ئەڤرۆ نیوز:
فەرمانگەها پەیوەندیێن سەر ب سەرۆک کۆماریا تورکیا راگەهاند کو ل گۆر دووماهی ئامارێن گەهشتیە دەستێ وان هەتا نها ژ بەر بیڤەلەرزا ل باژێرکێ خارپێت ٤١ کەسان جانێ خوە ژ دەست داینە و ١٦٠٧ کەس ژی بریندارن.
د داخۆیانیێ دا ئەو یەک ژی هاتیە دیار کرن کو پرانیا برینداران چارەسەریا پێدڤی بۆ هاتیە کرن و رەوشا ٩ ژ برینداران یا گرانە و نها ل نەخوشخانان دا ل ژێر چاڤدێریێ دانە.
ئەڤرۆ نیوز:
سیرگیێ لاڤرۆڤ وەزیرێ دەرڤە یێ روسیا راگەهاند کو ئەو ل گەل تورکیا رێککەفتینە و تورکیا دێ هاریکاریا وان کەت و ئێدی پشتەڤانیێ ل گرۆپێن تیرۆرستی ل سووریێ ناکەت و وی دەمی دێ حوکمەتا سووریێ ژی شێت ب ساناهی دەڤەرێن ل ژێر دەستێ گرۆپێن تیرۆرستی ل سووریێ کۆنترۆل کەت.
هەتا نها ل دۆر داخۆیانیا لاڤرۆڤی و چاوانیا هاریکاریا تورکیا بەرپرسێن تورکیا چو داخۆیانی نەداینە.
ئەڤرۆ نیوز:
ئەڤرۆ کۆلۆنیل ئوبراین بەرپرسێ نڤیسینگەها هێزێن ئەمریکا ل بەغدایێ ل گەل فەریق جەمال محەمەد سەرۆکێ دەستا ئەرکانێ هێزێن پێشمەرگەی و لیوا باسل محەمەد جێگرێ سەرۆکێ دەستا ئەرکانی کۆمبوو.
د کۆمبوونێ دا بەحسێ چاوانیا هاریکاریێن ئەمریکا بۆ پێشمەرگەی هاتە کرن و هەروەسا د کۆمبوونێ دا بەحسێ مەترسیا داعشێ ل عیراقێ و هەرێما کوردستانێ ژی هاتە کرن و هەر دو ئالیان بەحسێ هندێ کرن کو پێدڤیە هێزێن هەڤپەیمان و هێزێن عیراقێ ل گەل هێزێن پێشمەرگەی پتر د شەرێ ل دژی داعشێ دا هەڤکاریا هەڤدو بکەن.
ئه‌ڤرۆ نیوز، عه‌لی حاجی:
په‌یمانگه‌ها ته‌كنیكی یا ره‌واندور لقێ زاخۆ ب هه‌ڤكاری دگه‌ل رێڤه‌به‌ریا ره‌وشه‌نبیری و هونه‌ری ل زاخۆ دیداره‌كا هونه‌ری و چاندی بۆ دو نڤێسه‌ر و روژنامه‌ڤانه‌كێ زاخۆ ساز كرن .
ئومێد سه‌گڤان هاریكارێ راگرێ په‌یمانگه‌ها ته‌كنیكی یا ره‌واندوز بۆ ئه‌ڤرۆ نیوز گوت: ( ئه‌ڤ دیداره ب سێ ته‌وه‌رێن جودا ب خوه‌ڤه دگریت ل دور كه‌لتورێ جڤاكی ز بزاڤا روژنامه‌ڤانی و دیروك و ره‌وشا ستارنێ ل زاخۆ ژلایێ بۆ هه‌ر ئێك ژ به‌یار باڤی و كوڤان حسێن و فه‌رهاد حاجی هاته ساز كرن و هه‌ر سێ مێهڤانان ب روونی به‌حس ل زاخۆ ژ كه‌ڤندا د وان سێ بابه‌تان دا كر و هه‌ر دیسان ئارمانجا مه یا سه‌ره‌كی ژی ئه‌و بوو ئه‌م د په‌نجه‌ره‌یه‌كێ دا باژێرێ زاخۆ بۆ قوتابیان بدینه نیاسین و نفشێن نوو ژی ئاگه‌هی ل سه‌ر هونه‌ر و چانا خوه یا كه‌ڤن هه‌بیت).
