ئەڤرۆ نیوز:
لەشکرێ سووریێ ب پشتەڤانیا هێزێن ئەسمانی یێن روسیا بەردەوامیێ ددەتە ئۆپەراسیۆنا ئدلبێ و دەزگەهێن راگەهاندنێ ژی دیار دکەن کو هێزێن رژێما سووریێ شیاینە چەندین جهێن ستراتیژی ل نێزیکی ئدلبێ کۆنترۆلکرن بکەن و ب دەهان چەکدارێن سەر ب تورکیا ژی هاتینە کوشتن، بەرپرسەکێ شامێ ژی دیار کریە کو هەتا ئدلب ب تەمامی نەهێتە کۆنترۆلکرن دێ ئۆپەراسیۆنا وان یا بەردەوام بیت.
ئەڤرۆ نیوز:
جێگرێ وەزیرێ دەرڤە یێ روسیا راگەهاند کو پێدڤیە حوکمەتا عیراقێ ل دۆر هەبوونا هێزێن ئەمریکا و مانا وان ل عیراقێ ل گەل ئەمریکا بگەهیتە رێککەفتنەکێ.
سیرگیێ رەبابکۆڤ جێگرێ وەزیرێ دەرڤە یێ روسیا ئەو یەک ژی دیار کر کو پێدڤیە حوکمەتا عیراقێ بالیۆزخانە و هەموو دبلۆماتکارێن بیانی ب پارێزیت و نەهێلیت چو مەترسی ل سەر ژیانا وان ل عیراقێ دروست ببن.
ئەڤرۆ نیوز، عەلی حاجی :
ل دەمژمێر ١٢:٣٠ نیڤرۆ یێ رۆژا دۆشەمبیێ ل کومەلگەها فێقی فروشان ل سەر رێیا ئیبراهیم خەلیل ژ ئەگەرەکێ نەدیار ئاگر بەر دبیتە دو ترومبێلێن بارهەلگر و دو کەس دناڤ دا دهێنە سوتن .
رائید بێوار عەبدولعەزیز بەرپرسێ راگەهاندنا بەرەڤانیا باژێری ل پارێزگەها دهوکێ بۆ ئەڤرۆ نیوز گوت: (ئەو روودان ل دەمژمێر ١٢:٣٠ێ نیڤۆ دروست بوو کو ل دەست پێکێ ئاگە بەر دبیتە ترومبێلە ئاڤ تەزینک و شوفێرێ وێ هەولدا ترومبێلێ ژ ترومبێلێ دور بکەت بەلێ ئاگر بەر دبیتە ترومبێلەکا دیتر و هەر دو ترومبێل زێدەتری ٦٠٪ دهێنە سوتن و و هەتا رادەیەکێ مەزن ئەو ترومبێلە ژ کار دکەڤن و دو کەس دناڤ وێ روودانێ دا ب رێژەیێن ١٠٠٪ و ٤٠٪ دهێنە سوتن و نوکە لەشێ وان هەر دو کەسان بۆ نەخوشخانێ دهێنە رەوانە کرن و دەما هاتینە رەوانە کرن هێشتا د ژیانێ دا مابون و تیمێن مە ل بەرەڤانیا باژێری ل زاخۆ پشتی گەهشتینە جهێ روودانێ شیان کونترولێ ل سەر ئاگری بکەن).
زێدەتر ناڤهاتی گوت ژی هێشتا ئەگەرێن وێ روودانێ نەهاتینە زانین و مە دیفچوونا خوە د ڤێ چەندێ دا دەست پێکری یە و د ئەڤ سالە دا ئێکەم روودانا ئاگر بەربونێ ب ترومبێلان دهێتە تومار کرن کو قوربانی تێدا هەبن.
ئەڤرۆ نیوز:
مەسرور بارزانی سەرۆکێ حوکمەتا هەرێما کوردستانێ پێشوازی ل شاندەکێ پەرلەمانێ ئەلمانیا کر کو ژ مارکوس گروبەل و یورگن هاردت ئەندامێن پەرلەمانێ ئەلمانیا پێکهاتبوون.
د هەڤدیتنێ دا سەرۆکێ حوکمەتا هەرێما کوردستانێ دیار کر کو شەرێ ل دژی تیرۆرێ بەردەوام دکەت و پێدڤیە هەڤپەیمانیا نێڤدەولەتی یا ل دژی داعشێ هاریکاریا هێزێن عیراقێ و پێشمەرگێن کوردستانێ بکەت.
د روونشتنێ دا بەحسێ پەیوەندیێن هەولێرێ و بەغدایێ هاتنە کرن و هەروەسا بەحسێ گرنگیا پەیوەندیێن هەرێما کوردستانێ و ئەلمانیا ژی پشکەکا دی یا دیدارا سەرۆکێ حوکمەتێ و شاندێ پەرلەمانێ ئەلمانیا بوو.
