ئەڤرۆ نیوز:
بالیۆزێ ئیرانێ ل عیراقێ ئیرەج مەسجدی راگەهاند کو ئیرانێ دڤێت ب رێیا دانوستاندنان ل گەل سعوودیێ و ئیماراتێ ئاریشێن خوە ل گەل وان هەر دو وەلاتان چارەسەر بکەت، ژ بەر هندێ ژی عیراق دشێت رۆلەکێ کاریگەر بگێریت.
بەری نها ژی وەزیرێ دەرڤە یێ ئیرانێ محەمەد جەواد زەریف ژی دیار کربوو کو ئیرانێ دڤێت ئاریشێن خوە ل گەل سعوودیێ چارەسەر بکەت چونکو ئەو یەک د بەرژەوەندیا هەر دو ئالیان دایە.
ئەڤرۆ نیوز:
جێگرێ سەرۆکێ لیژنا پەیوەندیێن دەرڤە یا ئەمریکا راگەهاند کو هەکە عیراق داخوازا سیستەمێ بەرەڤانیێ یێ موشەکی ئانکۆ پاتریۆتان ل ئەمریکا بکەت دڤێت ئەو سیستەم ل هەرێما کوردستانێ بهێتە دانان. چونکو هەرێما کوردستانێ دەڤەرا هەری ئارام یا عیراقێ یە و کورد هەڤپەیمانێن باشن بۆ ئەمریکا و دڤێت موشەکێن پاتریۆت ل هەرێما کوردستانێ بهێنە دانان.
ئەڤرۆ نیوز، رێوار محەمەد رەشید:
بەرپرسێ پەیوەندی و راگەهاندنێ ل سەرۆکاتیا باژێرڤانیا دهۆکێ بۆ ئەڤرۆ نیوز دیار کر کو ب مەرەما رێكخستنا باژێری و ئاسانكرنا هاتنوچوونا وەلاتیان ب تایبەت ل سەر شوستەیان باژێرڤانیا دهۆكێ دەست ب چێکرنا پرۆژەكی کریە بۆ هاتنوچوونا پایسکل و وەلاتیان.
ئیسماعیل مستەفا، بەرپرسێ پەیوەندی و راگەهاندنێ ل سەرۆکاتیا باژێرڤانیا دهۆکێ خویا کر کو ئارمانج ژ ڤی پرۆژەی خوەشكرنا رێیا هاتنوچوونا وەلاتیانە د پرۆژەی دا جهەكێ َتایبەت بۆ هاتنوچوونا پاسكلان و وەلاتیا هەیە و سەرەرایی ڤێ چەندێ رێژەکا باش یا کەسکاتی ژی دێ د ڤی پرۆژەیی دا هەبیت و گۆت: ” ئەڤ پرۆژە نوکە د قووناغا بجه ئینانێ دایە و دەست ب دانانا كەرپچێ هەڤگرتی ل لایێ باكوورێ جادا (40)م جادا قازی محەمەد ژ ئەدەر پاسا كوردستان هەتا چواریانا زەری لاندە. ناڤهاتی خویا کر کو ب درێژاهیا شوستەی ب ڤی رەنگی یە جهێ پیادێ ب درێژاهیا (1) كیلۆمەتر و 600 مەتر و ب فەرەهیا (پێنج)مەتران و مەترەك بۆ كەسكاتیێ و مەتر و نیڤ بۆ هاتنوچوونا پایسكلان كو دێ َب رەنگێ تابوكێن سور بیت، هەروەسا دێ دو مەتر و نیڤ بۆ هاتنوچوونا وەلاتیان بیت بێ َبلنداهی و نزماتی ب ئێك ئاست بن داكو وەلاتی د هاتنوچوونا بازاری دا ب ساناهی ل سەر ڤی شوستەی هاتنوچوونێ بکەن و گۆت : “هەتا نوکە 10% کار د ڤی پرۆژەی دا هاتیە ئەنجامدان”.