و گوت ژی وه‌كو سازییه‌كا ئه‌كادیمی ئه‌م دخازین نێزیكی جڤاكێ مه ببین و ئه‌م نه‌خازین دووراتیه‌ك دناڤبه‌را مه و جڤاكی دا هه‌بیت ژبه‌ر كو پێدڤی یه سازیێن ئه‌كادیمی پره‌كا په‌یوه‌ندیان بیت دناڤ جڤاكی و لایه‌نێن په‌یوه‌ندیدار .
زاخۆ،عه‌لی حاجی :
راهێنه‌رێ ئه‌كادیمیا زاخۆ د داخویانیه‌كێ دا بۆ روژناما ئه‌ڤرۆ ئاشكه‌را كر ئه‌كادیمیا وان بناڤێ تیما تازه پێگه‌هشتیێن یانا زاخۆ پشكداری قاره‌مانیا پارێزگه‌ها دهوكێ بوو و دخازن ئاستێ یاریزانێن خوه ب رێیا وێ قاره‌مانیێ بزانن .
زێده‌تر عه‌دنان خێره‌للا گوت : پشكداریا مه د قاره‌مانیا پرێزگه‌ها دهوكێ ب ناڤێ یانا زاخۆیه و ئه‌ڤ چه‌نده ل دووڤ داخازیا كارگێریا یانا زاخۆ و ده‌سته‌كا ئه‌كادیمیێ بوو و هه‌می یاریزانێن ئه‌كادیمیا مه و هه‌ر دیسان ده‌سته‌كا راهێنه‌ران دێ ب ته‌مامی تیمامه ب رێڤه‌به‌ن و هه‌تا تێچوویێ یاریێ ژی دێ ل سه‌ر كیستێ ئه‌كادیمیێ بیت بتنێ یانا زاخۆ جل و به‌رگێن یاریێ و ترومبێلا خوه بو مه به‌رهه‌ڤ كرینه و ئارمانجا مه د وێ قاره‌مانیێ زانینا ئاستێ یاریزانێ خوه‌یه و نیشاندانا گیانێ وه‌رزشی و ب ده‌ست ڤه‌ئینانا ئه‌نجامایه.
و گوت ژی : ئه‌ڤ چه‌نده دێ بیته ده‌رگه‌هه‌ك ژی ئه‌م ئاستێ یاریزانێن ئه‌كادیمیێ بزانین د ماوه‌یێ حه‌فت هه‌یڤێن بوری دا كو دیار بیت چو كاره‌ك هاتیه ئه‌نجام دان و ئه‌كادیمیا مه روژانه یه‌كه‌یێن راهێنانان ل سه‌ر ئه‌ردێ یاریگه‌ها ده‌لال ئه‌نجام ده‌ت به‌رامبه‌ر 600 دیناران بۆ هه‌ر هه‌یڤه‌كێ و ئه‌م سه‌ر ب یانا زاخۆ ڤه ژی نینن.
ئەڤرو نیوز، ئێقبال عومەر:
کەسەک ل سنورێ ناحیا شێلادزێ ئەڤە ۲۳ روژە یێ بەرزە بووی و ھەتا نھا کەس و کارێن وی نزانن ل کیڤەیە و نەھاتیە دیتن . غازی ئورەماری کو بابێ وی یە بۆ ئەڤرۆ نیوز دیارکر ئەو گەنجێ بەرزە بووی یێ بناڤێ موسا کورێ ویە و خەلکێ باکورێ کوردستانێ نە و نها ل سەنتەرێ ناحیا شێلادزێ یا سەرب قەزا ئامێدیێ ڤە د ئاکنجیە، و گوت: بەری ۲۳ روژان ل مال دەرکەفتیە و یێ دیار نینە و ھەتا نھا نەھاتیە دیتن و ئەم ژی نزانین ل کیڤەیە و مە لایەنێن ئەمنی ژی ئاگەھدارکرینە.
ناڤبری گوت ژی کورێ من یێ بێ خێزانە و ژیێ وی ۲۰ سالن و چو ئاریشە دگەل مال و چوکەسان نەبویە.
ھیڤدارین ھەر کەسەکێ پێزانین لسەر ھەبن مە پێ ئاگەهدار بکەت.
