ دژه‌ تیرۆرا عیراقی راگه‌هاند: ستراتیژیه‌ت و دیتنا ده‌زگه‌هێ دژه‌ تیرۆرێ بۆ به‌رهنگاربوون و ژناڤبرنا پاسماوێن داعشێ، خۆ د چه‌وانیا مفا وه‌رگرتن ژ بزاڤین وه‌زاره‌تان و ده‌زگه‌هێن دی دا دبینیت كۆ ژ به‌لاڤكرنا ره‌وشه‌نبیری و هشیاریێ بۆ خۆ پاراستنێ ژ تاوانێن تیرۆرێ.

نه‌عمان په‌یڤدارێ ده‌زگه‌هێ دژه‌ تیرۆرێ ئه‌و چه‌نده‌ ژی راگه‌هاند: ده‌زگه‌هێ دژی تیرۆرێ داتا و زانیاری ل سه‌ر تیرۆریستێن ل عیراقی هه‌نه‌ و ئه‌و داتا و زانیاری بووینه‌ ژێده‌ره‌ك كۆ هیزێن ئه‌منی یێن هه‌ریمێ و نێڤ ده‌وله‌تی مفایی ژێ بینن.

ناڤبر ی دیاركر ل رۆژێن بهێت دێ ئوپراسیون بۆ سه‌ر ڤه‌شارگه‌هێن تیرۆریستان ل ده‌ڤه‌رین جودایێن عیراقی هێنه‌ ئه‌نجام دان.