ئەڤرۆ نیوز:
تۆرا BBC یا بریتانی ب ئەگەرێ کێشا ئابووری، بڕیارا دەرکرنا 450کارمەندێن خوە ددەت.
تۆرا BBC د بەیاننامەکێ دا راگەهاندیە، دەرکرنا وان 450 کارمەندان، کو هەموویان کارمەندێن پشکا دارێژتنا نووچەیانە، بۆ پاشەکەفتکرنا گۆژمێ 80 ملیۆن پاوەندانە، هەتا سالا 2022.
فران ئەنزۆرس، رێڤەبەرێ BBCnews راگەهاندیە، تۆرا وان ژ تۆرەکا ئاسایی دێ بەرەف تۆرەکا ئەلکترۆنی ڤە چیت و د ماوێ 10 سالێن داهاتیدا دێ پەیکەربەندیا وێ تۆرێ دوبارە دارێژنەڤە.
ئەڤرۆ نیوز:
ماوێ چار سەدا یە، ل سالێن بیستێ یێن وان سەدان، هێرشا ڤایرۆسێن نوو دبنە ئەگەرێ هێرشێن کوژەک بۆ سەر مرۆڤان.
د راپۆرتەکا کەنالی (سکای نیوز) دا هاتیە، کو ئەڤە چارەمین سەدە لدووڤ ئێک، سالێن بیستێ یێن هەر سەدەکێ، جۆرەکێ ڤایرۆسان بەلاڤە دبیت و هێرشێ ل مرۆڤایەتیێ دکەت.
بەحسێ هندێ دکەت، کو هەتا نوکە فەلەکناس نەشیاینە نهێنییا ئەڤان سالێن بیستێ ئاشکرا بکەن، کو ل هەموو سەدەیەکێ دا وودانەکا هەڤشێوە تێدا روو ددەت.
. سالا ١٧٢٠:
تاعوونەک، کو ب (تاعوونا مەزن) هاتە نیاسین، ل باژێرێ مارسیلیا یێ فرەنسا دا، کو ب ئەگەرێ وێ تاعوونێ نێزیکی ١٠٠ هزار کەسان گیانێ خوە ژ دەست دا.
. سالا ١٨٢٠:
ئێشا کۆلێرا یێ ل (ئەندۆنیسیا، تایلەند و فلیپین) ێ سەرهەلدا، ب ڤێ چەندێ پتر ژ ١٠٠ هزار کەسان گیانێ خوە ژ دەست دا.
. سالا ١٩٢٠:
ئەنفلەوەنزا ئیسپانی سەرهەلدا، کو کارەساتەکا مرۆڤی ل دووڤ خوە دا ئینا و نێزیکی ١٠٠ ملیۆن کەسان، ب ئەگەرێ وێ گیانێ خوە ژ دەست دا، بەحسێ تووشبوونا پێنج سەد ملیۆن کەسێن دی ژی دهێتە کرن.
. سالا ٢٠٢٠:
نوکە ئەنفلەوەنزا کۆرۆنا، کو ل باژێرێ ووهان یێ چینی سەرهەلدایە، دیسان هژمارەکا وەلاتێن جیهانێ ڤەگرتیە، هەتا نوکە پتری ١٦٠ کەسان گیانێ خوە ژ دەست دایە، دیسان پتری 8 هزار کەسان تۆشی ڤێ ئێشێ بووینە.
ئه‌ڤرۆ نیوز:
چاڤه‌رێ دهێته‌كرن ئه‌ڤ شه‌ڤه ل ده‌مژمێر 11:00 یانا به‌رشه‌لۆنا ل یاریگه‌ها خوه مێڤانداریا یانا لیگانیس بكه‌ت ژ چارچوڤێ یاریێن قوناغا 16 ژ كاسا شاهێ ئیسپانیا .
راهێنه‌رێ یانا به‌رشه‌لۆنا كیكى سیتین به‌رى ڤێ یاریێ دیاركربوو كرنا یاریێ به‌رامبه‌ر یانه‌كا وه‌كو لیگانیس یا ب سانه‌هى نابیت تایبه‌ت ل یاریێن كاسێ دا ژبه‌ركو قه‌ره‌بولكرن نینه نه وه‌كو یاریێن خولێ یه له‌ورا پێدڤى یه ب هوشدارى به‌رامبه‌ر ڤێ یانێ یاریێ بكه‌ن.