ئەڤرۆ نیوز، زنار تۆڤی:
کارۆخ خۆشناو سەرۆکێ پەیمانگەها ڤەکولینێن کوردی ئەمریکی، تایبەت بۆ ئەڤرۆ نیوز دیار کر: کو پرۆژێ گرێبەستا سەدی نەخشە رێیەکە بۆ چارەسەرکرن و دوماهیک ئینان ب کێشا فەلەستین-ئیسرائیلێ، هەروەسا ل دەستپێکا دەست ب کاربوونا ئیدارا دۆنالد ترەمپی ب سەرپەرشتیا گارید کۆشنێر (زاڤا و راوێژکارێ ترەمپی) ئامادەکاری کریە بۆ کۆمکرنا پشتگیریێ بۆ پرۆژێ گرێبەستا سەدی، د وی چارچۆڤەی دا ل (۲٥ و ۲٦ خزیرانا ۲۰۱۹) ل مەنامە یا پایتەخێ بەحرەینێ کۆنفرانسەکێ ئابووری برێڤەچوو بۆ پشتەڤانیا ئابووری بۆ پرۆژێ گرێبەستا سەدی.
ناڤهاتی گۆت ژی: بۆ ئێکەمجار ل هەیڤا (نیسانا سالا ۲۰۱۷) ل دەمێ سەرەدانا (عەبدولفەتاح سیسی) سەرۆکێ مسرێ بۆ واشنتۆن، د کۆنگرەکێ رۆژنامەڤانی دا ل کۆچکا سپی ل هەمبەری دۆنالد ترەمپ دا گوت: من دڤێت ئاماژێ ب دو خالان بدەم، کو ئێک ژ وان ئەز و گەلێ مسرێ ب هەموو شێوان دێ پشتەڤانێ سەرۆک ترەمپی بین د روو ب روو بوونا تیرۆرێ دا، خالا دویێ ژی ئەز و گەلێ مسرێ ب هەموو شێوان دێ پشتەڤانێ سەرۆک ترەمپی بین بۆ جێبەجێکرنا گرێبەستا سەدی، بۆ چارەسەرکرنا کێشا فەلەستین-ئیسرائیلێ.
کارۆخی گۆت ژی: ئەڤرۆ دۆنالد ترەمپ و بنیامین نەتەنیاهۆ ل کۆچکا سپی، دێ نەخشە رێیا گرێبەستا سەدێ راگەهینن، دیسان دهێتە چاڤەرێ کرن ب ئەگەرێ ڤی پرۆژەی نەخشێ چەند وەلاتان ل رۆژهەلاتا ناڤین گوهۆرین ب سەر دا بهێت ژ وان ژی : ئیسرائیل، فەلەستین، ئوردن، مسر ، عیراق، هەتا نوکە هەلویستێ ئاشکرا یێ فەلەستینیان و پشکەک ژ وەلاتێن عەرەبی دژی گرێبەستا سەدی نە، چونکی ئەو وەسا هزر دکەن ئەڤ پرۆژە دێ زێدەتر خزمەتا ئیسرائیلێ کەت، بەلێ ئاماژە بۆ هندێ دچن، کو ئەڤ هەلویستێ پشکەک ژ سەرکردێن وەلاتێن عەرەبی، ب تنێ ژ ترسا جادا عەرەبی و ئیسلامی بیت، لێ ل پشت پەردێ ئەو ل گەل ئەمریکا و ئیسرائیلێ رێککەفتینە و بەرهەڤی ژی کرینە بۆ جێبەجێکرنا نەخشە رێیا گرێبەستا سەدی، د ڤی چارچۆڤەی دا وان ب ملیاران دۆلار تەرخان کرینە بۆ ئاڤاکرنا جهێ ئاکنجیبوونێ بۆ ئاوارێن فەلەستینی ژ هەر ئێک ل وەلاتێن مسر و ئوردن و عیراقێ.
