ئەڤرۆ نیوز:
سیاسەتمەدارەکێ کورد دیار کر کو رەوشا عیراقێ هەر یا ئالۆز لێ دهێت و ئەمریکا ژی نەشێت رەوشا نها یا عیراقێ قەبوول بکەت، ژ بەر هندێ ژی ئێک ژ ئەگەرێن کو رەنگە ئەمریکا کار ل سەر بکەت پرۆژێ بەری نها یێ جۆ بایدنی یە.
د. شەفیق قەزاز ئەو یەک ژی دیار کر کو دەستێوەردانێن ئیرانێ و ئالۆزیێن کو شیعە بۆ بەرژەوەندیێن ئەمریکا دروست دکەن دێ وەسا کەت ئەمریکا بۆ پاراستنا بەرژەوەندیێن خوە کار ل سەر بجهئینانا پرۆژێ جۆ بایدنی کەت.
ئه‌ڤرۆ نیوز:
دوهی به‌ری نیڤرۆ ل ناڤه‌ندا باژێرێ عه‌فرینێ یێ رۆژئاڤایێ كوردستانێ په‌قینه‌ك مه‌زن روو دا و د ئه‌نجام دا هه‌تا نها ٨ كه‌سان جانێ خوه ژ ده‌ست داینه و هژماره‌ك وه‌لاتی ژی بریندار بووینه.
هێزێن سه‌ر ب توركیا كو عه‌فرین د بن كۆنترۆلا وان دایه هه‌تا نها ل دۆر ئه‌گه‌رێن وێ په‌قینێ چو داخۆیانیه‌ك به‌لاڤ نه‌كرینه لێ هنده‌ك چالاكڤانێن مه‌ده‌نی دیار دكه‌ن كو ژ ئه‌نجاما په‌قینا بۆمبه‌كێ ل عه‌فرینێ ٨ كه‌سان جانێ خوه ژ ده‌ست داینه و هژماره‌ك كه‌سێن دی ژی بریندار بووینه و پرانیا قوربانیان ژی كه‌سێن مه‌ده‌نی نه.
ئه‌ڤرۆ نیوز:
ئه‌ڤرۆ دو شه‌مب 10/2/2020 مه‌سرور بارزانی سه‌رۆكێ حوكمه‌تا هه‌رێما كوردستانێ ب هه‌لكه‌فتا یوبیلا زێرین یا ئێكه‌تیا نڤیسه‌رێن كورد، په‌یامه‌كا پیرۆزباهیێ ئاراسته‌یێ ئێكه‌تیا نڤیسه‌رین كورد كر و تێدا هاتیه سه‌رۆك و ئه‌ندامێن ئێكه‌تیا نڤیسه‌رێن كورد ب هه‌لكه‌فتا یوبیلا زێرین یا ئێكه‌تیا نڤیسه‌رێن كورد گه‌رمترین پیرۆزباهیێ پێشكێشی وه‌هه دكه‌م هیڤیا سه‌ركه‌فتنێ بۆ هه‌وه دخوازم.
ئه‌ڤه ژی ده‌قێ په‌یاما مه‌سرور بازرانی سه‌رۆكێ حوكمه‌تا هه‌رێما كوردستانێ ب هه‌لكه‌فتا یوبیلا زێرین یا ئێكه‌تیا نڤیسه‌رێن كورد:
به‌رێز و سه‌رۆك ئه‌ندامێن ئێكه‌یتا نڤیسه‌رێن كورد
ب هه‌لكه‌فتا یوبیلا زێرین یا ئێكه‌تیا نڤیسه‌رێن كورد گه‌رمترین پیرۆزباهیێ پێشكێشی وه دكه‌م، هیڤیا سه‌ركه‌فتن و به‌رده‌وامیێ بۆ هه‌وه دخوازم، بێگۆمان رێكخراوا وه رۆله‌كێ دیار و كاریگه‌ر ل بزاڤا ئه‌ده‌بی و ره‌وشه‌نبیری یا گه‌لی كوردستانێ هه‌بوویه، ب تایبه‌تی ل پاراستن و گه‌شه‌پێدانا زمانێ كوردی.