سه‌باره‌ت خوساره‌تیا ڤالنسیا ناڤبرى دیاركر ئه‌نجامێ وێ یاریێ بوو ئه‌وان گه‌له‌ك یا نه خوش بوو لێ دێ بزاڤێ كه‌ن ل یاریێن بهێت ئاسته‌كێ باشتر و ئه‌نجامێن دلخوش بوو جه‌ماوه‌رێ یانێ ب ده‌ستخوڤه بینن.
ل دووماهیێ ناڤبرى ئاماژه ب وێ چه‌ندێ ژى كر بوو یاریا به‌رامبه‌ر لیگانیس دێ چه‌ند گوهورینا كه‌ت و پێدڤى یه ئه‌و رێزگرتنه‌كا مه‌زن ل تیما به‌رامبه‌ر بگرن ژبه‌ركو نوكه لیگانیس یا د ره‌وشه‌كا باش دا بوریت و د شیانێن وێ دا هه‌یه بشێت هه‌ڤركیا یاریێن مه‌زن بكه‌ت.
ئەڤرۆ نیوز:
ئەڤرۆ بھایێ بەرمیلەکێ نەفتا برێنت د بازارێن جیھانێ دا ب ٥٨ دۆلار و ٣٠ سەنتان بازار پێ هاتیە کرن، هەروەسا بھایێ بەرمیلەکێ نەفتا خاڤ یا ئەمریکی ژی ب ٥٢ دۆلار و٨٠ سەنتان هاتیە فرۆتن.
وەکو دیار بلند بوون و داکەفتنا بھایێ نەفتێ گرێدایی زێدەبوونا ئاستێ بەرھەمئینانا وێ یە ل وان وەلاتێن نەفتێ بەرهەم د ئینن.
ئەڤرۆ نیوز، زنار تۆڤی:
وەسا بریارە ئەڤرۆ پێنجشەمبی پەرلەمانێ كوردستانێ شایستێن دارایی یێن جوتیارێن كوردستانێ گوتۆبێژ بکەت و دوماهیێ ب خولا پاییزێ بینیت.
لدووڤ داخوازناما دەستەیا سەرۆكاتیا پەرلەمانێ كوردستانێ کو ئاراستەی ئەندامێن پەرلەمانی كریە، ئەڤرۆ دەمژمێر 11 بەری نیڤرۆ پەرلەمانێ كوردستانێ دێ كۆم بیت، تەوەرێن كۆمبوونێ دێ پێکهێن ژ گوتۆبێژکژنا شایستێن دارایی یێن جوتیارێن ھەرێما كوردستانێ، كو چەند سالە ژ ئالیێ عێراقێ ڤە ناهێنە دان بۆ جوتیارێن كوردستانێ، هەر چەندە گەلەک بزاڤ هاتینە کرن، لێ هەتا نوکە د بێ ئەنجام نەبووینە.
پەرلەمانتار هیڤیدار ئەحمەد ژ فراکسیۆنا پارتی دیموکراتی کوردستان ل پەرلەمانێ کوردستانێ بۆ ئەڤرۆ نیوز گۆت: ئەڤرۆ دێ پەرلەمانێ كوردستان دوماهیێ ب خولا پاییزی ئینیت و دێ هەیڤەکێ کەڤیتە بهێنڤەدانێ، هەر چەندە دێ لژنێن پەیوەندیدار کارێ خوە ئەنجادەن، لێ ب تنێ د ڤی دەمی دا، کۆمبوونێن پەرلەمانی ناهێنە ئەنجامدان.
دیار کر ژی: پێشتر ب ئەگەرێ پڕۆژە قانوونا چاكسازیێ، پەرلەمانێ كوردستانێ خولا پاییزێ درێژكربوو، لێ ئەڤرۆکە دێ خولا پاییزی ب دوماهی هێت.