ئەڤرۆ نیوز، زنار تۆڤی:
کارۆخ خۆشناو سەرۆکێ پەیمانگەها ڤەکولینێن کوردی ئەمریکی، تایبەت بۆ ئەڤرۆ نیوز دیار کر: کو پرۆژێ گرێبەستا سەدی نەخشە رێیەکە بۆ چارەسەرکرن و دوماهیک ئینان ب کێشا فەلەستین-ئیسرائیلێ، هەروەسا ل دەستپێکا دەست ب کاربوونا ئیدارا دۆنالد ترەمپی ب سەرپەرشتیا گارید کۆشنێر (زاڤا و راوێژکارێ ترەمپی) ئامادەکاری کریە بۆ کۆمکرنا پشتگیریێ بۆ پرۆژێ گرێبەستا سەدی، د وی چارچۆڤەی دا ل (۲٥ و ۲٦ خزیرانا ۲۰۱۹) ل مەنامە یا پایتەخێ بەحرەینێ کۆنفرانسەکێ ئابووری برێڤەچوو بۆ پشتەڤانیا ئابووری بۆ پرۆژێ گرێبەستا سەدی.
ناڤهاتی گۆت ژی: بۆ ئێکەمجار ل هەیڤا (نیسانا سالا ۲۰۱۷) ل دەمێ سەرەدانا (عەبدولفەتاح سیسی) سەرۆکێ مسرێ بۆ واشنتۆن، د کۆنگرەکێ رۆژنامەڤانی دا ل کۆچکا سپی ل هەمبەری دۆنالد ترەمپ دا گوت: من دڤێت ئاماژێ ب دو خالان بدەم، کو ئێک ژ وان ئەز و گەلێ مسرێ ب هەموو شێوان دێ پشتەڤانێ سەرۆک ترەمپی بین د روو ب روو بوونا تیرۆرێ دا، خالا دویێ ژی ئەز و گەلێ مسرێ ب هەموو شێوان دێ پشتەڤانێ سەرۆک ترەمپی بین بۆ جێبەجێکرنا گرێبەستا سەدی، بۆ چارەسەرکرنا کێشا فەلەستین-ئیسرائیلێ.
کارۆخی گۆت ژی: ئەڤرۆ دۆنالد ترەمپ و بنیامین نەتەنیاهۆ ل کۆچکا سپی، دێ نەخشە رێیا گرێبەستا سەدێ راگەهینن، دیسان دهێتە چاڤەرێ کرن ب ئەگەرێ ڤی پرۆژەی نەخشێ چەند وەلاتان ل رۆژهەلاتا ناڤین گوهۆرین ب سەر دا بهێت ژ وان ژی : ئیسرائیل، فەلەستین، ئوردن، مسر ، عیراق، هەتا نوکە هەلویستێ ئاشکرا یێ فەلەستینیان و پشکەک ژ وەلاتێن عەرەبی دژی گرێبەستا سەدی نە، چونکی ئەو وەسا هزر دکەن ئەڤ پرۆژە دێ زێدەتر خزمەتا ئیسرائیلێ کەت، بەلێ ئاماژە بۆ هندێ دچن، کو ئەڤ هەلویستێ پشکەک ژ سەرکردێن وەلاتێن عەرەبی، ب تنێ ژ ترسا جادا عەرەبی و ئیسلامی بیت، لێ ل پشت پەردێ ئەو ل گەل ئەمریکا و ئیسرائیلێ رێککەفتینە و بەرهەڤی ژی کرینە بۆ جێبەجێکرنا نەخشە رێیا گرێبەستا سەدی، د ڤی چارچۆڤەی دا وان ب ملیاران دۆلار تەرخان کرینە بۆ ئاڤاکرنا جهێ ئاکنجیبوونێ بۆ ئاوارێن فەلەستینی ژ هەر ئێک ل وەلاتێن مسر و ئوردن و عیراقێ.
ئەڤرۆنیوز،سەباح زوهێر زێباری:
پشتی کو دو وه‌لاتیێن گۆندێ گلگۆران قەستا چیای کری ل دەڤەرا زێبارێ و فرۆکێن تۆرکیا ئەو دەڤەر بۆردومانکرن، پشتی وه‌لاتیان دەنگۆباس زانی و ب هەماهەنگیا لایەنێن پەیوەندیدار گەهشتنە وان جهان ئەو وه‌لاتی دیتن و مخابن ژبەر هێرشا فروکێن تۆرکیا کەسەکی گیانێ خۆ ژدەست دابوو و ئێک ژی بریندارە.
