ئه‌ڤرۆ نیوز:
سه‌رۆك بارزانى ل سه‌لاحه‌دین پێشوازیا نه‌جم ئه‌لجبوورى پارێزگه‌رێ نه‌ینه‌وا كر، د دیداره‌كێ دا، ره‌وشا باژێرێ مووسل و ده‌ڤه‌رێن دى یێن پارێزگه‌ها نه‌ینه‌وا و ره‌وشا ئاڤه‌دانكرنا ده‌ڤه‌رێن ئازادكرى و ره‌وشا ئاواران، هه‌روه‌سا ئالوزیێن هه‌مبه‌ر ڤه‌گه‌راندنا ئاواران بۆ ده‌ڤه‌رێن وان به‌حس كرن.
هەروەسا مه‌ترسیێن سه‌رهلدان و بهێزبوونا تیرورێ و پێدڤیا هه‌ماهه‌نگیا لایه‌نان بۆ روو ب روو بوونا تیرورێ ته‌وه‌ره‌كێ دى یێ دانوستاندنێ بوون.
ئه‌ڤرۆ نیوز، رەوان نهێلی:
ل دۆر بڕیاره‌كا دادگه‌ها كارگێرى، عه‌ریزه دێ وه‌كو به‌رێ زڤرن پشتى كو پارێزه‌ر دلوڤان كه‌مال ئه‌حمه‌د سكالا ل دژى وه‌زیرێ داد توماركرى، سه‌باره‌ت گرێبه‌ستا هاتیه ئیمزاكرن دگه‌ل كۆمپانیا INFORR LTD یا بریتانى كو ل دادنڤیسێن هه‌رێما كوردستانێ كار بكه‌ن.
ل گۆره‌ى بڕیارا دادگه‌هێ ئه‌و بڕیاره هاته هه‌لوه‌شاندن ژبه‌ر كو به‌روڤاژى یاسایێ بوو.
پارێزه‌ر دلوڤان كه‌مال بۆ ئه‌ڤرۆ نیوز دیاركر، بڕیارا وان ئه‌گه‌ر ل دادگه‌ها ته‌میزێ ژى هاته په‌سه‌ندكرن، بڕیار دێ هێنه بجهئینان و عه‌ریزه وه‌كو به‌رێ دێ زڤرن، له‌وما ئه‌و چاڤه‌رێى بڕیارا دووماهیێ یا دادگه‌ها ته‌میزێ دكه‌ن.
ئەڤرۆ نیوز:
ئەڤرۆ كۆمپانیا بریتش پێترۆلیۆم یا بریتانی، كو مەزنترین كۆمپانیا نه‌فتی و وزێ یە ل بریتانیا، خوە ژ كێلگەهێن نه‌فتا كه‌ركووكێ خوە ڤەكێشا، ئه‌ڤە ژی وه‌ك ئاماژه پێ هاتیە دان، پشتی کو ماوێ گرێبه‌ستا وان کو ب گوژمێ 100 ملیۆن دۆلاران هاتیە ئیمزا کرن، ته‌مام بوو، چ رێككه‌فتنێن نوو بۆ بەرفرەهکرنا كێلگەهێن نه‌فتا وێ پارێزگەهێ نه‌كرینە.
به‌رپرسەکێ بلند یێ كۆمپانیا نه‌فتا شیمال گوتیە، کو سه‌رپه‌رشتیا پرۆسا كێلگه‌هێن كه‌ركووكێ دکەت، ڤەكێشانا بریتش پێترۆڵیۆم پشتراست كریه.
گوت ژی: روون و ئاشكرایه كو ئه‌نجامێ وێ دیراسێ هانده‌ر نه‌بوو بۆ هندێ کو كۆمپانیا بریتش پێترۆڵیۆم پرۆسێن درێژتر بكەت.
ئەڤرۆ نیوز:
سه‌رۆكێ هه‌رێما كوردستانێ، نێچيرڤان بارزانى و وه‌زيرێ ده‌رڤە یێ توركيا، مه‌ولوود چاوشئۆغلو كۆمبوون و هه‌ردو ئالیان جه‌خت ل سەر په‌ره‌پێدانا زێدەتر یا په‌يوه‌نديێن هه‌ولێر و ئه‌نقه‌ره كریه.
سایتێ سه‌رۆكێ هه‌رێمێ كوردستانێ، بەلاڤە کریه،
ئه‌ڤرۆ د په‌راوێزا پشکداريكرنێ د گەرا 50 یا كۆڕبه‌ندێ ئابووری یێ داڤۆس دا، نێچیرڤان بارزانی، سه‌رۆكێ هه‌رێما كورستانێ ل گه‌ل مه‌ولوود چاوشئۆغلو، وه‌زيرێ ده‌رڤە یێ توركيا كۆمبوو.