ئەڤرۆ نیوز :
ڤیتامین (D) ئێكه ژ ڤیتامینێن لەشێ مرۆڤی كو رۆلەکێ گرنگ هه‌یه د پێكئینانا هەستی و چه‌ند ئه‌ركێن گرنگ د لەشیدا.
د رۆژگارا مە یا ئه‌ڤرۆ دا گەلەک ژ خه‌لکێ ب ده‌ست كێمیا ڤێ ڤیتامینا گرنگ د‌نالن و نۆشدار ژی هۆكارێن ڤێ چەندێ بۆ خرابیا سیسته‌مێ خوارنێ و نەچوونا به‌رهەتاڤێ ب رەنگەکێ پێدڤی دگرنەبەر.
لدووڤ شارەزایێن نۆشداریێ، كێمیا ڤیتامینان چه‌ندین كێشێن مه‌ترسیدار دروست دکەن، كو دبیت تە پێشبینی نه‌كربن ژ وان كێشان ژی :
. زێدەبوونا مه‌ترسیا توشبوونێ ب پەنجەشێرا مه‌مكان.
.زێدەبوونا مه‌ترسیا توشبوونێ ب پەنجەشێرا قۆلۆن و گه‌دێ.
. هەستی خاڤ دبیت.
.خه‌مۆكی و دوودلی.
.زێدەبوونا كێشێ ب شێوه‌کێ نە ساخلەم
. لاوازبوونا سیسته‌مێ به‌رگریا لەشی.
. مه‌ترسیا توشبوونێ ب نه‌خۆشیێن درێژخایەن وه‌ك شه‌كرێ و فشارا خوینی زێدە دکەت.
. خاڤبوونەکا به‌رده‌وام
. تێكچوونا خه‌وێ و نەرێکوپێکی د خه‌وێدا
. وەریانا پرچی و لاوازبوونا وی.
. زێدەبوونا مه‌ترسیا توشبوونێ ب رەبوویێ.
بەرهەڤکرن، زنار تۆڤی:
ئه‌ڤرۆ نیوز، زنار تۆڤى:
سترانبێژ و موزیكژه‌ن عیماد نازم فازل، كو خه‌لكێ باژێرێ كه‌ركوكێ یه و نوكه ل باژێرێ سلێمانیێ دژیت، د دیداره‌كێ دا بۆ ئه‌ڤرۆ نیوز دیار كر: هه‌ر چه‌نده وه‌كو پیشه نۆشدارێ راستكرنا ددانا یه، لێ ل سالا 2015 ب ره‌نگه‌كێ پرۆفشنال هاتیه دناڤا گۆره‌پانا هونه‌رى دا و ده‌ست ب سترانگۆتنێ كریه، هه‌ر چه‌نده به‌رى هنگێ ژى وى ستران دگۆتن، كارێ ژه‌نینا عودێ دكر، هه‌روه‌سا موزیك ل ده‌ف وى هه‌سته‌كێ پیرۆزه به‌هره‌كه خودێ د ده‌ته مرۆڤى، داكو تامێ ژێ ب بینیت، دیسان عود جوانترین ئامیره و نێزیكترین هه‌ڤاله بۆ وى د ژیانێ دا، ژ بلى ئامیرێ عودێ ئه‌و چو ئامیرێن دیتر ناژه‌نیت.
عیماد زێده‌تر دبێژیت: مه‌رج نینه سترانبێژ زێده‌تر ژ ئامیره‌كێ ب ژه‌نیت، لێ هه‌كه شاره‌زایى د ژه‌نینا چه‌ندین ئامیران هه‌بیت، گه‌له‌ك باشتره، لێ ب تنێ تێكه‌لیا من ل گه‌ل ئامیرێ عودێ یه و گه‌له‌ك یا هاریكاره بۆ من د هه‌لبژارتنا وان سترانێن ئه‌ز دبێژم، هه‌ر چه‌نده ئه‌و موزكژه‌نه‌كێ پرۆفشنال ژى نینم.