هه‌روه‌سا رۆلێ ئێكه‌تیا نڤیسه‌رێن كورد داكۆكیكرن ل مافێن دیموكراتی و نه‌ته‌وه‌یا گه‌لی كوردستانی ناهێته ژبیركرن كۆ به‌رهه‌مێن ب نه‌رخێن وێ، حزمه‌ته‌كا مه‌زنا بزاڤا رۆناكبیریا نه‌ته‌وه‌یا مه داكریه.
ئومێدا پێشكه‌فتنێ بۆ هه‌وه دخوازم و هیڤی دارم ژ كاروانێ پری په‌خشان د پیخه‌مه‌تا خزمه‌تكرنا زمان و ئه‌ده‌بی كوردی دا به‌رده‌وام بن.
مه‌سرۆر بارزانی
سه‌رۆكێ حوكمه‌تا هه‌ریما كوردستانێ
10/2/2020
ئه‌ڤرۆ نیوز:
شانده‌كێ روسی بۆ كۆمبووی ل گه‌ل به‌رپرسێن توركیا ل سه‌ر ره‌وشا باژێرێ ئدلبێ سه‌ره‌دنا ئه‌نقه‌ره كرن.
بریاره ئه‌ڤرۆ شاندێن هه‌ر وه‌لاتان ل ئه‌نقه‌ره كۆم بن، شاندێ توركیا ب سه‌رۆكاتیا سادات ئونالی هاریكارێ وه‌زیرێ ده‌رڤه و به‌رپرسێن وه‌زاره‌تا ده‌رڤه به‌ره‌ڤانی و هه‌والگریێ ل گه‌ل سیرگی فیر شینین جێگرێ وه‌زیرێ ده‌رڤه‌یێ روسیا ئه‌لیكسه‌ر لاڤره‌نتیڤ هاریكارێ تایبه‌تێ سه‌رۆك روسیا بۆ كارۆبارێن سوریا كۆم دبن بابه‌تێ هه‌ره گرنگ دێ به‌حسێ ئدلبێ بیت.
ئه‌ڤرۆ نیوز، له‌زگین جوقی
رێڤه‌به‌رێ ناحیا سنونی دیاركركو چونكه ل مه‌زارگه‌هێ شه‌رفه‌دین بن كۆنترولا پێشمه‌رگه‌هێ كوردستانێ دایه خه‌لكێ شنگال ل وێ ده‌ڤه‌ری هه‌ست ب ئارامیی و ته‌ناهیی دكه‌ن له‌ورا ژی نوكه ده‌ست ب ئاڤاكرنا خانیان رێژه‌كا به‌رچاڤ هاتیه كرن.
نائیف سه‌یدۆ، رێڤه‌به‌رێ ناحیا سنوونێ دیاركر كو خه‌لكێ شنگال هه‌ست ب ته‌ناهیی و ئارامیێ ل مه‌زارگه‌هێ شه‌رفه‌دین دكه‌ن له‌ورا ژی خه‌لكێ شنگال ده‌ست ب ئاڤاكرنا خانیان كریه ل وێ ده‌ڤه‌رێ چه‌ندین گۆندێن ل نێزیك مه‌زارگه‌هێ شه‌رفه‌دین هاتینه و نها گۆندێ یوسفا و راشد و قنی و دو گۆندێن دی ژی خه‌لك ڤه‌گه‌ریاینه یێن نێزیك شه‌رفه‌دین هه‌ر ژ دووریانا بۆرك هه‌تا دگه‌هته مه‌زارگه‌هێ شه‌رفه‌دین هه‌موو بووینه ئاڤاهیی هه‌تا هزار خانیان هاتینه ئاڤاكرن ل نێزیكی مه‌زارگه‌هێ شه‌رفه‌دین وگۆت: چونكو پێشمه‌رگه‌هـ ل وێ ده‌ڤه‌رێ هه‌یه خه‌لك هه‌ست ب ته‌ناهیی وسه‌قامگیری دكه‌ن .