ئه‌ڤرۆ، نیوز، مه‌حمود نهێلى:
خودانێ سه‌یرانگه‌هێن گه‌لیێ شێرانه ل دێره‌لۆك بۆ ئه‌ڤرۆ نیوز دیاركر، كو هه‌ر نوكه وان ده‌ست ب نووژه‌نكرنا هاڤینگه‌هێن گه‌لیێ شێرانه كرینه و دێ ب شێوازه‌كێ مودێرن و جوان هێنه چێكرن. سدقى هاریكى خودانێ سه‌یرانگه‌هێن گه‌لیێ شێرانه دیار ژى كر، كو نوكه وان ده‌ست ب چێكرنا ئاڤاهیه‌كێ مه‌زن كریه ب شێوازێ جون و مودێرن و گۆت: ئه‌و ئاڤاهى پێك دهێت ژ تاوه‌ره‌كى دوو قاتى ، قاتێ ئێكێ دێ بیته قه‌یسه‌رى و دوكان وماركێت و خارنگه‌ه و د سه‌ر ژى دێ بیته ئوتێل بۆ مانه‌ڤه‌یا شه‌ڤێ یا گه‌شتیاران ل ده‌ڤه‌رێ.
ناڤهاتى دیار ژى كر، كو ژبلى ڤێ یه‌كێ جاده‌یا دچیته سه‌یرانگه‌هێ دێ هێته چێكرن و نووژه‌نكرن ب ره‌نگه‌كى باش و گۆت: زێده‌بارى ڤێ یه‌كێ دێ 150 كه‌پرێن دیتر هێنه زێده‌كرن و هه‌روه‌سا جهێن ده‌ست ئاڤ و جهێن دى یێن پێدڤى دێ هێنه چێكرن و هه‌موو ژى دێ ب سه‌ر شێوازه‌كى مودێرن بن.
ناڤهاتى دیار ژى كر، كو دوه‌رزێ زڤستانێ دا ژى به‌رده‌وام گه‌شتیار سه‌را سه‌یرانگه‌هێن گه‌لیێ شێرانه دده‌ن كو ب ره‌نگه‌كى باش به‌فر لێ باریه.
ئه‌ڤرۆ نیوز:
سه‌رۆك وه‌زیرێ كاربرێكه‌رێ حوكمه‌تا عیراقێ راگه‌هاند: نابیت ب چ شێوه‌یه‌كی هێرش بۆ سه‌ر نونه‌راتیین دیپلوماتی بهێنه‌كرن، هوشداریا ئه‌وێ چه‌ندێ ژی دا هه‌كه بالیوزخانه‌یا ئه‌مریكا ب كه‌فته‌ر به‌ر ئارمانجێن هێرشان دێ ده‌رئه‌نجامێن خراپ بۆ عیراقێ هه‌بن.
سه‌رۆك وه‌زیری كاربرێكه‌رێ عیراقێ راگه‌هاند ژی فه‌رمان هاتیه دان بۆ به‌لاڤكرنا هێزێن ئه‌منی تاكو ده‌ست ب پشكنین و ریگرتنێ ژ دوباره‌بوونا ئه‌ڤان ده‌ستدرێژیان بهێته‌كرن، حوكمه‌تا عیراقێ پێگیره ب پاراستنا دیپلوماتێن وه‌لاتان ل عیراقێ و نابیت ب چ شێوه‌یه‌كی هێرش بۆ سه‌ر نوونه‌راتێن دیپلوماسی بهێته‌كرن.
عادل عه‌بدل مه‌هدی ئه‌و چه‌نده ژی دازانین ئه‌و كردارێن دهێنه‌كرن مه‌ترسیه‌كا مه‌زن بۆ سه‌ر عیراقێ دروست دكه‌ن و دێ كه‌ته گۆره‌پانا شه‌رێ، ب تایبه‌ت د ده‌مه‌كێ هوسادا حوكمه‌تێ ده‌ست ب رێ و ئاوایێن تایبه‌ت گرتیه بۆ بجهكرنا بریارا جڤاتا نوونه‌ران تایبه‌ت ب ده‌رخستنا هێزێن بیانی ل عیراقێ.
ئه‌ڤرۆ نیوز:
وه‌زاره‌تا ساخله‌میا حوكمه‌تا هه‌رێما كوردستانی ل سه‌ر خۆ پاراستن ژ ڤایرۆسێ كورونا، رینمایی بۆ وه‌لاتیان به‌لاڤكرن.
ئه‌ڤۆ دوشه‌مبی 24/1/2020 وه‌زاره‌تا ساخله‌میا كوردستانێ رێنمایێن نوو ل هژمارا تورێن جڤاكی یێ خودا به‌لاڤكریه، و تێدا هاتیه بۆ خۆپاراستن ژ ڤایرۆسێ كورونا، دور بكه‌ڤن ژ جهێن گشتی و قه‌ره‌بالغ ژ ئه‌و كه‌سێن گۆمانا نیشانێن ئه‌نفه‌له‌وه‌نزایێ ل ده‌ڤ هه‌ین، ده‌ست ل كه‌ل و په‌لێن توشبویی ب ئه‌نفه‌له‌وه‌نزایێ ژی نه‌ده‌ن.