بەرپرسێ پەیوەندی و راگەهاندنێ ل سەرۆکاتیا باژێرڤانیا دهۆکێ ئاشکرا کر کو ل رۆژا19/12/2019 دەست ب کارێ چێکرنا ڤی پرۆژەی هاتیەکرن و هەتا نوکە کار یێ بەردەوامە و گۆت: “پرۆژە ژ بۆدجا پارێزگەها دهۆكێ یە و راستەوخوە ژ لایێ تیمێن باژێرڤانیێ ڤە دهێتەجێبەجێكرن, كوژمێ پرۆژەی 217 ملیۆن و 687 هزار و 500 دینارن، ئەڤە وەك دەستپێكەكە و دپلانا سەرۆكاتیا باژێرڤانیا دهۆكێ َدایە شوستێن دی یێن د ناڤا باژێری دا ب شێوەیەكێ مودرێن دروست كەت ب تایبەت ل جادێن سەرەكی”.
ئەڤرۆ نیوز،عەلی حاجی:
ئەڤرۆ ل رۆژا چار شەمبێ رێکەڤتی ٥/٢/٢٠٢٠ ل قایممقامیا زاخۆ کۆمبونەکا بەرفرەهـ ژلایێ رێڤەبەریێن زاخۆ ڤە ل دور کۆنترولکرنا ڤایرۆسێ کورونا ل خالێن سنوری هاتە ئەنجام دان.
خەلات موسا ژ قایممقامیا زاخۆ بۆ ئەڤرۆ نیوز گۆت : ئەڤ کۆمبونە ژبەر وێ چەندێ هات دا کو ل هەردو خالێن سنوریێن ئیبراهیم خەلیل و دەریێ سێمالکا بهێتە کۆنترول کرن کو ئەو کەسێن ب رێیا وان هەر دو خالێن سنوری ژ وەلاتێن دەوروبەر یان ژی ژ وەلاتێ چینێ قەستا کوردستانێ دکەن بهێنە پشکنین کرن و هەر کەسەکێ ژ وەلاتێ چینێ بهێت و نیشانێن وێ ڤایرۆسێ ل دەف هەبن دێ بۆ وی وەلاتی هێتە ڤەگەراندن بەلێ هەکە هەلگرێ ناسناما عێراقی بیت دێ رێکێن چارەسەریێ بۆ هێنە دیتن و بەلێ هەتا نوکە ل خالێن سنوری چ حالەتێن ب ڤی رەنگی نەهاتینە تومار کرن سەرەرای هندێ ژی ئەڤرۆ لژنەیەکا بلند ژ رێڤەبەریێن پەیوەندیادر ل زاخۆ هاتە پێک ئینان ل دور رێکێن خۆ پاراستنێ و چارەسەریا ڤێ نەخوەشیێ هاتە پێک ئینان.
گۆت ژی : هەمی بەرهەڤی هاتینە کرن ژلایێ لایەنێن شولەژێ ڤە دا کو کۆنترول ل سەر ڤێ نەخوەشیێ بهێتە کرن و رێگریێ ل بەر بەلاڤ بونا ڤێ ڤایرۆسێ بگرین و هەر دیسان ب رێیا ساخلەمیا زاخۆ و مینبەرێن مزگەڤتان فێ رێکێن چارەسەریێ هێنە بەلاڤ کرن و هوشیاریا خەلکێ زێدەتر لێکەین.
ئه‌ڤرۆ نیوز:
دونالد ترمپ سه‌رۆكێ ئه‌مریكا د گۆتارا خو یا سالانه دا هه‌مبه‌ر كۆنگرێسێ وه‌لاتێ خۆ راگه‌هاند: د پێخه‌مه‌تا پارێزگاریكرن ژ گیانێ وه‌لاتیێن ئه‌مریكی كار بۆ دوماهی هاتنا شه‌ران ل رۆژهه‌لاتا ناڤین دكه‌ت.
سه‌رۆكێ ئه‌مریكا ئه‌و چه‌نده ژی د گۆتارا خۆ دا دیاركر سالێن داكه‌تنا ئابووری ل ئه‌مریكا دوماهی هاتن و ئه‌مریكا به‌ره‌ڤ پێشڤه‌دچیت، رێژا بێكاریێ د دیرۆكا ئه‌مریكا دا ل نزمترین ئاست دایه و ب شیوه‌یه‌كی 10 ملیۆن كه‌س ژ وه‌رگرتنا هاریكارێن ده‌وله‌تێ رزگاربوون، مووچه‌یێ فه‌رمانبه‌ران بلندكریه و ل چاڤ به‌ری نوكه 60% زێده‌بوویه.