ئه‌وژی دیاركركو ژلایێ ده‌روونی ڤه خه‌لك زۆر مرتاحن ده‌مێ پێشمه‌رگه‌هێ دبینن ل مه‌زارگه‌هی شه‌رفه‌دین له‌ورا خه‌لكی شنگال ب شیوه‌یه‌كێ مه‌زن ده‌ست ب ئاڤاكرنا خانیان كریه ل وێ ده‌ڤه‌رێ ئه‌ڤه وێ دگه‌هینیت هه‌ر ده‌مێ پێشمه‌رگه‌هێ كوردستانێ بزڤریته شنگال دێ هه‌موو خه‌لكێ شنگال ڤه‌گه‌رن چونكو بتنی پێشمه‌رگه‌ه دێ پاراستنا ژیانا وان كه‌ت.
ئه‌ڤرۆ نیوز:
هه‌رێما كوردستانێ ل چاڤ عیراقێ زۆرترین كۆمپانیێن بیانی تێدا كار دكه‌ن، كو هه‌می بیاڤ بخوڤه‌گرتینه ئه‌وان كۆمپانیێن ل كوردستانێ د كاری دا به‌رده‌وامن.
فه‌تحی محه‌مه‌د په‌یڤدارێ وه‌زاره‌تا بازرگانی پیشه‌سازیا حوكمه‌تا هه‌رێما كوردستانێ راگه‌هاند: ل سالا 2019 ل چاڤ سالا 2018 توماركرنا كۆمپانیێن بیانی ل هه‌رێمێ زێده ب بوو و ب شێوه‌یه‌كی ل سالا 2018 بتنێ 34 كۆمپانی یێن بیانی هاتینه توماركرن، ل سالا 2019 بلند بوو بۆ 60 كۆمپانیان، نوكه ب گشتی كۆمپانی یێن هه‌ریمێ تووماركری سی هزار و 102 لقێن وان ل هه‌موو كوردستانێ هه‌نه، كۆ هه‌رێما كوردستانێ ل ده‌ڤه‌ره‌كا ئالوزدایه لێ ته‌ناهی سه‌د ل سه‌د جیگیره و چ ئاریشه بۆ بیانیان دروست نه بووینه.
ئاراس شێخ ره‌ئوف رێڤه‌به‌رێ تومارا كۆمپانیێن هه‌رێما كوردستانێ راگه‌هاند: ئه‌و ره‌وشا ل عیراقێ دروست بووی چ كارتێكرن ل سه‌ر كارێ كۆمپانیێن بیانی ل هه‌رێمێ نه‌كریه بگره هژماره‌كا زۆرترا لقێن كۆمپانیین بیانی ژ عیراقێ هاتینه ڤه‌گۆهاستن بۆ هه‌رێمێ چونكو ژینگه‌هه‌كا ئارامه بۆ بیانیان.
رێڤه‌به‌رێ تومارا كۆمپانیێن هه‌رێما كوردستانێ ئه‌و چه‌نده ژی دازانین به‌رۆڤاژی عیراقێ كۆ چه‌ند هه‌یڤه‌كه ره‌وشا وێ تێك چوویه، ژماره‌كا كۆمپانیێن بیانی ب ئه‌گه‌رێ مه‌ترسی ل سه‌ر وان و كارێن وان لقێن خۆ یان كارێن خۆ ڤه‌گۆهاستینه هه‌رێما كوردستانێ و به‌رده‌وامن ل سه‌ر كارێن خۆ.
ئەڤرۆ نیوز، نەوزاد هلۆرى:
ژ ئەگەرێ تێكچونا رەوشا كەشوهەواى و گرتنا پرانیا رێیێن سەرەكى ل سنورێ پارێزگەها دهۆك و پێخەمەت سلامەتیە قوتابیان، تاقیكرنێن رێزا ١٢ێ ئامادەیى یا خواندنا دەرەكى هاتە پاشئێخستن.
