ئەڤرۆ نیوز، زنار تۆڤی:

ئەڤ شەڤە و ل دەمژمێر 11:30 خولەک فرۆکێن سۆپایێ تورکی ب دژواری دەردورا گوندێ کێستە ل دەڤەرا بەرواری بالا بوردۆمان کر.

کۆڤان ئەحمەد وەلاتیەکێ گوندێ کێستە یە بۆ ئەڤرۆ نیوز دیار کر: بەری دەمەکێ کێم فرۆکێن ئێف 16 یێن سۆپایێ تورکیا ب دژواری دەردورا گوندێ کێستە بۆمبە باران کر و ئەو جهێ هاتیە بۆمبە باران کرن، نێزیکی دو کیلۆمەتران ژ گوندی دوورە و ژ ئەنجامێ بوردومانکرنێ پرچکێن وان بۆمبان ب ناڤا گوندی کەفتینە، هەروەسا ژ ئەنجامێ دەنکێ وان بۆمبان بانێ هندەک دوکان و مالان هاتیە خوار و پرچکێن وان بۆمبان ب پەنجەر و دەرگەهێن مالان ژی کەفتینە.

ئه‌ڤرۆ نیوز، بارزان مزوورى:

ئه‌ڤرۆ رێكه‌فتى 22/1/2020 ل ژێرچاڤدێریا”سه‌ردار یه‌حیا عەبدولعەزیز” قائیمقامێ قه‌زا شێخان وورك شوپه‌ك هاته‌ ڤه‌كرن بۆ ماوێ دو رۆژا ژلایێ رێكخراوا”PCPM” یا هاریكاریێن نیڤده‌وله‌تى ل هولێن ناوه‌ندا وه‌رزش و لاوێن شێخان، پشتى وورك شوپ ب دوماهیك بهێت ئه‌ڤ رێكخراوه‌ دێ ده‌ست ب دروست كرنا پرۆژێ دروست كرنا بازارێ”گه‌له‌رى” یه‌ كۆ زێده‌ترى 100 دوكانا پێك دهێت دناڤ سه‌نته‌رێ شێخان.

ئه‌ندازیار خالد نه‌رمۆ، سه‌رۆكێ باژێرڤانیا قه‌زا شێخان بۆ ئه‌ڤرۆ نیوز گۆت: ئه‌ڤ وورك شوپه‌ پێك دهێت بۆ چاوانیا ئه‌نجام دان و هه‌لبژارتنا پرۆژا بۆ ستافێ كارمه‌ندێن باژێرڤانیا شێخان و یێن سه‌ر ب باژێرڤانیێ ڤه‌ ل قه‌زا شێخان وه‌كۆ یا دیاره‌ ژى حكومه‌تا هه‌رێما كوردستانێ گرنگیه‌ك باش ده‌ته‌ قه‌زا شێخان ژبه‌ركۆ قه‌زا شێخان پێتڤى ب ڤان جوره‌ پرۆژایه‌ ژبه‌ر وێ چه‌ندێ رێكخراوێن بیانى ده‌ستێ هاریكاریێ بۆ ڤێ ده‌ڤه‌رێ دكه‌ن ،

ناڤهاتى خویاكر ئێك ژ پرۆژێن گرنگ یێن ڤێ رێكخراوێ بۆ قه‌زا شێخان ئه‌نجام ده‌ت ئه‌وژى پرۆژێ دروست كرنا بازاره‌كێ”گه‌له‌رى”یه‌ بۆ گرنگى دان به‌رهه‌مێ خومالى دناڤ بازارى دا و رێكخستنا بازارێ شێخان بۆ دیتنا ده‌لیڤێن كارى بۆ خه‌لكێ ده‌ڤه‌رێ ئه‌وێن كێم ده‌رامه‌ت له‌وما بریار هات دان ئه‌ڤ پرۆژه‌ بهێت دروست كرن دناڤ سه‌نته‌رێ شێخان.