ل دوماهیا سالا بوری، ڤایرۆسێ كورونا ل باژێرێ وهان په‌یدا بوو و چه‌ندین باژێرێن چینێ ڤه‌گرت و تا نوكه دو هزار و 744 كه‌سێن توشبوی بڤێ ڤایرۆسێ و 80 كه‌س ژی ل چینێ گیانێ خو ژ ده‌ست داینه.
ڤایرۆس ژ مرۆڤه‌كی دهێته ڤه‌گوهاستن بۆ مرۆڤه‌كێ دی تانوكه چه‌ند وه‌لاته‌كان هاتیه دیتن ئه‌ڤ ڤایرۆسه.
ئەڤرۆ نیۆ،عەزیز هەورامی:
لە قەزای سەیدسادق هاوڵاتیان خۆپێشاندان دەکەن بۆ نەوت و کارەبا و خزمەت گوزاری گشتی ڕێگاوبان، قایمقامی شارەکە ئامادەنییە قسە بکات. چالاکوانێکی قەزای سەیدساداق لەترسی ئەوەی دەستگیر نەکرێت لە لایەن ئاسایشەوە نەی ویست ناوی بڵاو بکەینەوە، بە ئەڤرۆ نیۆزی ڕاگەیاند هاوڵاتیانی قەزای سەیدسادق خۆپێشاندان دەکەن بۆ نەوت و کارەبا و خزمەت گوزاری چاکردنی کۆڵانەکانی شارەکەمان.
زیاتر وتی، خۆپێشاندانەکە لە ناوبازارە وە دەستی پێکرد، تائێسته لە لایەن ئاسایشەوە شەش خۆپێشاندەر دەستگیرکراوە، خۆپێشاندەران داوای ئازادکردنیان دەکەن. ناوبراو هەروەها وتی، کارەبای سەیدسادق سیستەمی ۱٦ئەمپێرە دەبێت ڕۆژانە وەک بەڵێنی بەرپرسانی شارەکە دابویان ۱۸بۆ۲۰ کاتژمێر کارەبامان بدەنێ بەڵام ئێستە کەمتر لە ۹ کاتژمێر کارەبامان هەیە، دوو ساڵە سەیدساق نەوتی بۆ نەهاتووە، کۆڵانەکانی هەموی قوڕ و چڵپاو چاڵی گەورەیە. خۆپێشاندەران لە دروشمەکانیان داوای خزمەت گوزاری و نەوت و کارەبا دەکەن. دیاری رەفیق قایمقامی سەیدسادق، دەڵێ لە قسەکردنی بۆ پەیامنێری ئەڤرۆ نیۆز، دەڵێ، خۆپێشاندان نییە ئەسڵوئەساسی نیە ئامەدەنییە قسەی زیاتربکات،ئەوە لەکاتێدایە شەش کەس دەستگرکراون لە خۆپێشاندەران و بریندارێکیش هەیە بۆ چارەسەر براوەتە نەخۆشخانەی شەهید ڕەوف بەگ.
ئەڤرۆ نیوز،بارزان مزووری:
سه‌رۆكێ باژێرڤانیا كه‌له‌كچی بۆ ئەڤرۆ نیوز گۆت: ژ ئه‌گه‌رێ هاتنا بارانه‌كا زۆر ل ده‌ڤه‌رێ، پرا دناڤبه‌را ناحیا كه‌له‌كچی و ناحیا زێلكان دا ژناڤچوو. شاكر ته‌یب، سه‌رۆكێ باژێرڤانیا كه‌له‌كچی بۆ ئەڤرۆ نیوز گۆت: هاتنا بارانێن زۆر و سر و سارمایا ب سه‌ر هه‌رێما كوردستانێ و پارێزگه‌ها دهۆكێ دا هاتی بوویه ئه‌گه‌ر كو ئه‌و پرا هه‌ردوو ناحیێن كه‌له‌كچێ و زێلكان ل سنوورێ قه‌زا به‌رده‌ره‌ش بخۆڤه دگریت ژناڤچوویه و هه‌رفتیه و نها رێك دناڤبه‌را هه‌ردوو ناحیان دا نه‌مایه.
ئاشكرا ژی كر كو بارانێن زۆر بووینه ئه‌گه‌ر كو ئاڤا رووبارێ گۆمل به‌ره‌ڤ زێده‌بوونێ بچیت و ب ڤێ یه‌كێ ژی پرا رووبارێ گۆمل ژناڤچوو و گۆت: نها باژێرڤانیا مه كار بۆ نووژه‌نكرنا پرا گۆمل دكه‌ت و ل نێزیكترین ده‌م دێ ب دووماهی هێت و هاتن و چوون دیسا تێدا ئاسایی بیته‌ڤه.
نيشاندان