د پشكه‌كا گۆتارا خۆدا به‌حسێ باشبوونا په‌یوه‌ندیێن ئه‌مریكا ل گه‌ل چینێ و د ره‌وشه‌كا ئاسایی دا نه.
سه‌رۆكێ ئه‌مریكا ئه‌و چه‌نده ژی دیاركر نوكه ئه‌مریكا به‌رهه‌مهێنه‌را ئێكێ یا غاز و پترۆلێ ل سه‌ر ئاستێ جیهانێ، درۆستكرنا هێزا بوشاهیا ئاسمانی كۆ پشكه‌كا نوو یا سوپایێ ئه‌مریكایه و ئه‌ڤه ژی ل سه‌ر ده‌ستێ وی و ئیدارا وی دا هاتیه دروستكرن.
ئەڤرۆ نیوز،عەلی حاجی :
رێڤەبەرێ کەمپا بێرسڤێ دوو د داخویانیەکێ دا بۆ ئەڤرۆ نیوز دیار کر ل بەریا دەمەکێ کێم گەنجەکێ ئاوارە دناڤ کەمپێ خوە ب رێیا حەبلەکێ خۆ دخەندقینیت و گیانێ خوە ژدەست دەت .
زێدەتر ماهر سندی گۆت : ئەو گەنجە دژیێ ٢٨ سالیێ دا بوو و ئاکنجیێ کەمپا بێرسڤ دوویە و دناڤ چادرا خوە دا ب رێیا حەبلەکێ د ئێخیتە دستویێ خوە و ئاڤ تەزینکەکێ دئێخیتە بن پێت خوە و پاش وێ ئاڤ تەزینکێ دئێخیت و خوە خەندقینیت و ئێکسەر گیانێ خوە ژ دەست دەت،خوە کوشتنا وی گەنجی ژبەر کێشەیەکا جڤاکی بوویە و ئەو کێشەیا جڤاکی ل بەریا چەند رۆژان دا روودا بوو و نوکە تەرمێ وی گەنجی بۆ پزیشکیا داد ل زاخۆ هاتە رەوانە کرن.
ئه‌ڤرۆ نیوز، مه‌حمود نهێلى:
چالاكڤانه‌كێ بوارێ سڤیل دیار دكه‌ت كو ئه‌ڤ ساله ئه‌و دێ سالڤه‌گه‌را ناحیه بوونا دێره‌لۆك بۆ ئێكه‌م جار ساخ كه‌ن.
سه‌ردار هێتوتى وه‌ك ئێك ژ چالاكڤانێن بوارێ سڤیل ل دێره‌لۆكێ بۆ ئه‌ڤرۆ نیوز دیاركر، كو ئه‌وان ل به‌ره ئه‌ڤ ساله دێ بۆ ئێكه‌م جار بیت ئه‌ڤ رۆژه بهێته ساخكرن و گۆت: ژ به‌ر كو به‌رى نوكه نه‌دهاته زانین كو ل كیژ رۆژێ دێره‌لۆك بوویه ناحیه ، ئه‌ڤ رۆژه چ جاران نه‌هاتیه ساخكرن لێ نوكه و پشتى مه دووڤچوونه‌كا زۆر و كوور كرى دیار بوویه كو ل 15 چریا ئێكێ ل سالا 1922 بۆ ئێكه‌م جار دێره‌لۆك بوویه ناحیه و ناڤێ وێ ناحیا نێروه و رێكان ل گوندێ بێبو بوویه و پاشان ل سالا 1979 ئه‌ڤ ناحیه هاتیه ڤه‌گوهاستن بۆ دێره‌لۆكێ و ناڤێ وێ بوویه ناحیا دێره‌لۆك.