نوبەدارێ کارگێری ل نەخۆشخانا هەوارهاتنا ئاکرێ دا دیارکر کو شڤێدی دەمژمێر 5ێ سپێدێ هەردوو قوربانی گەهاندن نەخۆشخانێ مخابن ئێک ژوان کەسان بناڤێ (سەعید حه‌بیب زێباری)دژیێ ٤۰ سالیێ دا گیانێ خۆ ژەست دابوو،هەروەسا ئێک ژی برینداربوو ب ناڤێ ( نزار شەعبان زێباری) کو ئەو ژی دژیێ ٤۰سالیێ دایە، پشتی گەهاندیه نەخۆشخانا هەوارهاتنا ئاکرێ و هندەک چارەسەری بۆ هاتنەکرن، لێ ژبەر سەختیا برینا وی و هاتە رەوانەکرن بۆ نەخۆشخانا هەوارهاتنا پارێزگەها دهۆکێ،هەردوو قوبارنی ژی خەلکێ گلگورانن سەر ب ناحیا قەسروکێ ڤە ئاکنجی نە.
ئه‌ڤرۆ نیۆز عه‌زیز هه‌ورامی:
سیاسه‌ت مه‌دارێكی كورد ده‌ڵێ، كۆبونه‌وه و دیداره‌كانی سه‌رۆكی هه‌رێمی كوردستان له‌گه‌ڵ گه‌وره‌به‌رپرسانی وڵاتانی جیهان له داڤۆس گرنگه و پێویسته كورد ناوماڵی خۆی ڕێكبخاته‌وه و زیاتر كار له‌سه‌ر په‌ره‌پێدانی لۆبی كوردی بدات له وڵاتان.
دكتۆر مه‌حمود عوسمان سیاسه‌ت مه‌داری كورد، تایبه‌ت به ئه‌ڤرۆ نیۆز ڕاگه‌یاند:” ئاستی پێوه‌ندییه دیپلۆماسییه‌كانی كوردستان له ئاستێكی باشدایه، به‌شداری سه‌رۆكی هه‌رێمی كوردستان له 50مین كۆڕبه‌ندی ئابووری جیهانی داڤۆس، ئه‌نجامدانی چه‌ندین كۆبوونه‌وه‌ی گرنگ له‌گه‌ڵ سه‌رۆك و سه‌ركرده و وه‌زیر وڵاتانی دنیا گرنگه و پێویسته پێوه‌ندی دیپلۆماسی زیاتر په‌ره‌پێبدرێت”.
مه‌حموود عوسمان وتیشی:” دیدار و كۆبونه‌وه‌كانی نێوان سه‌رۆكی هه‌رێمی كوردستان و له‌گه‌ڵ به‌رپرسانی باڵای جیهانی باس كردن له دۆخی ناوچه‌كه و عێراق و كوردستان به‌ده‌ست هێنانی پشتیوانی نێوده‌وڵه‌تی بۆ حكوومه‌ت و گه‌لی كورد گرنگه، ته‌واوی ده‌رفه‌ته‌كان بۆ یاتر به‌هێزكردنی پێگه‌ی كوردستان بقۆزێته‌وه”.
زیاتر ده‌ڵێ، پێویسته له‌ناوخۆی كوردستانیش كورد ناوماڵی خۆی زیاتر یه‌ك بخات چونكه به‌هێزی ناوخۆ و پشتیوانی گه‌ل و هێزه‌كان بۆ ده‌سه‌ڵات واده‌كات زیاتر له سه‌ر ئاستی وڵاتانی دنیا قه‌زیه‌ی كوردی به‌ره‌و پێشه‌وه بڕوات و پێوه‌ندی وڵاتان له‌گه‌ڵ هه‌رێمه‌كه‌دا به‌هێزببێت”. ناوبراو بڕوای واییه، ده‌بێت حكوومه‌ت و سه‌رۆكایه‌تی هه‌رێمی كوردستان زیاتر كارله‌سه‌ر فراوانكردنی پێوه‌ندییه‌كانی كوردستان له‌گه‌ڵ ته‌واوی ده‌وڵه‌تانی ناوچه‌كه و جیهان بكات و لۆبی فراوانبكات سه‌ردانی ده‌وڵه‌تان بكه‌ن، گفتوگۆ و ناوه‌ڕۆكی كۆبونه‌وه‌كانی سه‌رۆكی كوردستان له‌گه‌ڵ سه‌رۆك وه‌زیران و سه‌رۆك كۆمار و وه‌زیره‌كان له داڤۆس گرنگه به‌هیواین هه‌نگاوی باشی لێبكه‌وێته‌وه”.
نيشاندان