ناڤهاتى ئه‌و ژى گۆت: هه‌كه ئه‌و به‌رهه‌مێ سترانبێژ چێدكه‌ت، یێ باش بیت و یێ شایسته‌ى هندێ بیت، ب مینیت، ئه‌و به‌رهه‌مه دێ مینیت، ب تایبه‌تى هه‌كه ئه‌و به‌رهه‌مه كلیپه‌كا جوان ژى بیت، هه‌روه‌سا خه‌ونا من یا مه‌زن د هونه‌رى دا ئه‌وه، كو كوردستانێ ب بینم وه‌لاته‌كێ سه‌ربه‌خوه، دیسان خه‌ونا من یا دیتر ئه‌وه، كو ئه‌ز هه‌رده‌م یێ به‌رده‌وام بم ل سه‌ر كارێ خوه یێ هونه‌رى، دیسان ئه‌ز خوه ب قه‌ردارێ وان هه‌موو كه‌سان دزانم ییچن رۆژه‌كێ ژى د وارێ هونه‌رى دا هاریكاریا من كرى، ب تایبه‌تى ژى دایك و بابێن من و خێزانا من، هه‌روه‌سا ئه‌ز هه‌رده‌م یێ ئاماده مه كارێن هونه‌رى بۆ پێشمه‌رگان بكه‌م، ژ هه‌موو دلێ خوه ئه‌ز حه‌ز دكه‌م رۆژه‌كێ ژ رۆژان سرۆده‌كا نیشتیمانى پێشكێشى وان بكه‌م.
ئەڤرۆ نیوز، بارزان مزووری:
ئەڤرۆ رێکەفتی 29/1/2020ده‌زگەهێ خێرخوازی بارزانی ب هه‌ڤكاری ل گه‌ل وه‌لاتێ کوێتێ 1000 سه‌لێن خوارنا هشك لسه‌ر ئاوارێن کەمپا حەمام عەلی و خەلکێ مووسل دابەشکرن.
رزگار عۆبێد، نوونه‌رێ ده‌زگەهێ خێرخوازی یێ بارزانی بۆ ئەڤرو نیوز گۆت: گەهاندنا هاریکاریا بۆ خەلکێ مووسل ئێک ژ کارێن مروڤایەتی یە ژبەرکو خەلکێ مووسل د قوناغەکا هەستیار یا هەژاریێ دا دژیت ئەڤرۆ هاریکاری ل سەر 1000 خێزانێن کەمپا حەمام عەلی و خەلکێ مووسل هاتنە دابەشکرن.
ناڤهاتی خویاکر ل حەفتیا بوری مە هاریکاری بۆ زێدەتر 5000 خێزانێن هەژار کێم دەرامەت یێن ناڤ باژێرێ مووسل گەهاندن.
ئەڤرۆ نیوز:
پەیڤدارێ حوکمه‌تا هه‌رێما كوردستانێ روونكرنەک بەلاڤ کر
ئەڤە ده‌قێ روونكرنا پەیڤدارێ حوکمەتا هەرێمێ:
ب داخڤە ئەندامەکێ جڤاتا نیشتمانی یا بزاڤا گۆڕانێ ب ناڤێ چالاک موهەندیس کۆمەکا گۆتنێن بێ بنەما و دوور ژ راستیێ کرینە بەرامبەر حکومەتا هەرێما کوردستانێ، ئەم ئەوان تۆمەتێن بێ وژدان ب تووندی رەتدکەین، حوکمەتا هەرێمێ قەبوول ناکەت خەلکەکێ هەڤشێوێ چالاک موهەندسی، کو ب فیتیا کەسێن دیتر دهێنە هەلسوراندن، پشکداریێ د حکومەتێ دا بکەن، هەتاکو بێژن ژ ئەدایا حکومەتێ رازینە یان نە.
بزاڤا گۆڕان ل دەف مە ئەو سەرکردایەتی و کەسێن خودان هەڵویست و ئەو وەزیرێن بەڕێز، کو د حکومەتێ دا پشکدارن و ئەندام و لایەنگرێن نیشتمانپەروەرن، چاکسازی ژی بەرنامێ سەرەکی یێ حکومەتێ یە، موزایەدا ڤان جۆرە کەسان، ژ دەسکەفتێن حکومەتێ و باوەریا خەلکێ ب حکومەتێ کێم ناکەت.
جووتیار عادل
پەیڤدارێ حکومەتا هەرێما کوردستانێ
2020/1/29
نيشاندان