ئاشكرا كر، به‌رى ڤێ ناحیێ ئه‌ڤ ده‌ڤه‌ره ل سه‌ر ده‌مێ ئوسمانیا سه‌ر ب سێ ناحیا بووینه ناحیا رێكان ، ناحیا نێروه و ناحیا نهێلى لێ پشتى ژ ناڤچوونا ئوسمامانیا و دامه‌زراندنا حوكمه‌تا عیراقێ نێروه و رێكان بوونه ئێك ناحیه و ناحیا نهێل ژى چوو سه‌ر ب ئامێدیێ ڤه.
ناڤهاتى خویا ژى كر، دێ ڤێ رۆژێ كه‌نه رۆژه‌كا گرنگ د دیرۆكا دێره‌لۆكێ دا و چێدبیت هه‌موو سالان ئه‌و وێ رۆژێ ساخ بكه‌نه ڤه و بۆ ئه‌ڤ ساله ژى دێ د ڤێ رۆژێ چه‌ندین چالاكیان ئه‌نجام ده‌ن.
ئه‌ڤرۆ نیوز:
ئه‌ڤرۆ جاره‌كا دی ل به‌غدا و باشورێ عیراقێ خونیشاندانێن به‌رفره‌هـ بۆ گوهورینا سیسته‌مێ سیاسی ده‌ستپێكرن و ل باژێرێ ناسریێ ژی بۆ بهێنڤه‌دان.
لگۆری میدیایێن عیراقی دیاركرین، ل باژێری ناسریێ خونیشاندانه‌كا مه‌زن هاتیه سازكرن و پرا زه‌یتون و چه‌ند ریكێن سه‌ره‌كی یێن ئه‌وی باژێری هاتینه گرتن و پارێزگارێ پارێزگه‌هێ بهێنڤه‌دان راگه‌هاند.
هه‌ر لگوری زانیاریێن میدیایێن عیراقی، ل به‌غدا و بابل و كوت و دیوانیه و كوفه خونیشاندانێن به‌رفره‌هـ ده‌ستپێكرینه و ل چه‌ند جهه‌كێن خونیشاندانان ژی دا دروشمێ دژی كاندیدكرنا محه‌مه‌د توفیق هاتینه گۆتن.
ئه‌ڤرۆ نیوز:
سلفی بریان سه‌رۆك ئیداره‌یا به‌رهنگاربوونا نه‌خوشیێن جیهانی راگه‌هاند: تا نوكه ڤایرۆسیێ كورونا نه‌بوویه نه‌خوشیه‌كا جیهانی و مه‌رتسی ل سه‌ر مرۆڤایه‌تیێ دروست نه‌كریه، رێكخراوا ساخله‌میا جیهانی پشت به‌ستن ب وان بزاڤێن چینێ بۆ به‌رهنگاربوونا ڤایرۆسێ كورونا ده‌ت بهیڤی نه پشیێن دوماهیێ ب ئه‌ڤی جوری ڤایرۆسی بینین.
لگۆری ئاماران هژمارا مریێن ب ئه‌گه‌ری ڤایرۆسێ كورونا بووینه 493 كه‌س.
ئه‌ڤرۆ نیوز:
په‌یڤدارێ وه‌زاره‌تا كاره‌با حوكمه‌تا هه‌رێما كوردستانێ راگه‌هاند: ب ئه‌گه‌رێ به‌ربوونا ئاگره‌كێ ل شه‌ڤا بوری پێدانا كاره‌بێ كێم كریه و ل نێزیك ترین ده‌م دا دێ هێته چاره‌كرن.
ئومێد محه‌مه‌د په‌یڤدارێ وه‌زاره‌تا كاره‌بێ راگه‌هاند: پرانیا وان ئامێرێن ب ئه‌گه‌رێ ئاگربه‌ربونا كورمور سوتین دێ هێنه نوژه‌نكرن و ل نێزیكترین ده‌م دا ته‌ڤایا ئامێران بكه‌ڤنه كاری، ب ئه‌گه‌رێ ئه‌وی ئاگری كارتێكرن ل پیدانا كاره‌با نیشتمانی كر كۆ نێزیكی سێ ده‌مژمێران پیدانا كاره‌با نیشتمانی كێم ببوو.
نيشاندان