ئەڤرۆ نیوز:
رێڤەبەریا گشتی یا نەهێلانا مادێن هۆشبەر یێن ئاسایشا هەولێرێ دەست ب سەر 130 کیلۆگرامێن مادێ هۆشبەر ژ جۆرێ هێرۆین گرتن و ئەو باند ژی دەستگیر کر.
رێڤەبەریا گشتی یا نەهێلانا مادێن هۆشبەر د راگەهاندنەکێ دا گۆت، ب هەماهەنگی ل گەل ئاژانسا پاراستنا ئاسایشا هەرێما کوردستانێ وان چالاکیەک ئەنجامدایە، سەرەرای دەستگرتن ب سەر وێ برا مادێ هۆشبەر سێ تۆمەتبار ژی هاتینە دەستگیر کرن.
هەروەسا گۆتیە، ئەو تۆمەتبارە لدووڤ قانوونا 14 یا مادێن هۆشبەر پەرێن ڤەکولینی بۆ هاتینە ڤەکرن و هاتینە رەوانە کرن بۆ دادگەهێ.
ئەڤرۆ نیۆز، قائید میرۆ:
سیاسەتمەدارەکێ کورد ئاماژێ ب ڤێ چەندێ دکەت، نوکە دەڤەر یا د کاودانێن دژواردا دەربازبیت و پێدڤیە کورد ئێکگرتی بن ھەمبەر گۆھڕینێن دھێنەکرن ل عێراقی َو دەڤەرێ.
د. مەحمود عوسمان، سیاسەتمەدارێ کورد بۆ ئەڤرۆ نیۆز دیارکر” کورد پشکەک نینە ل ھەڤڕکیا ناڤبەرا ولاتێن زلھێزێن جیھانێ و بەردەوام کوردان رۆلێ چارەسەرکرنا ئاریشەیێن عێراقێ ھەبوویە، بەلێ یا کەفتیە ھندەک کاودانێن بەرتەنگدا و کاریگەری کریە سەر چارەسەرکرنا ئاریشەیێن نافخۆیا عێراقێ ژی، چونکە دەمێ رەوش ل دەڤەرێ ئالۆزدبیت کاریگەریێ دکەتە سەر ھەموو وەلاتان.
ئەڤی سیاسەتمەتدارێ کورد گۆتژی” بەری نوکە ھەرێما کوردستانێ بەردەوام بزافکرینە ئاریشێن عێراقێ ب شێوەیەکی ئاشتیانە بھێنە چارەسەرکرن، نوکەژی رەوشا عیراقێ یا دژوار دبیت و کورد دشێن رۆلێ خوە بۆ چارەسەرکرنێ ببینین.
د. مەحمود عوسمان دبێژیت” پێدڤیە کورد ئاگەھداری وان گۆھڕینان بن یێن ل عێراقێ، نابیت کورد بھێنە پشتگوھاڤێتن، چونکە بێی کوردان چو بڕیار ل عێراقێ سەرناگرن.
ئەڤرۆ نیوز:
مایک پۆمپیۆ وەزیرێ دەرڤە یێ ئەمریکا راگەهاند کو وان شیایە د چەند حەفتیێن بۆری دا مەترسیا شەرێ د ناڤبەرا ئەمریکا و ئیرانێ دا کێم بکەن.
وەزیرێ دەرڤە یێ ئەمریکا راگەهاند کو مە نەڤێت چو شەرێن دی ل رۆژهەلاتا ناڤین روو بدەن و ژ بەر هندێ ژی بزاڤێن مەزن هاتنە کرن دا رێگری ل شەرەکێ نوو ل رۆژهەلاتا ناڤین بهێنە کرن.
ئەڤرۆ نیوز:
دەزگەهێن راگەهاندنا تورکیا دیار کرن کو ئەمریکا ٤٢٥ کەسێن تورک کو ل بنگەهێ سەربازی یێ ئینجیرلیک کار دکرن ژ کاری دەرخستیە و بۆ وان دیار کریە کو ئێدی ئەو نەشێن ل بنگەهێ سەربازی یێ ئەمریکا کار بکەن.
دەمەکە پەیوەندیێن تورکیا و ئەمریکا ئالۆز بووینە و ئەمریکا د گەلەک بیاڤان دا دەست ب سزادانا تورکیا کریە و رەنگە سزایێن گران ژی ل سەر تورکیا بسەپینیت.
نيشاندان