ناڤهاتى گۆت ئه‌ڤ پرۆژه‌ ئاماده‌كارى بۆ هاتینه‌ كرن زێده‌ترى 100 دوكانا پێك دهێت یێن جوراو جور دناڤ ڤى بازارى دا دێ هه‌موو پێتڤى یێن رۆژانه‌ هێن دابین كرن بۆ خه‌لكێ قه‌زایێ .
بیوتر ستوبكا،نوێنه‌رێ رێكخراوا “PCPM” ل عێراقێ بۆ ئه‌ڤرۆ نیوز گۆت:پشتى وه‌رگرتنا موله‌تێ ل هه‌رێما كوردستانێ ئه‌ڤه‌ ئێكه‌م پرۆژێ مه‌یه‌ ل هه‌رێما كوردستانێ دهێته‌ دروست كرن ل قه‌زا شێخان.

ناڤهاتى خۆیاكر ژبلى ڤى پرۆژه‌ى مه‌ پلانێن مه‌زنتر هه‌نه‌ كۆ ل هه‌موو باژێرێن كوردستانێ پرۆژێن خزمه‌تگوزارى ئه‌نجام ده‌ین بۆ خه‌لكێ كوردستانێ.

ئه‌ڤرۆ نیوز، عه‌لى حاجى :

رێكخراوا هاریكاریا كوردى-ئه‌مریكى ب هه‌ڤكاریا هندەک خوه‌به‌خشان ل پارێزگه‌ها دهوكێ و ب پشكداریا 40 ئامیران رابوون ب بن ئاخكرنا گلێشى ل تاخێ خوا كورك ل زاخۆ بۆ وێ چه‌ندێ ئاگر ب وى گلێشى نه‌هێته‌ به‌ردان.

بلند بریفكانى سه‌روكێ رێكخراوا هاریكاریا كوردى- ئه‌مریكى بۆ ئه‌ڤرۆ نیوز گوت : ئه‌ڤ كاره‌ ب هاریكاریا ژماره‌كا خوه‌به‌خشان هاته‌ ئه‌نجام دان ژ بۆ ڤێ چه‌ندێ مه‌ 40 ئامیره‌ ته‌رخان كرینه‌ بۆ بن ئاخ كرنا وى گلێشى ل تاخێ خوا كروك و ئه‌ڤرۆ روژا چار شه‌مبێ ئه‌ڤ هه‌وه‌ دێ ب دوه‌ماهى هێت و پشكه‌كا وى گلێشى دێ هێته‌ بن ئاخ كرن به‌لێ ئه‌وا مایى پێدڤى یه‌ هنده‌ك كه‌سێن دیتر رابن ب پاقژ كرنا ڤى گلێشى و هه‌ر دیسان هیڤى خازین هاولاتى ژى هاریكار بن كو ئێدى به‌رمایك و گلێشێ خوه‌ ل ڤى جهى نه‌دانن و هێڤى خازین ژ حكومه‌تا هه‌رێما كوردستانێ ئێدى كارگه‌هه‌كێ ل زاخۆ ب دانن بۆ ڤى گلێشى یان ژى وه‌كو باژارێن دیتر به‌رماك و گلێشى ل زاخۆ ره‌وانه‌ى كارگه‌ها كواشێ بكه‌ن ژبه‌ر كو ب ڤى ره‌نگى سه‌ره‌ده‌رى دگه‌ل گلێشى بهێته‌ كرن كاره‌ساته‌.

ناڤهاتى زێده‌تر گوت : ئه‌م سوزێ ده‌یت ئێدى گلێش ل ڤى جهى نه‌هێته‌ دانان و ئه‌ڤ چه‌نده‌ هاته‌ كرن وه‌كو چاره‌سه‌رییه‌كا ده‌مكى دا كو ئێدى هاولاتى توشى زیانان نه‌بن به‌ر كو هه‌كه‌ سه‌ره‌ده‌رى ب ڤى ره‌نگى دگه‌ل گلێشى بهێته‌ كرن دێ زیان و نه‌خوه‌شیێن مه‌زن دووڤ خوه‌ دا ئینیت .