ئەحمەد زوبێر، بەرپرسێ راگەهاندنا رێڤەبەریا گشتى یا پەروەردا پارێزگەها دهۆكێ بۆ ئەڤرۆ نیوز گۆت: (ژ ئەگەرێ تێكچونا رەوشا كەشوهەواى و پێخەمەت سلامەتیا قوتابیان، تاقیكرنێن رێزا ١٢ێ ئامادەیى یێن دەرەكى هاتنە پاشئێخستن) زێده‌تر گۆت: (ئه‌زموونا ئه‌ڤرۆ دێ لرۆژا 15/2/2020 هێته‌كرن و خشتێ ئه‌زموونان ژى دێ وه‌كو خوه ب رێزبه‌ند ل دوڤ دا هێنه‌كرن، ئانكو تاقیكرنا رۆژا شه‌مبى دێ چیته رۆژا ئێكشه‌مبى، یا ئێكشه‌مبى چیته رۆژا دوشه‌مبى و بڤى ره‌نگى هه‌تا داوى دهێن).
ناڤبرى دیاركر ژى كو قوتابێن هه‌موو ناحى و قه‌زایێن پارێزگه‌ها دهۆكێ ل سه‌نته‌رێ باژێرێ دهۆكێ ئه‌زموونان ئه‌نجام دده‌ن.
ئەڤرۆ نیۆز، عەزیز هەورامی :
کۆبوونەوەکانی ئەنجوومەنی سەرکردایەتی یەکێتی بەردەوامە بۆ پەسەندکردنی پێڕەوی ناوخۆی حیزبەکە و دیاری کردنی سیستەمی بەڕێوەبردنی یەکێتی. مستەفا چاوڕەش ئەندامی گشتی ئەنجوومەنی سەرکردایەتی یەکێتی، بە ئەڤرۆ نیۆزی ڕەگەیاند” کۆبوونەوەکانی ئەنجوومەنی گشتی سەرکردایەتی یەکێتی بەردەوامە بۆ گفتوگۆکردن و پەسەندکردنی تەواوی مادەکانی پێڕەوی ناوخۆی حیزب.
سیستەمیی بەڕێوەبردنی یەکێتی دەبێتە هاوسەرۆکی مستەفاچاوڕەش وتیشی” ئەنجوومەنی سەرکردایەتی بڕیاریداوە سیستەمی هاوسەرۆکی بۆ حیزب بچەسپێنێت بۆیە تەواوی ۱۲۱ ئەندامی سەرکرداییەتییەکە بەرپرس دەبن لەوەی ئەو سیستەمی بەڕێوەبردنە سەرکەوتودەبێ یان نا. بەرهەم ساڵح ئەندامی گشتیی سەرکردایەتی یەکێتی خۆی ئامادەکردبوو بۆ کەسی یەکەمی حیزبەکە بەڵام لەگەڵ پەسەندکردنی سیستەمی هاوسەرۆکی بەپێ زانیارییەکان نیگەرانە. لەبارەی نیگەرانییەکانی بەرهەم ساڵح لە مەڕ بڕیاری هاوسەرۆکی بۆ بەڕێوەبردنی یەکێتی.
چاوڕەش دەڵێ” من نازانم بەرهەم ساڵح نیگەرانە یان نا لە بڕیارەکە ئەوە ئەنجوومەنی سەرکرداییەتییە بڕیاری داوە بەڕێوەبردنی حیزب هاوسەرۆکی بێت، لە خۆی بپرسن.
ئه‌ڤرۆ نیوز،عه‌لی حاجی :
ژبه‌ر هاتنا پێله‌كا به‌فر بارینێ هاتن وچوونا دناڤبه‌را زاخۆ بۆ دهوكێ ب زه‌حمه‌ت كه‌ڤتی یه و ل نێزیك تونێلا زاخۆ قه‌ره‌بالغی دروست بوویه و ژبه‌ر ڤێ چه‌ندێ هه‌ژماره‌كا قوتابیێن زانكۆ و په‌یمانگه‌هێن زاخۆ ماینه جهێ خوه دا نه‌شیاینه قه‌ستا ده‌وامێ بكه‌ن .
