ئەڤرۆ نیوز:
وەزیرێ دەرڤە یێ تورکیا مەولوود چاڤۆش ئوگلۆ پشتی هەڤدیتنا ل گەل سیرگێی لاڤرۆڤ وەزیرێ دەرڤە یێ روسیا راگەهاند کو ناکۆکیێن مەزن د ناڤبەرا وان و روسیا دا ل دۆر ئدلبێ هەنە، لێ ئەو یەک کارتێکرنا خوە ل کڕینا سیستەمێ موشەکی یێ روسیا ناکەت.
ناڤهاتی ئەو یەک ژی دیار کر کو تورکیا دێ سیستەمێ موشەکی یێ روسیا کڕیت و بەری نها گرێبەست ل گەل روسیا ژی هاتیە ئیمزا کرن.
ئەڤرۆ نیوز:
پەیڤدارێ سکرتێرێ گشتی یێ نەتەوێن ئێکگرتی راگەهاند کو د ناڤا سێ رۆژێن بۆری دا ١٤٣ هزار کەسێن مەدەنی ژ ئدلبێ رەڤینە و د رەوشەکا گەلەک خراب دا دژین، ژ بەری شەری مەترسی ل سەر ژیانا ب هزاران وەلاتیێن سڤیل ل ئدلبێ هەیە و یا نها ل ئدلبێ روو ددەت کارەساتەکا مەزنە و دڤێت شەرێ ل ئدلبێ بهێتە راگرتن.
ئەڤرۆ نیوز:
سەرۆک مەسعود بارزانی پێشوازی ل ئەیاد عەللاوی کر و د کۆمبوونێ دا هەر دو ئالی ل دۆر رەوشا سیاسی یا عیراقێ ئاخڤین و ل دۆر سێ خالان رێککەفتن.
یا ئێکێ: پێدڤیە هێزێن هەڤپەیمانان هێشتا ل عیراقێ بمینن، چونکو مەترسیا داعشێ ل سەر عیراقێ یا هەی و ل ڤێ دووماهیێ بزاڤێن داعشێ زێدەتر لێ هاتینە.
دو: ل عیراقێ گەلەک پێکهاتە دژین و هێزەک ب تنێ نەشێت بریارێ ل دۆر چارەنڤیسێ عیراقێ بدەت، چونکو ئەو یەک دێ بیتە مەترسی ل سەر ئاشتیا جڤاکی ل عیراقێ.
سێ: دڤێت حوکمەتا داهاتی یا عیراقێ نوونەراتیا هەموو پێکهاتێن عیراقێ بکەت و دڤێت نوونەرێن هەموو پێکهاتان د کابینا نوو یا حوکمەتێ دا پشکدار بن، دا ب وی رەنگی داخوازیێن هەموو پێکهاتێن عیراقێ و خوەنیشادەران ژی بجه بهێت.
ئەڤرۆ نیوز:
کەمال کچلدار ئوگلۆ سەرۆکێ گشتی یێ پارتا کۆماریا گەل راگەهاند کو رەوشا ناڤخوەیی یا تورکیا گەلەک خرابە، بێکاری رۆژ ب رۆژێ زێدەتر لێ دهێت و دەستهەلاتا ئاکپارتیێ ب رێیا برسیکرنێ و هەژاریێ دڤێت چاڤدێریا جڤاکێ تورکیا بکەت و ئەو یەک ژی ب چو رەنگەکێ ناهێتە قەبوولکرن.
سەرۆکێ گشتی یێ پارتا کۆماریا گەل ئەو یەک ژی دیار کر کو ئەردۆگانی تورکیا تووشی کارەساتەکا مەزن کریە و ئەڤرۆکە پێگەهێ سیاسی یێ تورکیا ل دەڤەرێ و جیهانێ گەلەک لاوازە و دڤێت سنورەک بۆ کریارێن دەستهەلاتێ و سیاسەتا وان یا شاش بهێتە دانان.