موقه‌دمێ ماف په‌روه‌ر ئازاد ته‌ها به‌رپرسێ راگه‌هاندنا هاتن و چوونا پارێزگه‌ها دهوكێ بۆ ئه‌ڤرۆ نیوز گوت : ژبه‌ر كو ل شه‌ڤا بوری پرانیا ده‌ڤه‌رێن پارێزگه‌ها دهوكێ كه‌ڤتینه به‌ر پێله‌كا به‌رفر بارینێ ڤێ چه‌ندێ وه‌كری یه هاتن و چوون دناڤبه‌را ده‌ڤه‌ران ب زه‌حمه‌ت كه‌ڤتی یه و داخاز ژشوفێران دكه‌ین هه‌كه كاره‌كێ پێدڤی نه‌بیت رێكێن ده‌رڤه ب كار نه‌ئینن و ژبه‌ر وێ هاتنا پێلا به‌فرێ ژ ئه‌گه‌رێ به‌ستی بونا جادده‌یان قه‌ره‌بالغیه‌ك زور ل تونیچلا زاخۆ به‌رامبه‌ر گوندێ حه‌سه‌ن ئاڤا دروست بویه و بویه ئه‌گه‌رێ وێ چه‌ندێ هه‌ژماره‌كا قوتابیێن زانكویا زاخۆ و په‌یمانگه‌ها ته‌كینكی ل زاخۆ نه‌شیان بچنه ده‌واما خوه و هه‌تا نوكه ماینه دناڤ وێ قه‌ره‌بالغیێ دا .
زێده‌تر ناڤهاتی گوت : پولیسێن هاتن و چوونێ ل رێڤه‌به‌ریا هاتن و چوونا زاخۆ ل جهێ وێ قه‌ره‌بالغیێ ئاماده بوینه و ئه‌م چاڤه‌رێنه ب ته‌مامی ئه‌و رێك بهێنه پاقژكرن و نوكه دا تیمێن باژێرڤانیا زاخۆ كار د پاقژ كرنا وان جادده‌یان دكه ندا كو هه‌تا راده‌یه‌كێ قه‌ره‌بالغی كێمتر ببیت .
ئەڤرۆ نیوز:
پتریا خەلکێ وەسا فێربووینە ل سپێدەهیان چایێ یان قەهوێ ڤەدخون، لێ نۆشدار ئاموژگاریان ل خەلکێ دکەن کو ئاڤا گەرم ڤەخون و مفایەکێ باش دگەهینیتە ساخلەمیا مرۆڤی.
مالپەرێ ستاندەرد میدیا بەلاڤکریە، کو ڤەخوارنا کوپەکێ ئاڤا گەرم بەرى تێشتا سپێدێ، دێ هاریکاریا کریارا هەرسکرنێ کەت و ماندیبوون و ئێشانا چوکان ناهێلیت، جیوبان ژی ڤەدکەت.
گەرمیا ئاڤێ ئەگەرە بۆ نەمانا نازکیا گەوری و دفنێ، ل گەل هندێ ئێشانا سەرى ژی ناهێلیت.
ژبەر ئاڤا گەرم هەرسکرنا خوارنێ بساناهی دکەڤیت و ب باشی ژ ئالیێ ریڤیک و گەدێ ڤە دهێتە مێژتن و یا زێدە د هنێریتە ژ دەرڤە، قەفزیێ و ئالوزیێن ریڤیکا ناهێلیت و سورا خوینێ چالاک دکەت و ژەهرێ ژ لەشی دکەتە دەر و پیستى جوانتر لێ دکەت.
هەروەسا نۆشدارێن بیاڤێ خوارنێ د دەنە زانین، ئەو کەسێن ئاریشا گرتنا گەدێ ژ خوارنێ هەی، نابیت ئاڤا زێدە گەرم ڤەخون کو پلا وێ د ناڤبەرا ٤٨ بۆ ٦٠ پلان دابیت، چونکی دێ زیانێ گەهینیتە گەدەی.
نيشاندان