ئەڤرۆ نیوز:
دەزگەهێن راگەهاندنا عەرەبی دیار دکەن کو پشتی کوشتنا قاسم سلێمانی گەلەک پیلانێن وی ل سووریێ کو ل دژی ئیسرائیلێ بوون د نیڤیێ دا ماینە و نها ئیسرائیل وان پیلانان ئێک ب ئێک ژناڤ دبەت.
دو رۆژان بەری نها دەزگەهێن راگەهاندنا ئیسرائیلێ ژی دیار کربوون کو هێزێن ئەسمانی یێن ئیسرائیلێ ل نێزیکی شامێ هێرشی چەندین بنگەهێن سەربازی یێن ئیرانێ کرینە و گەلەک کەسێن ئیرانی و سووری ژی هاتینە کوشتن.
ئەڤرۆ نیوز، عەلی حاجی :
ئەندامێ لژنا دیفچوون ل قایممقامیا زاخۆ د داخویانیەکێ دا بۆ ئەڤرۆ نیوز دیار کر پشتی قەیرانا نەبونا غازێ بەرەڤ دوماهیێ ڤە چوویی و ب مەرەما بەلاڤ کرنا غازێ ل سەر هاولاتیان ئێدی غاز ب رێیا کەرتان ناهێتە بەلاڤ کرن.
زێدەتر وەلات هەجەر گوت: (ب هەڤکاری دگەل ئاسایشا زاخۆ نوکە دا ب رێیا ترومبێلان غاز دچیتە کولانێن تاخێن باژێرێ زاخۆ ئێدی ب رێیا کەرتان ناهێتە بەلاڤ کرن و چو کەت ژی نەماینە و بتنێ ترومبێل دێ چنە هەمی تاخان و ل سەر هاولاتیان بەلاڤ کەن هەر وەکی ژبەری دروست بونا قەیرانا غازێ ل پارێزگەها دهوکێ،دا کو ئەڤ پروسەیە ب دروستی ب رێڤە بچیت هەر ترومبێلەکێ ئەندامەکێ ئاسایشا زاخۆ دگەل دایە دا کو ئەو ترومبێل ب دروستی ب ئەرکێ خوە رابن و لەورا ئەم هاولاتیێن خوە پشت راست دکەین غاز ب شێوەیەکێ باش نوکە دگەهیتە زاخۆ و ژ ئەڤرۆ پێڤە بێ کێشە دێ سەر هاولاتیان هێتە بەلاڤ کرن).
ئەڤرۆ نیوز:
جەنەرال خەلیفە حەفتەر فەرماندارێ لەشکرێ نشتیمانی یێ لیبیا راگەهاند کو دڤێت هەموو ئاخا لیبیا ژ گرۆپێن چەکدار بهێتە پاقژکرن، هەتا هێزێن بیانی و گرۆپێن چەکداری ل لیبیا بن ب چو رەنگەکێ ئاشتی و ئارامی ل لیبیا بجه نابیت و دڤێت هەموو گرۆپێن چەکدار بهێنە ژناڤبرن.
بەری نها روسیا و ئیتالیا ژی راگەهاندن کو ئەو ل گەل هەموو هێزێن سیاسی ل لیبیا کار دکەن دا ئەو هێزە بشێن پێکڤە بگەهنە رێککەفتنەکا سیاسی.
ئەڤرۆ نیوز:
فەیسەل میقداد جێگرێ وەزیرێ دەرڤە یێ سووریێ راگەهاند کو کورد ل سووریێ پشکەکن ژ جڤاکێ سووریێ و دڤێت بگەهنە مافێن خوە، لێ ئەو ل دژی هندێ نە کو ئاخا سووریێ بهێتە پارچەکرن و دڤێت کورد ژی بۆ پارچەکرنا ئاخا سووریێ کار نەکەن.
جێگرێ وەزیرێ دەرڤە یێ سووریێ ئەو یەک ژی دیار کر ئەو وەکو حوکمەتا سووریێ رێڤەبەریا خوەسەر یا باکورێ سووریێ رەت دکەن.
نيشاندان